१ तिमोथी 1:20 - जिरेल

²⁰ थेबे नाङ हाइमेनियसताङ अलेक्‍जेन्‍डरोङ फाप्‍क्‍यो। प्रभु येशू ख्रीष्‍टला विरोध खिता मेङच्‍याक्‍वा सिन छ्या स्‍येस्‍यीत सिन ङे थेबा ङिकारला शैतान लाःक्‍तु सोम्‍पे खाबा ओत।

१ तिमोथी 1:20 Iomraidhean Croise

मत्ती 18:17

थोक खाला मेरा ङि सुम डिक्‍ला बात खित्‍जीनोङ थेकी ङेनराङ माङेन्‍सुङ सासीन ज्‍येन आज्‍यो न्‍वाओनलाङ गाङेला रूला थेला थोरूमोङ सम्‍झे खि। गाङे दोन्‍दु थोक खित्‍जीनोङ थेकी ङे थोक खाबाते ईनराङ मेन सासीनचेन खेराङ आज्‍यो न्‍वा सिरा ताङला ख्‍योकोनगी थेला कर लिन्‍कान्‍तेताङ परमेश्‍वरला छ्या मेस्‍येकान्‍ते मि च्‍योकराङ ठाने खि।

शक्ति काम 13:45

थोक काल्‍बेई मि थेरू वाबा थोङगीन थानी मि गाङे पावलताङ बारनाबास छ्य्‌वापाका लै खिताला स्‍यूसुङ सिन यहूदीओनला खोक्‍पो खाईन स्‍येदाङ लासुङ। थेमे थेबेकी थेरू ओताते मिओनला पावलगी खाबाते बात ईनराङ मेन्‍दे बात ईन सिन आउदी खाईन थे विरोध खिताला स्‍यूसुङ।

शक्ति काम 19:33

थेबे नाङ कोई कोई यहूदीङ ओतान। थेरू थेबेकी खोपरोङ जातकी अलेक्‍जेन्‍डर सिरातेला थोङगीन थेला थे मिओनताङ बात खि सिन सासुङ। थेरू थोक मेलेबा खाईन हूलदङ्गा ओङाते खोपरोङ यहूदीओनगी खित्‍सादु मेन सिन सिराप सिन अलेक्‍जेन्‍डरगी गाङेला खाराक्‍पा देत सिन लाक्‍पेकी चाल खासुङ।

१ कोरिन्‍थी 11:32

ङुरूङगी गल्‍ती खित्‍जीन प्रभु परमेश्‍वरगी ङुरूङला दुक्‍पा बिन्‍ला ताला लुच्‍येतेचेन था तिरी मि गाङे न्‍याय खिते छोमु ङुरूङगीङ दि सा लुङबे मिकी च्‍योक खाला सजाय मेङेत्‍स्‍यीत सिनराङ ईन।

२ कोरिन्‍थी 10:6

दोक खाईन ख्‍योकोन गाङेकी ङ्योकोनगी लाःपा कोताते लेमु खाईन ङेन्‍नामेईचेन ङ्योकोन बात मेङेन्‍कान्‍तेबाला चुक खिता फाप्‍कीते सिन ङ्योकोनला लेमु खाला छ्या ओत।

२ कोरिन्‍थी 13:10

था ङे थेपा वानामेई ङाराङताङ खजो अधिकार ओते सिराच्‍योक मिक्‍किता खाला ख्‍योकोनताङ खा छ्येत लेमुकी बात खिता ङेत्‍स्‍यीत सिन ङे थारीला ओते बेलालाराङ दि बाततेबा टिबाते ईन। च्‍यिला सासीन प्रभु ख्रीष्‍टकी ङाला बिन्‍दाते अधिकार ख्‍योकोनला ङ्ये ज्‍युताला मेन, बरू ख्‍योकोनला लेमु ओङस्‍यीत सिन लाःप्‍ला कोत्‍ला तेराला बिन्‍दाते ईन।

२ थिस्‍सलोनिकी 3:15

ङ्योकोनगी दोक साबाते थोक्‍ते मिला शत्रुला च्‍योकराङ खि साबाते मेन याङ। बरू थेङ खेराङ आज्‍यो न्‍वाराङ ईन सिन सम्‍झे खाला थेला थोक खाला अल्‍छी खाला देता लेमु मेन सिन सि।

१ तिमोथी 5:15

थोक्‍ते फेम्‍मे मि नाङ कोई कोई येशू ख्रीष्‍टला विश्‍वास खिता ताङगीन शैतान छ्य्‌वापा लै खाबेकी खित्‍सादु ङे दि बात साबाते ईन।

२ तिमोथी 2:14

दि बातओन थेरू गाङेला याङ याङ सिनराङ देत। टेकाटेउरी स्‍योरच्‍येते बात माकेत सिन खुई थेबाला प्रभु परमेश्‍वर ङोन्‍दु कोत। टेकाटेउरी खाला छ्याःङ लेमु मेङगो। येशूला विश्‍वास खित्‍कान्‍ते ज्‍येनतेबे दोन्‍दु दोक्‍ते बात खित्‍जीन थेबेकी थेबाला ङ्ये ज्‍युत्‍क्‍यो।

२ तिमोथी 2:17

थेबेकी लोप्‍च्‍येते बातचेन बेल्‍गीन डोच्‍येते मा च्‍योकराङ ईन। मा बेल्‍गीन ड्वाप च्‍योकराङ खाला थेबे बात फैले खिन गाल्‍ला मि काल्‍बेईला ङ्ये ज्‍युत्‍क्‍यो। थोक्‍ते बात लोप्‍कान्‍ते नाङ हाइमेनियसताङ फिलेतसोङ ईन।

२ तिमोथी 3:2

थेजीन मिओनगी खालि दाक्‍पोन विचारकामा खिओ, गाङेराङ पैसे लोभलाकामा स्‍यूइओ। थेबेकी ङा ङाराङ ईन सिन धाक लै खिओ थेमे छ्ये खिओ। थेजीन मिओनगी मेन्‍दे बातला ज्‍येनला दोष लै खिओ, आबा आमेकी लाःपा कोताते मेङेनो, खोपरोङला लेमु खित्‍कानला लेमु खासुङ सिराच्‍योक मिक्‍किओ थेमे परमेश्‍वरला मन परे मिक्‍किच्‍येते कामकामा खिओ।

हिब्रू 12:5

च्‍यि ख्‍योकोनगी परमेश्‍वरगी खेराङला फुज्‍युङ सिन अर्ती खिन दोक सिन साबाते बाततेबा टोक ज्‍येत्‍सुङ? थेकी “फुज्‍यो, खुई लेमु खित्‍स्‍यीत सिन प्रभु परमेश्‍वरगी थाप्‍जीन ङारजीन नामज्‍योक मेसेता खाला मादेत, थेकी खोल्‍ला ताला लुजीन सेम मासेत।

छ्या स्‍ये च्‍युताते बात 13:1

थेरूई थे डुक समुन्‍द्रे छेउदु गाल्‍गीन लाकीन देत्‍सुङ। थेमे दि तिरी ङे समुन्‍द्रे नाङदुकी जन्‍तुज्‍यीक थेन्‍गीन वाबा थोङसुङ। थेते रोज्‍यो च्‍युताम्‍बाताङ गोः दुईन ओतान। थे जन्‍तुकी रोज्‍यो रेरेला श्रीपेज रेरे खोन्‍दा ओतान। थे गोःओनलाचेन गोः रेरेला परमेश्‍वर विरोध खित्‍च्‍येते मिन टिबा ओतान।

छ्या स्‍ये च्‍युताते बात 3:19

ङाराङगी ङिङज्‍ये खाबाते मिओनला ङा थाप्‍क्‍यो थेमे लेमु काम खित्‍स्‍यीत सिन आबेकी फुज्‍युङला च्‍योक ङा थेबाला तालाङ लुक्‍यो। ख्‍योकोनगी खिन ओताते मेलेबाते काम खिता ताङला ङे कोता कोताच्‍योक खि।