१ तिमोथी 1:18 - जिरेल

¹⁸ फुज्‍युङ तिमोथी, ङे खोल्‍ला कोई कोई मिओनला चुक खि सिन कोत साबा ओताने ङे साकीन ज्‍याक्‍पा च्‍योकराङ खि। थेमे परमेश्‍वरगी सिर च्‍युताते बात खित्‍कान्‍ते मिओनगी गोमा खोरोङ विषयला साबाते बाततेबा टोक माज्‍येत। होथे बाततेबा सम्‍झे खाला खुई ङे खोरोङला खि साबाते काम लडाइँ खित्‍च्‍येते च्‍योकराङ दुक्‍पा ईन्‍सीनोङ लेमु खाला खिता थुप्‍क्‍यो।

१ तिमोथी 1:18 Iomraidhean Croise

शक्ति काम 16:1

थोक खिन पावलबा डर्बीपा लेप्‍सुङ। थेमे थेरूकीङ लिस्‍त्रापा गाल्‍सुङ। लिस्‍त्रादु तिमोथी सिराज्‍यीक येशू चेला ओतान। थेते आमाते यहूदी थेमे आबाचेन ग्रीक ओतान। थे आमातेङ येशूला विश्‍वास खित्‍कान्‍ते मि ओतान।

१ कोरिन्‍थी 4:17

ङे खाबा च्‍योकराङ खित्‍च्‍येते ख्‍योकोनला लाप्‍ला तेरस्‍यीत सिनराङ तिमोथीला ङा ख्‍योकोन ओत्‍सापा तोङगीन ओत। दि प्रभु येशूकी खि साबा च्‍योकराङ खाला काम खित्‍कान्‍ते मि ईन। दिला ङा ङिङज्‍ये खिओ। दि ङेते ङाराङ फुज्‍युङ च्‍योकराङ ईन। ङा येशू ख्रीष्‍टताङ जीउज्‍यीकराङ ओङाते मि ईन्‍देकी ङे चुक खिका, च्‍यि खिका सिरच्‍येते गाङे बात था दिकी ख्‍योकोनला लोप्‍क्‍यो। ङे तिमोथीला ख्‍योकोनला लोप ताङाते बातराङ ङा गाङेपा ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लोप्‍कीन ओत।

१ कोरिन्‍थी 9:7

च्‍यि ख्‍योकोनगी सुइँदा लडाइँला डोकान्‍ते मिल्‍टेरीकी थे खोरोङ खर्च सोकीन गालाते थोङा ओत? थेमे च्‍यि अंगूर खेती खित्‍कान्‍ते मिकी थे खोरोङ स्‍यीङगी अंगूर मास्‍साओ? थोकराङ खाला च्‍यि रा लुक सोला सुइँदेकी थेबे थारा ओमा मास्‍साओतरो?

फिलिप्‍पी 2:22

तिमोथी थे खोरोङगी खिता फाप्‍च्‍येते काम चुक लेमु खाला खित्‍कान्‍ते मि ईन्‍दे सिन ङे ख्‍योकोनला सिरा माफाप्‍तासीन। फुज्‍युङतेकी आबातेताङ डिगीन काम खाबा च्‍योकराङ खाईन दिकी ङात्ताङ डिगीन ज्‍येनला गा लाङच्‍येते बात लापा ओत।

१ तिमोथी 1:2

ङा दि चिट्ठी तिमोथी खोल्‍ला टिगीन ओत। ङे खित्‍सादु येशू ख्रीष्‍टला विश्‍वास खाबेकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

१ तिमोथी 1:5

ङे खोल्‍ला होथे मिओनला दोक खि, थोक माकेत सिन कोत साबातेचेन थेबेकी ज्‍येनतेबाला ङिङज्‍ये खित्‍स्‍यीत सिनराङ ईन। थोक खाला ङिङज्‍ये खिताला थेबे सेम लेमु ओङा फाप्‍क्‍यो, दाक्‍पोनला ङे दोक खिता ठीक मेन सिराच्‍योक लाबाते काम छ्याःङ खिता मेङगो, थेमे खेकीकामा मेन्‍देकी येशू ख्रीष्‍टला पक्‍काराङ खाला विश्‍वास खिता फाप्‍क्‍यो।

१ तिमोथी 4:14

येशू ख्रीष्‍ट मिओनला ताकान्‍ते मिओनगी खुई गोःकी लाक लाक्‍पा ज्‍याक्‍ला प्रार्थना खिते बेलाला कोई कोईकी परमेश्‍वरगी खुई विषयला सिर च्‍युताते बात खाबा ओतान। थोक खाईन परमेश्‍वरगी खोल्‍ला सीप बिन्‍दा ओतान सिन खुई टोक ज्‍येता मेतासीन। थेकी खोरोङला दोक खाईन बिन्‍दाते सीप पित मोतोङा खाला लेमु खाला चले खिन देत।

१ तिमोथी 4:4

च्‍यिला सासीन मिओनला सिन जोबाते ईन्‍स्‍यीत, ज्‍येनतोक ईन्‍स्‍यीत परमेश्‍वरगी जोबाते जति गाङे लेमु ईन, मेलेबा सिराते छ्याःङ मेत। थेकीराङ बिन्‍दाते ईन सिन थेला धन्‍यवाद बिन्‍गीन सोसीन सा मेङच्‍येते सिराते छ्याःङ मेत।

१ तिमोथी 6:20

लो तिमोथी, परमेश्‍वरगी खोरोङला जिम्‍मा बिन्‍दाते काम खि साबा च्‍योकराङ खाला खिन देत। परमेश्‍वर बातताङ डिकराङ मिडिक्‍च्‍येते कामराङ लै मिक्‍किच्‍येते बातला नामज्‍योक मासेत। च्‍यि बात चुक ईन्‍दे सिन लेमु खाईन छ्या स्‍येबा ओताच्‍योक खाला सत्‍यते बात ईन सिन मेन्‍दे बात लोप्‍कान्‍ते मि बात नोमुङ माङेन।

२ तिमोथी 1:2

ङा दि चिट्ठी ङे ङिङज्‍येते फुज्‍युङ तिमोथी खोल्‍ला टिगीन ओत। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

२ तिमोथी 4:7

दुक्‍पा किम्‍मु जस्‍तो ओङजीनोङ ङे ङाराङ काम लेमु खाईन खाबा ओत, बत्ते खित्‍कान्‍ते मि ख्‍योला फाप्‍सासाक लेपाच्‍योक खाईन ङेङ ङाराङगी खिता फाप्‍च्‍येते काम गाङे खाईन सिन्‍दा खाबा ओत। थेमे येशू ख्रीष्‍टला विश्‍वास खाईन ङेन्‍दाते बात ङे जुनी खाङ ङेन्‍गीनराङ देताप।

तीतस 1:4

दि चिट्ठीचेन ङा तीतस खोल्‍ला टिगीन ओत। खोङ ङे च्‍योकराङ खाला प्रभु येशू ख्रीष्‍टला विश्‍वास खित्‍कान्‍ते ईन्‍देकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरगी थेमे ङुरूङला पापदुकी डेल्‍कान्‍ते येशू ख्रीष्‍टकी खोल्‍ला दया खाला लेमु खिनराङ देत्‍स्‍यीत।

फिलेमोन 1:10

ङेचेन खोल्‍ला मिज्‍यीक लाईदु बात खिता चालाते ईन। थे मिचेन ओनेसिमस ईन। ङा दुरू जेलदु ओत्‍जीनराङ ङे खित्‍सादु दिकी येशू ख्रीष्‍टला विश्‍वास खिताला स्‍यूबेकी दि ङेते ङाराङ फुज्‍युङ च्‍योकराङ ओङा ओत।