१ तिमोथी 1:16 - जिरेल

¹⁶ ङा थोक्‍ते मि ईन्‍सीनोङ पापीओनला थे खोरोङगी चुक खिते सिरच्‍येते बात गाङेकी छ्या स्‍येस्‍यीत सिन येशू ख्रीष्‍टकी ङा च्‍योक्‍ते मिलाङ स्‍येदाङ सिराते बान्‍दा मिक्‍किता खाईन दया खासुङ। ङे तिरी थे खोरोङला विश्‍वास खाला नोमुङ मिसिन्‍च्‍येते जुनी ङेत्‍कान्‍ते मिओनगीङ थेकी थेबा खोपरोङला ङाला खाबा च्‍योकराङ स्‍येदाङ खिता साटोला दया खिओ सिन छ्या स्‍येस्‍यीत सिन थेकी ङाला थोक खाबा ओतान।

१ तिमोथी 1:16 Iomraidhean Croise

लूका 15:10

ङा ख्‍योकोनला च्‍यि सिते सासीन तोराते डबल ङेत्‍नामेई थे फेम्‍मे मि गा खाबा च्‍योकराङ खाला सुइँदा पापीज्‍यीककामा थे खोरोङ पापी दुका सिन छ्या स्‍येकीन परमेश्‍वर छ्य्‌वापा लै खासीन परमेश्‍वर दूतओनोङ आउदी खाला गा खिओ,” सिन सिदुक।

लूका 23:43

येशूकीचेन थेला “खो ज्‍यीबा माकेत। खो थरिङमेईराङ ङात्ताङ स्‍वर्गने देता ङेत्‍क्‍यो,” सिन सिदुक।

लूका 7:47

थोगी खोल्‍ला ङा दि बात सिओ। च्‍यि सासीन दिकी काल्‍बेई पाप खाबा ओत्‍सीनोङ थे गाङे माफ ओङा ओत। थे गुन थोङगीनराङ दिकी ङाला दोक आउदी खाईन मान खाबाते ईन। पाप काल्‍बा माक्‍याबाते मिला थे पाप माफ बिन्‍सीन माफ तेरकान्‍तेला थेकी थोक काल्‍बा मान मिक्‍किओ,” सिन सिदुक।

यूहन्‍ना 20:31

दि बातओन टिबातेचेन येशू परमेश्‍वरगी तोङगो साबाते ख्रीष्‍ट ईन, थे परमेश्‍वर फुज्‍युङ ईन सिन छ्या स्‍येला ख्‍योकोनगी थेला विश्‍वास खित्‍स्‍यीत थेमे थेला विश्‍वास खाला नोमुङ मिसिन्‍च्‍येते जुनी ङेत्‍स्‍यीत सिनराङ ईन।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

यूहन्‍ना 5:24

ङा ख्‍योकोनला दि बात सिओ। च्‍यि सासीन सुइँदेकी ङे साबाते बात ङेन्‍ला ङाला तोङकान्‍तेला विश्‍वास खिदुक सासीन थेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थोक्‍ते मिला दोषी ईन सिन सजाय मेतेरो। थोक्‍ते मि स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओङगो।

यूहन्‍ना 6:37

आबेकी ङे जिम्‍माला तेरच्‍येते मि जति गाङे ङे छ्य्‌वापा लै खिओ। थोक खित्‍कान्‍ते सुङलाङ ङा ङे छ्य्‌वापा माङ सिन नोमुङ मिसिरो।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।

यूहन्‍ना 6:54

ङे स्‍या साकान्‍तेताङ ङे ठाक थुङकान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो। थेमे थोक्‍ते मिला ङा न्‍याय खिते छोमु सोम्‍बो लोइओ।

शक्ति काम 13:39

येशूला विश्‍वास खित्‍कान गाङेला परमेश्‍वरगी थेबे पापबरी माफ बिन्‍ला थेबाला दोषी मेन सिन सिओ। मोशेकी टिबाते परमेश्‍वर नियम तालाचेन परमेश्‍वरगी ख्‍योकोनला दोक खाला दोषी मेन सिरा थुप्‍च्‍या मेतान।

रोमी 15:4

परमेश्‍वर बातला गोमाबा टिबा ओताते गाङे बात ङुरूङगी खइँदा लोप्‍स्‍यीत सिन टिबाते ईन। थे बात ताजीन ङुरूङगी ज्‍येनतेबे ख्‍याल ज्‍य्‌वाजीन दुक्‍पा ओङसीनोङ चुक खाला सेम मेसेता खाला काम खिन देता फाप्‍च्‍या ईन्‍दाका सिन छ्या स्‍येक्‍यो। थेमे परमेश्‍वरगी खिओ साबाच्‍योक पक्‍काराङ खिओ सिन आश खाला गुलाराङ देता थुप्‍क्‍यो।

रोमी 6:23

बातचेन दिराङ ईन। च्‍यि सासीन पाप खाबेकी खित्‍सादु मिकी पापकी सजाय ङेत्‍ला स्‍या फाप्‍क्‍यो। ङुरूङ प्रभु येशू ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी दया खाला नोमुङ मिसिन्‍च्‍येते जुनी तेरग्‍यो।

१ कोरिन्‍थी 7:25

थेमे ख्‍योकोनगी कर्नेते मिओनगीचेन चुक खिता लेमु ईन्‍ताका सिन ङाला ठिबा ओताक्‍वा। थोक्‍ते मिओनगी च्‍यि खित्‍च्‍ये, चुक खिता फाप्‍कीते सिरच्‍येते बातनी प्रभु येशूकी ङाला कोता मेत। ईन्‍सीनोङ कर्नेते मिओनगी चुक खिता लेमु ईन्‍दे सिन सल्‍लाह तेरामीन। प्रभु येशूकी ङाला दया खाबा ओतेकी ख्‍योकोनगी ङे सल्‍लाह ठीक ईन सिरा थुप्‍क्‍यो।

२ कोरिन्‍थी 4:1

परमेश्‍वरगी ङ्योकोनला दया खाईन दि जमान बात लोप सिन जिम्‍मा बिन्‍दाते ईन्‍देकी ङ्योकोन सेम मेसेदो।

एफिसी 1:12

थे खोरोङ आउदी अचम्‍ब खाला काम खित्‍कान्‍ते ईन सिन थेते जय जय खिता थुप्‍स्‍यीत सिन ज्‍येनगी भन्‍दा गोमामेई ख्रीष्‍टला विश्‍वास खित्‍कान्‍ते ङ्योकोनला थेकी होथोक खाईन छाने खासुङ।

एफिसी 1:6

थे खोरोङ ङिङज्‍येते फुज्‍युङ येशू ख्रीष्‍टकी खित्‍सादु थेकी ङुरूङला खितासम्‍म दया खाबा ओत। थे खोरोङ चुक अचम्‍ब खाला दया खित्‍कान्‍ते ईन्‍दे सिन थेते जय जय खिता थुप्‍स्‍यीत सिन थेकी ङुरूङला गोमाका होथोक थोक खाबा ओतान।

एफिसी 2:7

ङुरूङला ङिङज्‍ये खाईन थे खोरोङगी येशू ख्रीष्‍ट छ्य्‌वापेई खाबाते होदि गाङे काम चुक दया खाईन खाबाते ईन्‍दे सिन परमेश्‍वरगी जुग जुगसाकराङ गाङेला छ्या स्‍ये ज्‍युत्‍क्‍यो।

२ थिस्‍सलोनिकी 1:10

थेला विश्‍वास खित्‍कान्‍ते थे खोरोङ मिओनगीचेन गाङेकी प्रभु येशू ग्‍युरला ओङे छोमु थेकी खोपरोङला थोई लेमु खासुङा सिन थेते जय जय खिओ। ङ्योकोनगी लापाते गा लाङच्‍येते बात ङेन्‍देकी खित्‍सादु थे छोमु प्रभु येशूला थोक खित्‍कान्‍ते मिओन नाङ ख्‍योकोनोङ ओङगो।

१ तिमोथी 1:13

ईन्‍दानी थोङला ङे थेला आउदी खाईन विरोध खाबाप। थेला विश्‍वास खित्‍कान्‍ते मिओनला ङे खेदा खाईन खाईन दुक्‍पा बिन्‍दाप। थे मिओन दोक्‍पोईलाङ बाँकी ज्‍य्‌वाबा मेङगो सिन ङे थेबाला खितासम्‍म मेलेबा खाबाप। ङे थोक मेलेबा खाबा ईन्‍सीनोङ प्रभु येशू ख्रीष्‍टकी ङाला दया खाईन लेमु खासुङ। च्‍यिला सासीन थेजीन ङे थेला विश्‍वास खाबा मेतान थेमे ङाराङगी चुक मेलेबा खिन ओते सिनोङ ङाला छ्या मेतान।

हिब्रू 7:25

थोक ईन्‍देकीराङ खोपरोङला परमेश्‍वर दोन्‍दु खेरकान्‍ते थेराङ ईन सिन थे छ्य्‌वापा लै खित्‍कान्‍तेबाला थेकी पूरो खाला पापदुकी टाल्‍ला स्‍वर्गने देत ज्‍युत्‍क्‍यो। च्‍यिला सासीन थे सधैँभरि परमेश्‍वर दोन्‍दुराङ देत्‍ला थेबे लाईदु थेत्ताङ बात खिनराङ देत्‍क्‍यो।

१ पत्रुस 3:20

होथे मिओनगीचेन थाङबो अटेरी खाईन परमेश्‍वर बातला नामज्‍योकराङ सेता मेतान। थेजीन नूहेकी पानीजहाज जोला सिन सिनसाकराङ परमेश्‍वरचेन ना थेबेकी थे खोरोङ बात ङेन्‍गीता सिन गुकीनराङ देता ओतान। थेजीन थे पानीजहाज नाङ स्‍यूकीन मि टिक्‍पीस्‍यिक, खालि मेरा गेतकामा थे छ्युई भलदुई सोन्‍दा ओतान।

२ पत्रुस 3:15

मिओन पापकी सजायदुकी थारस्‍यीत सिनकामा प्रभु परमेश्‍वर थोरूमसाक सजाय मेतेरा खाईन गुकीन देताते ईन। परमेश्‍वरगी छ्या स्‍ये च्‍युत्‍कीन बिन्‍दा ओतेकी ङुरूङ ङिङज्‍येते आज्‍यो पावलगीङ परमेश्‍वर च्‍यिला गुकीन देताते ईन्‍दे सिन बात खित्‍जीन ख्‍योकोनला दि बातराङ टिबा ओत।

२ पत्रुस 3:9

मि कोई कोईकी परमेश्‍वरगी खिओ साबाते बात थेकी खोले खोलेकामा खिओ सिन विचार खिदुक। तर बात दोक मेन। मि सुङ नरककुण्‍डमा स्‍यूक्‍पा माफाप्‍स्‍यीत, बरू थेबा गाङेकी खोपरोङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनकामा सजाय मेतेरा खाईन थे गुकीन देताते ईन।