१ तिमोथी 1:12 - जिरेल

¹² थेमे ङा ङुरूङ प्रभु येशू ख्रीष्‍टला धन्‍यवाद सिओ। च्‍यिला सासीन दिकी ङे जिम्‍मा बिन्‍दाते काम लेमु खाला खिओ सिन थेकी ङाला मिओनला गा लाङच्‍येते बात लोप्‍च्‍येते काम बिन्‍सुङ। दि काम खिताला ङाला शक्ति तेरकान्‍ते थेराङ ईन।

१ तिमोथी 1:12 Iomraidhean Croise

मत्ती 20:4

‘ए होइबावे, ख्‍योकोनोङ बरू ङे स्‍यीङला काम खित ग्‍युक। ङा ख्‍योकोनला थोई तेरा डिगीका ताला निमेक तेरग्‍यो,’ सिन सानामेई

यूहन्‍ना 5:23

आबेकी थोक खाबातेचेन मिओनगी जस्‍तो खाला थे खोरोङला मान खिदुक, थोकराङ खाला थे फुज्‍युङलाङ मान खित्‍स्‍यीत सिनराङ ईन। थोक ईन्‍देकी थे फुज्‍युङला मान मिक्‍किकान्‍ते मिकीचेन थेला दुरू तोङकान्‍तेलाङ मान माक्‍याबाते ईन।

शक्ति काम 16:15

थेमे थे फेम्‍मे मित्ताङ थे खाम्‍बादु देत्‍कान्‍ते गाङेकी बप्‍तिस्‍मा लासुङ। थोक खानामेई थे फेम्‍मे मिकी “ङे पक्‍काराङ प्रभु येशूला विश्‍वास खिताला स्‍यूबाते ईन सिन ख्‍योकोन पत्ते खिओ सासीन ङे खाम्‍बापा देताला डुइ,” सिन ढिपी खाईन ङ्योकोनला थे मोरोङ खाँपा खेरसुङ।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

शक्ति काम 9:22

शावलगीचेन येशू बात झन झन लेमु खाईन लोपाला स्‍यूसुङ। थोक खित्‍जीन थेकी “परमेश्‍वरगी तोङगो साबाते ख्रीष्‍टला चुक चुक ओङगीते सिन परमेश्‍वर बात खित्‍कान्‍ते मिओनगी गोमाका साबा ओताते बातओन येशूकी पूरो खासुङ। थोगी ख्रीष्‍टचेन येशूराङ ईन,” सिन ठोके खाईन बात खासुङ। थोक सिरजीन दमस्‍कसदु ओताते यहूदीओन अलमल्‍ल परे खासुङ।

१ कोरिन्‍थी 15:10

ङे थोक मेलेबा खाबा ईन्‍सीनोङ परमेश्‍वरगी ङाला दया खाईन ज्‍येनला येशू ख्रीष्‍ट बात लोप्‍कान्‍ते मि जोसुङ। परमेश्‍वरगी ङाला दया खाबाते थाराङ खेरो मागाल्‍सुङ। ङेचेन ङाराङ च्‍योकराङ येशू ख्रीष्‍टकी खटे खाबाते मि गाङेकी भन्‍दा दुक्‍पा खाईन खाईन ल्‍हाक्‍पा काम खाबा ओत। ईन्‍सीनोङ ङे खाबाते काम ङाराङ स्‍येतताङ बुद्धिकी खाबाते मेन। दि गाङे परमेश्‍वर दयेकी खित्‍सादु खिता थुपाते ईन।

१ कोरिन्‍थी 3:5

अपोल्‍लोस सु ईन्‍देरो? थेमे पावलका च्‍यि ईन्‍दे? ङ्योकोन ङिबोनी खालि प्रभु परमेश्‍वर काम खित्‍कान्‍ते मिकामा ईन। थेकी ङेराङ दाक्‍पोन दाक्‍पोनला जिम्‍मा बिन्‍दा च्‍योकराङ खाईन ङ्योकोनगी लापाते बात ङेन्‍गीन ख्‍योकोनगी येशूला विश्‍वास खासुङ।

१ कोरिन्‍थी 7:25

थेमे ख्‍योकोनगी कर्नेते मिओनगीचेन चुक खिता लेमु ईन्‍ताका सिन ङाला ठिबा ओताक्‍वा। थोक्‍ते मिओनगी च्‍यि खित्‍च्‍ये, चुक खिता फाप्‍कीते सिरच्‍येते बातनी प्रभु येशूकी ङाला कोता मेत। ईन्‍सीनोङ कर्नेते मिओनगी चुक खिता लेमु ईन्‍दे सिन सल्‍लाह तेरामीन। प्रभु येशूकी ङाला दया खाबा ओतेकी ख्‍योकोनगी ङे सल्‍लाह ठीक ईन सिरा थुप्‍क्‍यो।

२ कोरिन्‍थी 4:1

परमेश्‍वरगी ङ्योकोनला दया खाईन दि जमान बात लोप सिन जिम्‍मा बिन्‍दाते ईन्‍देकी ङ्योकोन सेम मेसेदो।

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

फिलिप्‍पी 2:11

थेमे थेबा गाङेकी येशू ख्रीष्‍टराङ छ्येते ईन, थेराङ प्रभु ईन सिन सिराराङ फाप्‍क्‍यो। गाङेकी थेला थोक खाला छ्ये जोला आबा परमेश्‍वरते जय जय खिताराङ फाप्‍क्‍यो।

फिलिप्‍पी 4:13

जस्‍तो ओङसीनोङ येशू ख्रीष्‍टकी ङाला शक्ति तेरच्‍येते ईन्‍देकी ङे जेङ खिता थुप्‍क्‍यो।

कलस्‍सी 1:25

परमेश्‍वरगी ङाला येशू ख्रीष्‍ट मिओन लाईदु खिता फाप्‍च्‍येते काम खिताला छाने खाबा ओत। थोक खाईन थेकी ङाला ख्‍योकोनला लोप साबाते थे खोरोङ बात गाङे लेमु खाला लोप सिन जिम्‍मा बिन्‍दा ओत।

१ तिमोथी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। थेकी खटे खाबाते मिकी खिता फाप्‍च्‍येते काम खितालाचेन ङुरूङला पापदुकी डेल्‍कान्‍ते परमेश्‍वर थेमे था तिरी ग्‍युरला ओङगो सिन ङुरूङ आश खाईन गुकीन देता ओताते येशू ख्रीष्‍टकीराङ ङाला कोताते ईन।

१ तिमोथी 1:11

येशू ख्रीष्‍टला विश्‍वास खित्‍कान्‍ते मिओनगी ङेन्‍दा फाप्‍च्‍येते बातचेन गा लाङच्‍येते बातला साबा ओत। गा लाङच्‍येते बातचेन आउदी अचम्‍बते बात ईन। दि बातचेन जेसुकै ओत्‍कान्‍ते परमेश्‍वरगी मिओनला छ्या स्‍ये च्‍युता ओत। थेमे दि बात ज्‍येन मिओनला लोप सिन थेकी ङाला जिम्‍मा बिन्‍दा ओत।

१ तिमोथी 1:2

ङा दि चिट्ठी तिमोथी खोल्‍ला टिगीन ओत। ङे खित्‍सादु येशू ख्रीष्‍टला विश्‍वास खाबेकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

१ तिमोथी 6:13

थेमे ओताते जति गाङेला ङेपाक तेरकान्‍ते परमेश्‍वर थेमे रोमी गेल्‍बो हाकिम पन्‍तियस पिलातस दोन्‍दु साँचोते बात लाःप्‍कान्‍ते येशू ख्रीष्‍ट ङोन्‍दु ङा खोल्‍ला दोक दोक खि सिन कोत्‍क्‍यो।

२ तिमोथी 2:2

थेमे मि काल्‍बेई ङोन्‍दु च्‍यि बात चुक ईन्‍दे सिन ङे खोरोङला लाप्‍कीन बिन्‍दाते बातओन मिओनला लोप सिन ज्‍येन मिलाङ जिम्‍मा बिन। दोक्‍ते मिओनचेन ज्‍येनला लेमु खाला लोपा थुप्‍कान थेमे भर परे खिता थुप्‍च्‍येतेन्‍दे ओङा फाप्‍क्‍यो।

२ तिमोथी 4:17

दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।

तीतस 1:4

दि चिट्ठीचेन ङा तीतस खोल्‍ला टिगीन ओत। खोङ ङे च्‍योकराङ खाला प्रभु येशू ख्रीष्‍टला विश्‍वास खित्‍कान्‍ते ईन्‍देकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरगी थेमे ङुरूङला पापदुकी डेल्‍कान्‍ते येशू ख्रीष्‍टकी खोल्‍ला दया खाला लेमु खिनराङ देत्‍स्‍यीत।

फिलेमोन 1:9

बरू परमेश्‍वर सन्‍तान गाङेला खुई ङिङज्‍ये खिओ सिन ङाला छ्या ओतेकी खुई चुक खासीन लेमु ईन्‍दे सिन ङा खोल्‍ला बातज्‍यीक खितामीन। खोल्‍ला दि बात खित्‍कान्‍ते ङा पावल था चुक गान्‍दा गाल्‍गीन सिन्‍दा ओते सिन थेमे येशू ख्रीष्‍टकी खि साबाते काम खितेकी थरिङोला जेलदु देता फापाते ईन सिन खोल्‍ला छ्याराङ ओत।