१ थिस्‍सलोनिकी 5:6 - जिरेल

⁶ थोगी ङुरूङगी होथे ज्‍येनगी खिन ओताच्‍योक खिता मेङगो। ङिगी जाप्‍ते मि च्‍योक गाला ओतेकी थेबेकीचेन तिरी बात छ्याःङ विचार मिक्‍किओ। ङुरूङचेन तिरी बातकी विचार खाला च्‍याङबो खाला देता फाप्‍क्‍यो, छ्याङ रक्‍सी थुकीन होस तोराते मिकी खिताच्‍योक खिता मेङगो।

१ थिस्‍सलोनिकी 5:6 Iomraidhean Croise

मत्ती 13:25

थेमे होत्ताराङ ग्‍वामाई च्‍यि ओङकालो सासीन मि गाङेराङ ङ्याला ओते बेलाला थे मि शत्रुगी वाकीन ठा ताप्‍सादु ह्रीमा ताप्‍कीन गाल्‍दुक्‍लो।

मत्ती 24:42

थोक ईन्‍देकी खेराङ मालिक था तिरी दि छोमुराङ ग्‍युरला ओङगो सिन ख्‍योकोनला छ्याःङ छ्या मेतेकी थे ओङगो सिन सधैँ ठीक खाला गुलाराङ देत।

मत्ती 25:13

थोगी दि कथे बात सेमगी नाङ गुने खिन च्‍याङबो खाला देत। च्‍यिला सासीन दि कथाला साबा च्‍योकराङ परमेश्‍वर ओत्‍सादुई वाबाते मिङ दि छोमु, दि बेलाला ओङगो सिन ख्‍योकोन सुङलाङ छ्याःङ छ्या मेङगो।

मत्ती 25:5

थेमे बेउला ओङाला ढिलो खाबेकी थे फेम्‍मे फिजाओनला ङिक लाकीन च्‍य्‌वा गोरदुक्‍लो।

मत्ती 26:38

थेमे थेकी थेबा सुमबोला “था ङाराङला चुक दुक्‍पा ओङगीते सिरच्‍ये पीरगी खित्‍सादु ङे सेम छोकीन सिन्‍सुङ। ख्‍योकोन ङात्ताङ र्‍वा खिन दुरू जागोराङ देत,” सिन साकीन थे खोरोङचेन टिक्‍पी फजेकपा गाल्‍सुङ।

मर्कूस 13:37

ङे खेराङ मालिक नाम ओङगीताना सिन गुला देत साबाते ख्‍योकोनलाकामा साबाते मेन। दि बात ङे ज्‍येन गाङेलाङ साबाते ईन,” सिन सिदुक।

लूका 12:37

माङ्याला खाला मालिकते ओङ ओङसाक गुलाराङ देत्‍कान्‍ते मिओनला मालिकतेकी च्‍यि खिते छ्या ओत? थेकीनी थेबाला छ्याःङ काम खित मुज्‍युता खाला थे खोरोङगीराङ गाङेला साप थुङा गोला तेरग्‍यो।

लूका 12:39

थेमे दि बादोङ ङेन। सुइँदा मिकी थरिङ चोर ओङगो सिन छ्या स्‍येसीन थे छोमु च्‍याङबो खाला जागोराङ देत्‍क्‍यो। थेमे थेते छ्याःङ क्‍वापराङ मुथुबो।

लूका 21:36

थोगी च्‍याङबो खाला देत। थेमे थोक थोक ज्‍यीबा लाङच्‍या दुक्‍पा ओङजीन ङाला विश्‍वास खिन थे दुक्‍पा खपे खिता थुप्‍स्‍यीत थेमे परमेश्‍वर ओत्‍सादुई वाबाते मि ङा ग्‍युरगीन वानामेई सजाय ङेत्‍कीता सिन छ्याःङ ज्‍यीबा मिक्‍किता खाला थे दोन्‍दु देता ङेत्‍स्‍यीत सिन प्रार्थना खिनराङ देत,” सिन सिदुक।

लूका 22:46

थेमे थेकी थेबाला “माङ्यालना माङ्याल ल्‍वा। थेमे दि दुक्‍पे बेलाला खेराङगी ङाला विश्‍वास खिनराङ देता थुप्‍स्‍यीत सिन परमेश्‍वरला प्रार्थना खि,” सिन सिदुक।

शक्ति काम 20:31

थोगी खेराङला सुङगीङ छक्‍के खिता मुथुप्‍स्‍यीत सिन च्‍याङबो खाला देत। ङे लो सुमसाक ख्‍योकोन गाङेला येशूला विश्‍वास खिनराङ देत सिन ङीन नुप ख्‍योकोन पीर खुरगीन दुक्‍पा खाईन खाईन खाबाते काम नोमुङ टोक माज्‍येत।

१ कोरिन्‍थी 15:34

थोगी था ख्‍योकोनगी लेमु मेलेबा च्‍यि ईन्‍दे सिन डेला थुप्‍कान्‍ते मि च्‍योक ओङला काम खि। पाप खिन देता थोङ। ख्‍योकोनला ङोचा लोङाप सिनराङ ङा दोक सिन ओत। च्‍यिला सासीन ख्‍योकोन कोईकीनी थोरूमोङ परमेश्‍वर सु ईन्‍दे, थेकी चुक खाला काम खिते सिन छ्याःङ खोबा मिन्‍दुक।

१ कोरिन्‍थी 16:13

खेराङला छक्‍के खिता छोल्‍कानताङ च्‍याङबो खाला देत, प्रभु येशूला लेमु खाला विश्‍वास खिन देत, फिजा च्‍योक ज्‍यीबा माकेत बरू पाकोते मिकी च्‍योक खाला काम खि।

एफिसी 2:3

ईन्‍दाका गोमाबा ङुरूङ गाङेराङ ज्‍येन च्‍योकराङ दाक्‍पोन खुशीला ख्‍याम्‍गीन दाक्‍पोनला च्‍यि च्‍यि खिता सेम लाङगीका थोकराङ खिन खिता मेङच्‍येते कामताङ बात खिन ओतान। थोक खाबेकी ङुरूङगीङ होथेबा ज्‍येनगी च्‍योकराङ खाला परमेश्‍वरगी स्‍येदाङगी चूर गाल्‍ला तेरच्‍येते सजाय ङेता फाप्‍च्‍या ओतान।

एफिसी 5:14

नाम्‍दाककी खित्‍सादुराङ थोक खाला थेबाङ मुन्‍दाकदुकी ठाल्‍ला नाम्‍दाकला देता ङेत्‍क्‍यो। थोगीराङ “ङ्याला ओतातेबा ङिक छेत्‍ला स्‍याप छेतराङ गाल्‍सादुकी ल्‍वा थेमे ख्रीष्‍टकी ख्‍योकोनला नाम्‍दाकला देत ज्‍युत्‍क्‍यो,” सिन सिरच्‍येते ईन।

एफिसी 6:18

दोक दोक खित्‍जीन परमेश्‍वरताङ प्रार्थना खिनराङ देत। परमेश्‍वर आत्‍मे छ्य्‌वापेकी जहिलेङ थेत्ताङ प्रार्थना खिन देत्‍ला खेराङला च्‍यि च्‍यि गोकीका नाङ सि। थोक खाला प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि। प्रार्थना खित्‍जीन परमेश्‍वर सन्‍तान गाङे लाईदु प्रार्थना खिताङ नोमुङ मातोङ।

फिलिप्‍पी 4:5

ख्‍योकोन मि गाङेताङ खा छ्येत लेमु खित्‍कान्‍ते मि ईन सिन गाङेकी छ्या स्‍येस्‍यीत। प्रभु येशू ग्‍युरला ओङच्‍ये बेला लेपा खासुङ सिन टोक माज्‍येत।

कलस्‍सी 4:2

थेमे ख्‍योकोन गाङेकी परमेश्‍वरला प्रार्थना खिन देता नोमुङ मातोङ। प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि, थेला धन्‍यवादोङ बिन।

१ थिस्‍सलोनिकी 4:13

थेमे आज्‍यो न्‍वावे, ज्‍येन बात च्‍यि सासीन ख्‍योकोन नाङ स्‍यिइन सिन्‍दाते मिओनला था तिरी च्‍यि ओङगीते सिन ख्‍योकोनगी लेमु खाला छ्या स्‍येस्‍यीत सिन ङ्योकोन दि बात खिन ओत। थेबाला चुक ओङगीते सिन छ्या स्‍येनामेकी ख्‍योकोनगीचेन स्‍वर्गने ड्वा ङेत्‍कीता मेङेत्‍ता सिन छ्याःङ आश मेताते मिओनगी खोपरोङते स्‍यिइन सिन्‍दाते मिओन लाईदु पीर खाबाच्‍योक खाला पीर खिता माफाबो।

१ थिस्‍सलोनिकी 5:10

था तिरी ङुरूङ थेत्ताङ नोमुङ माठाला खाला देता ङेत्‍स्‍यीत सिनराङ प्रभु येशू ख्रीष्‍ट ङुरूङगी ङेता फाप्‍च्‍येते पापकी सजाय थे खोरोङगीराङ भोगे खाईन स्‍याप्‍ते ईन। थोगी थे ग्‍युरला ओङकेसाकला ङुरूङ स्‍यिसीनोङ सोन्‍गीनराङ देता ओत्‍सीनोङ थेत्ताङराङ देता ङेत्‍क्‍यो।

१ थिस्‍सलोनिकी 5:8

ङुरूङचेन परमेश्‍वर नाम्‍दाकला देत्‍कान्‍ते मि ईन्‍देकी होस तोराते मि च्‍योक ओङा मेङगो। बरू च्‍याङबो खाला देत्‍ला प्रभु येशूला विश्‍वास खिन थेमे ज्‍येनला ङिङज्‍ये खिन देता फाप्‍क्‍यो। दोक खिन देत्‍च्‍येतेचेन लडाइँ बेलाला मिल्‍टेरीओनगी ठाङला खोन्‍च्‍येते च्‍याकी पाता खोन्‍दा च्‍योकराङ ईन। थेमे ङुरूङगी आश खाईन देता च्‍योकराङ था तिरी पापकी सजाय भोगे खिता माफाबो सिनोङ टोक ज्‍येता मेङगो। थोक खित्‍च्‍येतेचेन मिल्‍टेरीओनगी गोःला च्‍याकी टोप खोन्‍दा च्‍योकराङ ईन।

१ तिमोथी 2:15

फेम्‍मे मिकी थोक खाबा ईन्‍सीनोङ परमेश्‍वरगी थेबाला फिजे सुक देक्‍जीन ताला जोए खिओ। थोक ईन्‍सीनोङ थेबेकी छ्ये मिक्‍किता खाला येशू ख्रीष्‍टला विश्‍वास खिन देता फाप्‍क्‍यो, ज्‍येनला ङिङज्‍ये खिता तोङा मेङगो थेमे परमेश्‍वरला मन परे खित्‍च्‍येते कामताङ बात खिन देता फाप्‍क्‍यो।

१ तिमोथी 2:9

थोकराङ खाला फेम्‍मे मिओनगीङ सोबोउ ओताते मिकी च्‍योक खाला ठीक ठीक तरीकेकी खोलाक खोन्‍दा फाप्‍क्‍यो। फूर्ति पारे खिताला परी परी खाला ल्‍हामा ल्‍हाच्‍येते, आउदी काल्‍बा काल्‍बा हीरा मोतीताङ सेरगी गहना थेमे आउदी महँगो महँगोते खोलाक खोन्‍दा मेङगो।

१ तिमोथी 3:11

थोकराङ खाला थेबे फेम्‍मेतेबाङ लेमु बानी ओताते, मि मोत्‍कीन माख्‍याम्‍कान्‍ते, छ्याङ रक्‍सी काल्‍बा मुथुङकान्‍ते थेमे जस्‍तो कामोङ लेमु खित्‍कान्‍ते ओङा फाप्‍क्‍यो।

१ तिमोथी 3:2

थोक्‍ते मिचेन सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थेते फेम्‍मेज्‍यीककामा ओङा फाप्‍क्‍यो। थेचेन जहिलेङ च्‍याङबो खाला देत्‍कानज्‍यीक, दाक्‍पोन सेम काबूला ज्‍य्‌वाबा थुप्‍कानज्‍यीक ओङा फाप्‍क्‍यो। थे बानी लेमु ओताज्‍यीक, डोम्‍बोओनताङ फार छुर ख्‍याम्‍कान मिओनला लेमु खित्‍कानज्‍यीक थेमे मिओनला परमेश्‍वर बात लेमु खाला लोपा थुप्‍कानज्‍यीक ओङा फाप्‍क्‍यो।

२ तिमोथी 4:5

तर खोचेन जे खित्‍जीनोङ लेमु खाला विचार खालाकामा खि, खोरोङ काम खित्‍जीन जस्‍तोराङ दुक्‍पा ओङसीनोङ थे दुक्‍पा भोगे खि, ठाउँ ठाउँला गाल्‍ला गा लाङच्‍येते बात लोप्‍कान्‍ते मिकी खित्‍च्‍येते काम खिन देत थेमे परमेश्‍वरगी खोल्‍ला जिम्‍मा लै खाबाते काम गाङे मासिनथुप खिनराङ देत।

तीतस 2:12

परमेश्‍वर दयेकी खित्‍सादु चुक चुक खिता फाप्‍कीते सिन ङुरूङ लोप्‍कीन ओत। थोगी ङुरूङगी परमेश्‍वरगी माकेत साबाते काम खित्‍च्‍येते थेमे पापताङ लोभ खित्‍च्‍येते ताङला दाक्‍पोन सेम काबूला ज्‍य्‌वाबा थुप्‍क्‍यो थेमे दि कलि जुगला थेकी खि साबा साबाच्‍योक खिन थेला झन लेमु खाला माने खिता थुप्‍क्‍यो।

तीतस 2:6

थोकराङ खाला स्‍यारातेबालाङ दाक्‍पोन सेम काबूला ज्‍य्‌वाबा फाप्‍क्‍यो सिन सि।

१ पत्रुस 1:13

परमेश्‍वरगी ख्‍योकोनला दोक लेमु खाबा ओतेकी था ख्‍योकोनगी थेकी खि साबाते काम खित्‍च्‍ये छ्य्‌वापाकामा स्‍येत खि। दाक्‍पोन सेम काबूला स्‍योक। थेमे येशू ख्रीष्‍ट ग्‍युरला ओङे छोमु परमेश्‍वरगी ख्‍योकोनला दया खाला पूरो खाला पापदुकी टाल्‍ला लेमु खिओ साबाते पक्‍काराङ खिओ सिन खेराङगी आश खाईन देता च्‍योकराङ ओङगो सिन टोक माज्‍येत।

१ पत्रुस 4:7

थेमे था दि जुग सिन्‍च्‍ये बेला लेपा खाबा ओत। दाक्‍पोन सेम काबूला ज्‍याक्‍ला ख्‍योकोन च्‍याङबो खाला देत। दोक खासीन ख्‍योकोन परमेश्‍वरताङ प्रार्थना खिन देता थुप्‍क्‍यो।

१ पत्रुस 5:8

थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।

छ्या स्‍ये च्‍युताते बात 16:15

“दि बात ङेन, ङा चोर च्‍योक थाहाराङ मेछ्येता खाला ओङगो। ङा ओङगो सिन च्‍याङबो खाला देत्‍ला खोपरोङ खोलाक खोन्‍ला सधैँ ठीक खाला देत्‍कान्‍ते मिओन भाग्‍यमानी ईन। थोक खासीन थेबेकी मि दोन्‍दु पेर्दुङबाराङ ख्‍याम्‍बा माफाबो, ङोचाङ खिता माफाबो।”

छ्या स्‍ये च्‍युताते बात 3:2

स्‍याप खाबाते मे फुला जोदा ज्‍वापच्‍योक खाला खेराङगी खिता ताङगीन सिन्‍दा सिन्‍दा खाबाते काम याङराङ खि। परमेश्‍वर दोन्‍दु ख्‍योकोनगी थोरूमसाक छ्याःङ कामोङ खिता फापाच्‍योक खाईन खाबा मिन्‍दुक।