१ थिस्‍सलोनिकी 5:5 - जिरेल

⁵ ख्‍योकोननी गाङेराङ परमेश्‍वर नाम्‍दाकला देत्‍कान्‍ते मि ईन। ख्‍योकोन मुन्‍दाकला खित्‍च्‍येते मेलेबा मेलेबा काम खित्‍कान्‍ते मि मेन्‍देकी नाम्‍दाकला लेमु काम खित्‍कान्‍ते मि ईन। ङुरूङचेन मेलेबा मेलेबा काम खिन मुन्‍दाकला देत्‍कान्‍ते मि मेन।

१ थिस्‍सलोनिकी 5:5 Iomraidhean Croise

लूका 16:8

थेकी चुक चुक खाका सिरच्‍येते दि बात गाङे थाहा छ्येत्‍नामेकी धनीतेकी थेला ‘बिई, खुई चुक च्‍याङबो खाका। ङा ओत्‍सादुई थेन्‍नामेई खोल्‍ला था थे मिओनगीराङ सोइओ,’ सिन सादुक्‍लो। दि जुनी विचारकामा खित्‍कान्‍ते मिओनगी खोपरोङ काम आउदी च्‍याङबो खाला खिओ। बरू परमेश्‍वर बात ङेन्‍कान्‍ते मिओनगीङ दोक च्‍याङबो खाला काम खिता मेस्‍येओ।

यूहन्‍ना 12:36

स्‍वर्गे नाम्‍दाक खेराङताङ ङ्योम्‍बु ओत्‍केलाराङ ख्‍योकोन थे नाम्‍दाक छ्य्‌वापा लै खि। दोक खासीन ख्‍योकोनचेन नाम्‍दाकला ख्‍याम्‍कान्‍ते मि ओङगो,” सिन सिदुक। दि बाततेबा खाईन सिन्‍नामेकी येशू थेरूई गाल्‍सुङ। थेमे मिओनगी मोथोङस्‍यीत सिन थेङला खापाङ माथेन्‍सुङ।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

एफिसी 5:8

मुन्‍दाकला देत्‍कीन ख्‍योकोन गोमा मेलेबा कामताङ बात खिन ओतान। प्रभु ख्रीष्‍टताङ जीउज्‍यीकराङ ओङेकी थाचेन ख्‍योकोन नाम्‍दाकला देत्‍कान्‍ते मि ईन। थोगी नाम्‍दाकला देत्‍कान्‍ते मिकी चुक चुक खिता फाप्‍च्‍येते ईन्‍दे ख्‍योकोनगी थोकराङ खि।

१ थिस्‍सलोनिकी 5:8

ङुरूङचेन परमेश्‍वर नाम्‍दाकला देत्‍कान्‍ते मि ईन्‍देकी होस तोराते मि च्‍योक ओङा मेङगो। बरू च्‍याङबो खाला देत्‍ला प्रभु येशूला विश्‍वास खिन थेमे ज्‍येनला ङिङज्‍ये खिन देता फाप्‍क्‍यो। दोक खिन देत्‍च्‍येतेचेन लडाइँ बेलाला मिल्‍टेरीओनगी ठाङला खोन्‍च्‍येते च्‍याकी पाता खोन्‍दा च्‍योकराङ ईन। थेमे ङुरूङगी आश खाईन देता च्‍योकराङ था तिरी पापकी सजाय भोगे खिता माफाबो सिनोङ टोक ज्‍येता मेङगो। थोक खित्‍च्‍येतेचेन मिल्‍टेरीओनगी गोःला च्‍याकी टोप खोन्‍दा च्‍योकराङ ईन।

१ यूहन्‍ना 2:8

ईन्‍सीनोङ ङा ख्‍योकोनला थेकी खि सिन कोताते ज्‍येन बातज्‍यीक टिगीन ओत। दोक चुक खाला खित्‍च्‍ये सिन थे खोरोङगी तेन्‍गीन बिन्‍दा ओतान। थेमे ख्‍योकोनगीङ थोकराङ खिन दुक। च्‍यिला सासीन मुन्‍दाक तोरला डुइन ओत। थेमे स्‍वर्गे नाम्‍दाक दुरू वाकीन सिन्‍दा ओत।