१ थिस्‍सलोनिकी 5:4 - जिरेल

⁴ आज्‍यो न्‍वावे, ख्‍योकोनचेन तिरी ओङच्‍येते बातला छ्याःङ विचार मिक्‍किता खाला मुन्‍दाकला देत्‍कान्‍ते मि मेन। थोगी सुइँदे खाम्‍बादु चोर ओङजीन थे खाम्‍बे मिओनला अचम्‍ब लाबाच्‍योक खाला प्रभु येशू ग्‍युरला ओङे छोमु ख्‍योकोनलाचेन छ्याःङ अचम्‍ब मालाङो।

१ थिस्‍सलोनिकी 5:4 Iomraidhean Croise

मत्ती 10:15

ङा ख्‍योकोनला च्‍यि सिते सासीन थाङबो सदोमताङ गमोरा सारगी मिओनगी आउदी मेलेबा मेलेबा काम खाबा ओत्‍सीनोङ था तिरी परमेश्‍वरगी न्‍याय खिते छोमु थेबाला भन्‍दाङ छ्येज्‍यीक सजायनी होथोक्‍ते ठाउँकी मिओनलाका तेरग्‍यो।

लूका 21:34

थोगी ख्‍योकोनगी परमेश्‍वर ओत्‍सादुई वाबाते मि ङा ग्‍युरला ओङे छोमुसाक चुक खाला देता फाप्‍च्‍या ईन्‍दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्‍या थुङच्‍याताङ खोन्‍च्‍ये पीर माकेत। दोक खिन देत्‍सीन खरेउ तोर्बाकला थेप्‍लु खाला थे दिन लेपे छोमुकामा ख्‍योकोनगी छ्या स्‍येक्‍यो।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

कलस्‍सी 1:13

थेकीराङ ङुरूङला मुन्‍दाक राज्‍य गेल्‍बो शैतान लाःक्‍तुकी टाल्‍गीन थे खोरोङ ङिङज्‍येते फुज्‍युङ राज्‍यदु खुलाबा ओत।

१ थिस्‍सलोनिकी 5:2

चोर दि छोमुराङ ओङगो सिरा माथुपा च्‍योकराङ प्रभु येशू ग्‍युरला ओङच्‍येते दिनोङ दिराङ ईन सिन सुङगीङ सिरा मुथुबो सिन ख्‍योकोनला लेमु खाला छ्याराङ ओत।

२ पत्रुस 3:10

चोर दि छोमुराङ ओङगो सिन सुङलाङ छ्या मेता च्‍योकराङ प्रभु येशू दि छोमु ग्‍युरला ओङगो सिनोङ सुङगीङ सिरा मुथुबो। थे ग्‍युरला ओङे छोमु नामचेन नामज्‍योक बु साच्‍याज्‍यीक ङोरो देन्‍गीन तोक तोरला डुइओ। दागार, ङीमाताङ कार्मातेबाङ मेकी छिक्‍ला सोला डुइओ। थोकराङ खाला दि सा लुङबाताङ दुरू ओताते जतिङ जेसुकै थाला डुइओ।

१ यूहन्‍ना 2:8

ईन्‍सीनोङ ङा ख्‍योकोनला थेकी खि सिन कोताते ज्‍येन बातज्‍यीक टिगीन ओत। दोक चुक खाला खित्‍च्‍ये सिन थे खोरोङगी तेन्‍गीन बिन्‍दा ओतान। थेमे ख्‍योकोनगीङ थोकराङ खिन दुक। च्‍यिला सासीन मुन्‍दाक तोरला डुइन ओत। थेमे स्‍वर्गे नाम्‍दाक दुरू वाकीन सिन्‍दा ओत।

छ्या स्‍ये च्‍युताते बात 16:15

“दि बात ङेन, ङा चोर च्‍योक थाहाराङ मेछ्येता खाला ओङगो। ङा ओङगो सिन च्‍याङबो खाला देत्‍ला खोपरोङ खोलाक खोन्‍ला सधैँ ठीक खाला देत्‍कान्‍ते मिओन भाग्‍यमानी ईन। थोक खासीन थेबेकी मि दोन्‍दु पेर्दुङबाराङ ख्‍याम्‍बा माफाबो, ङोचाङ खिता माफाबो।”

छ्या स्‍ये च्‍युताते बात 3:3

ख्‍योकोनला गोमाका च्‍यि सिन लापा ओताने थेमे खेराङगी चुक लेमु खाईन ङेन्‍दा ओताने थे बात सम्‍झे खि। थेमे लोक्‍ला गोमा च्‍योकराङ खि। दोक माक्‍यासीन ङा ख्‍योकोन ओत्‍सादु चोर च्‍योक थाहाराङ मेङेता खाला ओङगो। ङा नाम ओङगीते सिन ख्‍योकोनगी छ्याःङ छ्या मेस्‍येओ।