१ थिस्‍सलोनिकी 5:3 - जिरेल

³ मिओनगी थानी खापाङ गोलमाल मेङगो, था छ्याःङ ज्‍यीबा मिक्‍किता खाला देता ङेत्‍क्‍यो सिरे बेलालाराङ चुक ओङगीते सासीन फुज्‍यीमा खुराते फेम्‍मे मिला एक्‍कासि फिजे सुक देक्‍पाच्‍योक खाला थोक सिरकान्‍ते मिओनगी छ्याःङ छ्या मेस्‍येबा खाला सजाय ङेत्‍क्‍यो। थेबा सुङ सजायदुकी थारराङ माथारो।

१ थिस्‍सलोनिकी 5:3 Iomraidhean Croise

मत्ती 23:33

छ्यि ख्‍योकोन ङोचा क्‍ये मेतातेबा, था तिरी परमेश्‍वरगी नरककुण्‍डमा लुच्‍येते सजायदुकी चुक खाला उम्‍के खिता थुबोङ साबे? थे सजायदुकी ख्‍योकोननी थारराङ माथारो।

यूहन्‍ना 16:21

फिजे सुक ग्‍याप्‍नामेई फेम्‍मे मिला आउदी दुक्‍पा ओङगो। ईन्‍सीनोङ फिजा केकीन सिन्‍नामेकी थेकी गोमे सुक टोक ज्‍येत्‍ला फिजाज्‍यीक केसुङ सिन गाका खिओ।

शक्ति काम 13:41

थेबेकी चुक साबा ओताने सासीन ‘ङे बातला ईनराङ मेन सिन खिस्‍यी खित्‍कान्‍ते मिवे, लेमु खाला ङेन। ङा ख्‍योकोन नाङ कामज्‍यीक खिओ। थे काम च्‍यि ईन्‍दे सिन सुइँदेकी ख्‍योकोनला लेमु खाईन लाप्‍कीन बिन्‍सीनोङ ख्‍योकोनगीचेन परमेश्‍वरगी थोक खाबाते ईनराङ मेन सिन पत्ते मिक्‍किओ। थोगी ख्‍योकोन गाङे सजाय ङेत्‍ला स्‍यिइओ,’ सिन परमेश्‍वरगी साबाते बात टिबा ओतान,” सिन सिदुक।

२ थिस्‍सलोनिकी 1:9

होथोक्‍ते मिओनगी ङेत्‍च्‍येते सजाय च्‍यि ईन्‍दे सासीन थेबाचेन प्रभु येशू दोन्‍दु बान्‍दा देता मेङेदो। थेत्ताङ चुक छ्येज्‍यीक शक्ति ओता ईन्‍दाका सिनोङ नोमुङ थोङा मेङेदो। थेबेकीनी सधैँभरि आउदी खाला दुक्‍पा भोगे खिनराङ देता फाप्‍क्‍यो।

हिब्रू 12:23

येशू ख्रीष्‍ट मिओन ओङेकी छ्येते फुज्‍युङगी ङेत्‍च्‍येते हक ङेत्‍कान्‍ते मिओनोङ थेरूराङ ओत। स्‍वर्गदु थेबा गाङे मिन टिबा ओत। मि गाङेते न्‍याय खित्‍कान्‍ते परमेश्‍वर थेरूराङ ओत। परमेश्‍वरगी पूरो खाईन पापदुकी टाल्‍गीन थेकी खि साबा च्‍योकराङ खित्‍कान्‍ते स्‍यिइन सिन्‍दाते मिओनोङ थेरूराङ ओत।

हिब्रू 2:3

थे नियम मेङेन्‍कान्‍तेबेकीनी सजाय ङेता ओतान सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते दोक लेमुते बात माङेन्‍सीन ङुरूङ चुक खाला सजाय छ्य्‌वापेई थारगीतेरो? परमेश्‍वरगी मिला पापकी सजायदुकी डेल्‍च्‍येते बात गोमा प्रभु येशूकी लापाते ईन। थेमे थेकी लापाते बात थोकान्‍तेबेकी थे बात सत्‍यते ईन सिन ङुरूङला लाप्‍कीन बिन्‍दा ओत।

२ पत्रुस 2:4

दि बात ङुरूङला छ्याराङ ओत। च्‍यि सासीन परमेश्‍वरगी पाप खित्‍कान्‍ते परमेश्‍वर दूतओनला समेदोङ थाराङ मोतोङा खाईन सजाय बिन्‍गीन नरककुण्‍डमा गाङे भन्‍दा मुन्‍दाकते ठाउँनामा लुक्‍पा ओत। परमेश्‍वरगी मि गाङे न्‍याय खित्‍च्‍येते दिन मालेपथुप थेबाला ठाठाबाराङ थे मुन्‍दाकते ठाउँदुराङ किल्‍ला ज्‍य्‌वाक्‍यो।