१ थिस्‍सलोनिकी 5:20 - जिरेल

²⁰ सुइँदेकी परमेश्‍वरगी सिर च्‍युताते बात खित्‍जीन थे छ्याःङ काम लै मिक्‍किओ सिराच्‍योक माकेत।

१ थिस्‍सलोनिकी 5:20 Iomraidhean Croise

शक्ति काम 13:1

एन्‍टिओखियादु जम्‍मा ओङकान्‍ते येशू ख्रीष्‍ट मिओन नाङ कोई परमेश्‍वर बात खित्‍कान थेमे कोईचेन परमेश्‍वर बात लोप्‍कान ओतान। थेबाचेन बारनाबास, काला सिराते शिमियोन, साइरेनीपे लुसियस थेमे मनेनताङ शावल ओतान। मनेनचेन हेरोद गेल्‍बोताङराङ हुर्के खाबा ओतान।

शक्ति काम 19:6

थेमे थेकी थेबे लाक्‍तु लाक्‍पा ज्‍यागीन प्रार्थना खानामेई थेबेकी परमेश्‍वर आत्‍मा ङेत्‍सुङ। परमेश्‍वर आत्‍मा ङेत्‍नामेई थेबेकी खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ, परमेश्‍वरगी सिर च्‍युताते बादोङ खासुङ।

१ कोरिन्‍थी 11:4

थोगी सुइँदा ख्‍योओ मिकी ताकीछ्यी खोन खोनबालाराङ परमेश्‍वरताङ प्रार्थना खासुङ थेमे थेकी सिर च्‍युताते बात खासुङ सासीन थेकी थे खोरोङ भन्‍दा छ्ये ईन्‍दाते ख्रीष्‍टला मान माक्‍याबाते ईन।

१ कोरिन्‍थी 12:10

लोक्‍ला कोईला अचम्‍ब अचम्‍बतेन्‍दे काम खित्‍च्‍येते शक्ति बिन्‍दा ओङगो सासीन कोईला परमेश्‍वरगी सिर च्‍युताते बात खित्‍च्‍येते शक्ति बिन्‍दा ओङगो। थोकराङ खाला कोईला सुइँदेकी खाबाते बात परमेश्‍वर आत्‍मेकी सिर च्‍युताते ईन्‍दाना मेन्‍दे सिन डेल्‍च्‍येते शक्ति बिन्‍दा ओङगो। थेमे कोईला खोपरोङगी छ्या मास्‍येबाते खुदुक खुदुकते भाषाला बात खित्‍च्‍येते शक्ति बिन्‍दा ओङगो सासीन ज्‍येनज्‍यीकलाचेन होथोक्‍ते भाषाला बात खित्‍कान्‍ते मिकी खाबाते बातकी अर्थ खोले खित्‍च्‍येते शक्ति बिन्‍दा ओङगो।

१ कोरिन्‍थी 12:28

येशू ख्रीष्‍ट मिओन नाङ परमेश्‍वरगी छ्येदुकी शुरू खाईन टेक्‍टेसाक गाङेला दाक्‍पोन दाक्‍पोन जिम्‍मा बिन्‍दा ओत। थेबे नाङ गाङे भन्‍दा गोमाचेन येशू ख्रीष्‍टकी खटे खाबाते मिओन, थेबे तिरी परमेश्‍वर बात खित्‍कान्‍तेबा, थेरूकी परमेश्‍वर बात लोप्‍कान्‍तेबा फाप्‍क्‍यो। थोकराङ खाला अचम्‍ब अचम्‍बतेन्‍दे काम खित्‍कान्‍तेबा, नाबाते मिओनला ठाक्‍पा खित्‍च्‍येते शक्ति ङेता ओतातेबा, ज्‍येनला मद्धत खित्‍कान्‍तेबा, खाङ काम चुक खाला खिता फाप्‍कीते सिन छ्या स्‍येकान्‍तेबा थेमे खोपरोङगी छ्या मास्‍येबाते खुदुक खुदुकते भाषाला बात खित्‍कान्‍ते मिओन फाप्‍क्‍यो।

१ कोरिन्‍थी 13:2

ङेचेन परमेश्‍वरगी सिर च्‍युताते बात खित्‍च्‍येते शक्ति ङेता ओत्‍सीनोङ, परमेश्‍वरगी गोमा सुङलाङ छ्या स्‍ये च्‍युता मेताते बाततेबा गाङे छ्या स्‍येकान्‍ते ईन्‍सीनोङ थेमे परमेश्‍वरगी चुक खाला काम खिते सिरच्‍येते बात गाङे छ्या स्‍येबा ओत्‍सीनोङ ङे ज्‍येनला ङिङज्‍ये माक्‍यासीन दि बाततेबा छ्या स्‍येला छ्याःङ काम लै मिक्‍किओ, ङा छ्याःङ मेन। थेमे परमेश्‍वरगी जेङ खिता थुप्‍क्‍यो सिन थेला विश्‍वास खाला बोमज्‍यीकला सरे खाला ग्‍युक साला थे बोमला समेत सरे खित ज्‍युता थुप्‍सीनोङ ङा छ्याःङ मेन।

१ कोरिन्‍थी 13:9

च्‍यिला सासीन परमेश्‍वरगी चुक खाला काम खिते सिन थरिङोला ङुरूङगी गाङे छ्या स्‍येबा मेत, परमेश्‍वरगी सिर च्‍युताते बादोङ थरिङोला ङुरूङगी खाबा छेतकामा मेन।

१ कोरिन्‍थी 14:1

थोगी ख्‍योकोनगी चुक खाला ज्‍येनला ङिङज्‍ये खिता थुप्‍कीका सिरच्‍ये छ्य्‌वापा विचार खि। थेमे परमेश्‍वर आत्‍मेकी तेरच्‍येते खुदुक खुदुकते सीपताङ शक्ति चुक खाला ङेदोङा सिरच्‍ये छ्य्‌वापा सेम लै खि। थोक्‍ते सीपताङ शक्ति नाङदुङ परमेश्‍वरगी सिर च्‍युताते बात खित्‍च्‍येते शक्ति ङेतालाचेन ख्‍योकोनगी आउदी सेम खि।

१ थिस्‍सलोनिकी 4:8

थोगी ङ्योकोनगी होथोक्‍ते काम माकेत सिन साबाते दि बातला सुइँदेकी नामज्‍योक मेसेत्‍तुक सासीन थोक्‍ते मिकी मिला मेन्‍देकी परमेश्‍वरलाराङ नामज्‍योक मासेताते ईन। परमेश्‍वरचेन ख्‍योकोनला थे खोरोङ आत्‍मा तेरकान्‍ते ईन।

१ यूहन्‍ना 4:1

ङिङज्‍येते फिजावे, सुइँदेकी ङाला दि बात परमेश्‍वर आत्‍मेकी सिर च्‍युताते ईन सिन सिरजीनमेईराङ थोक्‍ते मि गाङे बात पत्ते माकेत। बरू थेबेकी साबाते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन लेमु खाला छ्या स्‍येबा खि। च्‍यिला सासीन परमेश्‍वर बात खित्‍कान्‍ते मि ईन सिन मेन्‍दे बात लोप्‍कान्‍ते मिओन सा लुङबा खाङ ठाम्‍गीन सिन्‍दा ओत।