१ थिस्‍सलोनिकी 5:2 - जिरेल

² चोर दि छोमुराङ ओङगो सिरा माथुपा च्‍योकराङ प्रभु येशू ग्‍युरला ओङच्‍येते दिनोङ दिराङ ईन सिन सुङगीङ सिरा मुथुबो सिन ख्‍योकोनला लेमु खाला छ्याराङ ओत।

१ थिस्‍सलोनिकी 5:2 Iomraidhean Croise

मत्ती 25:13

थोगी दि कथे बात सेमगी नाङ गुने खिन च्‍याङबो खाला देत। च्‍यिला सासीन दि कथाला साबा च्‍योकराङ परमेश्‍वर ओत्‍सादुई वाबाते मिङ दि छोमु, दि बेलाला ओङगो सिन ख्‍योकोन सुङलाङ छ्याःङ छ्या मेङगो।

लूका 21:34

थोगी ख्‍योकोनगी परमेश्‍वर ओत्‍सादुई वाबाते मि ङा ग्‍युरला ओङे छोमुसाक चुक खाला देता फाप्‍च्‍या ईन्‍दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्‍या थुङच्‍याताङ खोन्‍च्‍ये पीर माकेत। दोक खिन देत्‍सीन खरेउ तोर्बाकला थेप्‍लु खाला थे दिन लेपे छोमुकामा ख्‍योकोनगी छ्या स्‍येक्‍यो।

१ कोरिन्‍थी 1:8

येशू ख्रीष्‍टकी ख्‍योकोनला तिरीसाकराङ थे खोरोङला विश्‍वास खिन देत ज्‍युत्‍क्‍यो। थोक खाला ङुरूङ प्रभु येशू ख्रीष्‍ट ग्‍युरला ओङे छोमु सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिरा मुथुबो।

१ थिस्‍सलोनिकी 5:4

आज्‍यो न्‍वावे, ख्‍योकोनचेन तिरी ओङच्‍येते बातला छ्याःङ विचार मिक्‍किता खाला मुन्‍दाकला देत्‍कान्‍ते मि मेन। थोगी सुइँदे खाम्‍बादु चोर ओङजीन थे खाम्‍बे मिओनला अचम्‍ब लाबाच्‍योक खाला प्रभु येशू ग्‍युरला ओङे छोमु ख्‍योकोनलाचेन छ्याःङ अचम्‍ब मालाङो।

२ थिस्‍सलोनिकी 2:2

सुइँदेकी प्रभु येशू ग्‍युरला ओङच्‍येते दिन नाम वाओङा सिन गुला देता माफाबो, थे लेप्‍कीन सिन्‍सुङ सिरजीनमेईराङ थेबे बात ङेन्‍ला दि बात पक्‍काराङ ईन्‍ताकाना च्‍यिन्‍ताका सिन ज्‍यीबेकी आते खाला अलमल्‍ल परे माकेत। थोक सिरकान्‍ते मिओनगी दि बातनी पावलबेकी परमेश्‍वर आत्‍मे छ्य्‌वापेई साबाते ईन सासीनोङ, पावलबा खोपरोङगीराङ साबाते ईन सासीनोङ कि पावलबेकी चिट्ठीला टिबाते बात ईन सासीनोङ थोक्‍ते बात ङेनराङ माङेन।

२ पत्रुस 3:10

चोर दि छोमुराङ ओङगो सिन सुङलाङ छ्या मेता च्‍योकराङ प्रभु येशू दि छोमु ग्‍युरला ओङगो सिनोङ सुङगीङ सिरा मुथुबो। थे ग्‍युरला ओङे छोमु नामचेन नामज्‍योक बु साच्‍याज्‍यीक ङोरो देन्‍गीन तोक तोरला डुइओ। दागार, ङीमाताङ कार्मातेबाङ मेकी छिक्‍ला सोला डुइओ। थोकराङ खाला दि सा लुङबाताङ दुरू ओताते जतिङ जेसुकै थाला डुइओ।

छ्या स्‍ये च्‍युताते बात 16:15

“दि बात ङेन, ङा चोर च्‍योक थाहाराङ मेछ्येता खाला ओङगो। ङा ओङगो सिन च्‍याङबो खाला देत्‍ला खोपरोङ खोलाक खोन्‍ला सधैँ ठीक खाला देत्‍कान्‍ते मिओन भाग्‍यमानी ईन। थोक खासीन थेबेकी मि दोन्‍दु पेर्दुङबाराङ ख्‍याम्‍बा माफाबो, ङोचाङ खिता माफाबो।”

छ्या स्‍ये च्‍युताते बात 3:3

ख्‍योकोनला गोमाका च्‍यि सिन लापा ओताने थेमे खेराङगी चुक लेमु खाईन ङेन्‍दा ओताने थे बात सम्‍झे खि। थेमे लोक्‍ला गोमा च्‍योकराङ खि। दोक माक्‍यासीन ङा ख्‍योकोन ओत्‍सादु चोर च्‍योक थाहाराङ मेङेता खाला ओङगो। ङा नाम ओङगीते सिन ख्‍योकोनगी छ्याःङ छ्या मेस्‍येओ।