१ थिस्‍सलोनिकी 5:13 - जिरेल

¹³ थेबेकी थोक दुक्‍पा खाला काम खित्‍च्‍येते ईन्‍देकी थेबाला ङिङज्‍ये खिन आउदी खाला मान खि। ख्‍योकोन गाङेराङ डिक्‍ला थुन्‍ला देत।

१ थिस्‍सलोनिकी 5:13 Iomraidhean Croise

मत्ती 10:40

थेमे ख्‍योकोनला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकी ङाला दुरू तोङकान्‍तेलाङ मान खाबाते ईन।

मर्कूस 9:50

थेमे छा छाप्‍टो ओत्‍सीन लेमुराङ ईन। छेते छाप्‍टो तोरसुङ सासीन थे छेते च्‍यि काम? याङराङ च्‍यिकी थे छा छाप्‍टो जोच्‍ये? ख्‍योकोनचेन छाप्‍टो तोराते छा च्‍योक ओङा मेङगो। ख्‍योकोन खेराङ नाङ डिक्‍ला थुन्‍ला देत,” सिन सिदुक।

यूहन्‍ना 15:17

ङा ख्‍योकोनला दोक खि सिन कोत्‍क्‍यो। च्‍यि सासीन ख्‍योकोनगी दोक्‍पोईकी ज्‍येनज्‍यीकला ङिङज्‍ये खि।

२ कोरिन्‍थी 13:11

लो आज्‍यो न्‍वावे, था ज्‍येन बातका च्‍यि सिरच्‍ये, ख्‍योकोनगी परमेश्‍वरगी खेराङला ज्‍वा चाला च्‍योकराङ लेमु मि ओङस्‍यीत सिन थोक्‍ते मि ओङच्‍ये छ्य्‌वापा स्‍येत खि। ङे लाःपा कोताते ङेन्‍ला था चुक खिता फाप्‍कीका थोककामा खि, ख्‍योकोन गाङेराङ सेमज्‍यीकराङ खाला डिक्‍ला थुन्‍ला देत। थोक खासीन गाङेला ङिङज्‍ये खित्‍कान्‍ते थेमे डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

गलाती 4:14

थेजीन ङा थोक खाईन नाबा ओत्‍सीनोङ ख्‍योकोनगी ङाला छ्यि चुक मेलेबा खाईन नाला दुका सिराच्‍योक माक्‍यासुङ, ङिङमारोङ माक्‍यासुङ। बरू ख्‍योकोनगीनी खेराङ दोन्‍दु परमेश्‍वर दूत वाबा च्‍योकराङ खाईन ङाला लेमु खाबा ओतान। दूत छेतकामा मेन, येशू ख्रीष्‍ट थे खोरोङराङ ख्‍योकोन ओत्‍सादु वाबा छेत खाईन ङाला मान खाबा ओतान।

गलाती 5:22

परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिलाचेन थेकी फलफूल गोन ज्‍युताच्‍योक खाला लेमु कामताङ बात खित ज्‍युत्‍क्‍यो। थोगी थोक्‍ते मिकीचेन ज्‍येनला ङिङज्‍ये खिओ, थे गा खिन देत्‍क्‍यो थेमे सेमदु ढुक्‍क खाला देत्‍क्‍यो। थोक्‍ते मि होत्ताराङ स्‍येदाङ मिक्‍किओ, थेकी ज्‍येनला दया खिओ थेमे लेमु खिओ, थेकी खिओ साबा च्‍योकराङ खिओ,

गलाती 6:6

थेमे दाक्‍पोनला परमेश्‍वर बात लोप्‍कान्‍ते मिओनला गोच्‍येते जति तेरा थुपासम्‍म तेरा फाप्‍क्‍यो।

एफिसी 4:3

परमेश्‍वर आत्‍मेकी ख्‍योकोन गाङेला सेमज्‍यीकराङ खाला डिक्‍ला थुन्‍ला देता थुप्‍कान जोबा ओतेकी डिक्‍ला थुन्‍ला देता फाप्‍क्‍यो सिन ख्‍योकोन गाङेकी थोक खाला देत्‍च्‍ये छ्य्‌वापाकामा स्‍येत खि।

कलस्‍सी 3:15

ख्रीष्‍टकी ख्‍योकोनला सेम ढुक्‍क खाला देत ज्‍युत्‍च्‍येते ईन्‍देकी ख्‍योकोन सेमज्‍यीकराङ खाला डिक्‍ला थुन्‍ला देत। ख्‍योकोन जीउज्‍यीकराङ ओङाते गाङेराङ डिक्‍ला थुन्‍ला देत्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। परमेश्‍वरगी खाबाते गाङे कामगी लाईदु ख्‍योकोनगी थेला धन्‍यवाद बिन।

१ थिस्‍सलोनिकी 5:14

थेमे आज्‍यो न्‍वावे, ख्‍योकोनगी खेराङ नाङ दाक्‍पोन लाःक खिता ताङला अल्‍छी खाला देत्‍कानला थोक माकेत, काम खिता फाप्‍क्‍यो सिन सि, ज्‍यीबा खित्‍कानला ज्‍यीबा खिता माफाबो सिन सि, प्रभु येशूला विश्‍वास खाईन पाको गाला मेतातेबाला पाको ड्वाप्‍ला मद्धत बिन। थेमे स्‍येदाङ मिक्‍किता खाला गाङेताङ खा छ्येत लेमु खाला काम खि।

२ थिस्‍सलोनिकी 3:16

थेमे सेमला ढुक्‍क लोङकान्‍ते प्रभु येशूकी दुक्‍पा किम्‍मु जस्‍तो ओङसीनोङ ख्‍योकोनला जहिलेङ सेमदु ढुक्‍क लोङस्‍यीत थेमे ख्‍योकोन गाङेताङ ङ्योम्‍बुराङ देत्‍स्‍यीत सिन ङ्योकोन प्रार्थना खिओ।

२ तिमोथी 2:22

थोगी खुईचेन स्‍यारातेबाला खिता सेम लाङच्‍येते दाक्‍पोन सेमला लाबा लाबाच्‍योक खित्‍च्‍येते मेलेबा काम सिराते नोमुङ माकेत। परमेश्‍वरगी खि साबा च्‍योकराङ खि, येशूला विश्‍वास खिन देत, ज्‍येनला ङिङज्‍ये खि थेमे ज्‍येनतेबाताङ डिक्‍ला थुन्‍ला देत। येशू ख्रीष्‍टला प्रभु सिन सिरकान्‍ते सेमला छ्याःङ पाप मेताते मिओनताङ खुई होदोककामा खिन देत।

हिब्रू 12:14

थुपासम्‍म ख्‍योकोन ज्‍येन गाङेताङ डिक्‍ला थुन्‍ला देत। सेम खुदुक गालाते मिओनगी खिता फापा च्‍योकराङ परमेश्‍वरला मन परे खित्‍च्‍येते कामताङ बातकामा खि। दोक मिक्‍किकान्‍ते सुङगीङ प्रभु परमेश्‍वरला थोङा मेङेदो।

याकूब 3:18

थोरूम च्‍यि सासीन परमेश्‍वरगी बिन्‍दाते बुद्धि ङेता ओताते मिओनगीचेन ज्‍येनला डिक्‍ला थुन्‍ला देत ज्‍युत्‍क्‍यो। दोक खाला थेबेकी काम बात जे खासीनोङ परमेश्‍वरला मन परे खित्‍च्‍येते खिओ।