१ थिस्‍सलोनिकी 5:12 - जिरेल

¹² थेमे आज्‍यो न्‍वावे, ख्‍योकोनगी खेराङ नाङ खेराङला लेमु ओङस्‍यीत सिन दुक्‍पा खाला खाला लोप्‍कान कोत्‍कानला मान खि। थेबाला थे काम प्रभु येशूकीराङ बिन्‍दाते ईन।

१ थिस्‍सलोनिकी 5:12 Iomraidhean Croise

लूका 10:7

खेराङ स्‍यूबाते खाम्‍बे मिकी बिन्‍दाते साप थुङा ङोचा मिक्‍किता खाला सो थुङ। च्‍यिला सासीन खेतालेकी खोपरोङ निमेक ङेता च्‍योकराङ ख्‍योकोनोङ ज्‍येनतेबे लाईदु काम खित्‍कान्‍ते मि ईन्‍देकी ख्‍योकोनला गोच्‍येते जति थेबेकीराङ तेरा फाप्‍क्‍यो। थेरू देत देतसाक थे खाम्‍बादुराङ देत। खाम्‍बा खाम्‍बा युला स्‍यासा मादेत।

यूहन्‍ना 4:38

च्‍यि सासीन ङे ख्‍योकोनला खेराङगी दुक्‍पा खाईन खाईन लै खाबाते बाली थोक्‍पा रूक्‍पाला मेन्‍देकी सुइँदा ज्‍येनगी दुक्‍पा खाईन लै खाबाते बाली थोक्‍पा रूक्‍पाला ताङाप। ख्‍योकोनचेन खेराङगी मेन्‍गीन ज्‍येनगी दुक्‍पा खाईन खाईन लै खाबाते बाली थोक्‍सा रूक्‍साला स्‍यूबाते ईन,” सिन सिदुक।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

शक्ति काम 20:35

थेमे ङुरूङगी दाक्‍पोन जीउ स्‍वाप्‍लाकामा मेन, दुक्‍पा ङेतातेबाला ताप्‍लाङ दुक्‍पा खाला काम खिता फाप्‍च्‍याक्‍वा सिन ङे ख्‍योकोनला तेन्‍गीन बिन्‍दा ओत। जे काम खित्‍जीनोङ ङुरूङगी ‘ज्‍येनगीते लिन्‍दा भन्‍दा बरू ज्‍येनला तेरा लेमु ईन,’ सिन प्रभु येशू थे खोरोङगीराङ साबाते बात टोक ज्‍येता मेङगो,” सिन बात खासुङ।

रोमी 16:12

थेमे दुक्‍पा खाला खाला प्रभु ख्रीष्‍टकी काम खिन ओताते नुमुबा ङिबो त्रिफेनाताङ त्रिफोसाला ङेते नमस्‍ते ओत्‍लो सि। थोकराङ खाला ङिङज्‍येते नुमु परसीसलाङ ङेते नमस्‍ते ओत्‍लो सि। थेकी आउदी दुक्‍पा खाईन प्रभु ख्रीष्‍टकी काम खाबा ओतान।

रोमी 16:6

थेमे मरियमलाङ ङेते नमस्‍ते ओत सि। थेकी ख्‍योकोन लाईदु थोई दुक्‍पा खाईन काम खाबा ओताने सिन टोक माज्‍येत।

१ कोरिन्‍थी 12:28

येशू ख्रीष्‍ट मिओन नाङ परमेश्‍वरगी छ्येदुकी शुरू खाईन टेक्‍टेसाक गाङेला दाक्‍पोन दाक्‍पोन जिम्‍मा बिन्‍दा ओत। थेबे नाङ गाङे भन्‍दा गोमाचेन येशू ख्रीष्‍टकी खटे खाबाते मिओन, थेबे तिरी परमेश्‍वर बात खित्‍कान्‍तेबा, थेरूकी परमेश्‍वर बात लोप्‍कान्‍तेबा फाप्‍क्‍यो। थोकराङ खाला अचम्‍ब अचम्‍बतेन्‍दे काम खित्‍कान्‍तेबा, नाबाते मिओनला ठाक्‍पा खित्‍च्‍येते शक्ति ङेता ओतातेबा, ज्‍येनला मद्धत खित्‍कान्‍तेबा, खाङ काम चुक खाला खिता फाप्‍कीते सिन छ्या स्‍येकान्‍तेबा थेमे खोपरोङगी छ्या मास्‍येबाते खुदुक खुदुकते भाषाला बात खित्‍कान्‍ते मिओन फाप्‍क्‍यो।

१ कोरिन्‍थी 15:10

ङे थोक मेलेबा खाबा ईन्‍सीनोङ परमेश्‍वरगी ङाला दया खाईन ज्‍येनला येशू ख्रीष्‍ट बात लोप्‍कान्‍ते मि जोसुङ। परमेश्‍वरगी ङाला दया खाबाते थाराङ खेरो मागाल्‍सुङ। ङेचेन ङाराङ च्‍योकराङ येशू ख्रीष्‍टकी खटे खाबाते मि गाङेकी भन्‍दा दुक्‍पा खाईन खाईन ल्‍हाक्‍पा काम खाबा ओत। ईन्‍सीनोङ ङे खाबाते काम ङाराङ स्‍येतताङ बुद्धिकी खाबाते मेन। दि गाङे परमेश्‍वर दयेकी खित्‍सादु खिता थुपाते ईन।

१ कोरिन्‍थी 16:16

ख्‍योकोनगी स्‍तिफनासबा च्‍योक्‍ते मि अधीनला देत्‍ला थेबेकी साबाते ङेन।

१ कोरिन्‍थी 16:18

दिबेकी थोक खाबेकी ङुरूङ गाङेला लेमु ओङसुङ। थोगी ख्‍योकोनगी होदोक्‍ते मिला सधैँ मान खि।

१ कोरिन्‍थी 3:9

ङ्योकोनचेन परमेश्‍वरताङ डिक्‍ला काम खित्‍कान्‍ते ईन। थेमे ख्‍योकोनचेन परमेश्‍वर स्‍यीङ च्‍योक्‍ते ईन। दोस्‍यिककामा मेन, ख्‍योकोननी परमेश्‍वरगी जोइन ओताते खाम्‍बाराङ ईन।

२ कोरिन्‍थी 11:23

थेबेकी खोपरोङ येशू ख्रीष्‍ट काम खित्‍कान्‍तेबा ईन खिदुक। ङाङ येशू ख्रीष्‍ट काम खित्‍कान्‍तेराङ ईन। ईन्‍दानी दोक्‍ते बात खित्‍च्‍येते लेम्‍बे बात च्‍योक्‍ते ईन सिन ङाला छ्या ओत। ईन्‍सीनोङ ङा च्‍यि सिते सासीन थेबेकी भन्‍दा ङे खापान खापान ल्‍हाक्‍पा काम खाबा ओत। ङा पालो थोई जेलदु देते सिन टुङ्गो मेत। मिओनगी ङाला दुबाते बात खाला छ्याःङ साँधी मेत। पालोताङ पालो ङा कालगी खादुकी थाराते ईन।

२ कोरिन्‍थी 5:9

बात दोक ईन्‍देकी दि जुनीला ईन्‍स्‍यीत, स्‍यिइन थेत्ताङ देता ङेत्‍नामेई ईन्‍स्‍यीत ङ्योकोन जहिलेङ प्रभु येशूला मन परे खित्‍च्‍येते काम खित्‍च्‍ये छ्य्‌वापाकामा स्‍येत खिओ।

२ कोरिन्‍थी 6:1

ङेराङ परमेश्‍वरताङ डिक्‍ला काम खित्‍कान ईन्‍देकी ङ्योकोन ख्‍योकोनला दोक सिनोङ सिओ। च्‍यि सासीन ख्रीष्‍टकी खित्‍सादु परमेश्‍वरगी खेराङला दया खाबाते थाराङ खेरो मोन्‍डोस्‍यीत सिन ओर्च्‍ये ख्‍योकोनगी थेला मन परे खित्‍च्‍येते काम खि।

गलाती 4:11

ख्‍योकोनगी दोक दोक खाबा थोङजीन ङे दुक्‍पा खाईन खाईन ख्‍योकोन नाङ खाबाते काम छ्याःङ काम लै मिक्‍किच्‍या ईन्‍दा च्‍यिन्‍दा सिन ङाला आउदी पीर लाङगीदुक।

फिलिप्‍पी 2:16

थेमे नोमुङ मिसिन्‍च्‍येते जुनी ङेत्‍च्‍येते बात ङेन्‍दा ख्‍योकोनगी बान्‍दा मातोङ। ख्‍योकोनगी ङे खि साबा च्‍योकराङ खिन देत्‍सीन था ख्रीष्‍ट ग्‍युरला ओङे छोमु ङे ख्‍योकोन नाङ स्‍याप स्‍याप खाईन दुक्‍पा खाईन खाबाते काम थाराङ खेरो मागाल्‍सुङ, ङे थोक खाबाते चुक लेमु ओङसुङा सिन गा खिता ङेत्‍क्‍यो।

फिलिप्‍पी 2:19

थेमे प्रभु येशूताङ प्रार्थना खित्‍जीन था ङे होत्ताराङ तिमोथीला ख्‍योकोन ओत्‍सापा तोङा थुप्‍कीतासीन सिराच्‍योक लाबा ओत। थेकी ख्‍योकोनला ठेत्‍कीन ख्‍योकोन चुक दुका सिन लोन खुलानामेई ङा पीर मिक्‍किता खाला देता ङेत्‍क्‍यो।

कलस्‍सी 1:29

मिओन थोक खाला देता थुप्‍स्‍यीत सिनराङ ङा दुक्‍पा खाला खाला दि बाततेबा ज्‍येनला लोप्‍क्‍यो। ङाराङगी थुपासम्‍म स्‍याप स्‍याप खाईन काम खासीनोङ ङाला थोक खिताला छ्येज्‍यीक शक्ति तेरकान्‍तेचेन ख्रीष्‍टराङ ईन।

१ थिस्‍सलोनिकी 2:9

आज्‍यो न्‍वावे, ख्‍योकोनला परमेश्‍वरते गा लाङच्‍येते बात लोप्‍जीन ख्‍योकोन सुङलाङ छ्याःङ दुक्‍पा तेरा माफाप्‍स्‍यीत सिन ङेराङ लाईदु साप थुङा ङ्य्‌वाप्‍ला ङीन नुप ठोत थेनथेन काम खाबाप। ङ्योकोनगी थोक खाबाते बात ख्‍योकोनगी टोक ज्‍येता मेतासीन।

१ थिस्‍सलोनिकी 4:1

आज्‍यो न्‍वावे, था ज्‍येन बात च्‍यि सासीन परमेश्‍वरला चुक्‍ते काम मन परे खिते, ख्‍योकोनगी चुक खाला देता फाप्‍कीते सिन ङ्योकोनगी ख्‍योकोनला लाप्‍कीन बिन्‍दा ओत। ङ्योकोनगी लापाच्‍योक खाला ख्‍योकोन कामोङ खिनराङ दुक। प्रभु येशूताङ जीउज्‍यीकराङ ओङाते मि ईन्‍देकी ङ्योकोन ख्‍योकोनला थोरूमसाक खिन ओताच्‍योक खिन देता मातोङ, झन लेमु खाला दोक खिनराङ देत सिन सिओ।

१ थिस्‍सलोनिकी 5:14

थेमे आज्‍यो न्‍वावे, ख्‍योकोनगी खेराङ नाङ दाक्‍पोन लाःक खिता ताङला अल्‍छी खाला देत्‍कानला थोक माकेत, काम खिता फाप्‍क्‍यो सिन सि, ज्‍यीबा खित्‍कानला ज्‍यीबा खिता माफाबो सिन सि, प्रभु येशूला विश्‍वास खाईन पाको गाला मेतातेबाला पाको ड्वाप्‍ला मद्धत बिन। थेमे स्‍येदाङ मिक्‍किता खाला गाङेताङ खा छ्येत लेमु खाला काम खि।

१ तिमोथी 5:1

थेमे था चुक सासीन गान्‍दाते मिओनगी खइँदा गल्‍ती खासीन थेबाला कस्‍स्‍ये खाला माङार। बरू खोरोङ आबाला च्‍योकराङ मान खाला थेबेकी थोक खाबाते लेमु मेन सिन खोले खोले खाला सम्‍झे खाला बिन। थेमे स्‍यारातेबाला लाःपा कोता फाप्‍सीन खोरोङ आज्‍यो न्‍वाला च्‍योकराङ खाला लाःप्‍ला कोत्‍ला बिन।

१ तिमोथी 5:20

थेबेकी साबाते बात साँचो ईन्‍सीन थे गल्‍ती खित्‍कान्‍ते मिला थोक खिता मेङगो सिन ज्‍येनतेबा गाङे दोन्‍दु थोप। थोक खानामेकी थोक्‍ते काम खिता मेङच्‍याक्‍वा सिन ज्‍येनतेबा गाङे ज्‍यीबा खिओ।

२ तिमोथी 2:6

थोकराङ खाला बाली लेस्‍यीत सिन आउदी दुक्‍पा खाला कमाइ खित्‍कान्‍ते मिकीङ थे खोरोङगी दुक्‍पा खाबा अनुसार बाली थोक्‍पा रूक्‍पा ङेत्‍क्‍यो।

तीतस 1:3

थाङबोका साबाते बात परमेश्‍वरगी थे खोरोङगी तोके खाबे बेलाला लोप च्‍युत्‍कीन मिओनला छ्या स्‍ये च्‍युत्‍सुङ। ङुरूङला पापदुकी डेल्‍कान्‍ते परमेश्‍वरगीराङ दि बात च्‍यि ईन्‍दे सिन ज्‍येन मिओनला लोप सिन ङाला दि कामगी जिम्‍मा बिन्‍दा ओत।

तीतस 1:5

बात च्‍यि सासीन ङा क्रेट लुङबादुई ख्‍याम्‍जीन थेरू थोरूमोङ खिता फाप्‍च्‍येते कामओन खिताला थेमे सार सारला गाल्‍ला येशू ख्रीष्‍ट मिओनला ताकान्‍तेबाला ङे साबा च्‍योकराङ खाला छाने खाला ज्‍य्‌वाबालाराङ ङे खोल्‍ला थेरू देत साबा ओतान।

तीतस 2:15

दि बाततेबा खुई थेरू गाङेला लोप। थेबाला दि बातओन लेमु खाला ङेन सि। सुइँदेकी दि बातला नामज्‍योक मेसेत्‍तुक सासीन थेबाला थोप। छ्याःङ ज्‍यीबा मिक्‍किता खाला खुई दि कामओन खि। दोक खित्‍जीन खोरोङला खुईते दोक खित्‍च्‍येते च्‍यि अधिकार ओते सिराच्‍योक खित्‍च्‍येते लाम सुङलाङ मातेर।

हिब्रू 13:17

थेमे ज्‍येन बात खेराङला ताकान्‍ते छ्ये छ्ये मिकी साबाते ङेन, थेबे अधीनला देत। खेराङला छ्याःङ मेलेबा मेङस्‍यीत सिन थेबेकी ख्‍योकोनला तेइनराङ देत्‍क्‍यो। थेबेकी चुक चुक खाबे, च्‍यि खाबे सिन ङीमाई परमेश्‍वर दोन्‍दु गाङे हर हिसाब तेरा फाप्‍क्‍यो। ख्‍योकोनगी थेबेकी लाःपा कोताते ङेन्‍सीन खोपरोङगी खित्‍च्‍येते काम थेबाला लेमु लाला गा खिन खिओ। ख्‍योकोनगी थोक माक्‍यासीन थेबाला थे काम खिता सेम मालाङो। थेमे ख्‍योकोनला च्‍यि फाइदा ओङगीते?

हिब्रू 13:7

खेराङला ताकान्‍ते छ्ये छ्ये मि बात ठेम्‍बा खि। थेबेकी ख्‍योकोनला परमेश्‍वर बात लापा ओतान। दुक्‍पा किम्‍मु जस्‍तो ओङजीनोङ स्‍यि स्‍यिसाकराङ थेबेकी चुक खाईन परमेश्‍वरला विश्‍वास खाबा ओताने थे ताला ख्‍योकोनगीङ थेबेकी खाबा च्‍योकराङ खि।

छ्या स्‍ये च्‍युताते बात 1:20

ङे सामे लाःक्‍तु खुई थोङाते कार्मा दुईनबोताङ बत्ती पारला ज्‍य्‌वाच्‍येते सेरगी सामदान दुईनबो अर्थ ङा खोल्‍ला लाःपामीन। दि कार्मा दुईनबो अर्थचेन येशू ख्रीष्‍ट मिओनला ताकान्‍ते परमेश्‍वर दूत दुईनबो ईन। थेमे सेरगी सामदान दुईनबोचेन थे सार दुईनदु जम्‍मा ओङकान्‍ते येशू ख्रीष्‍ट मिओन ईन।

छ्या स्‍ये च्‍युताते बात 2:12

पर्गामम सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन खानामेकी आउदी नोम्‍बोई धार ङि खाबाते तरवार थेन्‍दा ओताते ङा सिन ओत।

छ्या स्‍ये च्‍युताते बात 2:18

थिआटीरा सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन मे च्‍येला च्‍योक खाला चम्‍के खित्‍च्‍याज्‍यीक मिकताङ आरनला लुगीन खारे खाबाते पित्तल च्‍योक खाला टल्‍के खित्‍च्‍याज्‍यीक काम्‍बा ओताते परमेश्‍वर फुज्‍युङ ङा सिन ओत।

छ्या स्‍ये च्‍युताते बात 2:3

ङे मि ईन्‍देकी खित्‍सादु पीरताङ दुक्‍पा आइ परे खित्‍जीनोङ सेम मेसेता खाईन ख्‍योकोनगी ङाला विश्‍वास खिनराङ देत्‍सुङ।

छ्या स्‍ये च्‍युताते बात 2:8

स्‍मर्ना सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन गाङे भन्‍दा गोमामेई ओताते थेमे तिरी तिरीसाकराङ देत्‍कान्‍ते, स्‍यिइन च्‍याकीन सोम्‍बो लोक्‍पा ओताते ङा सिन ओत।

छ्या स्‍ये च्‍युताते बात 3:1

सार्डिस सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन परमेश्‍वर आत्‍मा दुईनबो ङ्योम्‍बु ओताते थेमे लाःक्‍तु कार्मा दुईन ओताते ङा सिन ओत। च्‍यि सासीन थेपा ख्‍योकोनगी च्‍यि च्‍यि खाबा ओते सिन गाङे बात ङाला छ्या ओत। मिओनगी ख्‍योकोनला परमेश्‍वरताङ डिक्‍कान्‍ते आउदी लेमु मि ईन खिदुक। दोक ईन्‍सीनोङ ख्‍योकोन थोक्‍ते मि मेन, ख्‍योकोननी परमेश्‍वर लाईदु स्‍याप छेतराङ गाल्‍ला दुक।

छ्या स्‍ये च्‍युताते बात 3:14

लाओडिसिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन साँचोते बातकामा खित्‍कान्‍ते थेमे परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते आमेन सिराते ङा सिन ओत। परमेश्‍वरगी सा नाम थेमे ओताते जति गाङे ङे छ्य्‌वापेकीराङ जोबाते ईन।

छ्या स्‍ये च्‍युताते बात 3:7

फिलाडेल्‍फिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन सेमला पाप सिराते छ्याःङ मेताते, खिओ साबा च्‍योकराङ खित्‍कान्‍ते ङा सिन ओत। ङात्ताङ गेल्‍बो दाऊद सारगी गो बेत्‍च्‍येते साँचो ओत। ङे पेताते गो सुङगीङ च्‍येता मुथुबो थेमे ङे च्‍येताते सुङगीङ बेताङ मुथुबो।