१ थिस्‍सलोनिकी 5:10 - जिरेल

¹⁰ था तिरी ङुरूङ थेत्ताङ नोमुङ माठाला खाला देता ङेत्‍स्‍यीत सिनराङ प्रभु येशू ख्रीष्‍ट ङुरूङगी ङेता फाप्‍च्‍येते पापकी सजाय थे खोरोङगीराङ भोगे खाईन स्‍याप्‍ते ईन। थोगी थे ग्‍युरला ओङकेसाकला ङुरूङ स्‍यिसीनोङ सोन्‍गीनराङ देता ओत्‍सीनोङ थेत्ताङराङ देता ङेत्‍क्‍यो।

१ थिस्‍सलोनिकी 5:10 Iomraidhean Croise

मत्ती 20:28

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

यूहन्‍ना 10:11

लेमुते गोठालाचेन ङा ईन। लेमुते गोठालेकी लुई लाईदु थे खोरोङ ज्‍यानराङ तेरग्‍यो।

यूहन्‍ना 10:17

ङा ङाराङ खुशीकी मिओन लाईदु ज्‍यान बिन्‍ला स्‍यिच्‍येते थेमे लोक्‍ला सोम्‍बो लोक्‍च्‍येते ईन्‍देकी आबेकी ङाला ङिङज्‍ये खिओ।

यूहन्‍ना 15:13

दाक्‍पोन र्‍वाओन लाईदु दाक्‍पोन ज्‍यान तेरच्‍येते छेत ङिङज्‍ये ज्‍येनतोक छ्याःङ मेन।

रोमी 8:34

थोकराङ खाला था सुङगीङ थेबाला सजाय मेतेरो। च्‍यिला सासीन येशू ख्रीष्‍ट थेबे लाईदु स्‍यिइन सिन्‍दा ओत। थे थोक खाईन स्‍याप्‍तेकामा मेन, स्‍यिसादुकी समेदोङ सोम्‍बो लोगीन थानी परमेश्‍वर सामे छ्य्‌वापा देता ओत। थेमे थेरू देत्‍ला थेकी ङुरूङ लाईदु थेत्ताङ बात खाला तेरग्‍यो।

१ कोरिन्‍थी 15:3

थेजीन ङे ख्‍योकोनला गाङे भन्‍दा छ्येते बात दिराङ ईन सिन ङाराङगी छ्या स्‍येबाते बात लाप्‍कीन बिन्‍दा ओत। च्‍यि सासीन परमेश्‍वर बातला गोमाका साबा च्‍योकराङ खाईन ख्रीष्‍टचेन ङुरूङला पापदुकी डेलाला थे खोरोङ ज्‍यान बिन्‍गीन स्‍या ओतान,

२ कोरिन्‍थी 5:15

मि गाङे लाईदु थे स्‍याप्‍ते ईन्‍देकी नोमुङ मिसिन्‍च्‍येते जुनी ङेताते मिओनगी था दाक्‍पोन खुशी खिता मेङगो। बरू थे थोक खाईन खोपरोङ लाईदु स्‍या ओतान थेमे परमेश्‍वरगी थेला सोम्‍बो लोक्‍पा ओतान सिन टोक मेज्‍येता खाला थेला मन परे खित्‍च्‍येते काम खिता फाप्‍क्‍यो।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

१ थिस्‍सलोनिकी 4:13

थेमे आज्‍यो न्‍वावे, ज्‍येन बात च्‍यि सासीन ख्‍योकोन नाङ स्‍यिइन सिन्‍दाते मिओनला था तिरी च्‍यि ओङगीते सिन ख्‍योकोनगी लेमु खाला छ्या स्‍येस्‍यीत सिन ङ्योकोन दि बात खिन ओत। थेबाला चुक ओङगीते सिन छ्या स्‍येनामेकी ख्‍योकोनगीचेन स्‍वर्गने ड्वा ङेत्‍कीता मेङेत्‍ता सिन छ्याःङ आश मेताते मिओनगी खोपरोङते स्‍यिइन सिन्‍दाते मिओन लाईदु पीर खाबाच्‍योक खाला पीर खिता माफाबो।

१ थिस्‍सलोनिकी 4:15

दोक ओङगो सिरच्‍येते बातला प्रभु येशू थे खोरोङगीराङ साबाते बात ङ्योकोन ख्‍योकोनला सिओ। च्‍यि सासीन थे ग्‍युरला ओङे छोमु थेला विश्‍वास खित्‍कान्‍ते गोमाका स्‍यिइन सिन्‍दाते मिओनगी माठेतथुप ङुरूङ थे छोमुसाक सोन्‍गीन देतातेबा सुङगीङ थेला मेठेदो।

१ थिस्‍सलोनिकी 4:17

थेमे थे छोमुसाकराङ सोन्‍गीन देता ओताते ङुरूङलाङ प्रभु येशू ठेता खिताला परमेश्‍वरगी होथेबाताङराङ मुक्‍पे नाङ खाला नामने खेरग्‍यो। थेमे ईन्‍सीन ङुरूङ प्रभु येशूताङ नोमुङ माठाला खाला ङ्योम्‍बुराङ देता ङेत्‍क्‍यो।

१ थिस्‍सलोनिकी 5:6

थोगी ङुरूङगी होथे ज्‍येनगी खिन ओताच्‍योक खिता मेङगो। ङिगी जाप्‍ते मि च्‍योक गाला ओतेकी थेबेकीचेन तिरी बात छ्याःङ विचार मिक्‍किओ। ङुरूङचेन तिरी बातकी विचार खाला च्‍याङबो खाला देता फाप्‍क्‍यो, छ्याङ रक्‍सी थुकीन होस तोराते मिकी खिताच्‍योक खिता मेङगो।

१ तिमोथी 2:6

मि गाङे पापकी सजाय थे खोरोङगीराङ भोगे खाईन थेचेन मि गाङे लाईदु ज्‍यान बिन्‍गीन स्‍यिसुङ। थेकी थोक खाबाते काम तालाराङ परमेश्‍वरगी मि गाङेला पापकी सजायदुकी टाल्‍ला थे खोरोङताङ डिक ज्‍युता छोल्‍ग्‍यो सिन परमेश्‍वरगी थे खोरोङगी तोके खाबे बेलाला मिओनला छ्या स्‍ये च्‍युत्‍सुङ।

२ तिमोथी 2:11

दोक सिन सिरच्‍येते बात साँच्‍चीराङ ईन्‍दाते बात ईन। च्‍यि सासीन ङुरूङ येशू ख्रीष्‍टताङ स्‍याप्‍ते ईन्‍सुङ सासीन ङुरूङगीङ थेकी ङेताते च्‍योक्‍ते जुनी ङेत्‍ला थेत्ताङराङ देता ङेत्‍क्‍यो।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

१ पत्रुस 2:24

ङुरूङ पापदुकी ठाल्‍ला परमेश्‍वरगी खि साबा साबाच्‍योक खित्‍कान ओङस्‍यीत सिन थे ङुरूङ पापकी सजाय भोगे खाईन स्‍यिङगी थामला टाँए खाईन स्‍यिसुङ। थेकी थोक खाईन दुक्‍पा भोगे खाबेकी खित्‍सादु था ख्‍योकोनगी पापकी सजाय भोगे खिता माफाबो।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।