१ थिस्‍सलोनिकी 4:9 - जिरेल

⁹ थेमे प्रभु येशूला विश्‍वास खित्‍कान्‍ते आज्‍यो न्‍वाकी नाङ दोक्‍पोईकी ज्‍येनज्‍यीकला ङिङज्‍ये खित्‍च्‍येते बातला ङ्योकोनगी ख्‍योकोनला छ्याःङ सिरा माफाप्‍तासीन। दोक्‍पोईकी ज्‍येनज्‍यीकला चुक खाला ङिङज्‍ये खिता फाप्‍कीते सिन परमेश्‍वर थे खोरोङगीराङ ख्‍योकोनला लाप्‍कीन बिन्‍दा ओत।

१ थिस्‍सलोनिकी 4:9 Iomraidhean Croise

मत्ती 22:39

दि छेतराङ ङेन्‍दा फाप्‍च्‍येते ज्‍येनते नियमलाचेन ‘दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,’ सिन साबा ओत।

यूहन्‍ना 14:26

था आबेकी ख्‍योकोनला सल्‍लाह तेरकान्‍तेला ङे छ्य्‌वापेकी तोङगो। थेचेन परमेश्‍वर आत्‍मा ईन। थेकी वाला ख्‍योकोनगी च्‍यि खिता फाप्‍कीते, चुक खिता फाप्‍कीते सिन गाङे लाप्‍ला तेरग्‍यो। थेमे ङे ख्‍योकोनला लाप्‍कीन बिन्‍दाते गाङे बात ठेम्‍बा लोङगो।

शक्ति काम 4:32

येशूला विश्‍वास खित्‍कान गाङेराङ आउदी लेमु खाला डिक्‍ला थुन्‍ला देत्‍कीन ओतान। थेबा खोपरोङताङ जेराङ ओत्‍सीनोङ सुङगीङ दि ङेतेताङ थे खुईते सिराच्‍योक मिक्‍किता खाला गोला सेइन ओतान।

रोमी 12:10

खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खितरीङ खि, ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि।

२ कोरिन्‍थी 9:1

यरूशलेमदु ओताते परमेश्‍वर सन्‍तानओनला मद्धत तेराला सिन पैसा जम्‍मा खिन ओताते बात ङे ख्‍योकोनला याङराङ टिक्‍पा फाप्‍क्‍यो सिराच्‍योक मालाङदुक।

फिलिप्‍पी 3:15

थोगी येशू ख्रीष्‍टला विश्‍वास खिन पाको गालातेबा ङुरूङ गाङेराङ ङे थाल्‍लासाक साबाते बातला डिक्‍पा फाप्‍क्‍यो। ईन्‍दाका दि बातओन नाङ कोई बात ख्‍योकोनला दोकराङ ईनरो सिराच्‍योक लाङगीतासीन। कोई बात ख्‍योकोनला थोक लासीन थे बात ङे साबा च्‍योकराङ ईन सिन परमेश्‍वरगी ख्‍योकोनला छ्या स्‍ये ज्‍युत्‍क्‍यो।

१ थिस्‍सलोनिकी 5:1

थेमे आज्‍यो न्‍वावे, ङ्योकोनगी था तिरी चुक चुक ओङगीते सिन साबाते बात नाम च्‍यि बेलाला ओङगीताका सिन ख्‍योकोनला छ्याःङ टिक्‍पा माफाप्‍तासीन।

हिब्रू 10:16

“था ङे मिओनताङ खित्‍च्‍येते जमान दिराङ ईन। च्‍यि सासीन थेबेकी चुक खिता फाप्‍कीते, च्‍यि खित्‍च्‍ये सिन ङा थेजीन थेबाला लेमु खाला खो ज्‍युत्‍क्‍यो। थेबेकी ङेन्‍दा फाप्‍च्‍येते ङे नियम ङा थेबे सेमगी नाङ टिबा ओता च्‍योकराङ खाला ज्‍य्‌वाक्‍यो। दि बात ङा प्रभु परमेश्‍वर सिन ओत,” सिन साला दुक।

हिब्रू 13:1

थेमे खेराङ गाङेराङ आज्‍यो न्‍वा ईन्‍देकी दोक्‍पोईकी ज्‍येनज्‍यीकला ङिङज्‍ये खिन देत।

१ पत्रुस 3:8

था बात च्‍यि सासीन ख्‍योकोन गाङेराङ डिक्‍ला थुन्‍ला देत। पीर फापा ओतातेबाला पीर माकेत सिन सि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। दोक्‍पोईकी ज्‍येनज्‍यीक दुक्‍पाला तो। ङा ङाराङ ईन सिराच्‍योक मिक्‍किता खाला बरू ज्‍येनला मान खि।

१ पत्रुस 4:8

थेमे ज्‍येनतोक भन्‍दाङ दोक्‍पोईकी ज्‍येनज्‍यीकला आउदी खाला ङिङज्‍ये खि। दोक खासीनराङ ज्‍येनगी जति मेलेबा खासीनोङ थोक्‍ते मिला माफ तेरा थुप्‍क्‍यो।

२ पत्रुस 1:7

दिकामा मेन, खेराङ च्‍योकराङ परमेश्‍वरला विश्‍वास खित्‍कानला दुक्‍पाला लेमु खि थेमे ज्‍येनला ङिङज्‍ये खि।

१ यूहन्‍ना 2:10

दाक्‍पोन आज्‍यो न्‍वाला ङिङज्‍ये खित्‍कान्‍ते मिचेन नाम्‍दाकला देत्‍ला लेमु काम खित्‍कान्‍ते ईन। लेमु काम खानामेई थेला छ्याःङ मेलेबा मेङगो।

१ यूहन्‍ना 3:11

ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो सिन ख्‍योकोनगी येशू ख्रीष्‍टला विश्‍वास खिता छोमुमेईराङ थोबाते बात ईन।

१ यूहन्‍ना 3:23

थेकी खि सिन कोतातेचेन थे खोरोङ फुज्‍युङ येशू ख्रीष्‍टला विश्‍वास खित्‍च्‍येते थेमे येशू ख्रीष्‍टकी खि साबाच्‍योक खाला दोक्‍पोईकी ज्‍येनज्‍यीकला ङिङज्‍ये खित्‍च्‍येतेराङ ईन।

१ यूहन्‍ना 4:21

परमेश्‍वरला ङिङज्‍ये खित्‍कान्‍ते मिकी दाक्‍पोन आज्‍यो न्‍वालाङ ङिङज्‍ये खि सिन येशू ख्रीष्‍टकी ङुरूङला कोताते ईन।