१ थिस्‍सलोनिकी 4:8 - जिरेल

⁸ थोगी ङ्योकोनगी होथोक्‍ते काम माकेत सिन साबाते दि बातला सुइँदेकी नामज्‍योक मेसेत्‍तुक सासीन थोक्‍ते मिकी मिला मेन्‍देकी परमेश्‍वरलाराङ नामज्‍योक मासेताते ईन। परमेश्‍वरचेन ख्‍योकोनला थे खोरोङ आत्‍मा तेरकान्‍ते ईन।

१ थिस्‍सलोनिकी 4:8 Iomraidhean Croise

लूका 10:16

था ख्‍योकोनगी परमेश्‍वर राज्‍य बात लोप्‍जीन जसकी ख्‍योकोन बात ङेन्‍गीदुक थेकी ङे बातराङ ङेन्‍दाते ईन। थेमे जसकी ख्‍योकोन बात मेङेन्‍दुक थेकीचेन ङे बात माङेन्‍दाते ईन। ङे बात मेङेन्‍कान्‍तेकीचेन ङाला दुरू तोङकान्‍तेकी साबातेङ माङेन्‍दाते ईन,” सिन थेबाला थेरूई ताङसुङ।

यूहन्‍ना 12:48

सुइँदेकी ङाला परमेश्‍वरगी ताङाते मेन सिन खिदुक सासीन थेमे ङे साबाते बात मेङेन्‍दुक सासीन थेला न्‍याय खित्‍कान्‍ते ओत्‍कीन ओत। थोक्‍ते मिला था न्‍याय खिते छोमु थरिङोला ङे लापाते बात ताला थोक्‍ते मि दोषी ईन सिन सजाय तेरग्‍यो।

शक्ति काम 13:41

थेबेकी चुक साबा ओताने सासीन ‘ङे बातला ईनराङ मेन सिन खिस्‍यी खित्‍कान्‍ते मिवे, लेमु खाला ङेन। ङा ख्‍योकोन नाङ कामज्‍यीक खिओ। थे काम च्‍यि ईन्‍दे सिन सुइँदेकी ख्‍योकोनला लेमु खाईन लाप्‍कीन बिन्‍सीनोङ ख्‍योकोनगीचेन परमेश्‍वरगी थोक खाबाते ईनराङ मेन सिन पत्ते मिक्‍किओ। थोगी ख्‍योकोन गाङे सजाय ङेत्‍ला स्‍यिइओ,’ सिन परमेश्‍वरगी साबाते बात टिबा ओतान,” सिन सिदुक।

रोमी 5:5

था परमेश्‍वरगी ङुरूङगी आश खाबाच्‍योक मिक्‍किच्‍या ईन्‍दा च्‍यिन्‍दा सिन नोमुङ सेम सेता माफाबो। च्‍यिला सासीन थेकी ङुरूङला परमेश्‍वर आत्‍मा बिन्‍देकी थेकी दाक्‍पोनला थोई ङिङज्‍ये खित्‍च्‍या ईन्‍दाका सिन ङुरूङगी लेमु खाईन छ्या स्‍येबा ओत।

१ कोरिन्‍थी 2:10

परमेश्‍वर बातला साबा च्‍योकराङ खाईन थे खोरोङगी गोमा सुङलाङ छ्या स्‍ये च्‍युता मेताते बात परमेश्‍वरगी ङुरूङलाचेन थे खोरोङ आत्‍मे छ्य्‌वापेई छ्या स्‍ये च्‍युता ओत। परमेश्‍वर आत्‍मेकीचेन गाङे बात छ्या स्‍येक्‍यो, परमेश्‍वरगी च्‍यि खिता चाल्‍ला दुका सिरच्‍येते बात समेदोङ छ्या स्‍येक्‍यो।

१ कोरिन्‍थी 7:40

ङालाचेन चुक लाङगीका सासीन थोक्‍ते फेम्‍मे मिकी लोक्‍ला फाङमा मिक्‍किता खाईन देत्‍सुङ सासीन लेमु ओङगो। दि ङे ख्‍योकोनला ङाराङ सल्‍लाहकामा बिन्‍दाते ईन। ईन्‍सीनोङ परमेश्‍वर आत्‍मेकीराङ ङाला चुक खाला बात खित्‍च्‍ये सिन लाप्‍ला तेरग्‍यो सिन ङाला छ्या ओत।

२ कोरिन्‍थी 1:22

ङुरूङ थोक्‍ते मि ईन सिन थेकी ङुरूङला थे खोरोङ छाप ग्‍यापा ओत थेमे थे खोरोङगी तेरग्‍यो साबाते गाङे तेरग्‍यो सिन पक्‍का खिताला थेकी ङुरूङला परमेश्‍वर आत्‍मा बिन्‍दा ओत।

गलाती 4:6

दोक खाईन ख्‍योकोन थे खोरोङ फुज्‍युङ फुमुराङ ओङा ओतेकी परमेश्‍वरगी ख्‍योकोनला थे खोरोङ फुज्‍युङ आत्‍मा बिन्‍सुङ। ङुरूङ सेमगी नाङ ओताते थे आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

१ पत्रुस 1:12

परमेश्‍वरगी खोपरोङला सिर च्‍युताते होदि बातओन थेबा खोपरोङ लाईदु मेन्‍देकी ख्‍योकोन लाईदु ईन सिन परमेश्‍वरगी थेबाला छ्या स्‍ये च्‍युता ओतान। थेबेकी साबाते होथे बाततेबा थरिङोला गा लाङच्‍येते बात लोप्‍कान्‍ते मिओनगी ख्‍योकोनला लाप्‍कीन बिन्‍दा ओत। दि गा लाङच्‍येते बात परमेश्‍वरगी स्‍वर्गनेकी ताङाते परमेश्‍वर आत्‍मे छ्य्‌वापेई थेबेकी ख्‍योकोनला लाप्‍कीन बिन्‍दा ओत। होदि बातओन परमेश्‍वर दूतओनगीङ आउदी खाला छ्या स्‍येबा सेम खिओ।

२ पत्रुस 1:21

थे बातओननी थे खोरोङ आत्‍मे छ्य्‌वापेई परमेश्‍वरगीराङ थेबाला सिर च्‍युताते ईन, मिओनगी खोपरोङ सेमला नोकीन खाबाते बात मेन।

१ यूहन्‍ना 3:24

परमेश्‍वरगी खि सिन कोताते खित्‍कान्‍ते मिओनचेन थेत्ताङ डिक्‍ला देत्‍क्‍यो। थोक्‍ते मिओनताङ परमेश्‍वर ङ्योम्‍बुराङ देत्‍क्‍यो। परमेश्‍वर ङुरूङताङ ङ्योम्‍बु देत्‍क्‍यो सिन ङुरूङगी चुक खाला छ्या स्‍येकीते? दि बातचेन ङुरूङगी थेकी ङुरूङला बिन्‍दाते थे खोरोङ आत्‍मे छ्य्‌वापेई छ्या स्‍येक्‍यो।

यहूदा 1:8

गोमा होथेबेकी खाबा च्‍योकराङ खाला ख्‍योकोन नाङ खाराक्‍पा स्‍यूबाते खोपरोङ मिलाम स्‍येत्‍कान्‍ते मिओनगीङ गोमा होथेबेकी खाबा च्‍योकराङ खाला मेलेबा काम खिदुक। च्‍यि सासीन रन्‍डीबाजीताङ होदि च्‍योक्‍ते खिता मेङच्‍येते काम खाला थेबेकी खोपरोङला ङ्ये ज्‍युत्‍कीदुक, परमेश्‍वर थेमे ज्‍येन सुङगीङ अधीनला मेदेत्‍तुक थेमे परमेश्‍वर दूतओन विरोध खिदुक।