१ थिस्‍सलोनिकी 4:7 - जिरेल

⁷ परमेश्‍वरगी होथोक्‍ते काम खित्‍स्‍यीत सिन मेन, ङुरूङ सेम खुदुक गाल्‍ला थोक्‍ते मेलेबाते काम सिराते छ्याःङ मिक्‍किस्‍यीत सिन ङुरूङला थे खोरोङ दोन्‍दु स्‍योक सिन काताङाते ईन।

१ थिस्‍सलोनिकी 4:7 Iomraidhean Croise

रोमी 1:7

दोक खाईन परमेश्‍वरगी ङिङज्‍ये खाईन थे खोरोङ सन्‍तान ईन सिन छाने खाबाते रोम सारदु ओताते ख्‍योकोन गाङेला ङुरूङ आबा परमेश्‍वरताङ प्रभु येशू ख्रीष्‍टकी दया खाला लेमु खिनराङ देत्‍स्‍यीत।

१ कोरिन्‍थी 1:2

ङा दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन ख्‍योकोनला टिगीन ओत। येशू ख्रीष्‍टकी खित्‍सादु परमेश्‍वरगी ख्‍योकोन सेम खुदुक जोकीन थे खोरोङ सन्‍तान ईन सिन छाने खाबा ओत। दुरू टिबाते बातचेन ख्‍योकोन च्‍योकराङ प्रभु येशू ख्रीष्‍टला प्रभु सिन सिरकान्‍ते गाङेपे मिलाङ ईन। येशू ख्रीष्‍टचेन थेबेतेङ ङुरूङतेङ मालिक ईन।

गलाती 5:19

दाक्‍पोन खुशीला ख्‍याम्‍कान्‍ते मिकी चुक चुक खिते सिन ङुरूङ गाङेला लेमु खाला छ्याराङ ओत। थोक्‍ते मिकीचेन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम खिओ,

एफिसी 1:4

च्‍यि सासीन थे खोरोङ दोन्‍दु सेम खुदुक गालाते थेमे छ्याःङ गल्‍ती मेताते मि ओङस्‍यीत सिन ख्रीष्‍टकी खित्‍सादु थेकी ङुरूङला दि सा नाम ज्‍वा भन्‍दा गोमाराङ छाने खाबा ओतान। ङुरूङला ङिङज्‍ये खाईन

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

एफिसी 4:1

बात दोक दोक ईन्‍देकी ङा ख्‍योकोनला दोक खि सिन सिओ। प्रभु येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ङा ख्‍योकोनला चुक खि सिते सासीन ओर्च्‍ये, परमेश्‍वरगी खेराङला थे खोरोङ दोन्‍दु स्‍योक सिन कातोङजीन ख्‍योकोनगी चुक चुक खिता फाप्‍क्‍यो सिन साबा ओताने थोक थोकराङ खि।

एफिसी 4:19

थेबे सेमचेन स्‍यिङ दो च्‍योकराङ स्‍येन्‍दे गाला ओतेकी खिता मेङच्‍येते काम खित्‍जीनोङ थेबाला छ्याःङ च्‍योक मालाङो। दोक गालेकी थेबेकी खिता मेङच्‍येतेताङ ङोचा लाङच्‍येते कामकामा खिन देत्‍क्‍यो। होथोक्‍ते काम माक्‍याबाला ओङराङ मेङगो सिराच्‍योक खाला थेबेकी झन झन होथोक्‍ते कामकामा खिता छोल्‍ग्‍यो।

१ थिस्‍सलोनिकी 2:3

जसकी जेराङ सासीनोङ ङ्योकोननी मिओनला गा लाङच्‍येते बात ङेन सिन लोप्‍जीन नोमुङ मेन्‍दे बात मोलोबो, चुक खासीन ङेराङला फाइदा ओङगीका थे तालाङ मोलोबो थेमे मि मिकला छारो देक्‍पाङ मोछोलो।

२ तिमोथी 1:9

थेकीराङ ङुरूङला पापकी सजायदुकी टाल्‍गीन बिन्‍दा ओत। थेमे ङुरूङ सेम खुदुक गाल्‍ला मेलेबाते कामताङ बात सिराते छ्याःङ मिक्‍किस्‍यीत सिन थे खोरोङ दोन्‍दु स्‍योक सिन काताङा ओत। थेकी थोक खाबाते ङुरूङगी थेकी खि साबा साबाच्‍योक खाईन लेमु काम खाबेकी खित्‍सादु मेन, बरू थे खोरोङ दयेकी ङुरूङला थोक खिता चालेकी खित्‍सादुकामा ईन। येशू ख्रीष्‍ट छ्य्‌वापेकी ङुरूङ लाईदु दोक खिओ सिन थेकी दि सा नाम ज्‍वा भन्‍दा गोमाकाराङ टुङ्गो खाबा ओतान।

हिब्रू 12:14

थुपासम्‍म ख्‍योकोन ज्‍येन गाङेताङ डिक्‍ला थुन्‍ला देत। सेम खुदुक गालाते मिओनगी खिता फापा च्‍योकराङ परमेश्‍वरला मन परे खित्‍च्‍येते कामताङ बातकामा खि। दोक मिक्‍किकान्‍ते सुङगीङ प्रभु परमेश्‍वरला थोङा मेङेदो।

२ पत्रुस 2:10

खास खालाचेन खोपरोङ सेम मेलेबा ओत्‍कीन दाक्‍पोन खुशी खिन खिता मेङच्‍या आउदी मेलेबा मेलेबा काम खित्‍कान्‍ते थेमे परमेश्‍वरताङ ज्‍येन सुङगीङ अधीनला मेदेत्‍कान्‍तेबाला चुक खाला सजाय तेरा फाप्‍कीते सिन थेला लेमु खाला छ्या ओत। परमेश्‍वर बातताङ मिडिक्‍च्‍येते बात लोप्‍कान्‍ते होथे मिओनगी सुङताङ ज्‍यीबा ख्‍यारा मिक्‍किता खाला ङा ङाराङ ईन सिराच्‍योक खिओ। थेबेकीनी पाप खित्‍कान्‍ते परमेश्‍वर दूतओनलाङ छ्याःङ ज्‍यीबा मिक्‍किता खाला विरोध खिओ।