१ थिस्‍सलोनिकी 4:6 - जिरेल

⁶ थेमे ख्‍योकोन सुङगीङ येशूला विश्‍वास खित्‍कान्‍ते ज्‍येन मि फेम्‍मेताङ खिता मेङच्‍येते काम खाला थे ख्‍योबोला सोम्‍बोलाराङ सबी चावादु लुच्‍येते काम माकेत। होथोक्‍ते मेलेबाते काम जे खासीनोङ थोक खित्‍कान्‍तेबाला प्रभु येशूकी सजाय तेरग्‍यो। थोगी ख्‍योकोन च्‍याङबो खि सिन ङ्योकोनगी ख्‍योकोनला गोमाकाराङ लाःपा ओत।

१ थिस्‍सलोनिकी 4:6 Iomraidhean Croise

मर्कूस 10:19

परमेश्‍वरगी बिन्‍दाते छ्ये छ्ये नियमला च्‍यि च्‍यि साबा ओते सिन खोल्‍ला छ्याराङ ओतासीन। थे नियमलाचेन ‘मि सेता मेङगो, रन्‍डीबाजी खिता मेङगो, क्‍वा मेङगो, मेन्‍दे बातला सुङलाङ दोष लै खिता मेङगो, सुङलाङ ठगे खिता मेङगो, आबा आमाला मान खिता फाप्‍क्‍यो,’ सिन साबा ओत। खुई होदि नियमओनराङ ङेन,” सिन सिदुक।

लूका 12:5

बरू ख्‍योकोन परमेश्‍वरताङचेन ज्‍यीबा खि। च्‍यिला सासीन थेकीनी सेता थुप्‍च्‍येतेकामा मेन, सेत्‍ला मिला नरककुण्‍डमाङ लुबा थुप्‍क्‍यो। थोगी मित्ताङ मेन, परमेश्‍वरताङकामा ज्‍यीबा खि।

लूका 16:28

ङेते न्‍वा ङाटीक ओत। थेकी गाल्‍ला थेबाला ङे खाबाच्‍योक मेलेबा काम खिता ताङला लेमु काम खि सिन लाःप्‍स्‍यीत। थोक खासीन थेबेकी ङे च्‍योकराङ देमा स्‍यूला दि दुक्‍पा भोगे खिता माफाबो,’ सिन सादुक्‍लो।

रोमी 1:18

बात चुक सासीन मिओनगी परमेश्‍वरगी माकेत साबाते मेलेबा मेलेबा काम खाईन पाप खाबेकी खित्‍सादु थेकी स्‍येदाङगी चूर गाल्‍गीन स्‍वर्गनेकी थेबाला सजाय तेराला स्‍यूबा ओत। परमेश्‍वरगी सत्‍यते बात छ्या स्‍येबा खाईन बिन्‍दा ओत्‍सीनोङ थे मेङेन्‍दा खाला मिओनचेन पापकामा खिन दुक।

रोमी 12:19

ङिङज्‍येते आज्‍यो न्‍वावे, ख्‍योकोनगी खेराङला मेलेबा खित्‍कानला नोमुङ स्‍येदाङ मासेत। थोक्‍ते मिओनला परमेश्‍वरगीराङ छ्येन विचार खिओ सिरच्‍येते बात टोक माज्‍येत। “ज्‍येनला मेलेबा खित्‍कान्‍तेबाला स्‍येदाङ सेत्‍च्‍येते काम ङेते ईन। ङा सु सुला चुक चुक खिता फाप्‍कीते थोकराङ खाला किम्‍बा ज्‍येल्‍ग्‍यो,” सिन प्रभु परमेश्‍वर थे खोरोङगीराङ साबाते बात परमेश्‍वर बातला टिबा ओत।

रोमी 13:4

खेराङला सुङगीङ मेलेबा मिक्‍किस्‍यीत सिन ताप्‍ला थेमे मेलेबा खित्‍कानला सजाय तेराला परमेश्‍वरगी थेबाला खटे खाबाते ईन। ख्‍योकोनगी लेमु काम माक्‍यासीनचेन ख्‍योकोनला सजाय तेरच्‍येते अधिकार थेबे लाःक्‍तुराङ ओत सिन च्‍याङबो खाला देत। परमेश्‍वरगी थे खोरोङ साटोला सजाय तेरच्‍येते अधिकार थेबाला बिन्‍दा ओतेकी थेबेकी सजाय तेरच्‍येते ईन।

२ कोरिन्‍थी 7:11

लो विचार खि, परमेश्‍वरगी ख्‍योकोन सेमला फोक्‍च्‍येते थे काम खानामेई ख्‍योकोनला थोई लेमु ओङसुङा। च्‍यि सासीन था ख्‍योकोनगी ङेत गोमा च्‍योक खितराङ मिक्‍किओ सिन खालि लेमु खित्‍च्‍ये छ्य्‌वापाकामा स्‍येत खिताला स्‍यूसुङ, खेराङगी ङाला गोमाबा च्‍यिला थोक मेलेबा खाताका, थोक खाबाते लेमु मेन्‍दाक्‍वा सिन छ्या स्‍येबाला स्‍यूसुङ, था ङे ख्‍योकोनला च्‍यि खिताना चुक सिताना सिन ज्‍यीबा खिताला स्‍यूसुङ, ख्‍योकोन था ङात्ताङ ठेताला आउदी सेम खिताला स्‍यूसुङ थेमे खेराङ नाङ मेलेबा खित्‍कान्‍ते मिला सजाय तेराला टुङ्गो खासुङ। दोक दोक खाईन ख्‍योकोनगी था खेराङ दोषी मेन सिन तेन्‍दाला स्‍यूसुङ।

गलाती 5:21

थेमे मि जाला लोभ खिओ। दोस्‍यिककामा मेन, थे छ्याङ रक्‍सीकी जिला ख्‍याम्‍ग्‍यो, ज्‍येनताङ रूला भक्‍कुचूर सोला थुला मोज मज्‍जा खिओ थेमे होदोक्‍ते ज्‍येन ज्‍येन कामोङ खिओ। होदोक दोक खिन देत्‍कान्‍ते मि सुङ तिरी परमेश्‍वर राज्‍यने स्‍यूक्‍पा मेङेदो सिन ङे ख्‍योकोनला गोमाकाङ लेमु खाईन साबा ओत, लोक्‍ला थरिङोङ थोकराङ सिओ।

एफिसी 4:17

थेमे प्रभु ख्रीष्‍टकी ङाला दोक सिरच्‍येते अधिकार बिन्‍दा ओतेकी ङा ख्‍योकोनला दि बाततेबा सिन ओत। च्‍यि सासीन ख्‍योकोनगीचेन परमेश्‍वरला छ्या मेस्‍येकान्‍ते मिओनगी च्‍योकराङ खिन देता मेङगो। परमेश्‍वरला छ्या मेस्‍येकान्‍ते मिओनचेन तिरी बात छ्याःङ विचार मिक्‍किकान्‍ते बुद्धि मेताते मि ईन।

एफिसी 4:28

गोमा कुला साकान्‍तेकी थोक खिता ताङला दाक्‍पोन पाखुरा चले खाला सो। दाक्‍पोनला गोच्‍येतेकामा मेन्‍देकी छ्याःङ मेतातेबाताङ गोला सा थुप्‍स्‍यीत सिन जाँगर खाला काम खि।

एफिसी 5:6

सुइँदेकी होदोक्‍ते कामताङ बात खिता छ्याःङ मेलेबा मेन सासीनोङ ख्‍योकोनगी थेबे बात ङेनराङ माङेन। परमेश्‍वरगी खि साबाते माङेन्‍ला होदोक दोक्‍ते काम खित्‍कान्‍ते मिओनला था थेकी स्‍येदाङगी चूर गाल्‍ला सजाय तेरग्‍यो।

१ थिस्‍सलोनिकी 2:11

आबातेकी फिजाओन बानी मेङ्येस्‍यीत सिन लाःपा कोता च्‍योकराङ ङ्योकोनगीङ ख्‍योकोन गाङेला लेमु ओङस्‍यीत सिन दोक दोक खाबाप। चुक सासीन दुक्‍पा ओङसीनोङ सेम मेसेता खाला प्रभु येशूला विश्‍वास खिन देता मातोङ साकीन आँट बिन्‍दाप।

२ थिस्‍सलोनिकी 1:8

परमेश्‍वरला माने मिक्‍किकान्‍ते थेमे ङुरूङ प्रभु येशूते गा लाङच्‍येते बात मेङेन्‍कान्‍ते मिओनला थेबेकी ङेता फाप्‍च्‍येते सजाय तेरग्‍यो।

हिब्रू 13:4

ख्‍योकोन दाक्‍पोन ख्‍यावा फेम्‍मेताङकामा देत। सुङगीङ ज्‍येन मि ख्‍यावा फेम्‍मेताङ ङ्याल्‍ला रन्‍डीबाजी माकेत। फाङमा खाबातेबा ईन्‍स्‍यीत, माक्‍याबातेबा ईन्‍स्‍यीत रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबाला जोराङ ईन्‍सीनोङ परमेश्‍वरगी न्‍याय खाला सजाय तेरग्‍यो।

हिब्रू 2:6

बरू मि बात खित्‍जीन सुइँदेकी परमेश्‍वर बातला ठाउँज्‍यीक्‍तु च्‍यि साला दुका सासीन “मि जाबाङ परमेश्‍वर खुई दोन्‍दु सु ईन्‍देरो? दोक ईन्‍सीनोङ खुई थेला रकस्‍यिकोङ टोक मेज्‍येदो।

याकूब 2:6

ख्‍योकोनचेन होथोक्‍ते मिओनलाराङ हेला खिदुक। च्‍यि ख्‍योकोनला दुक्‍पा तेरकान्‍ते थेमे मुद्धा लाङला अड्डादु केल्‍कान्‍ते छ्युक्‍पुते मिओनराङ मेनरो?

याकूब 5:4

च्‍यि सासीन ख्‍योकोनगी खेराङ स्‍यीङदु काम खित्‍कानताङ बाली थोक्‍कान रूक्‍कान खेतालाओनला बनी माबिन्‍देकी थेबा ङुबाते छ्येज्‍यीक शक्ति ओताते प्रभु परमेश्‍वरगी थोबा ओत।