१ थिस्‍सलोनिकी 4:5 - जिरेल

⁵ परमेश्‍वरला छ्या मास्‍येबाते मिओनगी खोपरोङ सेम थामे खिता माथुप्‍ला फेम्‍मेतेबाला चुक खिता सेम लाङगीका थोकराङ खिओ। ख्‍योकोनगीचेन थेबेकी च्‍योक माकेत।

१ थिस्‍सलोनिकी 4:5 Iomraidhean Croise

मत्ती 6:32

परमेश्‍वरला छ्या मेस्‍येकान्‍ते मिओनगीकामा खालि साच्‍या थुङच्‍याताङ खोन्‍च्‍ये विचारकामा खिन देत्‍क्‍यो। ख्‍योकोनला साप थुङा थेमे खोन्‍दा गोक्‍यो सिननी स्‍वर्गने देत्‍कान्‍ते ख्‍योकोन आबा परमेश्‍वरला दाक छ्या ओत याङ।

लूका 12:30

परमेश्‍वरला छ्या मेस्‍येकान्‍ते मिओनगीकामा खालि साच्‍या थुङच्‍याताङ खोन्‍च्‍ये विचारकामा खिन देत्‍क्‍यो। ख्‍योकोनला साप थुङा थेमे खोन्‍दा गोक्‍यो सिननी ख्‍योकोन आबा परमेश्‍वरला दाक छ्या ओत याङ।

शक्ति काम 17:23

च्‍यिला सासीन सार खाङ युगीन डोजीन ङे ख्‍योकोन मन्‍दिरताङ ल्‍हे थान काल्‍बेई थोङसुङ। लेमु खाला ताजीन ठाउँज्‍यीक्‍तु थानज्‍यीक जोकीन थे लाक्‍तु ‘मिनराङ छ्या मास्‍येबाते ल्‍हा’ सिन टिबातेङ ङे थोङसुङ। थे ल्‍हा सु ईन्‍दे, चुक्‍ते ईन्‍दे सिन छ्या मास्‍येबालाराङ ख्‍योकोनगी थेला माने खिन दुक। ख्‍योकोनगी थोक खाईन छ्या मास्‍येबालाराङ माने खाबाते थे सु ईन्‍दे सिन था ङा लेमु खाला सिरामीन।

रोमी 1:24

मिओनगी थोक खिताला स्‍यूबेकी खित्‍सादु परमेश्‍वरगी थेबाला खोपरोङ खुशीला ताङसुङ। थोक खानामेई मिओनगी खोपरोङला जे खिता सेम लाङगीदुक थेराङ खिन खिता मेङच्‍येते ङोचा लाङच्‍येते कामकामा खिताला स्‍यूसुङ।

रोमी 1:26

मिओनगी थोक खिताला स्‍यूनामेई परमेश्‍वरगी थेबाला थेबेकी खिता चालाच्‍योक मेलेबाताङ ङोचा लाङच्‍येते कामराङ खित्‍स्‍यीत सिन छारा ताङसुङ। थोक खानामेई फेम्‍मे मिओनगी ख्‍योबोताङ ङ्याला च्‍योक खाईन फेम्‍मे मिलाराङ ङ्योम्‍बु ज्‍याक्‍ला खिता मेङच्‍येते काम खिताला स्‍यूसुङ।

रोमी 1:28

दोस्‍यिककामा मेन, थेबेकी परमेश्‍वरगी साबाते च्‍यिला ङेन्‍च्‍येरो सिन थेला छ्याःङ वास्‍ता माक्‍याबेकी थेकी थेबाला खोपरोङ सेमला लाबा लाबा खिता मेङच्‍येते कामराङ खित्‍स्‍यीत सिन ताङसुङ।

१ कोरिन्‍थी 1:21

दोक खाईन आउदी बुद्धि पुरे खाला काम खित्‍कान्‍ते परमेश्‍वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्‍येबा मुथुबो सिन तेन्‍गीन बिन्‍दा ओत। मिओनगी लेम्‍बे बात ईन सिरच्‍येते ङ्योकोनगी लोप्‍च्‍येते बातराङ मिओनगी ङेन्‍स्‍यीत थेमे दि बात ङेन्‍ला येशूला विश्‍वास खित्‍कान्‍तेबाला पापकी सजायदुकी डेल्‍ग्‍यो सिन परमेश्‍वरगी टुङ्गो खाईन दोक खिताराङ थेला लेमु लासुङ।

१ कोरिन्‍थी 15:34

थोगी था ख्‍योकोनगी लेमु मेलेबा च्‍यि ईन्‍दे सिन डेला थुप्‍कान्‍ते मि च्‍योक ओङला काम खि। पाप खिन देता थोङ। ख्‍योकोनला ङोचा लोङाप सिनराङ ङा दोक सिन ओत। च्‍यिला सासीन ख्‍योकोन कोईकीनी थोरूमोङ परमेश्‍वर सु ईन्‍दे, थेकी चुक खाला काम खिते सिन छ्याःङ खोबा मिन्‍दुक।

गलाती 4:8

गोमाबा परमेश्‍वरला छ्या स्‍येबा मेते बेलाला ख्‍योकोन दुक्‍पा खाला खाला ल्‍हा लुला माने खिन ओतान। थोक खाला थेजीन ख्‍योकोन थेबाला माने माक्‍याबाला ओङराङ मेङगो सिराच्‍योक खाला ल्‍हा लु माने खिन ओतान। थेबानी ल्‍हा ईनराङ मेन।

एफिसी 2:12

ख्‍योकोनगी टोक ज्‍येता मेङच्‍येते बात च्‍यि सासीन ख्‍योकोन गोमा ख्रीष्‍टकी छ्य्‌वापेई छ्याःङ मेङेत्‍कान्‍ते मि ओतान, परमेश्‍वरगी छाने खाबाते इस्राएली नाङ फाप्‍कीन मेतान थेमे परमेश्‍वरगी जमान खाईन थेबाला तेरग्‍यो साबातेबा ङेत्‍च्‍येते ख्‍योकोनते छ्याःङ हक मेतान। दोस्‍यिककामा मेन, तिरी जुनीला लेमु ओङच्‍येते ख्‍योकोनते छ्याःङ आश मेतान थेमे परमेश्‍वरला छ्या मास्‍येकीन दि सा लुङबादु खेराङला लेमु खित्‍कान्‍ते सुङ मेताच्‍योक खाईन देता ओतान।

कलस्‍सी 3:5

थोगी था ख्‍योकोनगी दाक्‍पोन खुशी खिन दाक्‍पोनला च्‍यि च्‍यि खिता सेम लाङगीका थोकराङ खिन देता थोङ। च्‍यि सासीन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम माकेत, होदोक्‍ते काम माक्‍याबाला ओङराङ मेङगो सिराच्‍योक माकेत, लोभ माकेत, लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

२ थिस्‍सलोनिकी 1:8

परमेश्‍वरला माने मिक्‍किकान्‍ते थेमे ङुरूङ प्रभु येशूते गा लाङच्‍येते बात मेङेन्‍कान्‍ते मिओनला थेबेकी ङेता फाप्‍च्‍येते सजाय तेरग्‍यो।

१ पत्रुस 4:3

ईन्‍दालाचेन गोमाबा ख्‍योकोनगीङ परमेश्‍वरला ङो मेस्‍येकान्‍ते मिओनगी च्‍योकराङ खिन तोङासम्‍म समय ताङा ओतान। च्‍यि सासीन थेजीन ख्‍योकोनगी ङोचा लाङच्‍येते कामओन खिन ओतान, दाक्‍पोन खुशी खिन जे खिता सेम लासुङ थेराङ खिन ओतान, जहिलेङ छ्याङ रक्‍सीकी जिलाकामा देत्‍कीन ओतान, ज्‍येनताङ रूला भक्‍कुचूर सोला थुला मोज मज्‍जा खिन ओतान थेमे ल्‍हा लु माने खिन खिता ओङराङ मेङच्‍येते काम खिन ओतान।