१ थिस्‍सलोनिकी 4:4 - जिरेल

⁴ ख्‍योकोनगी दाक्‍पोन फेम्‍मेताङ ङ्योम्‍बु देत्‍जीन दाक्‍पोनला खिता सेम लाबा लाबाच्‍योक माकेत। थेबे इज्‍जततेङ ख्‍याल ज्‍याक्‍ला काम खि।

१ थिस्‍सलोनिकी 4:4 Iomraidhean Croise

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

रोमी 1:24

मिओनगी थोक खिताला स्‍यूबेकी खित्‍सादु परमेश्‍वरगी थेबाला खोपरोङ खुशीला ताङसुङ। थोक खानामेई मिओनगी खोपरोङला जे खिता सेम लाङगीदुक थेराङ खिन खिता मेङच्‍येते ङोचा लाङच्‍येते कामकामा खिताला स्‍यूसुङ।

रोमी 12:1

थेमे था आज्‍यो न्‍वावे, परमेश्‍वरगी ङुरूङला थोक आउदी खाईन ङिङज्‍ये खाबा ओतेकी ङा ख्‍योकोनला दोक खि सिन सिओ। ओर्च्‍ये ख्‍योकोनगी खेराङ जीउ परमेश्‍वरतेराङ ईन सिन साला थेकी साबा साबा च्‍योकराङ खिओ सिन थेलाराङ सोम्‍पे खि। थेला मन परे खित्‍च्‍येते भोग बिन्‍दाच्‍योक ओङस्‍यीत सिन ख्‍योकोनगी होदोक खाला खेराङ जीउ थेला सोम्‍पे खि। थे खोरोङगी साबाच्‍योक खाला थेला माने खित्‍च्‍येतेङ होदोकराङ खाला ईन।

रोमी 6:19

ख्‍योकोनगी लेमु खाला खोबा थुप्‍स्‍यीत सिन ङे दुरू मालिकताङ योक्‍पो बात खाबाते ईन। गोमा पापकी योक्‍पो च्‍योकराङ ओत्‍जीन ख्‍योकोनगी खिता ओङच्‍या मेङच्‍या जेसुकै ङोचा लाङच्‍येते काम थेमे परमेश्‍वरगी माकेत साबाते ज्‍येनोङ मेलेबा काम खिन ओतान। थेजीन ख्‍योकोन बोली, काम, बानी जेङ मेलेबा ओतान। गोमाबा होथोक्‍ते मेलेबा मेलेबा काम खाबा च्‍योकराङ थाचेन ख्‍योकोनगी परमेश्‍वरगी खि साबा साबा ङेन्‍ला थेकी खि साबाते खित्‍च्‍ये छ्य्‌वापाकामा स्‍येत खि। थोक खानामेई ख्‍योकोनते बोली, काम, बानी गाङे लेमु गाल्‍ला ख्‍योकोनगी परमेश्‍वरला मन परे खित्‍च्‍येते कामताङ बात खिओ।

१ कोरिन्‍थी 6:15

ख्रीष्‍टकी जीउकी लाक्‍पा, काम्‍बा, मिक च्‍योक्‍तेबाचेन ख्‍योकोनराङ ईन सिन च्‍यि ख्‍योकोनला छ्या मेत? थोगी च्‍यि ङुरूङ गाल्‍ला रन्‍डीताङ ङ्याला ओङगो? थोक्‍ते काम नोमुङ खिता मेङगो।

१ कोरिन्‍थी 7:2

ङा ख्‍योकोनला च्‍यि सिते सासीन सुङगीङ रन्‍डीबाजी मिक्‍किस्‍यीत सिन ख्‍योकोन दाक्‍पोन दाक्‍पोनते ख्‍यावा फेम्‍मे ओतातेराङ लेमु ईन।

१ कोरिन्‍थी 7:9

तर थोक खाला देता मुथुप्‍तुक सासीन बरू ख्‍योकोनगी फाङमा खि। खालि ख्‍योओ मिकी फेम्‍मे मित्ताङ ङ्याल्‍च्‍येते थेमे फेम्‍मे मिकी ख्‍योओ मित्ताङ ङ्याल्‍च्‍येते सेमकामा खाला दिन तोङा भन्‍दानी फाङमा खाला देताराङ लेमु ईन।

२ कोरिन्‍थी 4:7

परमेश्‍वरताङ चुक छ्येज्‍यीक शक्ति ओते सिन छ्या स्‍येच्‍येते दि गा लाङच्‍येते बात लोपाला ङ्योकोनताङ छ्याःङ शक्ति मेत। ङ्योकोननी छ्याक्‍ला फराक फुरूक डोच्‍येते सबी नोत च्‍योककामा ईन। थोगी ङ्योकोनगी खित्‍च्‍येते काम ङेराङ शक्तिकी मेन, परमेश्‍वरगी शक्ति बिन्‍देकी खिता थुप्‍च्‍येते दुका सिन मिओनगी छ्या स्‍येक्‍यो।

फिलिप्‍पी 4:8

थोगी बात चुक सासीन आज्‍यो न्‍वावे, ख्‍योकोनगी लेमुते थेमे खिता ओङच्‍येते कामताङ बातकीतेकामा विचार खि। चुक सासीन ख्‍योकोनगी साँचोते बातकामा खित्‍च्‍येते, लेमुते कामताङ बातकामा खित्‍च्‍येते, अन्‍याय मिक्‍किच्‍येते, मेलेबाते कामताङ बात छ्याःङ मिक्‍किच्‍येते, लेमु लाङच्‍येते थेमे मि सेमला डोच्‍येते कामताङ बातकीतेकामा विचार खि।

हिब्रू 13:4

ख्‍योकोन दाक्‍पोन ख्‍यावा फेम्‍मेताङकामा देत। सुङगीङ ज्‍येन मि ख्‍यावा फेम्‍मेताङ ङ्याल्‍ला रन्‍डीबाजी माकेत। फाङमा खाबातेबा ईन्‍स्‍यीत, माक्‍याबातेबा ईन्‍स्‍यीत रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबाला जोराङ ईन्‍सीनोङ परमेश्‍वरगी न्‍याय खाला सजाय तेरग्‍यो।

१ पत्रुस 3:7

थेमे ख्‍योओ मिवे, फेम्‍मे मि खेराङ छेत ङार्मा मेङगो सिरच्‍येते बात टोक मेज्‍येता खाला ख्‍योकोनगी दाक्‍पोन फेम्‍मेला लेमु खि। परमेश्‍वरगी थेबालाङ ख्‍योकोनला च्‍योकराङ खाला दया खाला नोमुङ मिसिन्‍च्‍येते जुनी तेरग्‍यो सिरच्‍येते बादोङ टोक माज्‍येत। ख्‍योकोन खेराङ खेराङगी चुक खिता फाप्‍च्‍या ईन्‍दाका थोकराङ खासीन परमेश्‍वरगी ख्‍योकोनगी खाबाते प्रार्थना ङेन्‍ग्‍यो।