१ थिस्‍सलोनिकी 4:3 - जिरेल

³ परमेश्‍वर सेमचेन ख्‍योकोन सेम खुदुक गालाते मि ओङस्‍यीत सिरच्‍येते ओत। थोक ईन्‍देकी ख्‍योकोनगी रन्‍डीबाजी थेमे होदि च्‍योक्‍ते खिता मेङच्‍येते काम खितराङ माकेत।

१ थिस्‍सलोनिकी 4:3 Iomraidhean Croise

मत्ती 12:50

स्‍वर्गने देत्‍कान्‍ते ङे आबेकी खि साबा साबाच्‍योक खित्‍कान्‍ते मिओनराङ ङे आमाताङ न्‍वा नुमु ईन,” सिन सिदुक।

मत्ती 15:19

च्‍यिला सासीन मि सेम मेलेबा ओतेकीराङ मिकी मेलेबा मेलेबा विचार खित्‍च्‍येते, मि सेत्‍च्‍येते, मि ख्‍यावा फेम्‍मेताङ ङ्याल्‍च्‍येते, रन्‍डीबाजी खित्‍च्‍येते, कुच्‍येते, मेन्‍दे बातला ज्‍येनला दोष लै खित्‍च्‍येते थेमे ज्‍येनला मोत्‍च्‍येते ईन।

मत्ती 5:32

ङाचेन ख्‍योकोनला च्‍यि सिते सासीन सुइँदेकी फेम्‍मेते ज्‍येन मित्ताङ लै खाबा मेत्‍सीनोङ थेला ताङसुङ सासीन थेकी फेम्‍मेतेला रन्‍डीबाजी खित च्‍युताते ईन। थेमे सुइँदेकी थोक खाईन ताङाते फेम्‍मे मिला खुला लिच्‍युङ सासीन थेकीङ रन्‍डीबाजी खाबातेराङ ईन।

मत्ती 7:21

थेमे ङाला माने खित्‍कान ईन सिन प्रभु खो छ्ये ईन सिन सिरकान्‍ते मि गाङेराङ स्‍वर्गे राज्‍यने स्‍यूक्‍पा मेङेदो। स्‍वर्गने देत्‍कान्‍ते ङे आबेकी खि साबा साबाच्‍योक खित्‍कान्‍ते मिओनकामा थेने स्‍यूक्‍पा ङेत्‍क्‍यो।

मर्कूस 3:35

परमेश्‍वरगी खि साबा साबाच्‍योक खित्‍कान्‍ते मिओनराङ ङे आमाताङ न्‍वा नुमुबा ईन,” सिन सिदुक।

यूहन्‍ना 4:34

थेमे येशूकी “ङे सापचेन ङाला दुरू तोङकान्‍तेकी खिता चाला चालाच्‍योक गाङे खाला सिन्‍दा खित्‍च्‍येते ईन।

यूहन्‍ना 7:17

परमेश्‍वरगी खि साबाते ङेन्‍दा छोल्‍कान्‍ते मिकीकामा ङे लोप्‍च्‍येते बात ङाराङगी जोला लोप्‍च्‍येते ईन्‍दाना परमेश्‍वरगीराङ लोप च्‍युताते ईन्‍दे सिन लेमु खाला छ्या स्‍येक्‍यो।

शक्ति काम 15:20

बरू ङुरूङगी थेबाला चुक खिइसे सासीन ल्‍हाला पूजा खाबाते छ्याःङ मासा। थोक्‍ते सोसीन ल्‍हा लु माने खाबा च्‍योकराङ ईन। थेमे रन्‍डीबाजी थेमे होदि च्‍योक्‍ते खिता मेङच्‍येते काम माकेत। थोकराङ खाला ठाक मेदेन्‍दा खाईन सेताते छ्याःङगीतेङ स्‍या मासा, ठागोङ मासा सिन चिट्ठीज्‍यीक टिला तोङगी।

शक्ति काम 15:29

थे बातओन च्‍यि ईन्‍दे सासीन ख्‍योकोनगी ल्‍हाला पूजा खाबाते छ्याःङ मासा, ठागोङ मासा। ठाक मेदेन्‍दा खाईन सेताते छ्याःङगीतेङ स्‍या मासा। थेमे रन्‍डीबाजी थेमे होदि च्‍योक्‍ते खिता मेङच्‍येते काम माकेत। ङ्योकोनगी माकेत साबाते दि कामओन ख्‍योकोनगी माक्‍यासीन लेमु ओङगो। लो ख्‍योकोन गाङेला साबा च्‍योक ओङस्‍यीत,” सिन टिबा ओतान।

शक्ति काम 20:32

था ङा ख्‍योकोन गाङेला परमेश्‍वर लाःक्‍तुराङ सोम्‍पे खिओ। थेमे थेकी दया खिओ सिन छ्या स्‍येच्‍येते गा लाङच्‍येते बात ङेन्‍गीन देत सिनोङ सिओ। दोक खिन देत्‍सीन ख्‍योकोनगी प्रभु येशूला झन लेमु खाला विश्‍वास खिता थुप्‍क्‍यो। थेमे परमेश्‍वरगी सेम खुदुक जोबाते मि गाङेला तिरी तेरग्‍यो साबाते जति गाङे ख्‍योकोनलाङ तेरग्‍यो।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

रोमी 1:29

थोगी थेबेकी परमेश्‍वरगी खिता मेङगो सिन साबाते मेलेबाते कामताङ बातकामा खित्‍च्‍येते, लोभ खित्‍च्‍येते थेमे खालि ज्‍येनला खेदापानी खित्‍च्‍येते खिताला स्‍यूसुङ। थोकराङ खाईन डार खित्‍च्‍येते, मि सेत्‍च्‍येते, थोम्‍मु जीङगा खित्‍च्‍येते, ज्‍येनला ठगे खित्‍च्‍येते, मिला मोता सराप खित्‍च्‍येते थेमे मि बात खिन ख्‍याम्‍च्‍येते खिताला स्‍यूसुङ।

रोमी 12:2

था ख्‍योकोनगी परमेश्‍वरला माने मिक्‍किकान्‍ते दि सा लुङबे मिओनते च्‍योक्‍ते चालचलनताङ बानी बिवारा गाङे थोङ। खेराङ सेम परमेश्‍वरला खुदुक जोला नाङ साला ख्‍योकोन सेम लेमु ओताते मि ओङा फाप्‍क्‍यो। दोक ओङनामेई परमेश्‍वरगी खेराङला च्‍यि च्‍यि खि सिरच्‍या ईन्‍दाका सिन ख्‍योकोनगी लेमु खाला छ्या स्‍येबा थुप्‍क्‍यो। दोक खाला ख्‍योकोनगी परमेश्‍वरला मन परे खित्‍च्‍येतेताङ लेमुते काम च्‍यि ईन्‍दाका सिन डेला थुप्‍क्‍यो।

रोमी 6:22

तर परमेश्‍वरगी ख्‍योकोनला पाप खित्‍च्‍येते बानीदुकी टाल्‍गीन बिन्‍दा ओतेकी था ख्‍योकोनगी थेकी साबाते ङेन्‍ला थेला मन परे खित्‍च्‍येते कामताङ बात खिता थुप्‍क्‍यो। दोक खाईन परमेश्‍वरगी खि साबाच्‍योक खिन गाल्‍नामेई ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

१ कोरिन्‍थी 7:2

ङा ख्‍योकोनला च्‍यि सिते सासीन सुङगीङ रन्‍डीबाजी मिक्‍किस्‍यीत सिन ख्‍योकोन दाक्‍पोन दाक्‍पोनते ख्‍यावा फेम्‍मे ओतातेराङ लेमु ईन।

२ कोरिन्‍थी 12:21

दि पालो ङा थेपा ओङजीन ख्‍योकोन थोरूमोङ होदोक दोकराङ खिन ओता थेप्‍सीन ङे माने खिन ओताते परमेश्‍वरगी ख्‍योकोनगी खित्‍सादु ङाला ङोचा लोङगीता सिन ज्‍यीबा लाबा ओत। दोस्‍यिककामा मेन, ख्‍योकोन नाङ गोमाबा रन्‍डीबाजी थेमे होदि च्‍योक्‍ते खिता मेङच्‍येते ज्‍येनोङ ङोचा लाङच्‍येते काम खित्‍कान्‍ते मिओनगी खोपरोङगी थोक खाबाते लेमु मेन्‍दाक्‍वा सिन थोक खिता ताङा मेत्‍सीन थोक्‍ते मिओन लाईदु ङे ङुइनकामा पीर खिता फाप्‍क्‍यो।

गलाती 5:19

दाक्‍पोन खुशीला ख्‍याम्‍कान्‍ते मिकी चुक चुक खिते सिन ङुरूङ गाङेला लेमु खाला छ्याराङ ओत। थोक्‍ते मिकीचेन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम खिओ,

एफिसी 5:17

थोगी छ्याःङ मोखोकान्‍ते मि च्‍योक मिक्‍किता खाला प्रभु ख्रीष्‍टकी च्‍यि खि सिरच्‍या ईन्‍दाका सिन ख्‍योकोनगी छ्या स्‍येबा खि।

एफिसी 6:6

थेबेकी खेराङला आउदी लेमु खाला काम खित्‍कान्‍ते दुका सिरस्‍यीत सिन थेबे मिगी दोन्‍दुकामा स्‍याप स्‍याप खाला काम खित्‍जुम माकेत। ख्रीष्‍ट खेराङ मालिक ईन सिन टोक मेज्‍येता खाला परमेश्‍वरगी खि साबाते लेमु खाईन ङेन्‍दा च्‍योकराङ खाला खेराङ काम लेमु खाला खि।

कलस्‍सी 1:9

ख्‍योकोन बात थोबा छोमुमेई ङ्योकोनगी ख्‍योकोन लाईदु परमेश्‍वरला प्रार्थना खिता ताङा मेत। परमेश्‍वरगी ख्‍योकोनला थे खोरोङ आत्‍मे छ्य्‌वापेई बुद्धि बिन्‍ला खोबा फाप्‍च्‍येते बात गाङे लेमु खाला खो च्‍युत्‍ला थे खोरोङगी च्‍यि च्‍यि खि सिते सिन ख्‍योकोनगी लेमु खाला छ्या स्‍येस्‍यीत सिन ङ्योकोन प्रार्थना खिओ।

कलस्‍सी 3:5

थोगी था ख्‍योकोनगी दाक्‍पोन खुशी खिन दाक्‍पोनला च्‍यि च्‍यि खिता सेम लाङगीका थोकराङ खिन देता थोङ। च्‍यि सासीन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम माकेत, होदोक्‍ते काम माक्‍याबाला ओङराङ मेङगो सिराच्‍योक माकेत, लोभ माकेत, लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

कलस्‍सी 4:12

थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

१ थिस्‍सलोनिकी 4:2

प्रभु येशूकी ङ्योकोनला बिन्‍दाते अधिकार चले खाईन ङ्योकोनगी ख्‍योकोनला चुक चुक खिता फाप्‍कीते सिन लापा ओताने सिन ख्‍योकोनला छ्याराङ ओत।

१ थिस्‍सलोनिकी 4:4

ख्‍योकोनगी दाक्‍पोन फेम्‍मेताङ ङ्योम्‍बु देत्‍जीन दाक्‍पोनला खिता सेम लाबा लाबाच्‍योक माकेत। थेबे इज्‍जततेङ ख्‍याल ज्‍याक्‍ला काम खि।

१ थिस्‍सलोनिकी 5:18

दुक्‍पा किम्‍मु जस्‍तो ओङजीनोङ परमेश्‍वरला धन्‍यवाद सि। येशू ख्रीष्‍टताङ जीउज्‍यीकराङ ओङाते मि ईन्‍देकी ख्‍योकोनगी होदोक दोक खित्‍स्‍यीत सिरच्‍येते परमेश्‍वर सेम ओत।

१ थिस्‍सलोनिकी 5:23

थेमे सेमला ढुक्‍क लोङकान्‍ते परमेश्‍वरगी ख्‍योकोनगी मेलेबाते कामताङ बात सिराते छ्याःङ मिक्‍किस्‍यीत सिन ख्‍योकोन सेम खुदुक जोइन देत्‍स्‍यीत थेमे ख्‍योकोन आत्‍मा, सेम थेमे जीउ जेसुकैला लेमु खाला तेइनराङ देत्‍स्‍यीत। दोक खाला था ङुरूङ प्रभु येशू ख्रीष्‍ट ग्‍युरला ओङे छोमु ख्‍योकोन छ्याःङ दोष मेताते मि ओङस्‍यीत सिन ङ्योकोन प्रार्थना खिओ।

२ थिस्‍सलोनिकी 2:13

दोक ईन्‍सीनोङ आज्‍यो न्‍वावे, ख्‍योकोनलाचेन प्रभु येशू ख्रीष्‍टकी आउदी ङिङज्‍ये खाबा ओत। थेमे ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। परमेश्‍वर आत्‍मेकी खित्‍सादु ख्‍योकोन सेम खुदुक गालाते मि ओङला थेमे सत्‍यते बात ङेन्‍ला ख्‍योकोनगी पापकी सजाय भोगे खिता माफाप्‍स्‍यीत सिन परमेश्‍वरगी ख्‍योकोनला दि सा नाम ज्‍वा भन्‍दा गोमाकाराङ छाने खाबा ओतेकी ङ्योकोनगी थेला धन्‍यवाद सिरा फाप्‍च्‍येतेराङ ईन।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

हिब्रू 10:36

परमेश्‍वरगी खित ज्‍युता चाला च्‍योकराङ खिता थुप्‍स्‍यीत सिन जस्‍तो दुक्‍पा ओङसीनोङ ख्‍योकोन सेम मेसेता खाला देता फाप्‍क्‍यो। दोक खिन देत्‍सीनकामा थेकी तेरग्‍यो सिन साबाते जति ख्‍योकोनगी ङेत्‍क्‍यो।

हिब्रू 12:16

ख्‍योकोन सुङगीङ रन्‍डीबाजी थेमे होदि च्‍योक्‍ते खिता मेङच्‍येते काम माकेत। थेमे परमेश्‍वरला छ्याःङ वास्‍ता मिक्‍किकान्‍ते एसावकी च्‍योकराङ माकेत। थेकीचेन खामज्‍यीक सापला छ्येते फुज्‍युङ हक च्‍वाबा ओतान।

हिब्रू 13:21

होदोक खित्‍कान्‍ते परमेश्‍वरगी ख्‍योकोनगी थेकी खिता चालाच्‍योक खिताला ख्‍योकोनला गोच्‍येते स्‍येतताङ बुद्धि तेरस्‍यीत। दोक खाला थेकी ख्‍योकोनला येशू ख्रीष्‍ट छ्य्‌वापेई थे खोरोङला मन परे खित्‍च्‍येते काम खित्‍च्‍येते सेम तेरस्‍यीत। थेते सधैँभरि जय जय ओङस्‍यीत। आमेन।

हिब्रू 13:4

ख्‍योकोन दाक्‍पोन ख्‍यावा फेम्‍मेताङकामा देत। सुङगीङ ज्‍येन मि ख्‍यावा फेम्‍मेताङ ङ्याल्‍ला रन्‍डीबाजी माकेत। फाङमा खाबातेबा ईन्‍स्‍यीत, माक्‍याबातेबा ईन्‍स्‍यीत रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबाला जोराङ ईन्‍सीनोङ परमेश्‍वरगी न्‍याय खाला सजाय तेरग्‍यो।

१ पत्रुस 1:2

थे खोरोङगी गोमामेई खिता चाला च्‍योकराङ खाईन आबा परमेश्‍वरगी ख्‍योकोनला थे खोरोङ मि सिन छाने खाबा ओत। ख्‍योकोनगी येशू ख्रीष्‍टकी खि साबा साबा ङेन्‍स्‍यीत सिन परमेश्‍वर आत्‍मेकी ख्‍योकोन सेम खुदुक जोबा ओत। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु ख्‍योकोन पाप माफ ओङा ओत। आबा परमेश्‍वरताङ प्रभु येशू ख्रीष्‍टकी ख्‍योकोनला झन झन दया खाला लेमु खिनराङ देत्‍स्‍यीत।

१ पत्रुस 4:2

ख्रीष्‍टला ताला थेकी च्‍योकराङ खानामेई था ख्‍योकोनगी दाक्‍पोन खुशी खिन जे खिता सेम लाङगीदुक थेराङ खिन देता माफाबो, बरू सोन सोनसाकराङ परमेश्‍वरगी च्‍यि खि सिका थे छ्या स्‍येला थेकी खि साबा च्‍योकराङ खिन देता थुप्‍क्‍यो।

१ यूहन्‍ना 2:17

होथोक थोक खित्‍कान्‍ते मिओन स्‍यिला डुइओ थेमे दि सा लुङबाङ था पालोई नाश गाल्‍ला तोरला डुइओ। परमेश्‍वरगी साबा च्‍योकराङ खित्‍कान्‍ते मिचेन सधैँभरि थेत्ताङराङ देता ङेत्‍क्‍यो।

छ्या स्‍ये च्‍युताते बात 21:8

तर ङे मि ईन सिरा ज्‍यीबा खित्‍कान्‍तेबा, ङाला विश्‍वास मिक्‍किकान्‍तेबा, मेलेबा मेलेबा काम खित्‍कान्‍तेबा, मि सेत्‍कान्‍तेबा, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबा, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍तेबा, ल्‍हा लुला माने खित्‍कान्‍तेबा थेमे ढाँर खित्‍कान्‍तेबाचेन गाङेराङ गन्‍धकताङ मे बाराते ज्‍यीबा लाङच्‍याज्‍यीक मे धुनीमा स्‍यूक्‍पा फाप्‍क्‍यो। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन,” सिन सिदुक।

छ्या स्‍ये च्‍युताते बात 22:15

थे सारगी फिनामाचेन फेत्‍कान्‍ते कि च्‍योकराङ मेलेबा खित्‍कान्‍ते मिओन, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍ते मिओन, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍ते मिओन, मि सेत्‍कान्‍तेबा, ल्‍हा लुला माने खित्‍कान्‍तेबा थेमे ढाँर खिताला छ्याःङ च्‍योक मिक्‍किकान्‍ते मिओनकामा देत्‍क्‍यो।