१ थिस्‍सलोनिकी 4:15 - जिरेल

¹⁵ दोक ओङगो सिरच्‍येते बातला प्रभु येशू थे खोरोङगीराङ साबाते बात ङ्योकोन ख्‍योकोनला सिओ। च्‍यि सासीन थे ग्‍युरला ओङे छोमु थेला विश्‍वास खित्‍कान्‍ते गोमाका स्‍यिइन सिन्‍दाते मिओनगी माठेतथुप ङुरूङ थे छोमुसाक सोन्‍गीन देतातेबा सुङगीङ थेला मेठेदो।

१ थिस्‍सलोनिकी 4:15 Iomraidhean Croise

मत्ती 17:25

थोक सिरजीन थेकी “ज्‍येल्‍गीदुगे, च्‍यिला मेज्‍येल्‍ते,” सिन सासुङ। थेमे पत्रुस थेरूई गाल्‍गीन खाम्‍बे नाङ स्‍यूकीन बात खा माक्‍यालाराङ येशूकी थेला “शिमोन, ङाला सिना गेल्‍बोओनगी तिरो दुत्‍च्‍येतेताङ कर लिन्‍च्‍येते सुत्ताङ खिते? दाक्‍पोन फुज्‍युङताङ ना ज्‍येन मिओनताङ?” सिन सिरजीन

१ कोरिन्‍थी 15:18

दोस्‍यिककामा मेन, थेला विश्‍वास खिन खिन स्‍याप्‍ते मिओनतेङ सोम्‍बो लोक्‍च्‍येते छ्याःङ आश मायाङसुङ। थेबाङ गाङे स्‍याप्‍ते स्‍यापराङ ओङच्‍या ओङसुङ।

२ कोरिन्‍थी 12:1

ईन्‍दाका ङा दोक्‍ते मि ईन, ङे दोक खाबाप सिन छ्ये खाला छ्याःङ फाइदा मेत। ईन्‍सीनोङ था ङा ख्‍योकोनला प्रभु ख्रीष्‍टकी मिलाम खित ज्‍युताच्‍योक खाईन खो च्‍युताते थेमे छ्या स्‍ये च्‍युताते बातओन खितामीन।

२ कोरिन्‍थी 4:14

च्‍यिला सासीन प्रभु येशूला स्‍यिसादुकी सोम्‍बो लोक्‍कान्‍ते परमेश्‍वरगी थेला च्‍योकराङ खाला ङ्योकोनलाङ सोम्‍बो लोक्‍ला ख्‍योकोनताङराङ थे दोन्‍दु देत ज्‍युत्‍क्‍यो सिन ङ्योकोनला लेमु खाला छ्या ओत।

गलाती 1:12

दि बात ङे सुइँदेकी लोप्‍कीन ओते बेलाला थोबातेङ मेन, ङाला सुइँदा मिकी लाप्‍कीन बिन्‍दातेङ मेन। दि बातनी ङाला येशू ख्रीष्‍ट थे खोरोङगीराङ छ्या स्‍ये च्‍युत्‍कीन बिन्‍दाते ईन।

१ थिस्‍सलोनिकी 2:19

था प्रभु येशू ग्‍युरला ओङे छोमु थे दोन्‍दु देत्‍जीन ख्‍योकोनगी खित्‍सादु ङ्योकोनगी मान ङेत्‍क्‍यो सिन आश खाईन गुकीन देता ओत। ख्‍योकोनगी खित्‍सादुराङ थे छोमु खुशीङ ओङा ङेत्‍क्‍यो थेमे ख्‍योकोनगी चुक लेमु खाबा ओताने सिन गा खिता ङेत्‍क्‍यो।

१ थिस्‍सलोनिकी 4:13

थेमे आज्‍यो न्‍वावे, ज्‍येन बात च्‍यि सासीन ख्‍योकोन नाङ स्‍यिइन सिन्‍दाते मिओनला था तिरी च्‍यि ओङगीते सिन ख्‍योकोनगी लेमु खाला छ्या स्‍येस्‍यीत सिन ङ्योकोन दि बात खिन ओत। थेबाला चुक ओङगीते सिन छ्या स्‍येनामेकी ख्‍योकोनगीचेन स्‍वर्गने ड्वा ङेत्‍कीता मेङेत्‍ता सिन छ्याःङ आश मेताते मिओनगी खोपरोङते स्‍यिइन सिन्‍दाते मिओन लाईदु पीर खाबाच्‍योक खाला पीर खिता माफाबो।

१ थिस्‍सलोनिकी 5:10

था तिरी ङुरूङ थेत्ताङ नोमुङ माठाला खाला देता ङेत्‍स्‍यीत सिनराङ प्रभु येशू ख्रीष्‍ट ङुरूङगी ङेता फाप्‍च्‍येते पापकी सजाय थे खोरोङगीराङ भोगे खाईन स्‍याप्‍ते ईन। थोगी थे ग्‍युरला ओङकेसाकला ङुरूङ स्‍यिसीनोङ सोन्‍गीनराङ देता ओत्‍सीनोङ थेत्ताङराङ देता ङेत्‍क्‍यो।

२ थिस्‍सलोनिकी 2:1

थेमे आज्‍यो न्‍वावे, ङुरूङ प्रभु येशू ख्रीष्‍ट ग्‍युरला ओङच्‍येते थेमे ङुरूङला थे खोरोङताङ ङ्योम्‍बुराङ देताला टीला खेरच्‍येते बातला ङ्योकोन च्‍यि सिते सासीन