१ थिस्‍सलोनिकी 4:14 - जिरेल

¹⁴ येशू स्‍याप्‍तेताङ सोम्‍बो लोक्‍पाते बात पक्‍काराङ ईन्‍देकी थेला विश्‍वास खिन खिन स्‍याप्‍ते मिओनलाङ परमेश्‍वरगी था तिरी सोम्‍बो लोक्‍ला येशूताङराङ थे खोरोङ दोन्‍दु देताला खेरग्‍यो सिरच्‍येते बात ङुरूङ पत्ते खिओ।

१ थिस्‍सलोनिकी 4:14 Iomraidhean Croise

मत्ती 24:31

थेरूई बिकुल फुबाते जोदाज्‍यीक ङोरो थोक्‍यो। थेमे ङा ङे दूतओनला गाङेपा ताङला ङाराङगी छाने खाबाते मिओनला पृथ्‍वी सुर स्‍यीकारपेकी रूला खुलाङ ज्‍युत्‍क्‍यो।

रोमी 14:9

थोरूमसाक सोम्‍बोराङ ओतातेबा ईन्‍स्‍यीत, गोमाका स्‍यिइन सिन्‍दातेबा ईन्‍स्‍यीत मि गाङेला राज्‍य खित्‍कान्‍ते प्रभु येशू ख्रीष्‍टराङ ईन। दोक खाला गाङेला राज्‍य खित्‍कान्‍ते ओङालाराङ थे स्‍यिइन च्‍याकीन सोम्‍बो लोक्‍पाते ईन।

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

१ थिस्‍सलोनिकी 3:13

दोस्‍यिककामा मेन, था ङुरूङ प्रभु येशू थे खोरोङ मि गाङेताङ ग्‍युरला ओङे छोमु ङुरूङ आबा परमेश्‍वर दोन्‍दु ख्‍योकोन छ्याःङ गल्‍ती मेताते थेमे मेलेबाते काम सिराते छ्याःङ माक्‍याबाते मि ओङस्‍यीत सिन थेकी ख्‍योकोनला थे खोरोङला विश्‍वास खिन देताला आँट तेरस्‍यीत सिनोङ ङ्योकोन प्रार्थना खिओ।

१ थिस्‍सलोनिकी 4:13

थेमे आज्‍यो न्‍वावे, ज्‍येन बात च्‍यि सासीन ख्‍योकोन नाङ स्‍यिइन सिन्‍दाते मिओनला था तिरी च्‍यि ओङगीते सिन ख्‍योकोनगी लेमु खाला छ्या स्‍येस्‍यीत सिन ङ्योकोन दि बात खिन ओत। थेबाला चुक ओङगीते सिन छ्या स्‍येनामेकी ख्‍योकोनगीचेन स्‍वर्गने ड्वा ङेत्‍कीता मेङेत्‍ता सिन छ्याःङ आश मेताते मिओनगी खोपरोङते स्‍यिइन सिन्‍दाते मिओन लाईदु पीर खाबाच्‍योक खाला पीर खिता माफाबो।

१ थिस्‍सलोनिकी 4:17

थेमे थे छोमुसाकराङ सोन्‍गीन देता ओताते ङुरूङलाङ प्रभु येशू ठेता खिताला परमेश्‍वरगी होथेबाताङराङ मुक्‍पे नाङ खाला नामने खेरग्‍यो। थेमे ईन्‍सीन ङुरूङ प्रभु येशूताङ नोमुङ माठाला खाला ङ्योम्‍बुराङ देता ङेत्‍क्‍यो।

२ थिस्‍सलोनिकी 2:1

थेमे आज्‍यो न्‍वावे, ङुरूङ प्रभु येशू ख्रीष्‍ट ग्‍युरला ओङच्‍येते थेमे ङुरूङला थे खोरोङताङ ङ्योम्‍बुराङ देताला टीला खेरच्‍येते बातला ङ्योकोन च्‍यि सिते सासीन

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।

छ्या स्‍ये च्‍युताते बात 14:13

थेमे दि तिरी स्‍वर्गनेकी “लो दि बात टि। थानामेकी उसो प्रभु येशूला विश्‍वास खिन खिनला स्‍यिकान्‍ते मिओन भाग्‍यमानी ईन,” सिन सिरा ङे थोसुङ। थेमे परमेश्‍वर आत्‍मेकी “ईन, साँच्‍चीराङ दोकराङ ईन। था थेबेकी पीरताङ दुक्‍पे छ्य्‌वापेई ठाल्‍ला ढुक्‍क खाला देता ङेत्‍क्‍यो। पीरताङ दुक्‍पालाङ लेमु काम खिनराङ देतेकी था थेबाला लेमु ओङगो,” सिन सिदुक।