१ थिस्‍सलोनिकी 4:12 - जिरेल

¹² दोक खासीन सुङगीङ ख्‍योकोनला थाराङ स्‍वा माफाबो, येशू ख्रीष्‍ट मि मेन्‍दाते मिओनगीङ ख्‍योकोनला लेमु मि ईन सिओ।

१ थिस्‍सलोनिकी 4:12 Iomraidhean Croise

मर्कूस 4:11

थोक सिरजीन थेकी “परमेश्‍वर राज्‍य सिराते च्‍यि ईन्‍दे थेमे परमेश्‍वरगी चुक खाला मि नाङ राज्‍य खिते सिरच्‍येते बात ख्‍योकोनलानी परमेश्‍वरगी खो च्‍युता ओत। तर ज्‍येनला परमेश्‍वर राज्‍य बात लोप्‍जीनचेन ङा कथालाकामा लोप्‍क्‍यो, कथे अर्थचेन मालाःबो।

रोमी 12:17

दोस्‍यिककामा मेन, सुइँदेकी ख्‍योकोनला मेलेबा खासुङ सासीन थेबालाङ थोकराङ खाला किम्‍बा ज्‍येल्‍च्‍येते माकेत। खेराङला ज्‍येनगी छ्याःङ दोष लै खिता मेङेत्‍स्‍यीत सिन खालि लेमुते कामकामा खि।

रोमी 13:13

चुक सासीन ङुरूङगी गाङे ङोन्‍दु खिता ओङच्‍येते कामताङ बातकामा खिता फाप्‍क्‍यो। ज्‍येनताङ रूला भक्‍कुचूर सोला थुला मोज मज्‍जा खित्‍च्‍येते, छ्याङ रक्‍सीकी जिला ख्‍याम्‍च्‍येते थेमे रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खिता मेङगो। ज्‍येनताङ थोम्‍मु जीङगा खित्‍च्‍येते थेमे मिला डार खित्‍च्‍येतेङ खिता मेङगो।

एफिसी 4:28

गोमा कुला साकान्‍तेकी थोक खिता ताङला दाक्‍पोन पाखुरा चले खाला सो। दाक्‍पोनला गोच्‍येतेकामा मेन्‍देकी छ्याःङ मेतातेबाताङ गोला सा थुप्‍स्‍यीत सिन जाँगर खाला काम खि।

फिलिप्‍पी 4:8

थोगी बात चुक सासीन आज्‍यो न्‍वावे, ख्‍योकोनगी लेमुते थेमे खिता ओङच्‍येते कामताङ बातकीतेकामा विचार खि। चुक सासीन ख्‍योकोनगी साँचोते बातकामा खित्‍च्‍येते, लेमुते कामताङ बातकामा खित्‍च्‍येते, अन्‍याय मिक्‍किच्‍येते, मेलेबाते कामताङ बात छ्याःङ मिक्‍किच्‍येते, लेमु लाङच्‍येते थेमे मि सेमला डोच्‍येते कामताङ बातकीतेकामा विचार खि।

कलस्‍सी 4:5

येशू ख्रीष्‍ट मि मेन्‍दाते मिओनताङ चुक खाला बात खिता फाप्‍कीते, थेबे दोन्‍दु च्‍यि काम खिता लेमु ईन्‍दे सिन लेमु खाला विचार खाला खि। दोक्‍ते काम खिता ङेत्‍च्‍येते समय था काल्‍बा मेत सिन छ्या स्‍येला टोले मिक्‍किता खाला दोक खिन देत।

१ थिस्‍सलोनिकी 5:22

मेलेबा सिराते छ्याःङ माकेत।

१ तिमोथी 3:7

दोस्‍यिककामा मेन, थोक्‍ते मिचेन येशू ख्रीष्‍ट मि मेन्‍दाते मिओनगीङ लेमु मि ईन सिन माने खिन वाबाते मि ओङा फाप्‍क्‍यो। थोक्‍ते मि मेन्‍सीन ज्‍येनगी थे गल्‍ती थेप्‍क्‍यो। थेमे थे तोर्बाकला थेप्‍लु खाला शैतान लाःक्‍तु फाप्‍क्‍यो।

१ पत्रुस 2:12

परमेश्‍वरला छ्या मेस्‍येकान्‍ते खेराङला मेलेबा मि ईन सिरकान्‍ते मिओन नाङराङ देता ओत्‍सीनोङ काम बात जे खित्‍जीनोङ ख्‍योकोनगी लेमुतेकामा खि। दोक खाईन ख्‍योकोनगी लेमुकामा खानामेई था परमेश्‍वरगी वाला मि गाङे न्‍याय खिते छोमु ख्‍योकोनला मेलेबा मि सिन सिरकान्‍ते होथे मिओनगी ख्‍योकोन थोक्‍ते मि मेन्‍दाक्‍वा सिन छ्या स्‍येला परमेश्‍वरते जय जय खिओ।

१ पत्रुस 3:1

थोकराङ खाला फेम्‍मे मिवे, ख्‍योकोनगी दाक्‍पोन ख्‍योबो अधीनला देत्‍ला थेबाला मान खि। थेबा कोईकी परमेश्‍वर बात ङेन्‍दा मेत्‍सीनोङ ख्‍योकोन चालचलनताङ बानी लेमु थोङनामेई थेबाला थे बात ङेन सिन सिराराङ माफापा खाला थेबेकीङ प्रभु येशूला विश्‍वास खिता थुप्‍क्‍यो।