१ थिस्‍सलोनिकी 4:11 - जिरेल

¹¹ थेमे ङ्योकोनगी गोमाका साबा च्‍योकराङ ख्‍योकोनगी च्‍यि खित्‍च्‍ये छ्य्‌वापा स्‍येत खिसे सासीन ख्‍योकोनगी दाक्‍पोन दाक्‍पोन लाक रेरे खि। ज्‍येनला लोप्‍च्‍येते कोत्‍च्‍येते छ्याःङ खाँचो मेत्‍सीनोङ थेबाला दोक खि, थोक खि सिन लोपा कोता चाल्‍ला दुक्‍पा मातेर। दाक्‍पोन दाक्‍पोन पाखुरा चले खाला सो।

१ थिस्‍सलोनिकी 4:11 Iomraidhean Croise

मर्कूस 13:34

थाल्‍लासाक ङे साबाते बातचेन सुइँदा खाम्‍बे धनीकी थे खोरोङ खाम्‍बा ताङला ज्‍येन लुङबाला डोजीन चुक खिते होथे बात च्‍योक्‍ते ईन। थे खोरोङ ड्वा भन्‍दा गोमा थे मिकी खाम्‍बादु काम खित्‍कान्‍तेबाला दाक्‍पोन दाक्‍पोनगी खिता फाप्‍च्‍येते काम लेमु खाला खि सिन जिम्‍मा तेरग्‍यो। थेमे खाम्‍बे चौकीदारला जागोराङ देत्‍ला लेमु खाला तोसा सिन साला ख्‍याम्‍ग्‍यो।

शक्ति काम 18:3

थेबा जाप्राङ ङिकाराङ पाल जोकान ओतान। पावलगीङ गोमा पाल जोच्‍येते लापा ओतेकी थेबाताङ ङ्योम्‍बु देत्‍कीन पाल ज्‍वाप्‍ला स्‍यूसुङ।

शक्ति काम 20:35

थेमे ङुरूङगी दाक्‍पोन जीउ स्‍वाप्‍लाकामा मेन, दुक्‍पा ङेतातेबाला ताप्‍लाङ दुक्‍पा खाला काम खिता फाप्‍च्‍याक्‍वा सिन ङे ख्‍योकोनला तेन्‍गीन बिन्‍दा ओत। जे काम खित्‍जीनोङ ङुरूङगी ‘ज्‍येनगीते लिन्‍दा भन्‍दा बरू ज्‍येनला तेरा लेमु ईन,’ सिन प्रभु येशू थे खोरोङगीराङ साबाते बात टोक ज्‍येता मेङगो,” सिन बात खासुङ।

रोमी 12:11

प्रभु येशू ख्रीष्‍टकी खि साबाते काम खिताला नोमुङ अल्‍छी माकेत। ङा दोक माक्‍याबाला तोङराङ मोतोङो सिराच्‍योक खाला थेकी खेराङला खि साबाते काम खिनराङ देत।

रोमी 15:20

दोक खित्‍जीन ङा ज्‍येन मिकी ज्‍युबाते कामला स्‍यूक्‍पाच्‍योक खाईन गोमाका ज्‍येनगी थे बात लाप्‍कीन बिन्‍दाते ठाउँला मागाल। बरू ङेचेन येशू ख्रीष्‍ट सु ईन्‍दे सिन नोमुङ थे बात थोबा मेताते ठाउँला गाल्‍ला गा लाङच्‍येते बात लोपा फाप्‍क्‍यो सिन थोक्‍ते ठाउँला थे बात लोप गालाप।

१ कोरिन्‍थी 4:12

साप थुङाताङ खोन्‍दे लाईदु ङ्योकोन स्‍याप स्‍याप खाला काम खिओ। ङेराङला मोता सराप खित्‍कान्‍ते मिओनला ङ्योकोन आशी तेरग्‍यो। थेमे ज्‍येनगी खेदापानी खित्‍जीनोङ ङ्योकोन छ्याःङ मिक्‍किता खाला खपेराङ खाला देत्‍क्‍यो।

२ कोरिन्‍थी 5:9

बात दोक ईन्‍देकी दि जुनीला ईन्‍स्‍यीत, स्‍यिइन थेत्ताङ देता ङेत्‍नामेई ईन्‍स्‍यीत ङ्योकोन जहिलेङ प्रभु येशूला मन परे खित्‍च्‍येते काम खित्‍च्‍ये छ्य्‌वापाकामा स्‍येत खिओ।

एफिसी 4:28

गोमा कुला साकान्‍तेकी थोक खिता ताङला दाक्‍पोन पाखुरा चले खाला सो। दाक्‍पोनला गोच्‍येतेकामा मेन्‍देकी छ्याःङ मेतातेबाताङ गोला सा थुप्‍स्‍यीत सिन जाँगर खाला काम खि।

१ तिमोथी 2:2

थेमे छ्याःङ गोलमाल मायाङला ङुरूङगी परमेश्‍वरला माने खिन थेमे थेला मन परे खित्‍च्‍येते काम खिन लेमु खाला देता ङेत्‍स्‍यीत सिन झन गेल्‍बोओनताङ लुङबे छ्ये छ्ये मि लाईदुङ प्रार्थना खिता फाप्‍क्‍यो।

१ तिमोथी 5:13

दोस्‍यिककामा मेन, थेबे मिन गन्‍तीला टिसीन थेबा अल्‍छी ड्वा थुप्‍क्‍यो। थेमे थाराङ मि खाम्‍बा खाम्‍बाला युला ख्‍याम्‍ग्‍यो। थेबा अल्‍छी डोच्‍येतेकामा मेन, मि बात खिन ख्‍याम्‍ग्‍यो। थेमे मि काम ङ्ये ज्‍युत्‍च्‍येतेताङ खोपरोङला चासोराङ मेताते बात खिन ख्‍याम्‍ग्‍यो।

तीतस 3:14

दोक खाला सुङगीङ दाक्‍पोनला छ्याःङ काम लै मिक्‍किच्‍येते मि मिसिरस्‍यीत सिन येशू ख्रीष्‍ट मिओनगीचेन सुइँदाला खाँचो परे खाबे बेलाला खइँदा तेरा फाप्‍सीन थोक खिता फाप्‍च्‍याक्‍वा सिन गाङेकी लोप्‍स्‍यीत।

१ पत्रुस 3:4

बरू ख्‍योकोनगी ङा ङाराङ ईन सिराच्‍योक माकेत, गाङेताङ खा छ्येत लेमु खाला डिक्‍ला थुन्‍ला देत। होदोक दोक खित्‍कान्‍ते फेम्‍मे मिलाराङ परमेश्‍वरगी लेमुते फेम्‍मे मि ईन सिओ।

१ पत्रुस 4:15

ख्‍योकोनगी मि सेतेकी खित्‍सादु कि सुइँदेते खइँदा कुबेकी खित्‍सादु कि मेलेबा काम खाबेकी खित्‍सादु कि मि काम ङ्ये च्‍युतेकी खित्‍सादु सजाय ङेत्‍तुक्‍लो सिराचेन लेमु मेन।