१ थिस्‍सलोनिकी 4:1 - जिरेल

¹ आज्‍यो न्‍वावे, था ज्‍येन बात च्‍यि सासीन परमेश्‍वरला चुक्‍ते काम मन परे खिते, ख्‍योकोनगी चुक खाला देता फाप्‍कीते सिन ङ्योकोनगी ख्‍योकोनला लाप्‍कीन बिन्‍दा ओत। ङ्योकोनगी लापाच्‍योक खाला ख्‍योकोन कामोङ खिनराङ दुक। प्रभु येशूताङ जीउज्‍यीकराङ ओङाते मि ईन्‍देकी ङ्योकोन ख्‍योकोनला थोरूमसाक खिन ओताच्‍योक खिन देता मातोङ, झन लेमु खाला दोक खिनराङ देत सिन सिओ।

१ थिस्‍सलोनिकी 4:1 Iomraidhean Croise

यूहन्‍ना 15:2

थेकी अंगूर मोगोन्‍च्‍येते हाँगा गाङे ठेला क्‍युरग्‍यो। थेमे लेमु खाला गोन्‍च्‍येते हाँगातेबाचेन झन लेमु खाला गोन्‍स्‍यीत सिन कलमी खाला तेरग्‍यो।

शक्ति काम 20:27

परमेश्‍वरगी मिओनला पापदुकी डेलाला च्‍यि खाबा ओते थेमे थेबाला चुक खिते सिरच्‍येते बातबरी छ्याःङ बाँकी मोज्‍योबा खाईन ङे ख्‍योकोनला गाङे साकीन बिन्‍दा ओत।

रोमी 8:8

होदोक्‍ते मि परमेश्‍वरला गाराङ मालाङो।

१ कोरिन्‍थी 11:23

प्रभु भोज चुक खाला सा फाप्‍कीते सिन प्रभु येशू थे खोरोङगी ङाला लाप्‍कीन बिन्‍दाते बातराङ ङेङ ख्‍योकोनला लाप्‍कीन बिन्‍दा ओतान। चुक सासीन थेला मेलेबा खित्‍कान्‍ते मिओनगी पक्रे खिते छोमु ग्‍वासे थोक खिता भन्‍दा गोमा प्रभु येशूकी स्‍योबेनज्‍यीक लाःक्‍तु लाबा ओतान।

१ कोरिन्‍थी 15:1

आज्‍यो न्‍वावे, ख्‍योकोनला ठेम्‍बा लोङाला ङा थरिङोङ ङे ख्‍योकोनला गोमाका लापाते गा लाङच्‍येते बातराङ सिन ओत। थेजीन ङे ख्‍योकोनला लापाते बात ख्‍योकोनगी ङेन्‍सुङ। थेमे थे सत्‍यते बात ईन सिन ख्‍योकोनगी थोरूमसाक ङेन्‍दा ताङा मिन्‍दुक।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

२ कोरिन्‍थी 10:1

थेमे ज्‍येन बात कोई कोईकी ङा ख्‍योकोन दोन्‍दु ओत्‍जीनचेन बात खितालाङ ज्‍यीबा खिन ओतान, थारीला गाल्‍नामेईचेन ङाराङ ईन सिराच्‍योक खाला बात खित्‍च्‍याक्‍वा सिन ङे बात खिदुक्‍लो। था ङा पावल ख्रीष्‍टकी खाबा च्‍योकराङ ङाराङ ईन सिराच्‍योक मिक्‍किता खाला थेमे स्‍येदाङ मिक्‍किता खाला ख्‍योकोनताङ बात खितामीन।

२ कोरिन्‍थी 13:11

लो आज्‍यो न्‍वावे, था ज्‍येन बातका च्‍यि सिरच्‍ये, ख्‍योकोनगी परमेश्‍वरगी खेराङला ज्‍वा चाला च्‍योकराङ लेमु मि ओङस्‍यीत सिन थोक्‍ते मि ओङच्‍ये छ्य्‌वापा स्‍येत खि। ङे लाःपा कोताते ङेन्‍ला था चुक खिता फाप्‍कीका थोककामा खि, ख्‍योकोन गाङेराङ सेमज्‍यीकराङ खाला डिक्‍ला थुन्‍ला देत। थोक खासीन गाङेला ङिङज्‍ये खित्‍कान्‍ते थेमे डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

२ कोरिन्‍थी 5:9

बात दोक ईन्‍देकी दि जुनीला ईन्‍स्‍यीत, स्‍यिइन थेत्ताङ देता ङेत्‍नामेई ईन्‍स्‍यीत ङ्योकोन जहिलेङ प्रभु येशूला मन परे खित्‍च्‍येते काम खित्‍च्‍ये छ्य्‌वापाकामा स्‍येत खिओ।

२ कोरिन्‍थी 6:1

ङेराङ परमेश्‍वरताङ डिक्‍ला काम खित्‍कान ईन्‍देकी ङ्योकोन ख्‍योकोनला दोक सिनोङ सिओ। च्‍यि सासीन ख्रीष्‍टकी खित्‍सादु परमेश्‍वरगी खेराङला दया खाबाते थाराङ खेरो मोन्‍डोस्‍यीत सिन ओर्च्‍ये ख्‍योकोनगी थेला मन परे खित्‍च्‍येते काम खि।

गलाती 6:1

आज्‍यो न्‍वावे, ख्‍योकोन नाङ सुइँदेकी गल्‍ती खासीन परमेश्‍वर आत्‍मेकी खि साबाच्‍योक खित्‍कान ख्‍योकोनगीचेन खेराङगीङ दाक गल्‍ती खिता थुप्‍क्‍यो सिन टोक मेज्‍येता खाला थेकी थोक खाबाते लेमु मेन, थानामेकी थोक माकेत सिन खा छ्येत लेमुकीराङ सम्‍झे खाला बिन।

एफिसी 4:1

बात दोक दोक ईन्‍देकी ङा ख्‍योकोनला दोक खि सिन सिओ। प्रभु येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ङा ख्‍योकोनला चुक खि सिते सासीन ओर्च्‍ये, परमेश्‍वरगी खेराङला थे खोरोङ दोन्‍दु स्‍योक सिन कातोङजीन ख्‍योकोनगी चुक चुक खिता फाप्‍क्‍यो सिन साबा ओताने थोक थोकराङ खि।

एफिसी 4:20

ईन्‍सीनोङ ख्‍योकोनलानी थेबेकी खित्‍च्‍येते कामतेबा ख्रीष्‍टताङ जीउज्‍यीकराङ ओङाते मिओनगी खिता डिक्‍च्‍येते मेन सिन लेमुराङ खाला छ्या ओत।

एफिसी 5:17

थोगी छ्याःङ मोखोकान्‍ते मि च्‍योक मिक्‍किता खाला प्रभु ख्रीष्‍टकी च्‍यि खि सिरच्‍या ईन्‍दाका सिन ख्‍योकोनगी छ्या स्‍येबा खि।

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

फिलिप्‍पी 1:9

ङा ख्‍योकोन लाईदु दोक सिन प्रार्थना खिओ। चुक सासीन ख्‍योकोनगी खेराङ नाङ झन लेमु खाला ङिङज्‍ये खिताला थोरूम चुक खिता फाप्‍कीते, च्‍यि खिता लेमु ईन्‍दे सिन परमेश्‍वरगी ख्‍योकोनला लेमु खाला छ्या स्‍ये ज्‍युत्‍स्‍यीत।

फिलिप्‍पी 3:14

दोक खाला ङा खालि ङाराङगी नाम इनाम ङेदोङा सिरच्‍ये छ्य्‌वापाकामा स्‍येत खिन देत्‍क्‍यो। ङे ङेत्‍च्‍येते इनामचेन स्‍वर्गने देता ङेत्‍च्‍येते ईन। येशू ख्रीष्‍टकी खाबाते कामगी खित्‍सादु परमेश्‍वरगी ङाला थेने देताला काताङाते ईन।

कलस्‍सी 1:10

प्रभु येशू मिकी चुक खिता फाप्‍कीते सिन छ्या स्‍येला ख्‍योकोनगी थोकराङ खित्‍स्‍यीत, काम बात जे खासीनोङ थेला मन परे मिक्‍किच्‍येते सिराते छ्याःङ मिक्‍किस्‍यीत बरू झन झन लेमुते कामकामा खित्‍स्‍यीत थेमे परमेश्‍वर सु ईन्‍दे, चुक्‍ते ईन्‍दे सिन झन लेमु खाला छ्या स्‍येस्‍यीत सिन ङ्योकोन दोक खाला प्रार्थना खिओ।

कलस्‍सी 2:6

येशू ख्रीष्‍टराङ खेराङ मालिक ईन सिन ख्‍योकोनगी थेला विश्‍वास खिताला स्‍यूबा ओत। थोगी थेत्ताङ जीउज्‍यीकराङ ओङाते मिकी काम बात चुक खिता फाप्‍च्‍येते ईन्‍दे ख्‍योकोनगी थोकराङ खिन देत।

१ थिस्‍सलोनिकी 3:12

थेमे ङ्योकोनगी ख्‍योकोनला झन झन ङिङज्‍ये खिताच्‍योक खाला ख्‍योकोनगीङ दाक्‍पोन नाङ थेमे ज्‍येन मि गाङेला झन झन ङिङज्‍ये खिताला प्रभु येशूकी शक्ति तेरस्‍यीत।

१ थिस्‍सलोनिकी 4:2

प्रभु येशूकी ङ्योकोनला बिन्‍दाते अधिकार चले खाईन ङ्योकोनगी ख्‍योकोनला चुक चुक खिता फाप्‍कीते सिन लापा ओताने सिन ख्‍योकोनला छ्याराङ ओत।

१ थिस्‍सलोनिकी 5:12

थेमे आज्‍यो न्‍वावे, ख्‍योकोनगी खेराङ नाङ खेराङला लेमु ओङस्‍यीत सिन दुक्‍पा खाला खाला लोप्‍कान कोत्‍कानला मान खि। थेबाला थे काम प्रभु येशूकीराङ बिन्‍दाते ईन।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

२ थिस्‍सलोनिकी 2:1

थेमे आज्‍यो न्‍वावे, ङुरूङ प्रभु येशू ख्रीष्‍ट ग्‍युरला ओङच्‍येते थेमे ङुरूङला थे खोरोङताङ ङ्योम्‍बुराङ देताला टीला खेरच्‍येते बातला ङ्योकोन च्‍यि सिते सासीन

२ थिस्‍सलोनिकी 3:1

आज्‍यो न्‍वावे, थोरूमोङ बातज्‍यीक च्‍यि सासीन ङ्योकोन लाईदु दोक सिन परमेश्‍वरला प्रार्थना खि। चुक सासीन प्रभु येशू बात छिटो छिटो फैले खाला ज्‍येन ज्‍येनगीङ थे बात लेमु दुका सिन ख्‍योकोनगी च्‍योकराङ खाला ङेन्‍स्‍यीत

२ थिस्‍सलोनिकी 3:13

थेमे चुक खिता लेमु ईन्‍दे सिन दाक्‍पोन दाक्‍पोन लाःक खिन ओताते आज्‍यो न्‍वाबा ख्‍योकोनगीचेन ङे लेमु खाईन च्‍यि ओङसुङारो सिराच्‍योक मिक्‍किता खाला थरिङसाक खिन ओता च्‍योकराङ खिन देत।

१ तिमोथी 5:21

ङे खि साबाते दोक्‍ते काम खित्‍जीन खुई छ्ये टेक्‍टे मेडेला खाला सुङलाङ काका पाका मिक्‍किता खाला खि। परमेश्‍वरताङ येशू ख्रीष्‍ट थेमे परमेश्‍वरगी छाने खाबाते दूतओन ङोन्‍दु ङा खोल्‍ला दोक खि सिन कोत्‍क्‍यो।

२ तिमोथी 4:1

थोगी परमेश्‍वरताङ येशू ख्रीष्‍ट दोन्‍दु ङा खोल्‍ला चुक खिता फाप्‍कीते सिन कोत्‍क्‍यो। स्‍याप्‍तेबा थेमे सोम्‍बोराङ ओताते मि गाङेला न्‍याय खित्‍कान्‍ते थेमे स्‍वर्गनेकी ग्‍युरला वाला गाङेपा गाङेला राज्‍य खित्‍कान्‍ते येशू ख्रीष्‍टराङ ईन सिन टोक माज्‍येत।

हिब्रू 11:6

परमेश्‍वरला छ्या स्‍येबा छोल्‍कान्‍ते मिकी परमेश्‍वर पक्‍काराङ ओत थेमे थे सु ईन्‍दे, चुक खिते सिन पक्‍काराङ खाला छ्या स्‍येबा छोल्‍कानला थेकी लेमु खिओ सिन थेला विश्‍वास खिताराङ फाप्‍क्‍यो। होदोकराङ खाला थेला विश्‍वास खित्‍कान्‍ते मि थेला मन परे खिओ। होदोक खाला थेला विश्‍वास मिक्‍किकान्‍ते मिचेन थेला मन परे मिक्‍किओ।

हिब्रू 13:16

थेमे दोक्‍पोईकी ज्‍येनज्‍यीकला लेमु खित्‍च्‍येतेताङ ज्‍येनताङ गोला साच्‍येते खिन देत। थेला मन परे खित्‍च्‍येते भोग बिन्‍दा च्‍योक्‍तेचेन होदोक दोक खित्‍च्‍येते ईन।

हिब्रू 13:22

थेमे आज्‍यो न्‍वावे, दि चिट्ठीला ङे काल्‍बा बात टिबा मेत। ईन्‍सीनोङ खेराङगी चुक खिता फाप्‍कीते, च्‍यि खिता फाप्‍कीते सिन दुरू टिबाते बातबरी ख्‍योकोनगी स्‍येदाङ मिक्‍किता खाला लेमु खाला ङेन सिन ङा बिन्‍ती खिओ।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।

१ यूहन्‍ना 3:22

थेमे ङुरूङगी जे नाङ सासीनोङ परमेश्‍वरगी दाक तेरग्‍यो। च्‍यिला सासीन ङुरूङ थेकी खि सिन कोताते ङेन्‍ग्‍यो थेमे थेला मन परे खित्‍च्‍येते काम खिओ।