१ थिस्‍सलोनिकी 3:9 - जिरेल

⁹ ख्‍योकोनगी थोक खिनराङ ओतेकी ङ्योकोनला आउदी गा लासुङ। दि बातकी लाईदु ङ्योकोनगी ङुरूङ परमेश्‍वरला चुक सिन धन्‍यवाद तेरच्‍ये खोइ? थेलानी जतिराङ धन्‍यवाद बिन्‍सीनोङ नोमुङ मादाङो।

१ थिस्‍सलोनिकी 3:9 Iomraidhean Croise

२ कोरिन्‍थी 2:14

थेमे परमेश्‍वरला ङ्योकोन धन्‍यवाद तेरग्‍यो। ख्रीष्‍टताङ जीउज्‍यीकराङ ओङा ओतेकी ङेराङ जहाँदु गाल्‍सीनोङ परमेश्‍वरगी सधैँ ङ्योकोनला ख्रीष्‍ट च्‍योकराङ शत्रुला ग्‍याल्‍कान्‍ते ईन सिन तेन्‍ला तेरगीदुक। थेमे धूप पारनामेकी थे बास्‍ना फैले खाबा च्‍योकराङ खाला ङ्योकोन छ्य्‌वापेकी ख्रीष्‍ट सु ईन्‍दे, थेकी च्‍यि खिते सिरच्‍येते बात गाङेपा फैले खित ज्‍युत्‍कीदुक।

२ कोरिन्‍थी 9:15

सुङगीङ खिता मुथुप्‍च्‍येते काम खाईन ङुरूङला लेमु खाबे लाईदु परमेश्‍वरला ङुरूङ धन्‍यवाद सिइ।

१ थिस्‍सलोनिकी 2:19

था प्रभु येशू ग्‍युरला ओङे छोमु थे दोन्‍दु देत्‍जीन ख्‍योकोनगी खित्‍सादु ङ्योकोनगी मान ङेत्‍क्‍यो सिन आश खाईन गुकीन देता ओत। ख्‍योकोनगी खित्‍सादुराङ थे छोमु खुशीङ ओङा ङेत्‍क्‍यो थेमे ख्‍योकोनगी चुक लेमु खाबा ओताने सिन गा खिता ङेत्‍क्‍यो।