१ थिस्‍सलोनिकी 3:8 - जिरेल

⁸ ख्‍योकोनगी थोक खाईन प्रभु येशूला विश्‍वास खिनराङ दुक सिन छ्या स्‍येनामेईचेन ख्‍योकोनगी चुक खाबाना सिन गोमा थोक ज्‍यीबा लाबा ओत्‍सीनोङ था ङ्योकोनला ढुक्‍क लासुङ।

१ थिस्‍सलोनिकी 3:8 Iomraidhean Croise

यूहन्‍ना 15:4

ख्‍योकोन ङात्ताङ डिक्‍लाराङ देत। थेमे ङाङ ख्‍योकोनताङ डिक्‍लाराङ देत्‍क्‍यो। दोङबोदुकी टाल्‍नामेकी हाँगालाकामा छ्याःङ अंगूर गोन्‍दा मुथुपा च्‍योकराङ खाला ङात्ताङ डिगीनराङ मादेत्‍सीन ख्‍योकोनगीङ खेराङगीकामा छ्याःङ खिता मुथुबो।

यूहन्‍ना 15:7

ख्‍योकोन ङात्ताङ डिगीनराङ देत्‍सीन थेमे ङे लापाते बात ङेन्‍गीन देत्‍सीन खेराङला जे नाङ सिरा सेम लाङगीदुक परमेश्‍वरला नाङ सि। थेकी ख्‍योकोनला दाक तेरग्‍यो।

यूहन्‍ना 8:31

थे खोरोङला विश्‍वास खिताला स्‍यूबाते यहूदीओनताङ बात खिन येशूकी “ख्‍योकोनगी ङे लापा च्‍योकराङ खिन देत्‍सीन ख्‍योकोन पक्‍काराङ ङे चेला ईन।

शक्ति काम 11:23

थे एन्‍टिओखियादु लेप्‍ला ताजीन परमेश्‍वरगी थेरू मिओनलाङ दया खाईन थे खोरोङ छ्य्‌वापा लै खित्‍च्‍येते मौका बिन्‍दा थोङगीन थेला आउदी गा लासुङ। थेमे थेकी “जस्‍तोराङ ओङसीनोङ ख्‍योकोनगी प्रभु येशूला विश्‍वास खिता नोमुङ मातोङ,” सिन थेबाला आँट बिन्‍सुङ।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

१ कोरिन्‍थी 16:13

खेराङला छक्‍के खिता छोल्‍कानताङ च्‍याङबो खाला देत, प्रभु येशूला लेमु खाला विश्‍वास खिन देत, फिजा च्‍योक ज्‍यीबा माकेत बरू पाकोते मिकी च्‍योक खाला काम खि।

गलाती 5:1

ख्रीष्‍टकी खाबाते कामगी खित्‍सादु ङुरूङगी परमेश्‍वर नियम अधीनला देता माफाबो। ङुरूङगी गोमाबा खिन ओताच्‍योक नोमुङ खिता माफाबो। बात थोक ईन्‍देकी था ख्‍योकोनगी खुरा मुथुप्‍च्‍येते खुर्बु खुरा छोलाच्‍योक खाला परमेश्‍वरगी यहूदीओनला बिन्‍दाते नियम ङेन्‍ला थेरू खि साबा साबा खिता माछोल।

एफिसी 3:17

थेमे थेला विश्‍वास खाबेकी खित्‍सादु ख्‍योकोन सेमगी नाङ ख्रीष्‍ट देत्‍स्‍यीत सिन प्रार्थना खिओ। थेमे ख्रीष्‍ट ङुरूङला थोई ङिङज्‍ये खित्‍कान्‍ते ईन्‍दे सिन नोमुङ टोक मेज्‍येता खाला जहिलेङ ख्‍योकोनगी ज्‍येनला ङिङज्‍ये खिन देता थुप्‍स्‍यीत।

फिलिप्‍पी 1:21

ख्रीष्‍टला मान खितालाराङ ङा सोन्‍ला देत्‍क्‍यो। ङे लाईदु दि जुनीते छ्येते बात दिराङ ईन। स्‍यिसुङराङ सासीनोङ झन ङाला लेमुराङ ओङगो।

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

फिलिप्‍पी 4:1

बात दोक दोक ईन्‍देकी ङिङज्‍येते आज्‍यो न्‍वावे, ख्‍योकोन प्रभु येशूताङ जीउज्‍यीकराङ ओङाते मि ईन्‍देकी जस्‍तो ओङसीनोङ थेला विश्‍वास खिन देत। ख्‍योकोन मायेकी ङाला था ख्‍योकोनला याङराङ नामराङ ठेदोङा सिराच्‍योक लाकीन सिन्‍सुङ। ख्‍योकोनगी लेमु खाबा थोङगीन ङाला आउदी गा लाबा ओत। ङा खुशी ओत।

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।

१ थिस्‍सलोनिकी 3:7

आज्‍यो न्‍वाबा ख्‍योकोनगी प्रभु येशूला विश्‍वास खिता ताङा मिन्‍दुक सिरा थोनामेईचेन पीरताङ तापकी नाङ देता फापा ओत्‍सीनोङ थेमे ज्‍येनगी दुक्‍पा तेरगीन देत्‍सीनोङ था ङ्योकोनला फामगी सामा सोबाच्‍योक लासुङ।

हिब्रू 10:23

ङुरूङचेन परमेश्‍वर खिओ साबा च्‍योकराङ खित्‍कान्‍ते ईन्‍देकी थेकी दाक्‍पोनला तेरग्‍यो साबाते जति गाङे ङेत्‍क्‍यो सिन सिओ। थोगी थेकी थोक खिओ सिन आश खाईन गुकीन देताते ङेत्‍क्‍योतराङ सिन ङुरूङ छ्याःङ शंका मिक्‍किता खाला देता फाप्‍क्‍यो।

हिब्रू 3:14

च्‍यिला सासीन स्‍याप छोमुसाकराङ ङुरूङगी परमेश्‍वरगी खिओ साबाच्‍योक पक्‍काराङ खिओ सिरच्‍येते बातला गोमा खाबा च्‍योकराङ छ्याःङ शंका मिक्‍किता खाला देता फाप्‍क्‍यो। दोक खाईन देत्‍सीन ख्रीष्‍टताङ डिक्‍ला ङुरूङगी थेकी ङेत्‍च्‍येते आशी ङेत्‍क्‍यो।

हिब्रू 4:14

स्‍वर्गने गाल्‍गीन परमेश्‍वर दोन्‍दु देताते परमेश्‍वर फुज्‍युङ येशू ङुरूङते गाङे भन्‍दा छ्येते पूजारी ईन्‍देकी ङुरूङगी थेला विश्‍वास खाईन ङेन्‍दाते बात ङेन्‍दा मोतोङा खाला देता फाप्‍क्‍यो।

१ पत्रुस 5:10

टिक्‍पी दिन ख्‍योकोनगी दोक्‍ते दुक्‍पा खपे खिता फाप्‍सीनोङ ख्रीष्‍टकी खाबाते कामगी खित्‍सादु खितासम्‍म दया खित्‍कान्‍ते परमेश्‍वरगी ख्‍योकोनला सधैँभरि लाईदु मान तेराला थे खोरोङ दोन्‍दु स्‍योक सिन काताङा ओत। थेकीराङ ख्‍योकोनला सेम सेता ओत्‍सादुई लोक्‍ला आँट तेरग्‍यो, जस्‍तो ओङजीनोङ मेलेबा खित्‍सादुई जोए खाला ज्‍य्‌वाक्‍यो थेमे ख्रीष्‍टला विश्‍वास खिन देताला शक्ति तेरग्‍यो।

२ पत्रुस 3:17

बात दोक दोक ईन्‍देकी ङिङज्‍येते आज्‍यो न्‍वावे, होदोक्‍ते मेन्‍दे बात लोप्‍कान्‍ते मिओन ओङगो सिन ख्‍योकोनला छ्याराङ ओतेकी ख्‍योकोन च्‍याङबो खाला देत। दोक माक्‍यासीन खिता मेङच्‍या ङोचा लाङच्‍येते काम खित्‍कान्‍ते मिओनगी लोप्‍च्‍येते मेन्‍दा मेन्‍दे बात ङेन्‍ला ख्‍योकोनगी खेराङगी ङेन्‍गीन ओताते सत्‍यते बात ङेन्‍दा तोङगो।

छ्या स्‍ये च्‍युताते बात 3:11

था ङा होत्ताराङ ओङगीन ओत। खेराङगी थोरूमसाक खिन ओताच्‍योक लेमु खिनराङ देत। दोक खिनराङ देत्‍सीन ख्‍योकोनला ङे तेरच्‍येते श्रीपेज सुङगीङ ठ्वाला खेरा मुथुबो।

छ्या स्‍ये च्‍युताते बात 3:3

ख्‍योकोनला गोमाका च्‍यि सिन लापा ओताने थेमे खेराङगी चुक लेमु खाईन ङेन्‍दा ओताने थे बात सम्‍झे खि। थेमे लोक्‍ला गोमा च्‍योकराङ खि। दोक माक्‍यासीन ङा ख्‍योकोन ओत्‍सादु चोर च्‍योक थाहाराङ मेङेता खाला ओङगो। ङा नाम ओङगीते सिन ख्‍योकोनगी छ्याःङ छ्या मेस्‍येओ।