१ थिस्‍सलोनिकी 3:5 - जिरेल

⁵ थोक थोक दुक्‍पा ओङ च्‍युत्‍कीन मिला पाप खित ज्‍युता छोल्‍कान्‍ते शैतानगी ना ख्‍योकोनला प्रभु येशू छ्य्‌वापेकी टाला ईन्‍दा सिन ङाला आउदी ज्‍यीबा लाबा ओतान। शैतानगी थोक खाबा ईन्‍सीन ङ्योकोनगी ख्‍योकोन नाङ खाबाते काम थाराङ खेरोला डोच्‍या ओतान। थोगी ख्‍योकोन थोरूमोङ प्रभु येशूला विश्‍वास खिनराङ दुकाना मिन्‍दुका सिन ताप्‍ला तिमोथीला ख्‍योकोन ओत्‍सापा ताङाते ईन।

१ थिस्‍सलोनिकी 3:5 Iomraidhean Croise

मत्ती 4:3

थे थोक खाईन त्‍वाबेकी स्‍याप खाबा ओते बेलालाराङ पाप खित ज्‍युता छोल्‍कान्‍ते शैतानगी वाकीन थेला ल्‍वा छोल्‍गीन “खो परमेश्‍वर फुज्‍युङ ईन, मेन ओना? लो परमेश्‍वर फुज्‍युङ ईन सासीन खो उदि दोओनला साप डोर छ्युत,” सिन सिदुक।

शक्ति काम 15:36

थेमे टिक्‍पी तिरी पावलगी बारनाबासला “लो था ङुरूङ गोमा दाक्‍पोनगी प्रभु येशू बात लापाते सार सारला गाङेपा ग्‍युरला डुइ। थेमे थेङला आज्‍यो न्‍वाओनला च्‍यि च्‍यि ओङका, थेबा चुक दुका तार डुइ,” सिन सिदुक।

१ कोरिन्‍थी 7:5

ख्‍यावा फेम्‍मे ओङगीन सिन्‍नामेई दोक्‍पोईकी ज्‍येनज्‍यीक खाँचो टारे खिता फाप्‍च्‍येते ईन्‍देकी ख्‍योकोन ठाल्‍ला माङ्याल। परमेश्‍वरताङ प्रार्थना खिताला कहिलेकहीँ ङिकारगी सल्‍लाह खाला ङ्योम्‍बुराङ ङ्याल्‍च्‍येते बातकीते ङुरूङ छ्याःङ विचार मिक्‍किकी सिन सासीनोङ ज्‍येन बेलाला ठाल्‍ला माङ्याल। ठाल्‍गीन ङ्याल्‍सीन ख्‍योकोनगी दाक्‍पोन सेम थामे खिता मुथुबो। थेमे शैतानगी ख्‍योकोनला पाप खित ज्‍युत्‍क्‍यो।

२ कोरिन्‍थी 2:11

शैतानगी ङुरूङ नाङ खिता चालाते काम छ्याःङ खिता मेङेत्‍स्‍यीत सिनराङ ङुरूङगी दोक खाला माफ तेरा फाप्‍क्‍यो। थेकी चुक च्‍याङबो खाला काम खिते सिन ङुरूङला छ्याराङ ओत।

२ कोरिन्‍थी 6:1

ङेराङ परमेश्‍वरताङ डिक्‍ला काम खित्‍कान ईन्‍देकी ङ्योकोन ख्‍योकोनला दोक सिनोङ सिओ। च्‍यि सासीन ख्रीष्‍टकी खित्‍सादु परमेश्‍वरगी खेराङला दया खाबाते थाराङ खेरो मोन्‍डोस्‍यीत सिन ओर्च्‍ये ख्‍योकोनगी थेला मन परे खित्‍च्‍येते काम खि।

गलाती 2:2

परमेश्‍वरगीराङ ङाला थेने ग्‍युक सिन साबेकी ङे थेने गाल्‍गीन येशू ख्रीष्‍ट मिओनगी छ्येते मि ईन साबाते मिओनताङ ठेता खाबाप। थेबाताङकामा ठेत्‍कीन ङाराङगी ज्‍येन ज्‍येन जातकी मिला गा लाङच्‍येते बात लोप्‍जीन चुक चुक सिन लोप्‍कीते सिन ङे थेबाला गाङे साबाप। ङाराङगी लोप्‍कीन ओताते बातला खइँदा बात ठाल्‍दुक सिता ना खइँदा बात मायाङसुङ साला ङाराङगी दुक्‍पा खाईन खाईन खाबाते थेमे खिन ओताते काम थाराङ खेरोला मोन्‍डोस्‍यीत सिनराङ ङे थेबाताङ थोक खाईन बात खाबाप।

गलाती 4:11

ख्‍योकोनगी दोक दोक खाबा थोङजीन ङे दुक्‍पा खाईन खाईन ख्‍योकोन नाङ खाबाते काम छ्याःङ काम लै मिक्‍किच्‍या ईन्‍दा च्‍यिन्‍दा सिन ङाला आउदी पीर लाङगीदुक।

एफिसी 4:14

दोक ओङनामेकीचेन ङुरूङ पाको गाला मेताते मिकी च्‍योक मिक्‍किओ। पाको गाला मेताते मिकीचेन परमेश्‍वर बात ईन सिन सुइँदेकी मेन्‍दे बात लाप्‍सीन थे ङेन्‍ग्‍यो। लोक्‍ला ज्‍येनज्‍यीगी होथोक्‍ते ज्‍येनराङ बात लाप्‍सीन थेङ ङेन्‍ग्‍यो। होथोक्‍ते बात लोप्‍कान्‍ते मिओन ज्‍येनला छक्‍के खिताला आउदी च्‍याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्‍याप्‍ला खोपरोङ लाःक्‍तु लिन्‍ग्‍यो।

फिलिप्‍पी 2:16

थेमे नोमुङ मिसिन्‍च्‍येते जुनी ङेत्‍च्‍येते बात ङेन्‍दा ख्‍योकोनगी बान्‍दा मातोङ। ख्‍योकोनगी ङे खि साबा च्‍योकराङ खिन देत्‍सीन था ख्रीष्‍ट ग्‍युरला ओङे छोमु ङे ख्‍योकोन नाङ स्‍याप स्‍याप खाईन दुक्‍पा खाईन खाबाते काम थाराङ खेरो मागाल्‍सुङ, ङे थोक खाबाते चुक लेमु ओङसुङा सिन गा खिता ङेत्‍क्‍यो।

फिलिप्‍पी 2:19

थेमे प्रभु येशूताङ प्रार्थना खित्‍जीन था ङे होत्ताराङ तिमोथीला ख्‍योकोन ओत्‍सापा तोङा थुप्‍कीतासीन सिराच्‍योक लाबा ओत। थेकी ख्‍योकोनला ठेत्‍कीन ख्‍योकोन चुक दुका सिन लोन खुलानामेई ङा पीर मिक्‍किता खाला देता ङेत्‍क्‍यो।

१ थिस्‍सलोनिकी 2:1

थेमे आज्‍यो न्‍वावे, ङ्योकोनगी ख्‍योकोन ओत्‍सापा वाकीन खाबाते काम थाराङ खेरो मागाल्‍सुङ सिन ख्‍योकोनला छ्याराङ ओत।

१ थिस्‍सलोनिकी 3:6

थेमे तिमोथी भर्खर थेपेकी ग्‍युरगीन वाकीन ङ्योकोनला आउदी लेमुते लोन लाःप्‍सुङ। चुक सासीन ख्‍योकोन प्रभु येशूला विश्‍वास खिनराङ दुक्‍लो, ज्‍येनला ङिङज्‍ये खिताङ ताङा मिन्‍दुक्‍लो थेमे ङ्योकोनगी ख्‍योकोनला ठेता सेम खाबा च्‍योकराङ ख्‍योकोनगीङ ङ्योकोनला आउदी खाला सम्‍झे खिन नाम ठेता ङेदोङा सिराच्‍योक खाईन गुकीन देत्‍ला दुक्‍लो सिन थेपे लोनतेबा गाङे लाःप्‍सुङ।