१ थिस्‍सलोनिकी 3:2 - जिरेल

^2-3 ङुरूङ न्‍वा तिमोथीला ख्‍योकोन ओत्‍सापा ताङा ओतान। तिमोथीङ ङ्योकोनताङराङ परमेश्‍वर काम खिन मिओनला ख्रीष्‍टते गा लाङच्‍येते बात लोप्‍कान्‍ते मिराङ ईन सिन ख्‍योकोनला सिरा माफाप्‍तासीन। ज्‍येनगी दुक्‍पा तेरजीन ख्‍योकोन सुङगीङ प्रभु येशूला विश्‍वास खिता तोङा मेङगो, बरू जति दुक्‍पा ओङसीनोङ सेम मेसेता खाला थेला विश्‍वास खिनराङ देता फाप्‍क्‍यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्‍वास खाबेकी खित्‍सादु ङुरूङगी दुक्‍पा भोगे खिता फाप्‍क्‍यो सिन ख्‍योकोनला लेमु खाला छ्याराङ ओत।

१ थिस्‍सलोनिकी 3:2 Iomraidhean Croise

शक्ति काम 16:1

थोक खिन पावलबा डर्बीपा लेप्‍सुङ। थेमे थेरूकीङ लिस्‍त्रापा गाल्‍सुङ। लिस्‍त्रादु तिमोथी सिराज्‍यीक येशू चेला ओतान। थेते आमाते यहूदी थेमे आबाचेन ग्रीक ओतान। थे आमातेङ येशूला विश्‍वास खित्‍कान्‍ते मि ओतान।

शक्ति काम 16:5

थे बाततेबा थोनामेकी थे सार सारला ओताते येशू ख्रीष्‍ट मिओनगी स्‍येत थेप्‍कीन झन लेमु खाईन येशूला विश्‍वास खिताला स्‍यूसुङ। थोक खाईन थेबा झन ङीमे ठाङमा फेल्‍गीन ड्वाप्‍ला स्‍यूसुङ।

शक्ति काम 18:5

सिलासताङ तिमोथी म्‍यासिडोनियादुकी थेरू वानामेकीचेन ज्‍येनते काम ताङगीन पावलगी खालि गा लाङच्‍येते बातकामा लोपाला स्‍यूसुङ। थेकी यहूदीओनला येशूराङ परमेश्‍वरगी तोङगो साबाते ख्रीष्‍ट ईन सिन ठोके खाईन लाप्‍सुङ।

रोमी 16:21

थेमे ङात्ताङराङ येशू ख्रीष्‍ट काम खित्‍कान्‍ते तिमोथीते ख्‍योकोनला नमस्‍ते ओत्‍लो। थोकराङ खाला ङाराङ मि फाप्‍च्‍येते लुसियस, यासोनताङ सोसिपेटरतेङ ख्‍योकोनला नमस्‍ते ओत्‍लो।

१ कोरिन्‍थी 3:10

परमेश्‍वरगी ङाला दया खाईन थे खोरोङ काम खि साबा ओतेकी ङे खाम्‍बा ज्‍वाप्‍ला आउदी सिपालु ओताते मिकी च्‍योकराङ खाईन जग तिङाप। ज्‍येनगीचेन दि जगी लाक खाम्‍बा जोइन ओत। तर खाम्‍बा जोकान्‍ते मिकी थे खोरोङगी चुक खाला जोइन ओते सिन लेमु खाला छ्या स्‍येबा फाप्‍क्‍यो।

१ कोरिन्‍थी 4:17

ङे खाबा च्‍योकराङ खित्‍च्‍येते ख्‍योकोनला लाप्‍ला तेरस्‍यीत सिनराङ तिमोथीला ङा ख्‍योकोन ओत्‍सापा तोङगीन ओत। दि प्रभु येशूकी खि साबा च्‍योकराङ खाला काम खित्‍कान्‍ते मि ईन। दिला ङा ङिङज्‍ये खिओ। दि ङेते ङाराङ फुज्‍युङ च्‍योकराङ ईन। ङा येशू ख्रीष्‍टताङ जीउज्‍यीकराङ ओङाते मि ईन्‍देकी ङे चुक खिका, च्‍यि खिका सिरच्‍येते गाङे बात था दिकी ख्‍योकोनला लोप्‍क्‍यो। ङे तिमोथीला ख्‍योकोनला लोप ताङाते बातराङ ङा गाङेपा ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लोप्‍कीन ओत।

२ कोरिन्‍थी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङ्योकोन दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन थेमे अखैये लुङबा खाङ ओताते परमेश्‍वर सन्‍तान ख्‍योकोन गाङेला टिगीन ओत।

२ कोरिन्‍थी 1:19

च्‍यिला सासीन सिल्‍वानस, तिमोथी थेमे ङे ख्‍योकोनला छ्या स्‍येबा खाईन बिन्‍दाते परमेश्‍वर फुज्‍युङ येशू ख्रीष्‍टचेन साँचोतेङ मेन्‍दातेङ परी ङि बात खित्‍कान्‍ते मेन। थे खालि साँचोते बातकामा खित्‍कान्‍ते ईन।

२ कोरिन्‍थी 2:12

ङा ख्रीष्‍टते गा लाङच्‍येते बात लोपाला त्रोआस सारदु लेप्‍नामेकी प्रभु ख्रीष्‍टकीराङ ङाला थेरूङ थे बात लोप्‍च्‍येते आउदी लेमुज्‍यीक मौका बिन्‍सुङ।

२ कोरिन्‍थी 2:13

ईन्‍सीनोङ ङे न्‍वा तीतसला थेरू माठेतेकी ङाला सेमला बान्‍दा सन्‍तो मालासुङ। थोगी थेरू मिओनला ड्वामीन सिन थेबाताङ ठाल्‍गीन ङा म्‍यासिडोनियापा गालाप।

२ कोरिन्‍थी 8:23

तीतसचेन ङात्ताङ ङ्योम्‍बुराङ डिक्‍ला ख्‍योकोन नाङ काम खित्‍कान्‍ते मि ईन सिन ख्‍योकोनला छ्याराङ ओत। दि ज्‍येनते न्‍वा ङिबोलाचेन देङपा ठाउँ ठाउँला जम्‍मा ओङकान्‍ते येशू ख्रीष्‍ट मिओनगी खोपरोङ नाङदुई छाने खाईन ताङाते ईन। दिबा ख्रीष्‍टला मान खिताला काम खित्‍कान्‍ते मि ईन।

फिलिप्‍पी 1:25

थोगी ङेते स्‍यिच्‍येते समय थोरूमोङ लेपा मेत सिन ङे छ्या स्‍येबा ओत। येशू ख्रीष्‍टला विश्‍वास खिन ख्‍योकोन चुक खाला पाको डुइन ड्वा थुप्‍कीते थेमे झन गा खिन देता थुप्‍कीते सिन ङे ख्‍योकोनला थोरूमोङ लोपा ङेत्‍क्‍यो।

कलस्‍सी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत।

कलस्‍सी 1:7

गा लाङच्‍येते बात ख्‍योकोनला इपाफ्रासकी लापाते ईन सिन ङ्योकोनगी सिरा माफाप्‍तासीन। इपाफ्रासला ङ्योकोन ङिङज्‍ये खिओ। दिङ ङ्योकोन च्‍योकराङ ख्रीष्‍टकी काम खित्‍कान्‍ते मि ईन। ङ्योकोन साटोला दिकी खिता फापा च्‍योकराङ खाला ख्‍योकोन नाङ ख्रीष्‍टकी काम खिन दुक।

कलस्‍सी 4:12

थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

कलस्‍सी 4:9

ङे दित्ताङराङ खेराङ युलगी मि ओनेसिमसलाङ ताङा ओत। दिङ दोक्‍पोई येशू ख्रीष्‍टला लेमु खाला विश्‍वास खित्‍कान्‍ते ङुरूङ ङिङज्‍येते न्‍वाराङ ईन। दुरू च्‍यि च्‍यि ओङसुङा, बात चुक दुका सिन दिबा ङिबोकी ख्‍योकोनला गाङे लेमु खाला लाःप्‍क्‍यो।

१ थिस्‍सलोनिकी 3:13

दोस्‍यिककामा मेन, था ङुरूङ प्रभु येशू थे खोरोङ मि गाङेताङ ग्‍युरला ओङे छोमु ङुरूङ आबा परमेश्‍वर दोन्‍दु ख्‍योकोन छ्याःङ गल्‍ती मेताते थेमे मेलेबाते काम सिराते छ्याःङ माक्‍याबाते मि ओङस्‍यीत सिन थेकी ख्‍योकोनला थे खोरोङला विश्‍वास खिन देताला आँट तेरस्‍यीत सिनोङ ङ्योकोन प्रार्थना खिओ।

१ थिस्‍सलोनिकी 3:5

थोक थोक दुक्‍पा ओङ च्‍युत्‍कीन मिला पाप खित ज्‍युता छोल्‍कान्‍ते शैतानगी ना ख्‍योकोनला प्रभु येशू छ्य्‌वापेकी टाला ईन्‍दा सिन ङाला आउदी ज्‍यीबा लाबा ओतान। शैतानगी थोक खाबा ईन्‍सीन ङ्योकोनगी ख्‍योकोन नाङ खाबाते काम थाराङ खेरोला डोच्‍या ओतान। थोगी ख्‍योकोन थोरूमोङ प्रभु येशूला विश्‍वास खिनराङ दुकाना मिन्‍दुका सिन ताप्‍ला तिमोथीला ख्‍योकोन ओत्‍सापा ताङाते ईन।