१ थिस्‍सलोनिकी 3:13 - जिरेल

¹³ दोस्‍यिककामा मेन, था ङुरूङ प्रभु येशू थे खोरोङ मि गाङेताङ ग्‍युरला ओङे छोमु ङुरूङ आबा परमेश्‍वर दोन्‍दु ख्‍योकोन छ्याःङ गल्‍ती मेताते थेमे मेलेबाते काम सिराते छ्याःङ माक्‍याबाते मि ओङस्‍यीत सिन थेकी ख्‍योकोनला थे खोरोङला विश्‍वास खिन देताला आँट तेरस्‍यीत सिनोङ ङ्योकोन प्रार्थना खिओ।

१ थिस्‍सलोनिकी 3:13 Iomraidhean Croise

मत्ती 25:31

थेमे परमेश्‍वर ओत्‍सादुई वाबाते मि था तिरी छ्येज्‍यीक शक्ति ङेत्‍ला गेल्‍बो ओङला परमेश्‍वर दूत गाङेताङ दुरू ग्‍युरला वाला गेल्‍बो देत्‍च्‍येते सिंहासन लाक्‍तु देत्‍क्‍यो।

मर्कूस 8:38

ख्‍योकोन था समय मिओननी परमेश्‍वरला माने खिता ताङगीन मेलेबा मेलेबा काम खित्‍कान ईन। ख्‍योकोन नाङ सुइँदेकी ङे मि ईन सिराला ङोचा खिदुक थेमे ङे बात मेङेन्‍दुक सासीन परमेश्‍वर ओत्‍सादुई वाबाते मि ङाङ तिरी ग्‍युरला ओङजीन थोक्‍ते मिला ङो मेस्‍येओ सिन सिओ। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला थे दूतओनताङ दुरू ग्‍युरला ओङगो,” सिन सिदुक।

लूका 1:6

थेबा जाप्राङ ङिकाराङ प्रभु परमेश्‍वर नियम गाङे लेमु खाला ङेन्‍गीन ओतान। दोक खाला थेबा ङिबोचेन परमेश्‍वरला मन परे खित्‍च्‍येते काम खिन ओतान।

रोमी 14:4

थोगी ज्‍येनला स्‍या सा मेङगो सिन सिरकान्‍ते खो सु ईन्‍देरो? ना खोका थे मालिक ईन्‍दे? प्रभु येशू ख्रीष्‍टराङ थेबे मालिक ईन्‍देकी थेकीकामा थेबेकी पाप खाबाते ईन्‍दाना मेन्‍दे सिन सिरा ङेत्‍क्‍यो। थेराङ थेबेकी स्‍या सोबाते मेलेबा मेन सिन सिरकान्‍ते ईन्‍देकी स्‍या सोला थेबाला पा फोकराङ मोफोगो।

रोमी 16:25

थेमे परमेश्‍वरगीराङ ख्‍योकोनला शक्ति तेरच्‍येते ईन्‍देकी ख्‍योकोनगी येशू ख्रीष्‍टला विश्‍वास खिन देता थुप्‍क्‍यो। परमेश्‍वरगी खित्‍सादु दोक खिन देता थुप्‍क्‍यो सिन येशू ख्रीष्‍ट सु ईन्‍दे, चुक्‍ते ईन्‍दे सिन ङे लोप्‍कीन ओताते गा लाङच्‍येते बातला साबा ओत। दि जुग शुरू ओङा भन्‍दा गोमामेईराङ परमेश्‍वरगी सुङलाङ छ्या स्‍ये च्‍युता मेताते दि गा लाङच्‍येते बात

१ कोरिन्‍थी 15:23

थेकी दोक खित्‍च्‍येते पालो पालो खाला खिओ। च्‍यि सासीन गाङे भन्‍दा गोमा थेकी ख्रीष्‍टला सोम्‍बो लोक्‍सुङ। था दि तिरीचेन थेकी ख्रीष्‍टला विश्‍वास खित्‍कान्‍ते मिओनला सोम्‍बो लोइओ। थेबाला सोम्‍बो लोक्‍च्‍येते ख्रीष्‍ट दुरू ग्‍युरला ओङे छोमु ईन।

गलाती 1:4

दि कलि जुग मिओनगी च्‍योक मेलेबा कामताङ बात खित्‍च्‍ये छ्य्‌वापेई ङुरूङ ठाल्‍स्‍यीत सिन प्रभु येशू ख्रीष्‍टचेन ङुरूङला पापदुकी डेलाला थे खोरोङ ज्‍यान बिन्‍गीन स्‍या ओतान। दि गाङे बात ङुरूङ आबा परमेश्‍वरगी खिता चाला च्‍योकराङ खाईन ओङा ओतान।

एफिसी 5:27

दोस्‍यिककामा मेन, थेकी थोक खाबातेचेन ङेर्मा माच्‍युम्‍बाते, छ्याःङ खुना खोटी मेताते, ताजीनोङ आउदी लेमु थोङच्‍येते बेउली च्‍योकराङ थेबाला सेम खुदुक गालाते थेमे छ्याःङ गल्‍ती मेताते मि जोला थे खोरोङ दोन्‍दु देत ज्‍युता थुप्‍स्‍यीत सिनोङ ईन।

फिलिप्‍पी 1:10

थेकी थोक खानामेई ख्‍योकोनगी जुन बेलालाङ च्‍यि खिता लेमु ईन्‍दे सिन लेमु खाला डेला थुप्‍क्‍यो। थोक ओङनामेकी ख्रीष्‍ट ग्‍युरला ओङे छोमु ख्‍योकोन सेमला मेलेबा मेताते, सुङगीङ दिबेकी दि दि गल्‍ती खाबा ओत सिरा मुथुप्‍च्‍येतेन्‍दे

कलस्‍सी 1:22

ख्‍योकोन गोमा थोक ओता ईन्‍सीनोङ ख्रीष्‍ट मि जुनी लाकीन स्‍याप्‍की खित्‍सादु थाचेन परमेश्‍वरगी ख्‍योकोनला थे खोरोङताङ डिक च्‍युता ओत। ख्‍योकोन थे खोरोङ दोन्‍दु सेम खुदुक गालाते, छ्याःङ गल्‍ती मेताते थेमे सुङगीङ दिबा दोक दोक गल्‍ती खित्‍कान्‍ते मि ईन सिरा मुथुप्‍च्‍या गालाते मि ओङस्‍यीत सिन थेकी ख्‍योकोनला दोक खाईन थे खोरोङताङ डिक च्‍युता ओत।

१ थिस्‍सलोनिकी 2:19

था प्रभु येशू ग्‍युरला ओङे छोमु थे दोन्‍दु देत्‍जीन ख्‍योकोनगी खित्‍सादु ङ्योकोनगी मान ङेत्‍क्‍यो सिन आश खाईन गुकीन देता ओत। ख्‍योकोनगी खित्‍सादुराङ थे छोमु खुशीङ ओङा ङेत्‍क्‍यो थेमे ख्‍योकोनगी चुक लेमु खाबा ओताने सिन गा खिता ङेत्‍क्‍यो।

१ थिस्‍सलोनिकी 3:11

था ङुरूङ आबा परमेश्‍वर थे खोरोङगी थेमे ङुरूङ प्रभु येशूकी ङ्योकोनला ख्‍योकोन ओत्‍सापा डोच्‍येते मौका तेरस्‍यीत।

१ थिस्‍सलोनिकी 3:2

ङुरूङ न्‍वा तिमोथीला ख्‍योकोन ओत्‍सापा ताङा ओतान। तिमोथीङ ङ्योकोनताङराङ परमेश्‍वर काम खिन मिओनला ख्रीष्‍टते गा लाङच्‍येते बात लोप्‍कान्‍ते मिराङ ईन सिन ख्‍योकोनला सिरा माफाप्‍तासीन। ज्‍येनगी दुक्‍पा तेरजीन ख्‍योकोन सुङगीङ प्रभु येशूला विश्‍वास खिता तोङा मेङगो, बरू जति दुक्‍पा ओङसीनोङ सेम मेसेता खाला थेला विश्‍वास खिनराङ देता फाप्‍क्‍यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्‍वास खाबेकी खित्‍सादु ङुरूङगी दुक्‍पा भोगे खिता फाप्‍क्‍यो सिन ख्‍योकोनला लेमु खाला छ्याराङ ओत।

१ थिस्‍सलोनिकी 4:15

दोक ओङगो सिरच्‍येते बातला प्रभु येशू थे खोरोङगीराङ साबाते बात ङ्योकोन ख्‍योकोनला सिओ। च्‍यि सासीन थे ग्‍युरला ओङे छोमु थेला विश्‍वास खित्‍कान्‍ते गोमाका स्‍यिइन सिन्‍दाते मिओनगी माठेतथुप ङुरूङ थे छोमुसाक सोन्‍गीन देतातेबा सुङगीङ थेला मेठेदो।

१ थिस्‍सलोनिकी 4:17

थेमे थे छोमुसाकराङ सोन्‍गीन देता ओताते ङुरूङलाङ प्रभु येशू ठेता खिताला परमेश्‍वरगी होथेबाताङराङ मुक्‍पे नाङ खाला नामने खेरग्‍यो। थेमे ईन्‍सीन ङुरूङ प्रभु येशूताङ नोमुङ माठाला खाला ङ्योम्‍बुराङ देता ङेत्‍क्‍यो।

१ थिस्‍सलोनिकी 5:23

थेमे सेमला ढुक्‍क लोङकान्‍ते परमेश्‍वरगी ख्‍योकोनगी मेलेबाते कामताङ बात सिराते छ्याःङ मिक्‍किस्‍यीत सिन ख्‍योकोन सेम खुदुक जोइन देत्‍स्‍यीत थेमे ख्‍योकोन आत्‍मा, सेम थेमे जीउ जेसुकैला लेमु खाला तेइनराङ देत्‍स्‍यीत। दोक खाला था ङुरूङ प्रभु येशू ख्रीष्‍ट ग्‍युरला ओङे छोमु ख्‍योकोन छ्याःङ दोष मेताते मि ओङस्‍यीत सिन ङ्योकोन प्रार्थना खिओ।

२ थिस्‍सलोनिकी 1:10

थेला विश्‍वास खित्‍कान्‍ते थे खोरोङ मिओनगीचेन गाङेकी प्रभु येशू ग्‍युरला ओङे छोमु थेकी खोपरोङला थोई लेमु खासुङा सिन थेते जय जय खिओ। ङ्योकोनगी लापाते गा लाङच्‍येते बात ङेन्‍देकी खित्‍सादु थे छोमु प्रभु येशूला थोक खित्‍कान्‍ते मिओन नाङ ख्‍योकोनोङ ओङगो।

२ थिस्‍सलोनिकी 1:7

थरिङोला दुक्‍पा भोगे खिन ओताते ख्‍योकोनलाचेन ङ्योकोनताङराङ था तिरी थेकी गाङे पीरताङ दुक्‍पादुकी टाल्‍ला लेमु खिओ। था चुक ओङगीते सासीन प्रभु येशू छ्येज्‍यीक शक्ति ओताते थे खोरोङ दूतओनताङ ज्‍यीबा लाङच्‍या मे ज्‍वाले नाङ देत्‍ला गाङेकी थोङच्‍या खाला स्‍वर्गनेकी ग्‍युरला वाला

२ थिस्‍सलोनिकी 2:1

थेमे आज्‍यो न्‍वावे, ङुरूङ प्रभु येशू ख्रीष्‍ट ग्‍युरला ओङच्‍येते थेमे ङुरूङला थे खोरोङताङ ङ्योम्‍बुराङ देताला टीला खेरच्‍येते बातला ङ्योकोन च्‍यि सिते सासीन

याकूब 5:8

होथोकराङ खाला ख्‍योकोनोङ था प्रभु येशू ग्‍युरला ओङच्‍ये बेला लेपा खासुङ सिन टोक मेज्‍येता खाला जस्‍तोराङ ओङजीनोङ सेम मेसेता खाला देत।

१ पत्रुस 5:10

टिक्‍पी दिन ख्‍योकोनगी दोक्‍ते दुक्‍पा खपे खिता फाप्‍सीनोङ ख्रीष्‍टकी खाबाते कामगी खित्‍सादु खितासम्‍म दया खित्‍कान्‍ते परमेश्‍वरगी ख्‍योकोनला सधैँभरि लाईदु मान तेराला थे खोरोङ दोन्‍दु स्‍योक सिन काताङा ओत। थेकीराङ ख्‍योकोनला सेम सेता ओत्‍सादुई लोक्‍ला आँट तेरग्‍यो, जस्‍तो ओङजीनोङ मेलेबा खित्‍सादुई जोए खाला ज्‍य्‌वाक्‍यो थेमे ख्रीष्‍टला विश्‍वास खिन देताला शक्ति तेरग्‍यो।

यहूदा 1:14

होथोक्‍ते मिओनला चुक ओङगीते सिन आदम पुस्‍ता दुईन तिरी मि हनोककी परमेश्‍वरगी सिर च्‍युताते बात खिन “दि बात ङेन। च्‍यि सासीन था प्रभु परमेश्‍वर ङोला ङ्वा मुथुप्‍च्‍या थे खोरोङ दूततेबा ङ्योम्‍बु टीला

यहूदा 1:24

ख्‍योकोन होथोक्‍ते मिओन नाङराङ देता ओत्‍सीनोङ परमेश्‍वरगी ख्‍योकोनला मेलेबा काम खित्‍सादुई जोए खिओ, थेकी ख्‍योकोनला छ्याःङ गल्‍ती मेताते मि ईन सिओ थेमे ख्‍योकोनला आउदी खाला गा खिन झिलिमिली नाम्‍दाकला थे खोरोङ दोन्‍दु देत ज्‍युत्‍क्‍यो।