१ थिस्‍सलोनिकी 3:12 - जिरेल

¹² थेमे ङ्योकोनगी ख्‍योकोनला झन झन ङिङज्‍ये खिताच्‍योक खाला ख्‍योकोनगीङ दाक्‍पोन नाङ थेमे ज्‍येन मि गाङेला झन झन ङिङज्‍ये खिताला प्रभु येशूकी शक्ति तेरस्‍यीत।

१ थिस्‍सलोनिकी 3:12 Iomraidhean Croise

मत्ती 22:39

दि छेतराङ ङेन्‍दा फाप्‍च्‍येते ज्‍येनते नियमलाचेन ‘दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,’ सिन साबा ओत।

मत्ती 7:12

थेमे ख्‍योकोन खेराङला ज्‍येनगी चुक खित्‍स्‍यीत सिन सेम खिते, थेबालाङ थोकराङ खि। मोशेकी टिबाते परमेश्‍वर नियमताङ परमेश्‍वर बात खित्‍कान्‍ते मिओनगी खि साबाते छ्येते बात दिराङ ईन।

लूका 17:5

थेमे येशू ख्रीष्‍टकी खटे खाबाते चेलाओनगी “प्रभु, ङ्योकोनला खुई शक्ति छ्य्‌वापेई जस्‍तो कामोङ ओङा थुप्‍क्‍यो सिन झन लेमु खाला परमेश्‍वरला विश्‍वास खित्‍कान्‍ते मि जो,” सिन सासुङ।

रोमी 13:8

खेराङगी ज्‍येला फाप्‍च्‍येते साबा साबे बेलाला गाङे छ्योल। सुङगीतेङ छ्याःङ बाँकी माज्‍यो। थे लाक्‍तुङ ख्‍योकोनगी खिनराङ देता फाप्‍च्‍येते कामज्‍यीक ओत। थेचेन ज्‍येनतेबाला ङिङज्‍ये खित्‍च्‍येते ईन। ज्‍येनतेबाला ङिङज्‍ये खित्‍कान्‍ते मिकीचेन परमेश्‍वरगी बिन्‍दाते नियम गाङे ङेन्‍दाते ईन।

२ कोरिन्‍थी 9:10

थेमे परमेश्‍वरगीराङ बालीनाली लै खिताला सोन बिन्‍ला मिओनला साच्‍या थुङच्‍येते तेरच्‍येते ईन। दोक खाला थेकी गोच्‍येते जति बिन्‍ला ख्‍योकोनते जे कुरोङ फेल ज्‍युत्‍क्‍यो। थोक ओङनामेई ख्‍योकोनगी झन झन ज्‍येनला मद्धत बिन्‍ला लेमु खिता थुप्‍क्‍यो।

गलाती 5:22

परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिलाचेन थेकी फलफूल गोन ज्‍युताच्‍योक खाला लेमु कामताङ बात खित ज्‍युत्‍क्‍यो। थोगी थोक्‍ते मिकीचेन ज्‍येनला ङिङज्‍ये खिओ, थे गा खिन देत्‍क्‍यो थेमे सेमदु ढुक्‍क खाला देत्‍क्‍यो। थोक्‍ते मि होत्ताराङ स्‍येदाङ मिक्‍किओ, थेकी ज्‍येनला दया खिओ थेमे लेमु खिओ, थेकी खिओ साबा च्‍योकराङ खिओ,

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

फिलिप्‍पी 1:9

ङा ख्‍योकोन लाईदु दोक सिन प्रार्थना खिओ। चुक सासीन ख्‍योकोनगी खेराङ नाङ झन लेमु खाला ङिङज्‍ये खिताला थोरूम चुक खिता फाप्‍कीते, च्‍यि खिता लेमु ईन्‍दे सिन परमेश्‍वरगी ख्‍योकोनला लेमु खाला छ्या स्‍ये ज्‍युत्‍स्‍यीत।

१ थिस्‍सलोनिकी 2:8

ङ्योकोनला ख्‍योकोनते आउदी ङिङज्‍ये लाबा ओतान। थोगी ख्‍योकोनला परमेश्‍वरते गा लाङच्‍येते बात लाप्‍ला तेरालाकामा मेन, ख्‍योकोनला लेमु ओङे लाईदु स्‍या फाप्‍सीनोङ ङ्योकोन नाइँ सिरच्‍या मेतान।

१ थिस्‍सलोनिकी 4:1

आज्‍यो न्‍वावे, था ज्‍येन बात च्‍यि सासीन परमेश्‍वरला चुक्‍ते काम मन परे खिते, ख्‍योकोनगी चुक खाला देता फाप्‍कीते सिन ङ्योकोनगी ख्‍योकोनला लाप्‍कीन बिन्‍दा ओत। ङ्योकोनगी लापाच्‍योक खाला ख्‍योकोन कामोङ खिनराङ दुक। प्रभु येशूताङ जीउज्‍यीकराङ ओङाते मि ईन्‍देकी ङ्योकोन ख्‍योकोनला थोरूमसाक खिन ओताच्‍योक खिन देता मातोङ, झन लेमु खाला दोक खिनराङ देत सिन सिओ।

१ थिस्‍सलोनिकी 5:15

सुइँदेकी सुइँदाला मेलेबा खासीन थेलाङ थोकराङ खाला स्‍येदाङ सेता मेङगो। ख्‍योकोन सुङगीङ थोक माकेत। दाक्‍पोन नाङ ईन्‍स्‍यीत, ज्‍येन मि नाङ ईन्‍स्‍यीत चुक खित्‍जीन गाङेला लेमु ओङगीका थे छ्य्‌वापाकामा स्‍येत खि।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

याकूब 1:17

च्‍यि सासीन लेमुते सिराते जेसुकै ङुरूङला स्‍वर्गने देत्‍कान्‍ते आबा परमेश्‍वरगी तेरग्‍यो। मेलेबाते सिराते थेकी ङुरूङला छ्याःङ मेतेरो। दागार, ङीमाताङ कार्मा जोकान्‍ते थेराङ ईन। दागार ङीमा स्‍याराताङ गाबाच्‍योक खाला थे नोमुङ खुदुक मोन्‍डोओ।

२ पत्रुस 1:7

दिकामा मेन, खेराङ च्‍योकराङ परमेश्‍वरला विश्‍वास खित्‍कानला दुक्‍पाला लेमु खि थेमे ज्‍येनला ङिङज्‍ये खि।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।