१ थिस्‍सलोनिकी 3:11 - जिरेल

¹¹ था ङुरूङ आबा परमेश्‍वर थे खोरोङगी थेमे ङुरूङ प्रभु येशूकी ङ्योकोनला ख्‍योकोन ओत्‍सापा डोच्‍येते मौका तेरस्‍यीत।

१ थिस्‍सलोनिकी 3:11 Iomraidhean Croise

मत्ती 6:14

ईन्‍दालाचेन ख्‍योकोनगी खेराङला मेलेबा खित्‍कान्‍ते मिओनला माफ बिन्‍सीन स्‍वर्गने देत्‍कान्‍ते ख्‍योकोन आबा परमेश्‍वरगीङ ख्‍योकोन पाप माफ तेरग्‍यो।

मत्ती 6:18

दोक खासीन सुङगीङ छ्या मेस्‍येच्‍या खाईन बर्त देत्‍सीनोङ मि मिगी थोङा मुथुप्‍च्‍येते ख्‍योकोन आबा परमेश्‍वरगीचेन थे बात छ्या स्‍येला ख्‍योकोनला इनाम तेरग्‍यो।

मत्ती 6:26

छ्योज्‍युङमालाराङ ताला विचार खि। च्‍यि थेबेकी कहिलेबा खेतीपाती लै खाबातेताङ अन्‍ने भकारी काङाते ख्‍योकोनगी थोङा ओत? थोक माक्‍यासीनोङ स्‍वर्गने देत्‍कान्‍ते ख्‍योकोन आबा परमेश्‍वरगी थेबाला साप थुङा बिन्‍लाराङ दुक। छ्योज्‍युङमा जाबालानी परमेश्‍वरगी साप थुङा बिन्‍ला दुक सासीन ख्‍योकोनला झन मेतेरोतरो? छ्योज्‍युङमा भन्‍दानी परमेश्‍वर लाईदु ख्‍योकोन खापान खापान छ्ये ईन याङ।

मत्ती 6:32

परमेश्‍वरला छ्या मेस्‍येकान्‍ते मिओनगीकामा खालि साच्‍या थुङच्‍याताङ खोन्‍च्‍ये विचारकामा खिन देत्‍क्‍यो। ख्‍योकोनला साप थुङा थेमे खोन्‍दा गोक्‍यो सिननी स्‍वर्गने देत्‍कान्‍ते ख्‍योकोन आबा परमेश्‍वरला दाक छ्या ओत याङ।

मत्ती 6:4

थोक खासीन सुङगीङ छ्या मेस्‍येच्‍या खाईन खाबाते काम थोङकान्‍ते ख्‍योकोन आबा परमेश्‍वरगी ख्‍योकोनगी चुक खासुङा थोङला ख्‍योकोनला इनाम तेरग्‍यो।

मत्ती 6:6

प्रार्थना खित्‍जीन ख्‍योकोनगीचेन ज्‍येनगी मोथोङच्‍या खाला च्‍यिकराङ खइँसाला देत्‍ला च्‍याला मि मिगी थोङा मुथुप्‍च्‍येते ख्‍योकोन आबा परमेश्‍वरला प्रार्थना खि। थोक खासीन सुङगीङ मोथोङच्‍या खाईन खाबाते कामोङ थोङकान्‍ते ख्‍योकोन आबा परमेश्‍वरगी ख्‍योकोन प्रार्थना ङेन्‍ला ख्‍योकोनला इनाम तेरग्‍यो।

मर्कूस 1:3

परमेश्‍वरगी तोङगो साबाते होथे मि बात खिन यशैयेकी “रीला मिज्‍यीगी छेरा खिनकामा ‘था प्रभु परमेश्‍वर दुरू ओङे बेला लेप्‍सुङ। थोगी मिवे, थे ओङगो सिन लेमु खाला लाम जो। थे ख्‍याम्‍बाला लाम सम्‍म जो,’ सिन सिओ,” सिनोङ टिबा ओतान।

लूका 12:30

परमेश्‍वरला छ्या मेस्‍येकान्‍ते मिओनगीकामा खालि साच्‍या थुङच्‍याताङ खोन्‍च्‍ये विचारकामा खिन देत्‍क्‍यो। ख्‍योकोनला साप थुङा थेमे खोन्‍दा गोक्‍यो सिननी ख्‍योकोन आबा परमेश्‍वरला दाक छ्या ओत याङ।

लूका 12:32

थेमे ख्‍योकोन टिक्‍पीईराङ ओत्‍सीनोङ ज्‍यीबा माकेत। च्‍यिला सासीन ख्‍योकोन आबा परमेश्‍वरगी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओत।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

रोमी 1:3

परमेश्‍वरगी छ्या स्‍ये ज्‍युत्‍क्‍यो साबाते दि गा लाङच्‍येते बातचेन थे खोरोङ फुज्‍युङ बातराङ ईन। परमेश्‍वर फुज्‍युङ मि जुनी लाला दुरू ओङजीन गेल्‍बो दाऊद सन्‍तान नाङ केबा ओतान।

२ कोरिन्‍थी 6:18

दोक खाला ङा ख्‍योकोन आबा ओङगो। थेमे ख्‍योकोनला ङाराङ फुज्‍युङ फुमु ईन सिन सिओ। दि बात गाङे भन्‍दा छ्येज्‍यीक शक्ति ओताते प्रभु परमेश्‍वरगी साबाते ईन,” सिन साबा ओत।

गलाती 1:4

दि कलि जुग मिओनगी च्‍योक मेलेबा कामताङ बात खित्‍च्‍ये छ्य्‌वापेई ङुरूङ ठाल्‍स्‍यीत सिन प्रभु येशू ख्रीष्‍टचेन ङुरूङला पापदुकी डेलाला थे खोरोङ ज्‍यान बिन्‍गीन स्‍या ओतान। दि गाङे बात ङुरूङ आबा परमेश्‍वरगी खिता चाला च्‍योकराङ खाईन ओङा ओतान।

कलस्‍सी 1:2

ङ्योकोन दि चिट्ठी कलस्‍सी सारदु ओताते परमेश्‍वर सन्‍तान ख्‍योकोनला टिगीन ओत। ख्‍योकोन ख्रीष्‍टताङ जीउज्‍यीकराङ ओङाते थेमे थेला विश्‍वास खिन देत्‍कान्‍ते ङ्योकोन आज्‍यो न्‍वा ईन। ङुरूङ आबा परमेश्‍वरगी ख्‍योकोनला दया खाला लेमु खिनराङ देत्‍स्‍यीत।

१ थिस्‍सलोनिकी 3:13

दोस्‍यिककामा मेन, था ङुरूङ प्रभु येशू थे खोरोङ मि गाङेताङ ग्‍युरला ओङे छोमु ङुरूङ आबा परमेश्‍वर दोन्‍दु ख्‍योकोन छ्याःङ गल्‍ती मेताते थेमे मेलेबाते काम सिराते छ्याःङ माक्‍याबाते मि ओङस्‍यीत सिन थेकी ख्‍योकोनला थे खोरोङला विश्‍वास खिन देताला आँट तेरस्‍यीत सिनोङ ङ्योकोन प्रार्थना खिओ।

१ थिस्‍सलोनिकी 4:16

थे छोमु चुक ओङगीते सासीन प्रभु येशूकी लो था बेला लेप्‍सुङ सिन गाङेकी थोच्‍या खाला सिराईताङ, परमेश्‍वर छ्येते दूतकी गाङेकी थोच्‍या खाला बात खिताईताङ थेमे परमेश्‍वर बिकुल फुबाते ङोरो थोबाईताङराङ प्रभु येशू स्‍वर्गनेकी ग्‍युरला ओङगो। थे ग्‍युरगीन वानामेई ख्रीष्‍टला विश्‍वास खित्‍कान्‍ते गोमाका स्‍याप्‍ते मिओन स्‍यिसादुकी सोम्‍बो लोइओ।

१ थिस्‍सलोनिकी 5:23

थेमे सेमला ढुक्‍क लोङकान्‍ते परमेश्‍वरगी ख्‍योकोनगी मेलेबाते कामताङ बात सिराते छ्याःङ मिक्‍किस्‍यीत सिन ख्‍योकोन सेम खुदुक जोइन देत्‍स्‍यीत थेमे ख्‍योकोन आत्‍मा, सेम थेमे जीउ जेसुकैला लेमु खाला तेइनराङ देत्‍स्‍यीत। दोक खाला था ङुरूङ प्रभु येशू ख्रीष्‍ट ग्‍युरला ओङे छोमु ख्‍योकोन छ्याःङ दोष मेताते मि ओङस्‍यीत सिन ङ्योकोन प्रार्थना खिओ।

२ थिस्‍सलोनिकी 2:16

ङुरूङ आबा परमेश्‍वरगी ङुरूङला ङिङज्‍ये खाईन थे खोरोङ दयेकी जहिलेङ आँट तेरगीन देत्‍ला तिरी तेरग्‍यो सिन साबातेबा गाङे पक्‍काराङ ङेत्‍क्‍यो सिन आश खाला देत ज्‍युत्‍क्‍यो। दोक खित्‍कान्‍ते परमेश्‍वरताङ ङुरूङ प्रभु येशू ख्रीष्‍ट थे खोरोङगीराङ ख्‍योकोनला आँट बिन्‍ला ख्‍योकोनगी खिन ओताते लेमुते कामताङ बात गाङे खिनराङ देत ज्‍युत्‍स्‍यीत सिन ङ्योकोन प्रार्थना खिओ।

२ थिस्‍सलोनिकी 3:16

थेमे सेमला ढुक्‍क लोङकान्‍ते प्रभु येशूकी दुक्‍पा किम्‍मु जस्‍तो ओङसीनोङ ख्‍योकोनला जहिलेङ सेमदु ढुक्‍क लोङस्‍यीत थेमे ख्‍योकोन गाङेताङ ङ्योम्‍बुराङ देत्‍स्‍यीत सिन ङ्योकोन प्रार्थना खिओ।

२ थिस्‍सलोनिकी 3:5

थेमे परमेश्‍वरगी खेराङला थोई ङिङज्‍ये खित्‍च्‍या ईन्‍दाका सिन ख्‍योकोनगी झन लेमु खाला छ्या स्‍येस्‍यीत थेमे जतिराङ दुक्‍पा ओङसीनोङ ख्रीष्‍टकी च्‍योकराङ सेम मेसेता खाला दुक्‍पा खपे खिन देता थुप्‍स्‍यीत सिन ङ्योकोन प्रभु येशू ख्रीष्‍टताङ प्रार्थना खिओ।

१ यूहन्‍ना 3:1

लो विचार खिते, आबा परमेश्‍वरगी ङुरूङला चुक आउदी ङिङज्‍ये खासुङा। थेकी थोक आउदी ङिङज्‍ये खाईन ङुरूङला थे खोरोङ फुज्‍युङ फुमु ईन सिओ। ईन्‍दाबोङ ङुरूङ थे फुज्‍युङ फुमुराङ ईन। दि सा लुङबे मिओनगी ङुरूङ चुक्‍ते मि ईन्‍दे सिन छ्याःङ छ्या मेस्‍येओ। च्‍यिला सासीन थेबेकी परमेश्‍वर सु ईन्‍दे सिन छ्या मास्‍येसुङ।

छ्या स्‍ये च्‍युताते बात 21:3

थेमे सिंहासनदुकी आउदी कस्‍स्‍ये खाईन “थानामेईचेन सधैँ लाईदु परमेश्‍वर थे खोरोङ मिओनताङ देत्‍क्‍यो। थेमे थेबा परमेश्‍वर मि ओङगो। परमेश्‍वर थेबाताङ ङ्योम्‍बु देत्‍ला थेचेन थेबे परमेश्‍वर ओङगो।