१ थिस्‍सलोनिकी 3:10 - जिरेल

¹⁰ ख्‍योकोनला याङराङ ठेता ङेत्‍स्‍यीत थेमे प्रभु येशूला विश्‍वास खित्‍जीन ख्‍योकोनगी थोरूमोङ छ्या स्‍येबा फाप्‍च्‍येते बाततेबा लाप्‍ला तेरा ङेत्‍स्‍यीत सिन ङ्योकोन ङीन नुप परमेश्‍वरताङ आउदी खाला प्रार्थना खिन ओत।

१ थिस्‍सलोनिकी 3:10 Iomraidhean Croise

लूका 2:37

ख्‍योबोते स्‍यिनामेकी थोजोराङ देत्‍कीन था थे लो खाल स्‍यीताङ स्‍यी गाला ओतान। थेचेन ङीन नुप परमेश्‍वर मन्‍दिरदु परमेश्‍वरला प्रार्थना खिन देत्‍कीन ओतान। परमेश्‍वरला झन छ्ये ज्‍वा थुप्‍स्‍यीत सिन थे बेला बेलाला बर्तङ देत्‍कीन ओतान।

शक्ति काम 26:7

परमेश्‍वरगी दि जमान पूरो खाबाते थोङा ङेत्‍स्‍यीत सिन आश खाईन ङ्योकोन थर च्‍युन्‍ङी यहूदी गाङेराङ ङीन नुप थेला माने खिन गुकीन देता ओत। यहूदी गाङेकी आश खाईन गुकीन देताते दि बातला ङे पक्‍काराङ ईन सिरजीनचेन होथेबेकीराङ ङाला दोक खाईन दोष लै खाबाते ईन सरकार।

२ कोरिन्‍थी 1:15

ङाराङला होदि बात लेमु खाला छ्या ओतेकी ङा गोमा ख्‍योकोन ओत्‍सादु ओङाला ठीक खाबा ओतान। थोक खाला पालो ङि ठेता ङेत्‍जीन परमेश्‍वरगी ख्‍योकोनला झन आशी तेरच्‍या ओतान।

२ कोरिन्‍थी 1:24

ङा ख्‍योकोनला ङे साबा च्‍योकराङ खाला येशूला विश्‍वास खिता फाप्‍क्‍यो सिन कर लै मिक्‍किओ। ख्‍योकोनगी थेला खित्‍च्‍येते विश्‍वासका ठीकराङ दुक। ङानी खालि ख्‍योकोनला लेमु ओङला ख्‍योकोनगी गा खिन देता ङेत्‍स्‍यीत सिरच्‍येते कामताङ बातकामा खिओ।

२ कोरिन्‍थी 13:11

लो आज्‍यो न्‍वावे, था ज्‍येन बातका च्‍यि सिरच्‍ये, ख्‍योकोनगी परमेश्‍वरगी खेराङला ज्‍वा चाला च्‍योकराङ लेमु मि ओङस्‍यीत सिन थोक्‍ते मि ओङच्‍ये छ्य्‌वापा स्‍येत खि। ङे लाःपा कोताते ङेन्‍ला था चुक खिता फाप्‍कीका थोककामा खि, ख्‍योकोन गाङेराङ सेमज्‍यीकराङ खाला डिक्‍ला थुन्‍ला देत। थोक खासीन गाङेला ङिङज्‍ये खित्‍कान्‍ते थेमे डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

२ कोरिन्‍थी 13:9

थेमे ङेराङ छ्याःङ खिता मुथुप्‍कान्‍ते च्‍योक थोङसीनोङ ख्‍योकोन लेमु खित्‍कान ओङसीन ङ्योकोनला गा लाङगो। परमेश्‍वरगी ज्‍वा चाला च्‍योकराङ ख्‍योकोन लेमु मि ओङस्‍यीत सिनोङ ङ्योकोन प्रार्थना खिओ।

फिलिप्‍पी 1:25

थोगी ङेते स्‍यिच्‍येते समय थोरूमोङ लेपा मेत सिन ङे छ्या स्‍येबा ओत। येशू ख्रीष्‍टला विश्‍वास खिन ख्‍योकोन चुक खाला पाको डुइन ड्वा थुप्‍कीते थेमे झन गा खिन देता थुप्‍कीते सिन ङे ख्‍योकोनला थोरूमोङ लोपा ङेत्‍क्‍यो।

कलस्‍सी 1:28

ख्रीष्‍ट दोक खाला ज्‍येन ज्‍येन जातकी मि सेमगी नाङ देत्‍क्‍यो सिन ङ्योकोन मि गाङेला लोप्‍क्‍यो। च्‍यि सासीन ख्रीष्‍टताङ जीउज्‍यीकराङ ओङाते मिओन काम बात जे कुरोलाङ पाको गालाते मि ओङला परमेश्‍वर दोन्‍दु देता थुप्‍स्‍यीत सिन ङ्योकोनगी लोप्‍च्‍येते बात लेमु खाला ङेन सिन मि गाङेला दि बात परमेश्‍वरगी बिन्‍दाते बुद्धिकी लेमु खाला लोप्‍क्‍यो।

कलस्‍सी 4:12

थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

१ थिस्‍सलोनिकी 3:11

था ङुरूङ आबा परमेश्‍वर थे खोरोङगी थेमे ङुरूङ प्रभु येशूकी ङ्योकोनला ख्‍योकोन ओत्‍सापा डोच्‍येते मौका तेरस्‍यीत।

२ थिस्‍सलोनिकी 1:11

होदि बाततेबा टोक मेज्‍येता खाला ङ्योकोन ख्‍योकोन लाईदु जहिलेङ ङुरूङ परमेश्‍वरला दोक सिन प्रार्थना खिओ। चुक सासीन थेकी ख्‍योकोनला थे खोरोङ दोन्‍दु स्‍योक सिन काताङाते ईन्‍देकी ख्‍योकोन चुक ओङा फाप्‍च्‍येते ईन्‍दे थोकराङ ओङ ज्‍युत्‍स्‍यीत। दोक खाला ख्‍योकोनगी खिता चालाते लेमुते कामताङ बात थेमे प्रभु येशूला विश्‍वास खाईन खिताला स्‍यूबाते कामतेबा गाङे परमेश्‍वरगी ख्‍योकोनला थे खोरोङ शक्ति बिन्‍ला पूरो खित ज्‍युत्‍स्‍यीत सिन प्रार्थना खिओ।

२ तिमोथी 1:3

थेमे परमेश्‍वरताङ प्रार्थना खित्‍जीन ङा ङीन नुप जहिलेङ खुई लाईदुङ प्रार्थना खिन खुई लाईदु थेला धन्‍यवाद सिओ। ङा ङाराङ ज्‍युज्‍यु पुर्खेकी माने खिन वाबाते परमेश्‍वरला थेबेकी च्‍योकराङ खाला थेला जस्‍तो खाला माने खिता फाप्‍च्‍येते ईन थोकराङ खाला माने खिओ।

फिलेमोन 1:22

थोरूमोङ बातज्‍यीक च्‍यि सासीन ख्‍योकोनगी ङे लाईदु प्रार्थना खाबा च्‍योकराङ खाला था परमेश्‍वरगी ङाला जेलदुकी तेन्‍ला ख्‍योकोनला ठेत ज्‍युत्‍क्‍यो सिराच्‍योक लाङगीदुक। थोगी खुई ङे लाईदु डेराज्‍यीक ठीक खाला स्‍योक।

छ्या स्‍ये च्‍युताते बात 4:8

थेबा स्‍यीकारते स्‍योक्‍पा ठुक ठुक ओतान। थेमे स्‍योक्‍पाओनलाङ लाक नाङ मिकराङ मिक ओतान। थेमे थेबाचेन ङीन नुप रकस्‍यिकोङ खाराक्‍पा मेदेता खाला “गाङे भन्‍दा छ्येज्‍यीक शक्ति ओताते प्रभु परमेश्‍वर, खो मेलेबा सिराते छ्याःङ मिक्‍किकान्‍ते ईन। सेमला पाप सिराते छ्याःङ मेताते खोकामा ईन। खो गोमा ओतान, थरिङोलाङ ओत थेमे तिरी तिरीसाकराङ देत्‍कान्‍तेङ खोराङ ईन,” सिनराङ देत्‍कीन ओतान।

छ्या स्‍ये च्‍युताते बात 7:15

थोगीराङ दिबा ङीन नुप परमेश्‍वर मन्‍दिर नाङ परमेश्‍वर सिंहासन दोन्‍दु देत्‍ला थेला छ्ये जोइनराङ देत्‍कीदुक। सिंहासन लाक देत्‍कान्‍ते थेबाताङ ङ्योम्‍बुराङ देत्‍ला थेकी थेबाला लेमु खाला तेइओ।