१ थिस्‍सलोनिकी 2:9 - जिरेल

⁹ आज्‍यो न्‍वावे, ख्‍योकोनला परमेश्‍वरते गा लाङच्‍येते बात लोप्‍जीन ख्‍योकोन सुङलाङ छ्याःङ दुक्‍पा तेरा माफाप्‍स्‍यीत सिन ङेराङ लाईदु साप थुङा ङ्य्‌वाप्‍ला ङीन नुप ठोत थेनथेन काम खाबाप। ङ्योकोनगी थोक खाबाते बात ख्‍योकोनगी टोक ज्‍येता मेतासीन।

१ थिस्‍सलोनिकी 2:9 Iomraidhean Croise

लूका 18:7

थोक्‍ते न्‍यायाधीशकीनी न्‍याय खाईन बिन्‍सुङ सासीन च्‍यि थे खोरोङगी छाने खाबाते मिओनगी दुक्‍पादुकी टाल्‍ला नाङ सिन ङीन नुप प्रार्थना खित्‍जीन परमेश्‍वर नामज्‍योकराङ मेसेता खाला देत्‍क्‍योतरो? ना थेकी गु च्‍युत्‍ला च्‍युत्‍लाकामा थेबेकी खाबाते बिन्‍ती ङेन्‍ग्‍यो सिराच्‍योक लाङगीका?

लूका 2:37

ख्‍योबोते स्‍यिनामेकी थोजोराङ देत्‍कीन था थे लो खाल स्‍यीताङ स्‍यी गाला ओतान। थेचेन ङीन नुप परमेश्‍वर मन्‍दिरदु परमेश्‍वरला प्रार्थना खिन देत्‍कीन ओतान। परमेश्‍वरला झन छ्ये ज्‍वा थुप्‍स्‍यीत सिन थे बेला बेलाला बर्तङ देत्‍कीन ओतान।

शक्ति काम 18:3

थेबा जाप्राङ ङिकाराङ पाल जोकान ओतान। पावलगीङ गोमा पाल जोच्‍येते लापा ओतेकी थेबाताङ ङ्योम्‍बु देत्‍कीन पाल ज्‍वाप्‍ला स्‍यूसुङ।

शक्ति काम 20:24

थोक दुक्‍पा ओङजीन स्‍याराङ फाप्‍सीनोङ ङाला छ्याःङ ज्‍यीबा मेत। ङाराङ सोन सोनसाक ङे खिता फाप्‍च्‍येते कामचेन परमेश्‍वरगी मिओनला दया खिओ सिरच्‍येते गा लाङच्‍येते बात गाङेला लोप्‍च्‍येते ईन। थोक खाला प्रभु येशूकी खि साबाते काम ङे पूरो खिताराङ फाप्‍क्‍यो।

शक्ति काम 20:31

थोगी खेराङला सुङगीङ छक्‍के खिता मुथुप्‍स्‍यीत सिन च्‍याङबो खाला देत। ङे लो सुमसाक ख्‍योकोन गाङेला येशूला विश्‍वास खिनराङ देत सिन ङीन नुप ख्‍योकोन पीर खुरगीन दुक्‍पा खाईन खाईन खाबाते काम नोमुङ टोक माज्‍येत।

रोमी 1:1

दि चिट्ठी येशू ख्रीष्‍ट काम खित्‍कान्‍ते ङा पावल टिगीन ओत। ङा येशू ख्रीष्‍टकी खटे खाबाते मि ईन। मिओनला थे खोरोङ गा लाङच्‍येते बात लोपाला ङाला परमेश्‍वरगी छाने खाबाते ईन।

रोमी 15:16

ज्‍येन ज्‍येन जातकी मि नाङ काम खिताला थेकीराङ ङाला येशू ख्रीष्‍ट काम खित्‍कान्‍ते मि सिन खटे खाबाते ईन। थोगी ङा ज्‍येन ज्‍येन जातकी मिला परमेश्‍वर गा लाङच्‍येते बात लोप्‍क्‍यो। परमेश्‍वर आत्‍मेकी थेबे सेम खुदुक जोला थेबा परमेश्‍वरला चढे खाबाते थेला मन परे खित्‍च्‍येते भोग च्‍योकराङ ओङस्‍यीत सिन ङा दोक खाला लोप्‍च्‍येते काम खिओ।

रोमी 15:19

थेमे छ्ये छ्येताङ अचम्‍बते कामतेबाङ परमेश्‍वर आत्‍मे शक्ति छ्य्‌वापेकीकामा खाबाते ईन। दोक खाला ठाउँ ठाउँला युगीन ङे यरूशलेम सारदुकी इल्‍लिरिकुम सिराते लुङबासाक लेप्‍कीन मिओनला ख्रीष्‍टते गा लाङच्‍येते बात लाप्‍कीन बिन्‍दा ओत।

१ कोरिन्‍थी 4:12

साप थुङाताङ खोन्‍दे लाईदु ङ्योकोन स्‍याप स्‍याप खाला काम खिओ। ङेराङला मोता सराप खित्‍कान्‍ते मिओनला ङ्योकोन आशी तेरग्‍यो। थेमे ज्‍येनगी खेदापानी खित्‍जीनोङ ङ्योकोन छ्याःङ मिक्‍किता खाला खपेराङ खाला देत्‍क्‍यो।

१ कोरिन्‍थी 9:15

दोक खाला ङेते नाङ सिरच्‍येते अधिकार ओत्‍सीनोङ ङे थोरूमसाक सुङताङ छ्याःङ लाबा मेत। ङाराङला गोच्‍येते ख्‍योकोनताङ नाङ सिराप सिनोङ ङे दि बात टिबाते मेन। ख्‍योकोनताङ खइँदा लाला गा लाङच्‍येते बात लोपा भन्‍दानी बरू ङाला स्‍याप्‍ते लेमु लाङगीदुक। च्‍यिला सासीन सुङताङ छ्याःङज्‍यीक खाङज्‍यीक मिलिन्‍दा खाला दि काम खित्‍जीनराङ ङाला आउदी गा लाङगीदुक, दि बातलाचेन ङा छ्येराङ खिओ।

१ कोरिन्‍थी 9:18

थोक सासीन च्‍यि ङे छ्याःङ इनाम मेङेदो? ङाराङला गोच्‍येते ज्‍येनताङ लिन्‍च्‍येते अधिकार ओत्‍सीनोङ ङा सुङताङ छ्याःङ मिलिन्‍दा खाला गा लाङच्‍येते बात लोप्‍क्‍यो। ङे दोक खित्‍च्‍येतेराङ ङे ङेत्‍च्‍येते इनाम ईन।

१ कोरिन्‍थी 9:4

च्‍यि ङ्योकोनगीचेन गा लाङच्‍येते बात लाप्‍नामेई ङेराङला साप थुङा गोच्‍येते लिन्‍दा ङेत्‍च्‍येते मेनरो?

२ कोरिन्‍थी 11:27

ङे स्‍याप स्‍याप खाईन काम खाबाप। पालोताङ पालो ङे मिक छुम मिक्‍किता खाईन नुप स्‍येन्‍दान, पालोताङ पालो ङा त्‍वाबा कोम्‍बा लासीनोङ थोकराङ देतान, पालोताङ पालो ङा सुबाला अन्‍ने तारानराङ मुलुबा खाईन देतान थेमे खोन्‍च्‍या दिङच्‍या मेतेकी पालोताङ पालो ङा खेबे नाङला ख्‍वाकीनराङ देतान।

२ कोरिन्‍थी 11:9

ख्‍योकोनताङ ङ्योम्‍बु देत्‍जीन ङाराङला मादाङजीनोङ ङे सुङताङ छ्याःङ नाङ मासा। ङाला खाँचो परे खाबे बेलाला म्‍यासिडोनियादुकी ओङकान्‍ते आज्‍यो न्‍वाओनगी पैसा खुलाकीन बिन्‍दा ओतान। दोक खाईन ङे ख्‍योकोनला गोमाबाङ छ्याःङज्‍यीक खाङज्‍यीक दुक्‍पा माबिन, थाङ नोमुङ थोक मिक्‍किओ।

२ कोरिन्‍थी 6:5

थोकराङ खाला थाराङ मि लाक्‍पे दुताक सा फाप्‍सीनोङ, जेलदु देता फाप्‍सीनोङ, ङेराङ विरोधला हूलदङ्गा खासीनोङ ङ्योकोन खपेराङ खाला देत्‍क्‍यो। दोस्‍यिककामा मेन, ङीन नुप स्‍याप स्‍याप खाला काम खिता फाप्‍सीनोङ, मिक छुम मिक्‍किता खाला जागोराङ देत्‍ला नुप स्‍येन्‍दा फाप्‍सीनोङ थेमे त्‍वाबा तुक्‍पाराङ देता फाप्‍सीनोङ दोकराङ खिओ।

फिलिप्‍पी 4:16

ङा थिस्‍सलोनिकादु ओत्‍जीनोङ ख्‍योकोनगी ङाला गोबे बेलाला बाजिताङ बाजि पैसा ताङा ओतान।

१ थिस्‍सलोनिकी 1:3

धन्‍यवाद सिरजीनराङ ख्‍योकोनगी येशू ख्रीष्‍टला विश्‍वास खाईन लेमु काम खिताला स्‍यूबाते थेमे ज्‍येनला ङिङज्‍ये खिन झन झन लेमु खाबाते बातकी लाईदु ङुरूङ आबा परमेश्‍वरला धन्‍यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्‍ट ग्‍युरला ओङगो सिन आश खाईन गुकीन देता ओतेकी जस्‍तो दुक्‍पा ओङसीनोङ ख्‍योकोन सेम मेसेता खाईन देता ओताते बातकी लाईदुङ ङ्योकोन थेला धन्‍यवाद सिओ।

१ थिस्‍सलोनिकी 2:2

च्‍यि सासीन ख्‍योकोन ओत्‍सापा ओङा भन्‍दा गोमा फिलिप्‍पी सारदु परमेश्‍वरते गा लाङच्‍येते बात लोप्‍जीन थेरू मिओनगी ङ्योकोनला दुकीन इज्‍जत बेइज्‍जत खाबाते बात ख्‍योकोनगी छ्या मास्‍येबाते मेन। थेरू थोक खाईन दुक्‍पा बिन्‍सीनोङ परमेश्‍वरगी ङ्योकोनला आँट बिन्‍देकी ङ्योकोनगी ख्‍योकोन ओत्‍सादु वाकीन थेरूङ थे बातराङ लापाप। थेरूङ मिओनगी आउदी दुक्‍पा बिन्‍सीनोङ ङ्योकोनगी छ्याःङ ज्‍यीबा मिक्‍किता खाईन ख्‍योकोनला थे बात लापा ओतान।

१ थिस्‍सलोनिकी 2:6

लोक्‍ला ङ्योकोनगीनी ज्‍येनगी ईन्‍स्‍यीत, ख्‍योकोनगी ईन्‍स्‍यीत सुङगीङ ङेराङला मान खित्‍स्‍यीत सिराच्‍योक माक्‍या।

१ थिस्‍सलोनिकी 3:10

ख्‍योकोनला याङराङ ठेता ङेत्‍स्‍यीत थेमे प्रभु येशूला विश्‍वास खित्‍जीन ख्‍योकोनगी थोरूमोङ छ्या स्‍येबा फाप्‍च्‍येते बाततेबा लाप्‍ला तेरा ङेत्‍स्‍यीत सिन ङ्योकोन ङीन नुप परमेश्‍वरताङ आउदी खाला प्रार्थना खिन ओत।

१ तिमोथी 1:11

येशू ख्रीष्‍टला विश्‍वास खित्‍कान्‍ते मिओनगी ङेन्‍दा फाप्‍च्‍येते बातचेन गा लाङच्‍येते बातला साबा ओत। गा लाङच्‍येते बातचेन आउदी अचम्‍बते बात ईन। दि बातचेन जेसुकै ओत्‍कान्‍ते परमेश्‍वरगी मिओनला छ्या स्‍ये च्‍युता ओत। थेमे दि बात ज्‍येन मिओनला लोप सिन थेकी ङाला जिम्‍मा बिन्‍दा ओत।

१ तिमोथी 4:10

थोक ईन्‍देकीराङ ङुरूङगी स्‍याप स्‍याप खाला दुक्‍पा खिन थुपासम्‍म ज्‍येनलाङ सत्‍यते बात लोप्‍च्‍येते ईन। च्‍यिला सासीन सोम्‍बोते परमेश्‍वरगी साबा च्‍योकराङ खाला आशी तेरग्‍यो सिन ङुरूङ आश खाईन देता ओत। मि गाङेला पापदुकी डेल्‍कान्‍ते थेराङ ईन। थेकी थोक खिओ सिन येशू ख्रीष्‍टला विश्‍वास खित्‍कान्‍ते मि जोराङ ईन्‍सीनोङ परमेश्‍वरगी थेला पापकी सजायदुकी डेल्‍ग्‍यो।

१ तिमोथी 5:5

ख्‍योबो स्‍यिइन ताकान सुङ मेत्‍कीन पक्‍काराङ दुक्‍पा ङेताते फेम्‍मे मिचेन परमेश्‍वरगी थे मोरोङला तेइओ सिन ङीन नुप थेत्ताङ प्रार्थना खिन देत्‍क्‍यो।

२ तिमोथी 1:3

थेमे परमेश्‍वरताङ प्रार्थना खित्‍जीन ङा ङीन नुप जहिलेङ खुई लाईदुङ प्रार्थना खिन खुई लाईदु थेला धन्‍यवाद सिओ। ङा ङाराङ ज्‍युज्‍यु पुर्खेकी माने खिन वाबाते परमेश्‍वरला थेबेकी च्‍योकराङ खाला थेला जस्‍तो खाला माने खिता फाप्‍च्‍येते ईन थोकराङ खाला माने खिओ।