१ थिस्‍सलोनिकी 2:6 - जिरेल

⁶ लोक्‍ला ङ्योकोनगीनी ज्‍येनगी ईन्‍स्‍यीत, ख्‍योकोनगी ईन्‍स्‍यीत सुङगीङ ङेराङला मान खित्‍स्‍यीत सिराच्‍योक माक्‍या।

१ थिस्‍सलोनिकी 2:6 Iomraidhean Croise

यूहन्‍ना 12:43

थेबालानी परमेश्‍वरगी भन्‍दाङ मिओनगी मान खाबातेका मन परे खिन ओतान।

यूहन्‍ना 5:41

ङे दि बातओन खाबाते मिओनगी ङाला मान खिताराङ फाप्‍क्‍यो सिन सिराला मेन।

यूहन्‍ना 5:44

ख्‍योकोन ज्‍येनगी खेराङला लेमु मि ईन साकीन मान खासीन गा खिदुक। परमेश्‍वर खेराङताङ खुशी ओङला थेकी तेरच्‍येते मान ङेत्‍स्‍यीत सिरच्‍येतेनी ख्‍योकोन छ्याःङ विचारराङ मिक्‍किदुक। दोक ईन्‍देकी ख्‍योकोनगी ङाला परमेश्‍वरगी ताङाते ईन सिन चुक खाला विश्‍वास खिता थुप्‍कीतेरो?

यूहन्‍ना 7:18

दाक्‍पोनगी जोबाते बात लोप्‍कान्‍ते मिकीचेन ज्‍येनगी थे खोरोङला मान खित्‍स्‍यीत सिन लोप्‍क्‍यो। तर थे खोरोङला तोङकान्‍तेला मिओनगी मान खित्‍स्‍यीत सिन काम खित्‍कान्‍ते मिकीचेन ईन्‍दाते बातकामा खिओ, मेन्‍दाते बात सिराते थेकी दोक्‍पोईओङ मिक्‍किओ।

१ कोरिन्‍थी 11:9

थेमे फेम्‍मे मि लाईदु ख्‍योओ मि जोबाते मेन, ख्‍योओ मि लाईदुका फेम्‍मे मि जोबाते ईन।

२ कोरिन्‍थी 13:10

था ङे थेपा वानामेई ङाराङताङ खजो अधिकार ओते सिराच्‍योक मिक्‍किता खाला ख्‍योकोनताङ खा छ्येत लेमुकी बात खिता ङेत्‍स्‍यीत सिन ङे थारीला ओते बेलालाराङ दि बाततेबा टिबाते ईन। च्‍यिला सासीन प्रभु ख्रीष्‍टकी ङाला बिन्‍दाते अधिकार ख्‍योकोनला ङ्ये ज्‍युताला मेन, बरू ख्‍योकोनला लेमु ओङस्‍यीत सिन लाःप्‍ला कोत्‍ला तेराला बिन्‍दाते ईन।

२ कोरिन्‍थी 4:5

थेमे ङ्योकोन ज्‍येनगी ङेराङला आउदी लेमु मि दुका सिरस्‍यीत सिन दि बात लोप्‍च्‍येते मेन। येशू ख्रीष्‍टराङ छ्ये ईन, थेराङ गाङेते मालिक ईन सिन ङ्योकोन मिओनला लोप्‍क्‍यो। थोक ईन्‍देकी ङ्योकोनचेन थेला मान खिन ख्‍योकोन काम खित्‍कान्‍ते मि च्‍योकराङ ईन।

गलाती 1:10

ङे दोक सिन सिनोङ थोरूमोङ च्‍यि परमेश्‍वरला मेन्‍देकी मिओनला खुशी ज्‍वाप्‍लाका ङे दि बातओन साबाते ईन्‍दासीन सिराच्‍योक लाङगीदुक? ना मिओनगी ङाराङला लेमु मि सिरस्‍यीत सिन ङे दोक साबाते ईन सिराच्‍योक लाङगीका? ङा थोक खाला मि मान छोल्‍कान्‍ते ईन्‍सीन ङा ख्रीष्‍टकी काम खित्‍कान्‍ते ईन सिन ङे चुक खाला सिरा थुप्‍च्‍या ओतानेरो?

गलाती 5:26

ङुरूङगी दाक्‍पोन नाङ ङा ङाराङ ईन सिराच्‍योक खिता मेङगो। दोक खासीन दाक्‍पोन नाङ मिडिक्‍च्‍येतेताङ आरिस्‍ये खित्‍च्‍येते बातकामा ओङगो।

गलाती 6:13

थेबा खोपरोङगी खतकी चिनु जोबा ओत्‍सीनोङ परमेश्‍वर नियमला खि साबाते ज्‍येन ज्‍येन नियमचेन थेबेकी मेङेनो। खोपरोङगी साबाते ङेन्‍गीन ख्‍योकोन थेबे छ्य्‌वापा लै खाबा ओत सिन नोउ छ्ये खिता ङेत्‍स्‍यीत सिनका थेबेकी ख्‍योकोनला खतकी चिनु ज्‍वा फाप्‍क्‍यो सिरच्‍येते ईन।

१ थिस्‍सलोनिकी 2:9

आज्‍यो न्‍वावे, ख्‍योकोनला परमेश्‍वरते गा लाङच्‍येते बात लोप्‍जीन ख्‍योकोन सुङलाङ छ्याःङ दुक्‍पा तेरा माफाप्‍स्‍यीत सिन ङेराङ लाईदु साप थुङा ङ्य्‌वाप्‍ला ङीन नुप ठोत थेनथेन काम खाबाप। ङ्योकोनगी थोक खाबाते बात ख्‍योकोनगी टोक ज्‍येता मेतासीन।

१ तिमोथी 5:17

थेमे येशू ख्रीष्‍ट मिओनला ताकान्‍तेबे नाङ खोपरोङ काम लेमु खाला खित्‍कान्‍ते मिओनला आउदी खाला मान खिता फाप्‍क्‍यो। थेबे नाङोङ गा लाङच्‍येते बात च्‍यि ईन्‍दे सिन लोप्‍कान्‍तेबालाचेन झन मान खिता फाप्‍क्‍यो। थेमे थेबा गाङेला गोच्‍येतेङ तेरा फाप्‍क्‍यो।