१ थिस्सलोनिकी 2:4 - जिरेल4 ङ्योकोनलानी परमेश्वरगीराङ दिबेकी ङे साबा च्योकराङ खिओ सिन गा लाङच्येते बात लोप्च्येते काम जिम्मा बिन्दाते ईन। थोगी ङ्योकोननी मिओनला खुशी ज्वाप्ला मेन्देकी ङेराङ सेमगी नाङ च्यि दुका सिन लेमु खाला छ्या स्येकान्ते परमेश्वर खुशी ओङस्यीत सिन गा लाङच्येते बात लोप्क्यो। Faic an caibideil |
१ थिस्सलोनिकी 2:4
38 Iomraidhean Croise
थेमे लोक्लाङ थेकी थेला “योआनेस फुज्युङ शिमोन, च्यि खो ङाला ङिङज्ये खिओ?” सिन सिदुक। थोक खाला बाजि सुमसाक “च्यि खो ङाला ङिङज्ये खिओ?” सिन सिरजीन पत्रुसला मेलेबा लासुङ। थेमे थेकी “प्रभु, खोल्ला गाङे बात छ्याराङ ओत। ङे खोल्ला ङिङज्ये खिओ सिनोङ खोल्ला छ्या ओत,” सिन सिदुक। थेमे थेकी “ङे लुकओनला लेमु खाला छो।
थेमे ख्योकोनगी कर्नेते मिओनगीचेन चुक खिता लेमु ईन्ताका सिन ङाला ठिबा ओताक्वा। थोक्ते मिओनगी च्यि खित्च्ये, चुक खिता फाप्कीते सिरच्येते बातनी प्रभु येशूकी ङाला कोता मेत। ईन्सीनोङ कर्नेते मिओनगी चुक खिता लेमु ईन्दे सिन सल्लाह तेरामीन। प्रभु येशूकी ङाला दया खाबा ओतेकी ख्योकोनगी ङे सल्लाह ठीक ईन सिरा थुप्क्यो।
ङ्योकोन ईप्ला छ्याक्ला ज्येनला ठगे खित्च्येते च्योक्ते ङोचा लाङच्येते काम मिक्किओ, मिला छक्के खिताला ईनराङ मेन्दे बात मोलोबो, ङ्योकोननी परमेश्वर बात खुदुक जोला लोप्च्येतेङ मिक्किओ। परमेश्वर दोन्दुराङ काम खाबाच्योक खाला ङ्योकोननी सत्यते बातला जे साला दुक थेकामा लोप्क्यो। थोक ईन्देकी ङ्योकोनगी सत्यते बातकामा लापा ओत सिन मि गाङेकी सिरा थुप्क्यो।
दोक खाला ङीमा लेनज्यीक प्रभु येशू दोन्दु दाक्पोनगी खाबाते लेमु मेलेबा कामगी हर हिसाब तेरा फाप्क्यो सिन छ्या ओतेकी ङेराङ मेलेबा काम मिक्किओ सिन ङ्योकोन मिओनला छ्याःङ शंका मालाङच्या खाला लोप्क्यो। ङ्योकोन चुक्ते ईन्दे सिन परमेश्वरला गाङे छ्या ओत। दि बात ख्योकोनगीङ लेमु खाईन छ्या स्येबाराङ ओतासीन।
ङे दोक सिन सिनोङ थोरूमोङ च्यि परमेश्वरला मेन्देकी मिओनला खुशी ज्वाप्लाका ङे दि बातओन साबाते ईन्दासीन सिराच्योक लाङगीदुक? ना मिओनगी ङाराङला लेमु मि सिरस्यीत सिन ङे दोक साबाते ईन सिराच्योक लाङगीका? ङा थोक खाला मि मान छोल्कान्ते ईन्सीन ङा ख्रीष्टकी काम खित्कान्ते ईन सिन ङे चुक खाला सिरा थुप्च्या ओतानेरो?
थेमे योक्पो योङमुतेबा ख्योकोनला ङा दोक सिओ। च्यि सासीन ख्योकोनगी जहिलेङ दाक्पोन मालिककी लाःपा कोताते ङेन। थेबेकी खेराङला आउदी लेमु खाला काम खित्कान्ते दुका सिरस्यीत सिन थेबे मिगी दोन्दुकामा स्याप स्याप खाला काम खित्जुम माकेत। प्रभु येशूला मन परे मिक्किच्येते छ्याःङ खिता मेङगो सिन ज्यीबा खिन खेराङ मालिक दोन्दु मेत्सीनोङ थेबेकी कोताते लेमु खाला सेम लै खाला खि।
च्यि सासीन ज्येनला परमेश्वर बात लोप्कान्तेकी परमेश्वरगी जे साला दुक थेराङ लोप। थेमे ज्येनला ता फाप्कानगीङ परमेश्वरगी ङाला थोक खित्च्येते शक्ति बिन्दाते ईन सिन थे काम खि। दोक खाला जसकी जे खासीनोङ येशू ख्रीष्ट छ्य्वापेकी परमेश्वरते जय जय खित्च्येते काम खि। परमेश्वरते सधैँभरि जय जय ओङस्यीत। थेकी गाङेपा गाङेला राज्य खिनराङ देत्स्यीत। आमेन।
थोकराङ खाला थे फिजा च्योकराङ ओङला थे बात ङेन्कान्ते मिओनलाङ ङा आउदी मेलेबाते रोग लै खित च्युत्ला स्यिर ज्युत्क्यो। दोक ओङा थोङनामेकी मि सेमगी बात गाङे छ्या स्येकान्ते ङाराङ दुका सिन ठाउँ ठाउँला जम्मा ओङकान्ते येशू ख्रीष्ट मि गाङेकी छ्या स्येक्यो। ङा ख्योकोन काम ताला लेमु खाबा ओत्सीन लेमु, मेलेबा खाबा ओत्सीन मेलेबाराङ खिओ।
Sanasan