१ थिस्‍सलोनिकी 2:3 - जिरेल

³ जसकी जेराङ सासीनोङ ङ्योकोननी मिओनला गा लाङच्‍येते बात ङेन सिन लोप्‍जीन नोमुङ मेन्‍दे बात मोलोबो, चुक खासीन ङेराङला फाइदा ओङगीका थे तालाङ मोलोबो थेमे मि मिकला छारो देक्‍पाङ मोछोलो।

१ थिस्‍सलोनिकी 2:3 Iomraidhean Croise

शक्ति काम 13:15

थेमे थेरू मिज्‍यीगी परमेश्‍वर नियमला टिबाते थेमे परमेश्‍वर बात खित्‍कान्‍तेबेकी टिबाते बात गाङेकी थोच्‍या खाईन पढे खासुङ। थे बाततेबा पढे खाईन सिन्‍नामेकी थे मिटिङ खित्‍च्‍येते खाम्‍बे छ्ये छ्ये मिकी आज्‍यो न्‍वावे, ख्‍योकोनला खइँदा लेमु बात सिरा सेम लाबा ओत्‍सीन थे बात दुरू जम्‍मा ओङाते मिओनला खि सिन मिज्‍यीकला पावलताङ बारनाबास देत्‍सादु ताङसुङ।

शक्ति काम 4:36

येशूला विश्‍वास खित्‍कान्‍तेबे नाङ यूसुफ सिराज्‍यीक मि ओतान। थेचेन साइप्रस लुङबादु केबाते लेवी थरगी मि ओतान। येशू ख्रीष्‍टकी खटे खाबाते मिओनगी थेला बारनाबास सिन मिन ज्‍याक्‍पा ओतान। बारनाबास साबाते मिओनला आँट तेरकान्‍ते साबाते ईन।

२ कोरिन्‍थी 11:13

होथेबानी ख्रीष्‍टकी खटे खाबाते मि ईनराङ मेन। थेबा मिला छक्‍के खाला ठगे खित्‍कान्‍तेबा ईन। थेबानी ख्रीष्‍टकी खटे खाबाते मिकी च्‍योक खित्‍जुम खित्‍कान्‍तेबाकामा ईन।

२ कोरिन्‍थी 2:17

ईन्‍सीनोङ मि काल्‍बेईकी खोपरोङ फाइदे लाईदु खाबाच्‍योक खाला ङ्योकोननी ङेराङ फाइदे लाईदु परमेश्‍वर बात मोलोबो। बरू ख्रीष्‍टताङ जीउज्‍यीकराङ ओङा ओतेकी परमेश्‍वर दोन्‍दुराङ दि काम खिन ओत सिराच्‍योक खाला सेमदु छ्याःङ पापताङ लोभ मोज्‍योबा खाला ङ्योकोनचेन परमेश्‍वरगी ङेराङला जिम्‍मा बिन्‍दाते काम खिओ।

२ कोरिन्‍थी 4:2

ङ्योकोन ईप्‍ला छ्याक्‍ला ज्‍येनला ठगे खित्‍च्‍येते च्‍योक्‍ते ङोचा लाङच्‍येते काम मिक्‍किओ, मिला छक्‍के खिताला ईनराङ मेन्‍दे बात मोलोबो, ङ्योकोननी परमेश्‍वर बात खुदुक जोला लोप्‍च्‍येतेङ मिक्‍किओ। परमेश्‍वर दोन्‍दुराङ काम खाबाच्‍योक खाला ङ्योकोननी सत्‍यते बातला जे साला दुक थेकामा लोप्‍क्‍यो। थोक ईन्‍देकी ङ्योकोनगी सत्‍यते बातकामा लापा ओत सिन मि गाङेकी सिरा थुप्‍क्‍यो।

२ कोरिन्‍थी 4:5

थेमे ङ्योकोन ज्‍येनगी ङेराङला आउदी लेमु मि दुका सिरस्‍यीत सिन दि बात लोप्‍च्‍येते मेन। येशू ख्रीष्‍टराङ छ्ये ईन, थेराङ गाङेते मालिक ईन सिन ङ्योकोन मिओनला लोप्‍क्‍यो। थोक ईन्‍देकी ङ्योकोनचेन थेला मान खिन ख्‍योकोन काम खित्‍कान्‍ते मि च्‍योकराङ ईन।

२ कोरिन्‍थी 6:8

थेमे कोईकी ङ्योकोनला मान खिदुक, कोईकीचेन दिबाङ सु ईन्‍देरो सिराच्‍योक खाला छ्याःङ च्‍योक गने मिक्‍किदुक। कोईकी फलानाबा लेमु काम खित्‍कान्‍ते मि ईन सिन बात खिदुक। ङ्योकोन सत्‍यते बात लोप्‍कान्‍ते ईन। ईन्‍सीनोङ मिओनगी ङ्योकोनला मेन्‍दे बात लोप्‍कान ईन खिदुक।

२ कोरिन्‍थी 7:2

थेमे ख्‍योकोनगीङ ङ्योकोनला ङिङज्‍ये खि। ङ्योकोनगी ख्‍योकोन सुङलाङ छ्याःङ मेलेबा खाबा मेत, मेन्‍दे बात लाप्‍कीन ख्‍योकोन सुङलाङ छक्‍के खाबा मेत थेमे सुङताङ छ्याःङज्‍यीक खाङज्‍यीक लाकीन ठगेङ खाबा मेत।

१ थिस्‍सलोनिकी 2:11

आबातेकी फिजाओन बानी मेङ्येस्‍यीत सिन लाःपा कोता च्‍योकराङ ङ्योकोनगीङ ख्‍योकोन गाङेला लेमु ओङस्‍यीत सिन दोक दोक खाबाप। चुक सासीन दुक्‍पा ओङसीनोङ सेम मेसेता खाला प्रभु येशूला विश्‍वास खिन देता मातोङ साकीन आँट बिन्‍दाप।

१ थिस्‍सलोनिकी 4:7

परमेश्‍वरगी होथोक्‍ते काम खित्‍स्‍यीत सिन मेन, ङुरूङ सेम खुदुक गाल्‍ला थोक्‍ते मेलेबाते काम सिराते छ्याःङ मिक्‍किस्‍यीत सिन ङुरूङला थे खोरोङ दोन्‍दु स्‍योक सिन काताङाते ईन।

२ थिस्‍सलोनिकी 2:11

थेबेकी सत्‍यते बात माङेन्‍देकी खित्‍सादु परमेश्‍वरगी थेबाला ईन्‍दाताङ मेन्‍दाते बात खाङ ईन्‍ताका सिन डेला मुथुप्‍च्‍या जोइओ। थोक खानामेई थेबेकी थे आउदी पाप खित्‍कान्‍ते मिकी साबाते मेन्‍दा मेन्‍दे बातकामा ङेन्‍ग्‍यो।

२ पत्रुस 1:16

ङुरूङ प्रभु येशू ख्रीष्‍ट चुक छ्येज्‍यीक शक्ति ङेत्‍ला दुरू ग्‍युरला ओङगीते सिन ख्‍योकोनला लोप्‍जीन ङ्योकोनगी थाराङ ङेराङगी जोबाते बात लापाते मेन। थे चुक छ्ये ईन्‍दे सिननी ङ्योकोनगी ङेराङ मिगीराङ थोङाते ईन।