१ थिस्‍सलोनिकी 2:18 - जिरेल

¹⁸ थेपा ड्वा ङेत्‍कीता सिन ङ्योकोनगी याङ याङराङ मौका ताबाप। ङा पावल ङाराङराङ थेपा ड्वाप सिन बाजिताङ बाजि ठीक खित्‍जीनोङ ओङा माथुप्‍सुङ। शैतानगी ङ्योकोनला थेपा डोरराङ माच्‍युत्‍सुङ।

१ थिस्‍सलोनिकी 2:18 Iomraidhean Croise

मत्ती 4:10

येशूकी “खो दुरूकी ग्‍युक शैतान। परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन ङारसुङ।

रोमी 1:13

आज्‍यो न्‍वावे, पालोताङ पालो ङा ख्‍योकोन ओत्‍सापा ओङा चालाप। ङे ढाँर खाबाते मेन। तर जति खासीनोङ थोरूमसाक ङा थेपा ओङा माथुप्‍सुङ। ज्‍येन ठाउँकी ज्‍येन ज्‍येन जातकी मि नाङ च्‍योकराङ खाला थेपाङ गा लाङच्‍येते बात लोपा ङेत्‍सीन मिओनगी येशूला विश्‍वास खित्‍च्‍या ओतान सिन ङा ख्‍योकोन ओत्‍सापा ओङा चालाते ईन।

रोमी 15:22

ङा दोक खाला ठाउँ ठाउँला युगीन गा लाङच्‍येते बात लोप्‍कीन ओतेकी ख्‍योकोन ओत्‍सापा याङ याङ ओङा चाल्‍सीनोङ थोरूमसाक थेपा ओङा माङेत्‍सुङ।

१ कोरिन्‍थी 16:21

थेमे ङेतेङ ख्‍योकोनला नमस्‍ते सिनचेन ङा पावल ङाराङ लाक्‍पेकीराङ टिगीन ओत।

फिलिप्‍पी 4:16

ङा थिस्‍सलोनिकादु ओत्‍जीनोङ ख्‍योकोनगी ङाला गोबे बेलाला बाजिताङ बाजि पैसा ताङा ओतान।

कलस्‍सी 4:18

थेमे ङेतेङ ख्‍योकोनला नमस्‍ते सिनचेन ङा पावल ङाराङ लाक्‍पेकीराङ टिगीन ओत। ङा जेलदु ओताते बात टोक माज्‍येत। प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत।

२ थिस्‍सलोनिकी 3:17

था ख्‍योकोनला ङेते नमस्‍ते ओत सिनचेन ङा पावल ङाराङ लाक्‍पेकीराङ टिगीन ओत। दि चिट्ठी ङेराङ ताङाते ईन सिन छ्या स्‍येस्‍यीत सिन ङाराङगी ताङाते जुन चिट्ठीलाङ सिन्‍दे खालाचेन होदोकराङ खाला ङा ङाराङ लाक्‍पेकीराङ टिइओ।

फिलेमोन 1:9

बरू परमेश्‍वर सन्‍तान गाङेला खुई ङिङज्‍ये खिओ सिन ङाला छ्या ओतेकी खुई चुक खासीन लेमु ईन्‍दे सिन ङा खोल्‍ला बातज्‍यीक खितामीन। खोल्‍ला दि बात खित्‍कान्‍ते ङा पावल था चुक गान्‍दा गाल्‍गीन सिन्‍दा ओते सिन थेमे येशू ख्रीष्‍टकी खि साबाते काम खितेकी थरिङोला जेलदु देता फापाते ईन सिन खोल्‍ला छ्याराङ ओत।

छ्या स्‍ये च्‍युताते बात 2:10

ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।