१ थिस्‍सलोनिकी 2:14 - जिरेल

¹⁴ चुक सासीन आज्‍यो न्‍वावे, परमेश्‍वर बात ङेन्‍देकी ख्‍योकोनगीङ येशू ख्रीष्‍टताङ जीउज्‍यीकराङ ओङाते यहूदिये लुङबादु ओताते परमेश्‍वर मिओनगी च्‍योकराङ खाईन दुक्‍पा भोगे खासुङ। होथेबाला खोपरोङ यहूदीओनगी दुक्‍पा बिन्‍दा च्‍योकराङ ख्‍योकोनलाङ खेराङ लुङबे मिओनगीराङ दुक्‍पा बिन्‍दा ओतान।

१ थिस्‍सलोनिकी 2:14 Iomraidhean Croise

शक्ति काम 11:19

स्‍तिफनसला सेत्‍नामेकी येशूला विश्‍वास खित्‍कान्‍तेबाला छ्ये छ्ये मिकी आउदी खाईन दुक्‍पा तेराला स्‍यूनामेकी यरूशलेमदुकी फ्रोकीन छरपुट्ट गालाते मिओन थारी थारीला ख्‍योला ओतान। थेबा लाला फोनिसिये नाङपा, लालाचेन साइप्रस लुङबे नाङपा लेपा ओतान। थोकराङ खाईन लाला लालाचेन एन्‍टिओखिये सारगी नाङपा गाला ओतान। थोक खाईन गाङेपा गालाते मि काल्‍बा च्‍योक्‍तेकी खालि खोपरोङ यहूदीओनलाकामा येशू बात लोपाला स्‍यूसुङ।

शक्ति काम 13:50

थोक ओङजीन यहूदीओनगीचेन पावलताङ बारनाबासला लेमु मि मेन सिन थे सारगी छ्ये छ्ये मि थेमे थेरू परमेश्‍वरला माने खित्‍कान्‍ते छ्युक्‍पु छ्युक्‍पुते फेम्‍मे मिला लुकीन खोपरोङ लाःक्‍तु लासुङ। थोक खाईन थेबाबरी गाङेराङ डिगीन पावलताङ बारनाबासला दुक्‍पा बिन्‍गीन थेरूकी उरगीन ताङसुङ।

शक्ति काम 14:19

थे तिरी एन्‍टिओखियाताङ आइकोनियमदुकी कोई कोई यहूदी थेरू लेप्‍कीन थेरू मिओनला उल्‍के खाईन खोपरोङ छ्य्‌वापा लै खित च्‍युत्‍सुङ। थेमे थे यहूदीओनगी पावलला सेता फाप्‍क्‍यो सिन थेला आउदी खाईन दोईकी ग्‍याप्‍सुङ। थेमे थे स्‍याप्‍सीन सिन थेला सारदुकी ठुत्‍कीन खेरगीन पाङला क्‍युरसुङ।

शक्ति काम 14:2

तर थे बात मेङेन्‍कान्‍ते यहूदीओनगीचेन येशूला विश्‍वास खित्‍कान्‍ते मिओन लेमु मि मेन सिन मेन्‍दा मेन्‍दे बात साकीन थेबाला मेलेबा खिताला ज्‍येन ज्‍येन जातकी मिला उल्‍के खासुङ।

शक्ति काम 14:4

थोक ओङगीन ओङगीनलाराङ थे सारदु मिओन हूल ङि गाल्‍सुङ। थेबाचेन हूलज्‍यीक येशू बात मेङेन्‍कान्‍ते यहूदीओन छ्य्‌वापा थेमे ज्‍येनचेन येशू ख्रीष्‍टकी खटे खाबाते पावलताङ बारनाबास छ्य्‌वापा लै खासुङ।

शक्ति काम 14:5

थेबे विरोध खित्‍कान्‍ते यहूदीओनताङ ज्‍येन ज्‍येन जातकी मिकीचेन खोपरोङ छ्ये छ्ये मित्ताङ डिगीन थेबा ङिबोला खइँदा माक्‍याबाला मेङगो सिन दोईकी ग्‍याप्‍ला सेताला ठो खासुङ।

शक्ति काम 17:13

पावलगी बेरियादुङ परमेश्‍वर बात लोप्‍कीन दुक्‍लो सिन थिस्‍सलोनिके यहूदीओनगी थोसुङ। थे बात थोकीन स्‍येदाङगी थेपाङ गाल्‍गीन थेबेकी पावल मेलेबा मि ईन साकीन थेरूङ मिओनला उल्‍के खाईन होहल्‍ला खित च्‍युत्‍सुङ।

शक्ति काम 18:12

तर थेरू गल्‍लियो सिराते मि अखैये लुङबादु रोमी गेल्‍बो हाकिम ओङनामेई था पावलला खइँदा माक्‍याबाला मायाङसुङ सिन यहूदीओनगी डिगीन च्‍याकीन थेला जुम्‍गीन अड्डापा खेरसुङ।

शक्ति काम 8:1

थेमे थे छोमुमेकीराङ छ्ये छ्ये मिकी यरूशलेमदु जम्‍मा ओङकान्‍ते येशू ख्रीष्‍ट मिओनला आउदी खाईन दुक्‍पा तेराला स्‍यूसुङ। थोगी थेबाबरी यरूशलेमदुकी फ्रोकीन छरपुट्ट गाल्‍गीन यहूदियाताङ सामरिये अञ्‍चल नाङपा गाल्‍गीन देत्‍सुङ। खालि येशू ख्रीष्‍टकी खटे खाबाते मिओनकामा थेरूराङ देत्‍सुङ।

शक्ति काम 8:3

शावलगीचेन येशू ख्रीष्‍ट मि दोक्‍पोईलाङ बाँकी ज्‍य्‌वाबा मेङगो सिन खाम्‍बा खाम्‍बाला गाल्‍गीन ख्‍योओ मि ईन्‍स्‍यीत, फेम्‍मे मि ईन्‍स्‍यीत गाङेला जिन्‍गीन जेलला लुकीन खिताला स्‍यूसुङ।

शक्ति काम 9:1

थेमे शावलगीचेन प्रभु येशू चेलाओनला थोरूमोङ खेदा खिता ताङा मेतान। थेकी थेबाला झन झन दुक्‍पा बिन्‍ला सेता छोल्‍गीन ओतान।

शक्ति काम 9:13

थोक सिरजीन हननियेकी “प्रभु, थेकी यरूशलेमदु ओताते खुई मिओनला खेदा खाईन खाईन दुक्‍पा बिन्‍दाते बात गाङे ङे थोबा ओत।

शक्ति काम 9:31

थे तिरी यहूदिया, गालील थेमे सामरिये अञ्‍चल नाङला ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लेमु ओङसुङ। था थेबाला सुङगीङ दुक्‍पा तेरगीन मेतान। प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेबेकी झन झन लेमु खाईन थेला विश्‍वास खिताला स्‍यूसुङ। परमेश्‍वर आत्‍मेकी थेबाला आँट बिन्‍सुङ। दोक खाईन थेबा झन झन फेल्‍गीन ड्वाप्‍ला स्‍यूसुङ।

१ कोरिन्‍थी 10:32

ख्‍योकोनगी खाबाते कामगी खित्‍सादु ज्‍येनला पाप खित माज्‍युत। यहूदीओनला ईन्‍सीनोङ, ग्रीकओनला ईन्‍सीनोङ कि परमेश्‍वर मिओनलाराङ ईन्‍सीनोङ सुङलाङ ख्‍योकोनगी खाबाते कामगी खित्‍सादु पाप खित माज्‍युत।

१ कोरिन्‍थी 7:17

जे ईन्‍सीनोङ प्रभु येशूकी दाक्‍पोन दाक्‍पोनला च्‍यि खि साबा ओते, चुक खाला देता फाप्‍क्‍यो साबा ओते थोकराङ खिता फाप्‍क्‍यो। च्‍यि सासीन परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन खेराङ चुक ओताने, च्‍यि खिन ओताने थोकराङ खिन देत। ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला ङा दि बातराङ सिओ।

गलाती 1:22

थोगी यहूदिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मिओनगीनी ङे छ्येदोङ थोङा मेतान।

१ थिस्‍सलोनिकी 1:1

दि चिट्ठीचेन ङ्योकोन पावल, सिल्‍वानसताङ तिमोथी डिक्‍ला ख्‍योकोन थिस्‍सलोनिका सारदु जम्‍मा ओङकान्‍ते येशू ख्रीष्‍ट मिओनला टिगीन ओत। ख्‍योकोनचेन आबा परमेश्‍वर थेमे प्रभु येशू ख्रीष्‍टताङ जीउज्‍यीकराङ ओङाते मि ईन। आबा परमेश्‍वरताङ प्रभु येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत।

१ थिस्‍सलोनिकी 1:6

थेजीन ङ्योकोनला ताकीन ख्‍योकोनगीङ ङ्योकोनगी खाबा खाबा च्‍योकराङ खाबा ओतान। ङ्योकोनगी खाबा च्‍योककामा मेन्‍देकी ख्‍योकोनगी प्रभु येशू ख्रीष्‍टकी च्‍योगोङ खाबा ओतान। चुक खाईन सासीन ज्‍येनगी आउदी खाला दुक्‍पा तेरजीनोङ परमेश्‍वर आत्‍मेकी खित्‍सादु गा खिन ख्‍योकोनगी गा लाङच्‍येते बात ङेन्‍दा ओतान।

१ थिस्‍सलोनिकी 3:4

ङुरूङला ज्‍येनगी खेदा खाला दुक्‍पा तेरग्‍यो सिनका ङ्योकोनगी ख्‍योकोनताङ ङ्योम्‍बु ओत्‍जीनराङ साबा ओतान। ओङाबोङ थेजीन साबा च्‍योकराङ ङुरूङला दुक्‍पा ओङसुङ मेन?

२ थिस्‍सलोनिकी 1:1

दि चिट्ठीचेन ङ्योकोन पावल, सिल्‍वानसताङ तिमोथी डिक्‍ला ख्‍योकोन थिस्‍सलोनिका सारदु जम्‍मा ओङकान्‍ते येशू ख्रीष्‍ट मिओनला टिगीन ओत। ख्‍योकोनचेन ङुरूङ आबा परमेश्‍वर थेमे प्रभु येशू ख्रीष्‍टताङ जीउज्‍यीकराङ ओङाते मि ईन।

२ थिस्‍सलोनिकी 1:4

थेमे ज्‍येनगी खेराङला खेदा खाईन जति दुक्‍पा बिन्‍सीनोङ थेमे जति दुक्‍पा भोगे खिता फाप्‍सीनोङ ख्‍योकोनगी सेम मेसेता खाईन प्रभु येशूला विश्‍वास खिनराङ देताते बात ठाउँ ठाउँला जम्‍मा ओङकान्‍ते परमेश्‍वर मिओनला ङ्योकोन गा खिनकामा लाःप्‍कीन ख्‍याम्‍ग्‍यो।