१ थिस्‍सलोनिकी 2:11 - जिरेल

¹¹ आबातेकी फिजाओन बानी मेङ्येस्‍यीत सिन लाःपा कोता च्‍योकराङ ङ्योकोनगीङ ख्‍योकोन गाङेला लेमु ओङस्‍यीत सिन दोक दोक खाबाप। चुक सासीन दुक्‍पा ओङसीनोङ सेम मेसेता खाला प्रभु येशूला विश्‍वास खिन देता मातोङ साकीन आँट बिन्‍दाप।

१ थिस्‍सलोनिकी 2:11 Iomraidhean Croise

लूका 16:28

ङेते न्‍वा ङाटीक ओत। थेकी गाल्‍ला थेबाला ङे खाबाच्‍योक मेलेबा काम खिता ताङला लेमु काम खि सिन लाःप्‍स्‍यीत। थोक खासीन थेबेकी ङे च्‍योकराङ देमा स्‍यूला दि दुक्‍पा भोगे खिता माफाबो,’ सिन सादुक्‍लो।

शक्ति काम 20:2

म्‍यासिडोनियादु ठाउँ ठाउँला ओताते येशू ख्रीष्‍ट मिओनला ठेत्‍कीन थेकी थेबाताङ आदोराङ बात खाईन जस्‍तो ओङसीनोङ येशूला विश्‍वास खिन देता तोङा मेङगो सिन आँट बिन्‍सुङ। थोक खाला युगीन युगीन थे ग्रीस लुङबापा लेप्‍सुङ।

एफिसी 4:17

थेमे प्रभु ख्रीष्‍टकी ङाला दोक सिरच्‍येते अधिकार बिन्‍दा ओतेकी ङा ख्‍योकोनला दि बाततेबा सिन ओत। च्‍यि सासीन ख्‍योकोनगीचेन परमेश्‍वरला छ्या मेस्‍येकान्‍ते मिओनगी च्‍योकराङ खिन देता मेङगो। परमेश्‍वरला छ्या मेस्‍येकान्‍ते मिओनचेन तिरी बात छ्याःङ विचार मिक्‍किकान्‍ते बुद्धि मेताते मि ईन।

१ थिस्‍सलोनिकी 2:7

ईन्‍दाका ङ्योकोन ख्रीष्‍टकी खटे खाबाते मि ईन्‍देकी ङ्योकोनला ख्‍योकोनगीराङ ता फाप्‍क्‍यो सिरा थुप्‍च्‍या ओतान। थोक मिक्‍किता खाईन बरू ङ्योकोनगीनी थे मोरोङ नुमा थुङकान्‍ते बालकते फिजाला आमातेकी लेमु खिता च्‍योकराङ खाईन ख्‍योकोनला लेमुका खाबाप।

१ थिस्‍सलोनिकी 4:1

आज्‍यो न्‍वावे, था ज्‍येन बात च्‍यि सासीन परमेश्‍वरला चुक्‍ते काम मन परे खिते, ख्‍योकोनगी चुक खाला देता फाप्‍कीते सिन ङ्योकोनगी ख्‍योकोनला लाप्‍कीन बिन्‍दा ओत। ङ्योकोनगी लापाच्‍योक खाला ख्‍योकोन कामोङ खिनराङ दुक। प्रभु येशूताङ जीउज्‍यीकराङ ओङाते मि ईन्‍देकी ङ्योकोन ख्‍योकोनला थोरूमसाक खिन ओताच्‍योक खिन देता मातोङ, झन लेमु खाला दोक खिनराङ देत सिन सिओ।

१ थिस्‍सलोनिकी 4:6

थेमे ख्‍योकोन सुङगीङ येशूला विश्‍वास खित्‍कान्‍ते ज्‍येन मि फेम्‍मेताङ खिता मेङच्‍येते काम खाला थे ख्‍योबोला सोम्‍बोलाराङ सबी चावादु लुच्‍येते काम माकेत। होथोक्‍ते मेलेबाते काम जे खासीनोङ थोक खित्‍कान्‍तेबाला प्रभु येशूकी सजाय तेरग्‍यो। थोगी ख्‍योकोन च्‍याङबो खि सिन ङ्योकोनगी ख्‍योकोनला गोमाकाराङ लाःपा ओत।

१ थिस्‍सलोनिकी 5:11

बात दोक ईन्‍देकी थातासाक खिन ओता च्‍योकराङ ख्‍योकोनगी ङुरूङ सुङगीङ सेम सेता माफाबो साला दोक्‍पोईकी ज्‍येनज्‍यीकला आँट बिन।

१ थिस्‍सलोनिकी 5:14

थेमे आज्‍यो न्‍वावे, ख्‍योकोनगी खेराङ नाङ दाक्‍पोन लाःक खिता ताङला अल्‍छी खाला देत्‍कानला थोक माकेत, काम खिता फाप्‍क्‍यो सिन सि, ज्‍यीबा खित्‍कानला ज्‍यीबा खिता माफाबो सिन सि, प्रभु येशूला विश्‍वास खाईन पाको गाला मेतातेबाला पाको ड्वाप्‍ला मद्धत बिन। थेमे स्‍येदाङ मिक्‍किता खाला गाङेताङ खा छ्येत लेमु खाला काम खि।

२ थिस्‍सलोनिकी 2:5

ख्‍योकोनताङ ङ्योम्‍बु ओत्‍जीन दि बाततेबा ङे ख्‍योकोनला गाङे साबा ओतान। ख्‍योकोनगी टोक ज्‍येत्‍सुङरो?

२ थिस्‍सलोनिकी 3:12

प्रभु येशू ख्रीष्‍टकीराङ ङ्योकोनला दोक खित्‍च्‍येते अधिकार बिन्‍दा ओतेकी अल्‍छी खित्‍कान्‍तेबा ख्‍योकोन जोराङ ईन्‍सीनोङ ङ्योकोन च्‍यि सिते सासीन ओर्च्‍ये ख्‍योकोनगी अल्‍छी खिता ताङला खुरू खुरू दाक्‍पोन पाखुरा चले खाला सो।

१ तिमोथी 5:21

ङे खि साबाते दोक्‍ते काम खित्‍जीन खुई छ्ये टेक्‍टे मेडेला खाला सुङलाङ काका पाका मिक्‍किता खाला खि। परमेश्‍वरताङ येशू ख्रीष्‍ट थेमे परमेश्‍वरगी छाने खाबाते दूतओन ङोन्‍दु ङा खोल्‍ला दोक खि सिन कोत्‍क्‍यो।

१ तिमोथी 5:7

सुङगीङ दिबेकी दि दि गल्‍ती खासुङ सिन सिरा मेङेत्‍स्‍यीत सिन थेरू येशू ख्रीष्‍ट मिओनला दि गाङे बात ङेन सिन लाःप्‍ला बिन।

१ तिमोथी 6:13

थेमे ओताते जति गाङेला ङेपाक तेरकान्‍ते परमेश्‍वर थेमे रोमी गेल्‍बो हाकिम पन्‍तियस पिलातस दोन्‍दु साँचोते बात लाःप्‍कान्‍ते येशू ख्रीष्‍ट ङोन्‍दु ङा खोल्‍ला दोक दोक खि सिन कोत्‍क्‍यो।

१ तिमोथी 6:17

थेमे थरिङोला छ्युक्‍पु ओताते मिओनला दोक सिन कोत। थेबाला छ्ये माकेत सि, सम्‍पत्ति ओत्‍कीन ओत सिन ढुक्‍क खाला मादेत सि। थोक्‍ते सम्‍पत्तिनी नामसाक दाक्‍पोन लाःक्‍तु देत्‍कीते सिन छ्याःङ छ्या मेङगो। बरू थेबाला परमेश्‍वरला भर परे खिता लोप सिन सि। थेकीराङ ङुरूङला गोच्‍येतेबरी दाङच्‍या ख्‍योप्‍च्‍या खाला बिन्‍ला गा खिन देत ज्‍युत्‍क्‍यो।

१ तिमोथी 6:2

थेबे मालिकतेबाङ येशू ख्रीष्‍टला विश्‍वास खित्‍कान्‍ते ईन्‍सीन थानी आज्‍यो न्‍वाराङ ईन सिराच्‍योक खाला मालिकतेबाला मान खिता तोङा मेङगो। बरू मालिकओनलाङ परमेश्‍वरगी ङिङज्‍ये खिओ, थेबाङ येशू ख्रीष्‍टला विश्‍वास खित्‍कान ईन साला थेबाला लेमु ओङस्‍यीत सिन झन लेमु खाला काम खिता फाप्‍क्‍यो। ङे साबाते दि बाततेबा गाङे चुक खिता फाप्‍कीते सिन खुई गाङेला लाप्‍ला कोत्‍ला बिन।

तीतस 2:15

दि बाततेबा खुई थेरू गाङेला लोप। थेबाला दि बातओन लेमु खाला ङेन सि। सुइँदेकी दि बातला नामज्‍योक मेसेत्‍तुक सासीन थेबाला थोप। छ्याःङ ज्‍यीबा मिक्‍किता खाला खुई दि कामओन खि। दोक खित्‍जीन खोरोङला खुईते दोक खित्‍च्‍येते च्‍यि अधिकार ओते सिराच्‍योक खित्‍च्‍येते लाम सुङलाङ मातेर।

तीतस 2:6

थोकराङ खाला स्‍यारातेबालाङ दाक्‍पोन सेम काबूला ज्‍य्‌वाबा फाप्‍क्‍यो सिन सि।

तीतस 2:9

थेमे योक्‍पो योङमुलाचेन दोक खि सिन सि। मालिकतेबेकी खोपरोङ लेमु खाला काम खित्‍कान्‍ते ईन सिन छ्या स्‍येस्‍यीत सिन जहिलेङ थेबेकी मालिकतेबेकी साबाते लेमु खाला ङेन्‍दा फाप्‍क्‍यो, थेबाला खा खिता मेङगो,

हिब्रू 13:22

थेमे आज्‍यो न्‍वावे, दि चिट्ठीला ङे काल्‍बा बात टिबा मेत। ईन्‍सीनोङ खेराङगी चुक खिता फाप्‍कीते, च्‍यि खिता फाप्‍कीते सिन दुरू टिबाते बातबरी ख्‍योकोनगी स्‍येदाङ मिक्‍किता खाला लेमु खाला ङेन सिन ङा बिन्‍ती खिओ।

३ यूहन्‍ना 1:4

ङाराङ फिजाओनगी सत्‍यते बात ङेन्‍ला थेरू खि साबा च्‍योकराङ खिदुक्‍लो सिन थोजीन ङाला आउदी गा लाङगीदुक, दि छेत गा लाङच्‍येते बात ङे लाईदु ज्‍येन छ्याःङ मेन।