१ थिस्‍सलोनिकी 1:9 - जिरेल

⁹ ङ्योकोन जुन ठाउँदु ख्‍योल्‍सीनोङ थेङले मिओनगी दोक सिन ख्‍योकोन बातकामा खिदुक। थेबेकी ङ्योकोन ख्‍योकोनला प्रभु येशू बात लोपाला डोजीन ख्‍योकोनगी ङ्योकोनला चुक लेमु खाबा ओताने सिरच्‍येते बात थेमे ख्‍योकोनगी ल्‍हा लुतेबा माने खिता ताङगीन सोम्‍बोतेताङ सत्‍यते परमेश्‍वर छ्य्‌वापा लै खाईन थेलाकामा माने खिताला स्‍यूबाते बात खिदुक।

१ थिस्‍सलोनिकी 1:9 Iomraidhean Croise

मत्ती 16:16

थेबे नाङ शिमोन पत्रुसकी “गुरू, खो सोम्‍बोते परमेश्‍वर फुज्‍युङ ईन। खो थेकी तोङगो साबाते ख्रीष्‍ट ईन,” सिन सिदुक।

शक्ति काम 14:15

“ए ख्‍योकोनगी दोक च्‍यि खिता चाले? ङ्योकोन ल्‍हा मेन। ङ्योकोनोङ ख्‍योकोन च्‍योक्‍ते मिराङ ईन। ङ्योकोननी दुरू ख्‍योकोनला गा लाङच्‍येते बात लोपालाका वाबाते ईन। च्‍यि सासीन ख्‍योकोनगी थातासाक ल्‍हा सिन माने खाबातेबाला माने खिता माफाबो। थेबा ल्‍हा मेन। थेबाला माने खिता ताङला बरू सोम्‍बोते परमेश्‍वर छ्य्‌वापा लै खाला थेला माने खि। थेकीराङ दि सा नाम, समुन्‍द्र थेमे ओतातेबरी जति गाङे जोबाते ईन।

रोमी 9:26

थेमे गोमा ङाराङगी ख्‍योकोन ङे मि मेन साबाते मिओनलाराङ थाचेन दिबा सोम्‍बोते परमेश्‍वर फुज्‍युङ फुमु ईन सिन सिओ,” सिन साबा ओत।

१ कोरिन्‍थी 12:2

ख्‍योकोनला दि बात लेमुराङ खाला छ्या ओतासीन। च्‍यि सासीन येशूला विश्‍वास खिता भन्‍दा गोमा ख्‍योकोन ल्‍हा लु माने खिन ओतान। थे ल्‍हा लुओनगी ख्‍योकोनताङ बात खिता थेमे छ्याःङ लेमु खिता मुथुप्‍च्‍येते ईन्‍सीनोङ दिबाला माने माक्‍याबाला मेङगो सिराच्‍योक खाला ख्‍योकोन होथेबालाराङ माने खिन ओतान।

१ थिस्‍सलोनिकी 2:1

थेमे आज्‍यो न्‍वावे, ङ्योकोनगी ख्‍योकोन ओत्‍सापा वाकीन खाबाते काम थाराङ खेरो मागाल्‍सुङ सिन ख्‍योकोनला छ्याराङ ओत।

१ थिस्‍सलोनिकी 2:13

थेमे ङ्योकोन जहिलेङ दि बातकी लाईदुङ परमेश्‍वरला धन्‍यवाद सिओ। च्‍यि सासीन ङ्योकोनगी परमेश्‍वर बात लोप्‍जीन थे बात मिकी जोबाते मेन्‍दाक्‍वा, परमेश्‍वर बातराङ दुका सिन ख्‍योकोनगी ङेन्‍सुङ। ईन्‍दाबोङ थे बातचेन परमेश्‍वर बातराङ ईन। येशूला विश्‍वास खित्‍कान ख्‍योकोन नाङ परमेश्‍वरगी होथे बातकी छ्य्‌वापेईराङ काम खिन ओत।

१ तिमोथी 4:10

थोक ईन्‍देकीराङ ङुरूङगी स्‍याप स्‍याप खाला दुक्‍पा खिन थुपासम्‍म ज्‍येनलाङ सत्‍यते बात लोप्‍च्‍येते ईन। च्‍यिला सासीन सोम्‍बोते परमेश्‍वरगी साबा च्‍योकराङ खाला आशी तेरग्‍यो सिन ङुरूङ आश खाईन देता ओत। मि गाङेला पापदुकी डेल्‍कान्‍ते थेराङ ईन। थेकी थोक खिओ सिन येशू ख्रीष्‍टला विश्‍वास खित्‍कान्‍ते मि जोराङ ईन्‍सीनोङ परमेश्‍वरगी थेला पापकी सजायदुकी डेल्‍ग्‍यो।

हिब्रू 12:22

तर ख्‍योकोननी सीनै बोमदु मेन्‍देकी सियोन बोमदुका लेपा ओत। सोम्‍बोते परमेश्‍वर देत्‍च्‍येते स्‍वर्गने ओताते यरूशलेम सारोङ ख्‍योकोन लेप्‍सादुराङ ईन। थेरू गा खिन परमेश्‍वरते जय जय खिन देत्‍कान्‍ते ङोला ङ्वा मुथुप्‍च्‍या परमेश्‍वर दूतओन ओत।

१ यूहन्‍ना 5:21

थोगी फिजावे, ख्‍योकोनगी ल्‍हा लु सिराते माने खिताराङ मेङगो।

छ्या स्‍ये च्‍युताते बात 17:2

दि सा लुङबे गेल्‍बोओनगी थेत्ताङ डिगीन थेकी खिन ओता च्‍योकराङ ङोचा लाङच्‍येते काम खाबा ओतान। थेमे लुङबा लुङबे मिकीङ थे रन्‍डीकी खि साबा च्‍योकराङ खिता मेङच्‍येते ङोचा लाङच्‍येते काम खाईन छ्याङगी जाप च्‍योकराङ गाला ओतान,” सिन सिदुक।