१ थिस्‍सलोनिकी 1:6 - जिरेल

⁶ थेजीन ङ्योकोनला ताकीन ख्‍योकोनगीङ ङ्योकोनगी खाबा खाबा च्‍योकराङ खाबा ओतान। ङ्योकोनगी खाबा च्‍योककामा मेन्‍देकी ख्‍योकोनगी प्रभु येशू ख्रीष्‍टकी च्‍योगोङ खाबा ओतान। चुक खाईन सासीन ज्‍येनगी आउदी खाला दुक्‍पा तेरजीनोङ परमेश्‍वर आत्‍मेकी खित्‍सादु गा खिन ख्‍योकोनगी गा लाङच्‍येते बात ङेन्‍दा ओतान।

१ थिस्‍सलोनिकी 1:6 Iomraidhean Croise

मत्ती 16:24

थेमे येशूकी चेलातेबा गाङेताङ बात खिन “ङात्ताङ ख्‍याम्‍बा सेम खित्‍कान्‍ते मिकीचेन दाक्‍पोन खुशीला ख्‍याम्‍बा तोङा फाप्‍क्‍यो। जस्‍तो दुक्‍पा ओङसीनोङ ओङस्‍यीत सिन थेकीचेन दाक्‍पोन टाँए खाला स्‍या फाप्‍च्‍येते स्‍यिङगी थाम खुरला ङे तिरी ख्‍याम्‍बा फाप्‍क्‍यो।

यूहन्‍ना 8:12

येशूकी लोईन मिओनताङ बात खिन “दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन। ङे बात ङेन्‍ला ङे साबाच्‍योक खित्‍कान्‍ते सुङ नोमुङ मुन्‍दाकला ख्‍याम्‍बा माफाबो। थेकीचेन ङे छ्य्‌वापेकी जुनी ङेत्‍च्‍येते नाम्‍दाक ङेत्‍क्‍यो,” सिन सिदुक।

शक्ति काम 13:52

थोक ओङसीनोङ एन्‍टिओखियादु येशू चेलाओन आउदी गा खिन देत्‍सुङ। थेबा परमेश्‍वर आत्‍मेकी खाङाते मि ओतान।

शक्ति काम 5:41

ताङनामेई थेबाचेन “ङुरूङ चुक भाग्‍यमानी ईन्‍दे। च्‍यिला सासीन परमेश्‍वरगी ङुरूङला प्रभु येशू लाईदु दुक्‍पा भोगे खित्‍च्‍ये मौका बिन्‍सुङ,” सिन गा खिनकामा बात खिन गाल्‍सुङ।

शक्ति काम 9:31

थे तिरी यहूदिया, गालील थेमे सामरिये अञ्‍चल नाङला ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लेमु ओङसुङ। था थेबाला सुङगीङ दुक्‍पा तेरगीन मेतान। प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेबेकी झन झन लेमु खाईन थेला विश्‍वास खिताला स्‍यूसुङ। परमेश्‍वर आत्‍मेकी थेबाला आँट बिन्‍सुङ। दोक खाईन थेबा झन झन फेल्‍गीन ड्वाप्‍ला स्‍यूसुङ।

रोमी 15:13

थे खोरोङगी साबाच्‍योक खिओ सिन आश खाला देत ज्‍युत्‍कान्‍ते परमेश्‍वरराङ ईन। थेला विश्‍वास खित्‍कान ईन्‍देकी थेकी ख्‍योकोन गाङेला आउदी खाला गा खिन थेमे डिक्‍ला थुन्‍ला देत ज्‍युत्‍स्‍यीत सिन ङा प्रार्थना खिओ। थेकी थोक खानामेईचेन परमेश्‍वर आत्‍मे शक्ति छ्य्‌वापेकी ख्‍योकोन था परमेश्‍वरगी ङुरूङला खिओ साबाच्‍योक खिओतराङ सिन छ्याःङ शंका मिक्‍किता खाला झन आश खाला गुला देता थुप्‍क्‍यो।

१ कोरिन्‍थी 11:1

ङा ख्रीष्‍टला ताला थेकी खाबा खाबाच्‍योक खिओ। ख्‍योकोनगीङ ङे खाबाते ताला ङे खाबा च्‍योकराङ खि।

१ कोरिन्‍थी 11:2

ख्‍योकोनगी जहिलेङ ङाला सम्‍झे खिदुक्‍लो थेमे ङे लाःपा कोता च्‍योकराङ खाला काम खिदुक्‍लो सिरा ङे थोसुङ। ख्‍योकोनगी दोक खाबाते आउदी लेमु ईन।

१ कोरिन्‍थी 4:16

थोक ईन्‍देकी ङा ख्‍योकोनला च्‍यि सिते सासीन ङे चुक खिका, च्‍यि सिका थे ताला ख्‍योकोनगीङ ङे खाबा च्‍योकराङ खि।

२ कोरिन्‍थी 6:10

दोक दोक ओङला पीरताङ तापकी नाङ देता फाप्‍सीनोङ ङ्योकोन सधैँ छ्याःङ पीर मेताते मि च्‍योक खाला गा खिन देत्‍क्‍यो। थेमे ङेराङ लाला साकान्‍ते च्‍योक्‍तेन्‍दे ओत्‍सीनोङ ङ्योकोनगी खाबाते कामगी खित्‍सादु मिओनगी परमेश्‍वरगी तेरच्‍येते जति गाङे ङेत्‍क्‍यो। लोक्‍ला ङ्योकोन ङेराङते सिराते छ्याःङ मेताते कङ्गाली च्‍योकराङ ईन्‍सीनोङ परमेश्‍वरगी खित्‍सादु ङेत्ताङ जेसुकै ओत।

२ कोरिन्‍थी 8:5

थेबेकीनी ङ्योकोनगी विचार खाबा भन्‍दाङ ल्‍हाक्‍पा खासुङ। गाङे भन्‍दा गोमानी थेबेकी ङेत प्रभु येशूकी खि साबा च्‍योकराङ खिओ साकीन थोकराङ खिताला स्‍यूसुङ। थेमे ङ्योकोनगी लापाते बातओनोङ लेमु खाईन ङेन्‍सुङ। दोक खाईन थेबेकी परमेश्‍वरगी खित ज्‍युता चालाते काम खासुङ।

गलाती 5:22

परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिलाचेन थेकी फलफूल गोन ज्‍युताच्‍योक खाला लेमु कामताङ बात खित ज्‍युत्‍क्‍यो। थोगी थोक्‍ते मिकीचेन ज्‍येनला ङिङज्‍ये खिओ, थे गा खिन देत्‍क्‍यो थेमे सेमदु ढुक्‍क खाला देत्‍क्‍यो। थोक्‍ते मि होत्ताराङ स्‍येदाङ मिक्‍किओ, थेकी ज्‍येनला दया खिओ थेमे लेमु खिओ, थेकी खिओ साबा च्‍योकराङ खिओ,

एफिसी 5:1

थोगी परमेश्‍वरला ताला ख्‍योकोनगीङ थेकी च्‍योकराङ खि। थे खोरोङ फुज्‍युङ फुमु ईन सिन थेकी ङिङज्‍ये खाबाते मि ईन्‍देकी ख्‍योकोनगी होदोक खि।

फिलिप्‍पी 3:17

आज्‍यो न्‍वावे, ङाला ताला ख्‍योकोनगीङ ङे च्‍योकराङ खि। ङालाकामा ता माफाबो, ङात्ताङ ङे र्‍वाओनगी च्‍योकराङ खित्‍कान्‍ते सु सु दुका ताला थेबेकी खिता च्‍योकराङ खि।

२ थिस्‍सलोनिकी 1:4

थेमे ज्‍येनगी खेराङला खेदा खाईन जति दुक्‍पा बिन्‍सीनोङ थेमे जति दुक्‍पा भोगे खिता फाप्‍सीनोङ ख्‍योकोनगी सेम मेसेता खाईन प्रभु येशूला विश्‍वास खिनराङ देताते बात ठाउँ ठाउँला जम्‍मा ओङकान्‍ते परमेश्‍वर मिओनला ङ्योकोन गा खिनकामा लाःप्‍कीन ख्‍याम्‍ग्‍यो।

२ थिस्‍सलोनिकी 3:7

ख्‍योकोनताङ ङ्योम्‍बुराङ देत्‍जीन ङ्योकोनगी चुक चुक खाबा ओताने थे थोङगीन खेराङगी चुक खिता फाप्‍च्‍या ईन्‍दाका सिन ख्‍योकोनगी छ्या स्‍येकीन सिन्‍दा ओत। थेजीन ङ्योकोनगी अल्‍छी खाईन थाराङ लाक्‍पा किकीन मादेत।

२ थिस्‍सलोनिकी 3:9

ङ्योकोनगी ख्‍योकोनगीराङ ङेल्‍ला साप थुङा तेरा फाप्‍क्‍यो सिरा थुप्‍च्‍या ओतान। ईन्‍सीनोङ ख्‍योकोनगी चुक खिता फाप्‍च्‍या ईन्‍दाका सिन लोप्‍स्‍यीत सिन ङ्योकोनगी थोक दुक्‍पा खाईन काम खाबा ओतान।

२ तिमोथी 4:2

खुई चुक खिता फाप्‍कीते सासीन मिओनला परमेश्‍वर बात लोप्‍कीनराङ देत, मिओनगी ङेन्‍सीनोङ माङेन्‍सीनोङ जुन बेलालाङ थे बात लोपा मातोङ थेमे गल्‍ती खित्‍कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्‍दे सिन गाङेला लाप्‍ला बिन। थानी दिबाला थोई लोप्‍च्‍ये सिराच्‍योक माकेत, सुङताङ स्‍येदाङ मिक्‍किता खाला खा छ्येत लेमु खिन दोक खाला लोप्‍कीनराङ देत।

हिब्रू 10:34

जेलला लुक्‍पाते मिओनला थुप थुपला ठेत्‍च्‍येते थेमे थेबे दुक्‍पाला ताच्‍येतेङ ख्‍योकोनगी खिनराङ ओतान। खेराङगी नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति ङेता ओत सिन छ्या ओतेकी खेराङ सम्‍पत्ति ठ्वाला खेरजीनोङ ख्‍योकोन सेम मेसेता खाईन देता ओतान।

१ पत्रुस 1:6

ख्‍योकोन बात दोक ईन्‍देकी ख्‍योकोन आउदी गा खिन देता थुप्‍क्‍यो। ईन्‍दालाचेन थरिङोला ख्‍योकोनगी परी परीतेन्‍दे दुक्‍पा भोगे खिता फाप्‍क्‍यो। ईन्‍सीनोङ दोक्‍ते दुक्‍पा खालि टिक्‍पी दिनगी लाईदुकामा ओङच्‍येते ईन।

१ पत्रुस 1:8

ईन्‍दानी ख्‍योकोनगी येशू ख्रीष्‍टला थोङा मेत। ईन्‍सीनोङ ख्‍योकोन थेला ङिङज्‍ये खिदुक। ख्‍योकोनगी थेला थरिङोला थोङा मेत्‍सीनोङ थेला विश्‍वास खिदुक। थेमे मिकी साला सिरा मुथुप्‍च्‍या आउदी खाला गा खिदुक।

१ पत्रुस 3:13

ख्‍योकोनगी लेमु खित्‍च्‍ये छ्य्‌वापाकामा स्‍येत खाईन थोकराङ खानामेई ख्‍योकोनला सुई मेलेबा खितेरो?

३ यूहन्‍ना 1:11

ङिङज्‍येते र्‍वा खुईचेन ज्‍येनगी मेलेबा बानी मालोप, लेमुते बानीकामा लोप। लेमुते कामताङ बात खित्‍कान्‍ते मिचेन परमेश्‍वरताङ डिक्‍कान्‍ते ईन। मेलेबा काम खित्‍कान्‍ते मिकीनी परमेश्‍वरला थोङाराङ मेत।