१ थिस्‍सलोनिकी 1:3 - जिरेल

³ धन्‍यवाद सिरजीनराङ ख्‍योकोनगी येशू ख्रीष्‍टला विश्‍वास खाईन लेमु काम खिताला स्‍यूबाते थेमे ज्‍येनला ङिङज्‍ये खिन झन झन लेमु खाबाते बातकी लाईदु ङुरूङ आबा परमेश्‍वरला धन्‍यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्‍ट ग्‍युरला ओङगो सिन आश खाईन गुकीन देता ओतेकी जस्‍तो दुक्‍पा ओङसीनोङ ख्‍योकोन सेम मेसेता खाईन देता ओताते बातकी लाईदुङ ङ्योकोन थेला धन्‍यवाद सिओ।

१ थिस्‍सलोनिकी 1:3 Iomraidhean Croise

यूहन्‍ना 14:15

ख्‍योकोनगी ङाला ङिङज्‍ये खासीन ङे खि सिन कोतातेङ खिओ।

यूहन्‍ना 15:10

ख्‍योकोनगी ङे खि सिन कोताते ङेन्‍सीन ङा ख्‍योकोनला ङिङज्‍ये खिन देत्‍क्‍यो। ङेङ आबेकी खि सिन कोताते ङेन्‍दा ओत। थोगी थेकी ङाला ङिङज्‍ये खिनराङ देत्‍क्‍यो।

शक्ति काम 10:31

थेकी वाकीन ङाला ‘कर्नेलियस, खुई परमेश्‍वरला प्रार्थना खिन ओताते थेमे दुक्‍पा ङेतातेबाला ताबाते बात गाङे परमेश्‍वरगी छ्या स्‍येबा ओत।

शक्ति काम 3:19

थाचेन ङा ख्‍योकोनला च्‍यि सिते सासीन ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थोक खासीन प्रभु परमेश्‍वरगी ख्‍योकोन पाप माफ तेरग्‍यो। थेमे थेकी ख्‍योकोनला आशी बिन्‍ला ढुक्‍क खाला देत ज्‍युत्‍क्‍यो।

रोमी 12:12

थेमे परमेश्‍वरगी ख्‍योकोनगी आश खाईन देता च्‍योकराङ खित्‍च्‍येते ईन्‍देकी ख्‍योकोन गा खिन गुला देत। ज्‍येनगी दुक्‍पा तेरजीन थेमे आपत् विपत् आइ परे खित्‍जीन सेम मेसेता खाला देत। परमेश्‍वरताङ प्रार्थना खिन देता नोमुङ मातोङ।

रोमी 15:13

थे खोरोङगी साबाच्‍योक खिओ सिन आश खाला देत ज्‍युत्‍कान्‍ते परमेश्‍वरराङ ईन। थेला विश्‍वास खित्‍कान ईन्‍देकी थेकी ख्‍योकोन गाङेला आउदी खाला गा खिन थेमे डिक्‍ला थुन्‍ला देत ज्‍युत्‍स्‍यीत सिन ङा प्रार्थना खिओ। थेकी थोक खानामेईचेन परमेश्‍वर आत्‍मे शक्ति छ्य्‌वापेकी ख्‍योकोन था परमेश्‍वरगी ङुरूङला खिओ साबाच्‍योक खिओतराङ सिन छ्याःङ शंका मिक्‍किता खाला झन आश खाला गुला देता थुप्‍क्‍यो।

रोमी 15:4

परमेश्‍वर बातला गोमाबा टिबा ओताते गाङे बात ङुरूङगी खइँदा लोप्‍स्‍यीत सिन टिबाते ईन। थे बात ताजीन ङुरूङगी ज्‍येनतेबे ख्‍याल ज्‍य्‌वाजीन दुक्‍पा ओङसीनोङ चुक खाला सेम मेसेता खाला काम खिन देता फाप्‍च्‍या ईन्‍दाका सिन छ्या स्‍येक्‍यो। थेमे परमेश्‍वरगी खिओ साबाच्‍योक पक्‍काराङ खिओ सिन आश खाला गुलाराङ देता थुप्‍क्‍यो।

रोमी 16:26

थाचेन परमेश्‍वरगी मिओनला छ्या स्‍ये च्‍युत्‍कीन बिन्‍दा ओत। दि गा लाङच्‍येते बातकी विषयलाचेन परमेश्‍वर बात खित्‍कान्‍तेबेकीङ गोमाका टिबा ओतान। सधैँ देत्‍कान्‍ते परमेश्‍वरगी दोकराङ ओङस्‍यीत साकीन जात जातकी मिकी थे खोरोङला विश्‍वास खाला थेकी साबाते ङेन्‍स्‍यीत सिन गाङेपा गा लाङच्‍येते बात लाप्‍कीन बिन्‍दा ओत।

रोमी 16:6

थेमे मरियमलाङ ङेते नमस्‍ते ओत सि। थेकी ख्‍योकोन लाईदु थोई दुक्‍पा खाईन काम खाबा ओताने सिन टोक माज्‍येत।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

१ कोरिन्‍थी 13:13

ज्‍येनतोक गाङे ङीमा लेनज्‍यीक छ्याःङ काम लै मिक्‍किच्‍या गाल्‍सीनोङ परमेश्‍वरला विश्‍वास खित्‍च्‍येते, थेकी ङुरूङला तेरग्‍यो साबाते ङेत्‍क्‍यो सिन खित्‍च्‍येते आश थेमे ज्‍येनला ङिङज्‍ये खित्‍च्‍येते दि बात सुमचेन नोमुङ छ्याःङ काम लै मिक्‍किच्‍या मोन्‍डोओ। दि बात सुमगी नाङदुङ छ्येते बातचेन ज्‍येनला ङिङज्‍ये खित्‍च्‍येतेराङ ईन।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

२ कोरिन्‍थी 2:17

ईन्‍सीनोङ मि काल्‍बेईकी खोपरोङ फाइदे लाईदु खाबाच्‍योक खाला ङ्योकोननी ङेराङ फाइदे लाईदु परमेश्‍वर बात मोलोबो। बरू ख्रीष्‍टताङ जीउज्‍यीकराङ ओङा ओतेकी परमेश्‍वर दोन्‍दुराङ दि काम खिन ओत सिराच्‍योक खाला सेमदु छ्याःङ पापताङ लोभ मोज्‍योबा खाला ङ्योकोनचेन परमेश्‍वरगी ङेराङला जिम्‍मा बिन्‍दाते काम खिओ।

गलाती 1:4

दि कलि जुग मिओनगी च्‍योक मेलेबा कामताङ बात खित्‍च्‍ये छ्य्‌वापेई ङुरूङ ठाल्‍स्‍यीत सिन प्रभु येशू ख्रीष्‍टचेन ङुरूङला पापदुकी डेलाला थे खोरोङ ज्‍यान बिन्‍गीन स्‍या ओतान। दि गाङे बात ङुरूङ आबा परमेश्‍वरगी खिता चाला च्‍योकराङ खाईन ओङा ओतान।

गलाती 5:13

आज्‍यो न्‍वावे, ख्‍योकोन थे खोरोङ नियम अधीनला देता माफाप्‍स्‍यीत सिन परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। दोक सिरजीनमेईराङ थोक ईन्‍सीन थानी जे खासीनोङ ओङच्‍याक्‍वा सिन खेराङ सेमला लाबा लाबा माकेत। बरू ख्‍योकोनगी दाक्‍पोन नाङ ङिङज्‍ये खितरीङ खिन दोक्‍पोईकी ज्‍येनज्‍यीकला लेमु खि।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

गलाती 6:9

थोगी आ लेमु खालाङ च्‍यि ओङगीतेरो सिराच्‍योक खाला ङुरूङगी लेमु खिन देता तोङा मेङगो। सेम मेसेता खाईन लेमु खिनराङ देत्‍सीनचेन बाली लै खानामेई तिरी बाली रूक्‍पा ङेता च्‍योकराङ खाला लेमु खाबेकी खित्‍सादु ङीमाई ङुरूङगीङ इनाम ङेत्‍क्‍यो।

१ थिस्‍सलोनिकी 3:6

थेमे तिमोथी भर्खर थेपेकी ग्‍युरगीन वाकीन ङ्योकोनला आउदी लेमुते लोन लाःप्‍सुङ। चुक सासीन ख्‍योकोन प्रभु येशूला विश्‍वास खिनराङ दुक्‍लो, ज्‍येनला ङिङज्‍ये खिताङ ताङा मिन्‍दुक्‍लो थेमे ङ्योकोनगी ख्‍योकोनला ठेता सेम खाबा च्‍योकराङ ख्‍योकोनगीङ ङ्योकोनला आउदी खाला सम्‍झे खिन नाम ठेता ङेदोङा सिराच्‍योक खाईन गुकीन देत्‍ला दुक्‍लो सिन थेपे लोनतेबा गाङे लाःप्‍सुङ।

२ थिस्‍सलोनिकी 1:11

होदि बाततेबा टोक मेज्‍येता खाला ङ्योकोन ख्‍योकोन लाईदु जहिलेङ ङुरूङ परमेश्‍वरला दोक सिन प्रार्थना खिओ। चुक सासीन थेकी ख्‍योकोनला थे खोरोङ दोन्‍दु स्‍योक सिन काताङाते ईन्‍देकी ख्‍योकोन चुक ओङा फाप्‍च्‍येते ईन्‍दे थोकराङ ओङ ज्‍युत्‍स्‍यीत। दोक खाला ख्‍योकोनगी खिता चालाते लेमुते कामताङ बात थेमे प्रभु येशूला विश्‍वास खाईन खिताला स्‍यूबाते कामतेबा गाङे परमेश्‍वरगी ख्‍योकोनला थे खोरोङ शक्ति बिन्‍ला पूरो खित ज्‍युत्‍स्‍यीत सिन प्रार्थना खिओ।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

१ तिमोथी 1:14

थोक खाईन थेकी ङाला आउदी दया खाईन खितासम्‍म लेमु खासुङ। थेत्ताङ जीउज्‍यीकराङ ओङगीन ङे थेला विश्‍वास खिता थुप्‍सुङ थेमे ज्‍येनला ङिङज्‍ये खिता थुप्‍सुङ।

१ तिमोथी 2:3

दोक खाला प्रार्थना खित्‍च्‍येते लेमु ईन। होदोक खाला प्रार्थना खित्‍जीन ङुरूङला पापदुकी डेल्‍कान्‍ते परमेश्‍वरला गा लाङगो।

हिब्रू 10:36

परमेश्‍वरगी खित ज्‍युता चाला च्‍योकराङ खिता थुप्‍स्‍यीत सिन जस्‍तो दुक्‍पा ओङसीनोङ ख्‍योकोन सेम मेसेता खाला देता फाप्‍क्‍यो। दोक खिन देत्‍सीनकामा थेकी तेरग्‍यो सिन साबाते जति ख्‍योकोनगी ङेत्‍क्‍यो।

हिब्रू 11:17

परमेश्‍वरगी जे खासीनोङ लेमुराङ खिओ सिन थेला विश्‍वास खाबा ओतेकीराङ थेकी थे सेम ताप्‍ला इसहाकला भोग बिन सिरजीन अब्राहामगी थोक खिताला ठीक खासुङ। थेकी अब्राहामला थे सखा सन्‍तान काल्‍बेई फेल ज्‍युत्‍क्‍यो सिन जमान खाबा ओतान। थे खोरोङ सन्‍तान मिनला दोक्‍पोईराङ ओताते फुज्‍युङला अब्राहामगी भोग तेराला ठीक खाबा ओतान।

हिब्रू 13:21

होदोक खित्‍कान्‍ते परमेश्‍वरगी ख्‍योकोनगी थेकी खिता चालाच्‍योक खिताला ख्‍योकोनला गोच्‍येते स्‍येतताङ बुद्धि तेरस्‍यीत। दोक खाला थेकी ख्‍योकोनला येशू ख्रीष्‍ट छ्य्‌वापेई थे खोरोङला मन परे खित्‍च्‍येते काम खित्‍च्‍येते सेम तेरस्‍यीत। थेते सधैँभरि जय जय ओङस्‍यीत। आमेन।

हिब्रू 4:11

ङुरूङ पुर्खेकी परमेश्‍वर बातला नामज्‍योक मासेतेकी परमेश्‍वरगी देत ज्‍युता चालाच्‍योक खाईन ढुक्‍क खाईन देता ङेता मेतान। थोगी थेबाला च्‍योक मेङस्‍यीत सिन ङुरूङगीचेन परमेश्‍वरगी साबा च्‍योकराङ खाला दाक्‍पोनला ढुक्‍क खाला देत ज्‍युत्‍स्‍यीत सिन थे बात ङेन्‍च्‍ये छ्य्‌वापाकामा स्‍येत खिता फाप्‍क्‍यो।

हिब्रू 6:15

थेमे अब्राहामगी परमेश्‍वरगी थे खोरोङताङ जमान खाबा च्‍योकराङ खिओ सिन लो काल्‍बेईसाक सेम मेसेता खाईन गुकीनराङ देतेकी परमेश्‍वरगी थेला तेरग्‍यो सिन साबाते गाङे बिन्‍सुङ।

१ पत्रुस 3:4

बरू ख्‍योकोनगी ङा ङाराङ ईन सिराच्‍योक माकेत, गाङेताङ खा छ्येत लेमु खाला डिक्‍ला थुन्‍ला देत। होदोक दोक खित्‍कान्‍ते फेम्‍मे मिलाराङ परमेश्‍वरगी लेमुते फेम्‍मे मि ईन सिओ।

१ यूहन्‍ना 3:18

बात दोक ईन्‍देकी फिजावे, ङुरूङगी ज्‍येनला ङिङज्‍ये खिओ सिन खेकीकामा मेन, सत्‍यते परमेश्‍वरगी खि साबाच्‍योक खाला कामगीराङ खाला तेन्‍दा फाप्‍क्‍यो।

१ यूहन्‍ना 3:21

ङिङज्‍येते फिजावे, दाक्‍पोनते ङे च्‍यिला थोक खाताका सिन मेलेबा लाङच्‍येते छ्याःङ मेत्‍सीन ङुरूङला परमेश्‍वर दोन्‍दु छ्याःङ ज्‍यीबा मालाङो।

१ यूहन्‍ना 3:3

तिरी पक्‍काराङ दोक ओङगो सिन आश खाला देत्‍कान्‍ते मिकीचेन ख्रीष्‍टकी च्‍योकराङ मेलेबा काम सिराते छ्याःङ मिक्‍किता खाला देत्‍क्‍यो।

१ यूहन्‍ना 5:3

परमेश्‍वरला ङिङज्‍ये खित्‍च्‍या सिरातेचेन थेकी खि सिन कोताते खित्‍च्‍येते ईन। थेकी खि सिन कोताते खिताला दुक्‍पाङ मेत।

छ्या स्‍ये च्‍युताते बात 2:19

च्‍यि सासीन ख्‍योकोनगी च्‍यि च्‍यि खिन ओते सिन गाङे ङाला छ्या ओत। ख्‍योकोनगी ङाला खजो ङिङज्‍ये खिते सिरच्‍येते थेमे ङाला विश्‍वास खाबाते, लेमुते काम खाबाते थेमे ख्‍योकोनगी पीर दुक्‍पा खपे खिन ओताते गाङे बात ङाला छ्या ओत। होदि कामतेबा ख्‍योकोनगी गोमा भन्‍दा थरिङोला झन झन ल्‍हाक्‍पा खिन ओताते बादोङ ङाला छ्या ओत।

छ्या स्‍ये च्‍युताते बात 3:10

थेमे ङे खि साबा च्‍योकराङ खाईन जस्‍तो पीरताङ दुक्‍पालाङ ख्‍योकोन सेम मेसेता खाईन देत्‍सुङ। थोगी था तिरी ना थेबेकी पाप खिता तोङगीता सिन ताप्‍ला दि सा लुङबे मिओनला आइ परे खित्‍च्‍येते मेलेबाते दुक्‍पे बेलाला ङा ख्‍योकोनला जोए खाला ज्‍य्‌वाक्‍यो।