१ थिस्‍सलोनिकी 1:10 - जिरेल

¹⁰ दोस्‍यिककामा मेन, थेबेकीचेन था स्‍वर्गनेकी ग्‍युरला ओङगो साबाते परमेश्‍वर फुज्‍युङ येशूला ख्‍योकोन गुकीनराङ देत्‍ला दुक्‍लो सिरच्‍येते बादोङ खिदुक। थेला परमेश्‍वरगी स्‍यिसादुकी सोम्‍बो लोक्‍पा ओत। मिओनला था तिरी परमेश्‍वरगी स्‍येदाङगी चूर गाल्‍ला तेरच्‍येते सजायदुकी ङुरूङला जोए खित्‍कान्‍ते थेराङ ईन।

१ थिस्‍सलोनिकी 1:10 Iomraidhean Croise

मत्ती 1:21

था थेकी फुज्‍युङज्‍यीक केइओ। खुई थे मिन येशू सिन स्‍योक। च्‍यिला सासीन थेकीराङ थे खोरोङ मिओनला थेबे पापदुकी डेल्‍ग्‍यो,” सिन बात खासुङ।

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 16:28

थेमे ङा ख्‍योकोनला दि बादोङ साला ज्‍य्‌वाक्‍यो। च्‍यि सासीन ख्‍योकोन नाङ कोई कोईचेन परमेश्‍वर ओत्‍सादुई वाबाते मि ङे दुरू राज्‍य खिताला स्‍यूबाते थोङलाकामा स्‍यिइओ,” सिन सिदुक।

मत्ती 3:7

फरिसी पाटीताङ सदुकी पाटी मिङ काल्‍बेई थे ओत्‍सादु वाबा ओतान। थेबेकीङ खोपरोङला छ्युला लुक्‍ला बप्‍तिस्‍मा नाङ सिरजीन यूहन्‍नेकी थेबाला “छ्यि ख्‍योकोन ङोचा क्‍ये मेतातेबा, छ्युला स्‍यूला बप्‍तिस्‍मा लालाकामा परमेश्‍वरगी था तिरी स्‍येदाङगी चूर गाल्‍ला तेरच्‍येते सजायदुकी थारग्‍यो सिन खेल्‍ला सुई सिका? थोक सजिलो खाला थे सजायदुकी माथारो।

लूका 2:25

यरूशलेमदु शिमियोन सिराज्‍यीक मि ओतान। थे परमेश्‍वरगी खि साबा साबा च्‍योकराङ खाला थेला आउदी खाला माने खित्‍कान्‍ते मि ओतान। इस्राएलीओनला पापताङ दुक्‍पादुकी डेल्‍कान्‍ते नाम ओङगीताका सिन थे गुकीन देता ओतान। थेकी परमेश्‍वर आत्‍मा ङेता ओतान।

लूका 3:7

यूहन्‍नेकी लापाते परमेश्‍वर बात थोकीन ठाउँ ठाउँलेकी आउदी काल्‍बेई मि छ्युला लुक्‍ला बप्‍तिस्‍मा नाङ सिन थे ओत्‍सादु ओङाला स्‍यूसुङ। थेमे यूहन्‍नेकी थेबाला “छ्यि ख्‍योकोन ङोचा क्‍ये मेतातेबा, छ्युला स्‍यूला बप्‍तिस्‍मा लालाकामा परमेश्‍वरगी था तिरी स्‍येदाङगी चूर गाल्‍ला तेरच्‍येते सजायदुकी थारग्‍यो सिन खेल्‍ला सुईचेन सिका? थोक सजिलो खाला थे सजायदुकी माथारो।

शक्ति काम 1:11

“ए गालीलपे मिवे, ख्‍योकोन च्‍यिला दोक खाला नामने ताला देत्‍कीते? येशूला परमेश्‍वरगी स्‍वर्गने खेरसुङ। आनाङ ख्‍योकोनगी थेला चुक खाईन थेने ड्वा थोङा ओताने, था तिरी ङीमाई लोक्‍ला थे होथोकराङ खाला देमा ग्‍युरला ओङगो,” सिन सिदुक।

शक्ति काम 17:31

च्‍यिला सासीन थेकी ङीमा लेनज्‍यीक सुङलाङ काका पाका मिक्‍किता खाला मि गाङेते न्‍याय खिओ। थे छोमु सु सुला चुक चुक खिता फाप्‍कीका सिरच्‍येते टुङ्गोचेन थेकी छाने खाबाते मिज्‍यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्‍येस्‍यीत सिन थेकी थेला स्‍यिसादुकी सोम्‍बो लोक्‍पा ओत,” सिन बात खासुङ।

शक्ति काम 2:24

ख्‍योकोनगी थोक खाबा ईन्‍सीनोङ परमेश्‍वरगीचेन थेला कालगी खादुकी टाल्‍गीन स्‍यिसादुकी सोम्‍बो लोक्‍सुङ। च्‍यिला सासीन थेनी स्‍यिच्‍येते कालला ग्‍याल्‍ला सोम्‍बो लोक्‍पाराङ फाप्‍च्‍या ओतान।

शक्ति काम 2:32

दाऊदकी गोमाका साबा ओता च्‍योकराङ खाईन परमेश्‍वरगी येशूला स्‍यिसादुकी सोम्‍बो लोक्‍सुङ। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

शक्ति काम 3:15

दोस्‍यिककामा मेन, ख्‍योकोनगीनी मिओनला जुनी तेरकान्‍तेलाराङ सेत च्‍युताते ईन। परमेश्‍वरगीचेन थेला स्‍यिसादुकीङ सोम्‍बो लोक्‍पा ओत। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

शक्ति काम 3:21

थे थरिङोला स्‍वर्गने देता ओत। परमेश्‍वर बात खित्‍कान्‍तेबेकी परमेश्‍वरगी तिरी जेसुकै लेमु जोइओ सिन परमेश्‍वरगी सिर च्‍युताते बाततेबा गाङे साबा च्‍योकराङ मायाङथुप थे थेनेराङ देत्‍क्‍यो।

शक्ति काम 4:10

लो थोक ईन्‍सीन ङ्योकोनगी नासरतपे येशू ख्रीष्‍ट मिन लाकीन दि मि ख्‍याम्‍बा थुप्‍स्‍यीत सानामेई थेकीराङ दिला ख्‍याम्‍बा थुप्‍च्‍या जोबाते ईन। दि बात था ख्‍योकोनगीकामा मेन, इस्राएली गाङेकी छ्या स्‍येबा खि। थोक खित्‍कान्‍ते येशू ख्रीष्‍टला ख्‍योकोनगीचेन स्‍यिङगी थामला टाँए खाईन सेत च्‍युत्‍सुङ। ख्‍योकोनगी थोक खासीनोङ परमेश्‍वरगी थेला स्‍यिसादुकी सोम्‍बो लोक च्‍युता ओत।

रोमी 1:4

थेमे स्‍यिसादुकी सोम्‍बो लोक्‍पा ओतेकी थे पक्‍काराङ परमेश्‍वर फुज्‍युङ ईन, थेत्ताङ छ्येज्‍यीक शक्ति ओत सिन परमेश्‍वर आत्‍मेकी गाङेला छ्या स्‍ये च्‍युता ओत। ङुरूङगी प्रभु सिरच्‍येते येशू ख्रीष्‍ट होथेराङ ईन।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

रोमी 4:25

ङुरूङगी पाप खाबेकी खित्‍सादु ङुरूङला पापदुकी डेलाला परमेश्‍वरगी थेला ङुरूङ लाईदु स्‍याप्‍ला ताङसुङ। थेमे ङुरूङला दोषी मेन सिराला थेकी थेला स्‍यिसादुकी सोम्‍बो लोक्‍सुङ।

रोमी 8:34

थोकराङ खाला था सुङगीङ थेबाला सजाय मेतेरो। च्‍यिला सासीन येशू ख्रीष्‍ट थेबे लाईदु स्‍यिइन सिन्‍दा ओत। थे थोक खाईन स्‍याप्‍तेकामा मेन, स्‍यिसादुकी समेदोङ सोम्‍बो लोगीन थानी परमेश्‍वर सामे छ्य्‌वापा देता ओत। थेमे थेरू देत्‍ला थेकी ङुरूङ लाईदु थेत्ताङ बात खाला तेरग्‍यो।

१ कोरिन्‍थी 1:7

थोक ईन्‍देकी था प्रभु येशू ख्रीष्‍ट नामराङ ग्‍युरला वाओङा सिन गुला देत्‍जीन ख्‍योकोनला गोच्‍येते परमेश्‍वर आत्‍मेकी तेरच्‍येते सीपताङ शक्ति ख्‍योकोनगी गाङे ङेता ओत।

गलाती 3:13

तर ख्रीष्‍टकीचेन परमेश्‍वर नियमला तोके खाबाते परमेश्‍वरगी ङुरूङला सराप बिन्‍ला तेरच्‍येते सजाय थे खोरोङगीराङ भोगे खाईन स्‍यिइन ङुरूङला थे सजायदुकी टाल्‍सुङ। दोक खाईन ङुरूङ साटोला परमेश्‍वरगी थेला सराप बिन्‍गीन सजाय बिन्‍दाते ईन सिन परमेश्‍वर बातला “स्‍यिङगी थामला टाँए खाबाते मिचेन परमेश्‍वर सराप लै खाईन सजाय ङेत्‍कीन स्‍याप्‍ते ईन,” सिन टिबा ओत।

फिलिप्‍पी 3:20

ङुरूङचेन स्‍वर्गने देता ङेत्‍कान्‍ते मि ईन। ङुरूङला पापदुकी डेल्‍कान्‍ते प्रभु येशू ख्रीष्‍ट था नामराङ थेनेकी ग्‍युरला वाओङा सिन ङुरूङ गुकीन देता ओत।

कलस्‍सी 1:18

दोस्‍यिककामा मेन, मि जीउकी गोः च्‍योकराङ थे खोरोङ मिओनते छ्येतेचेन ख्रीष्‍टराङ ईन। येशू ख्रीष्‍ट मिओनचेन थे जीउ च्‍योक ईन। थेचेन थे जीउकीते गोः च्‍योक ईन। मिओनला थे खोरोङ मि जोकान्‍ते थेमे स्‍याप्‍ते मिओन नाङ गाङे भन्‍दा गोमा नोमुङ मिस्‍यिच्‍या खाला सोम्‍बो लोक्‍कान्‍ते थेराङ ईन। सा नाम खाङ ओताते जोबाते जति जो ईन्‍स्‍यीत जे ईन्‍स्‍यीत, थे खोरोङ मि ईन्‍स्‍यीत होदिबा गाङेते जहिलेङ जे कुरोलाङ ख्रीष्‍टकामा छ्येते ओङा फाप्‍क्‍यो सिन परमेश्‍वरगी होदोक दोक ओङ च्‍युताते ईन।

१ थिस्‍सलोनिकी 1:7

ख्‍योकोनगी थोक खाबाते थोङगीन म्‍यासिडोनियाताङ अखैये लुङबादु ओताते येशूला विश्‍वास खित्‍कान्‍ते मिओनगीङ ख्‍योकोनगी च्‍योकराङ खिता फाप्‍च्‍याक्‍वा सिन लेमु खाईन छ्या स्‍येसुङ।

१ थिस्‍सलोनिकी 2:16

च्‍यिला सासीन परमेश्‍वरगी ज्‍येन ज्‍येन जातकी मिला पापदुकी डेल्‍स्‍यीत सिन ङ्योकोनगी थेबाला गा लाङच्‍येते बात लोप्‍जीन होथे यहूदीओनगी ङ्योकोनला थुपासम्‍म दुक्‍पा बिन्‍ला थे बात लोप मुज्‍युत्‍तुक। होदोक दोक्‍ते कामकामा खिन देत्‍कीन थानी थेबानी पापकीराङ नुप्‍कीन सिन्‍दा खाईन सिन्‍सुङ। था ईन्‍सीन परमेश्‍वरगी थेबाला स्‍येदाङगी चूर गाल्‍ला सजाय तेरच्‍येते बेला लेप्‍सुङ।

१ थिस्‍सलोनिकी 2:7

ईन्‍दाका ङ्योकोन ख्रीष्‍टकी खटे खाबाते मि ईन्‍देकी ङ्योकोनला ख्‍योकोनगीराङ ता फाप्‍क्‍यो सिरा थुप्‍च्‍या ओतान। थोक मिक्‍किता खाईन बरू ङ्योकोनगीनी थे मोरोङ नुमा थुङकान्‍ते बालकते फिजाला आमातेकी लेमु खिता च्‍योकराङ खाईन ख्‍योकोनला लेमुका खाबाप।

१ थिस्‍सलोनिकी 5:9

परमेश्‍वरगी ङुरूङला छाने खाबाते स्‍येदाङगी चूर गाल्‍ला सजाय तेराला मेन, ङुरूङ प्रभु येशू ख्रीष्‍टकी खाबाते कामगी खित्‍सादु पूरो खाला पापदुकी टाल्‍ला स्‍वर्गने देत ज्‍युताप सिन ईन।

२ तिमोथी 4:1

थोगी परमेश्‍वरताङ येशू ख्रीष्‍ट दोन्‍दु ङा खोल्‍ला चुक खिता फाप्‍कीते सिन कोत्‍क्‍यो। स्‍याप्‍तेबा थेमे सोम्‍बोराङ ओताते मि गाङेला न्‍याय खित्‍कान्‍ते थेमे स्‍वर्गनेकी ग्‍युरला वाला गाङेपा गाङेला राज्‍य खित्‍कान्‍ते येशू ख्रीष्‍टराङ ईन सिन टोक माज्‍येत।

तीतस 2:13

थेमे ङुरूङला पापदुकी डेल्‍कान्‍ते छ्येज्‍यीक शक्ति ओताते परमेश्‍वर येशू ख्रीष्‍ट था तिरी स्‍वर्गनेकी मिगी तापराङ मुथुप्‍च्‍या झिलिमिली नाम्‍दाकला देत्‍ला देमा ग्‍युरला ओङगो सिन ङुरूङ आश खाला गुला देत्‍क्‍यो। दिराङ ङुरूङ लाईदु आउदी गा लाङच्‍येते बात ईन।

हिब्रू 10:27

दोक खाला पाप खित्‍कान्‍ते मिकीनी परमेश्‍वरगी मि गाङे न्‍याय खिते छोमु थे खोरोङ शत्रुओनला सजाय तेराला ठीक खाबाते आउदी ज्‍यीबा लाङच्‍येते मे नाङमा स्‍यूक्‍पा फाप्‍क्‍यो सिरच्‍येते बातकामा ठेम्‍बा खासीन ओङगो।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

१ पत्रुस 1:21

थेकी खित्‍सादुराङ ख्‍योकोनगी परमेश्‍वरला विश्‍वास खित्‍च्‍येते थेमे परमेश्‍वरगी तेरग्‍यो सिन साबातेबा ङेत्‍क्‍यो सिन आश खिन देत्‍च्‍येते ईन। परमेश्‍वरगी थेला स्‍यिसादुकीङ सोम्‍बो लोगीन छ्येज्‍यीक मान बिन्‍दा ओत।

१ पत्रुस 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। थेकी ङुरूङला आउदी ङिङज्‍ये खाईन लोक्‍ला केर ज्‍युताच्‍योक खाईन साम्‍बाते जुनी बिन्‍सुङ। थेकी येशू ख्रीष्‍टला स्‍यिसादुकी सोम्‍बो लोक्‍पा ओतेकी थेकी खिओ साबाच्‍योक पक्‍काराङ खिओ सिन ङुरूङ आश खाईन गुकीन देताते बात नोमुङ फरक परे मिक्‍किओ।

१ पत्रुस 2:21

होदोक खाला दुक्‍पा भोगे खितालाराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्रीष्‍टकी ख्‍योकोन लाईदु थोई दुक्‍पा भोगे खासुङा सिन ख्‍योकोनला छ्याराङ ओत। थोक खाईन थेकी दुक्‍पा ओङजीन चुक खिता फाप्‍कीते सिन तेन्‍गीन बिन्‍दा ओतेकी ख्‍योकोनगीङ थेकी च्‍योकराङ खि।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।

२ पत्रुस 3:12

परमेश्‍वरगी मि गाङे न्‍याय खित्‍च्‍येते थे दिन होत्ता ओङस्‍यीत सिन ख्‍योकोन होदोक खाला लेमु कामताङ बात खिन देत। थे छोमु नामचेन मेकी छिक्‍ला सोला डुइओ। थेमे दागार, ङीमाताङ कार्मातेबाङ मे रापकी खित्‍सादु बिले खाला खतम डुइओ।

२ पत्रुस 3:14

थोगी ङिङज्‍येते आज्‍यो न्‍वावे, था तिरी दोक दोक ओङगो सिन खेराङ गुकीन देता ओतेकी ख्‍योकोन छ्याःङ गल्‍ती मेताते, सुङगीङ दिबेकी दोक दोक गल्‍ती खाबा ओत सिरा मुथुप्‍च्‍या थेमे परमेश्‍वरताङ डिक्‍ला देत्‍कान्‍ते मि ओङा थुप्‍स्‍यीत सिन ख्‍योकोनगी काम बात जे खित्‍जीनोङ लेमु खित्‍च्‍ये छ्य्‌वापाकामा स्‍येत खि।

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।

छ्या स्‍ये च्‍युताते बात 1:7

लो दि बात टोक माज्‍येत। च्‍यि सासीन येशू ख्रीष्‍ट था मुक्‍पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्‍कान्‍ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्‍क्‍यो सिन ज्‍यीबेकी खित्‍सादु दि सा लुङबे मि गाङेराङ झ्‍याउँ झ्‍याउँ ङुइओ। दोकराङ ओङस्‍यीत। आमेन।