१ पत्रुस 5:8 - जिरेल

⁸ थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।

१ पत्रुस 5:8 Iomraidhean Croise

मत्ती 13:39

थे ह्रीमा देप्‍कान्‍ते शत्रु साबाते शैतान ईन। थेमे ठा थोक्‍च्‍ये बेला साबातेचेन दि जुग सिन्‍च्‍येते समय साबाते ईन। खेतालाओन साबातेचेन परमेश्‍वर दूतओन ईन।

मत्ती 24:42

थोक ईन्‍देकी खेराङ मालिक था तिरी दि छोमुराङ ग्‍युरला ओङगो सिन ख्‍योकोनला छ्याःङ छ्या मेतेकी थे ओङगो सिन सधैँ ठीक खाला गुलाराङ देत।

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

मत्ती 4:1

थेकी बप्‍तिस्‍मा लानामेकी येशूला परमेश्‍वर आत्‍मेकी री नाङपा टीकीन खेरसुङ। ल्‍हन्‍डीक गेल्‍बो शैतानगी थे सेम तारस्‍यीत सिन थेला थेङपा खेरा ओतान।

मत्ती 4:11

थेमे ईन्‍सीन थेकी येशूला ताङगीन गाल्‍सुङ। थेरूई परमेश्‍वर दूतओन वाकीन येशूला च्‍यि खाला तेरा फाप्‍च्‍या दुका थोक खाईन बिन्‍सुङ।

मर्कूस 4:15

सोन देप्‍जीन कोई सोन लामला फाप्‍क्‍यो। लामला फाप्‍कीन छ्योज्‍युङमेकी तुकीन सोबाते सोन साबातेचेन परमेश्‍वर बात थोकान्‍तेबे नाङ थरीज्‍यीक मिला साबाते ईन। थोक्‍ते मिओनतेचेन परमेश्‍वर बात ङेन्‍च्‍येते सेमराङ मेतेकी थे बात थोसीनोङ थोबासात्तु शैतानगी थेबेकी थोबाते बात होत्ता टोक ज्‍येत ज्‍युत्‍क्‍यो।

लूका 21:34

थोगी ख्‍योकोनगी परमेश्‍वर ओत्‍सादुई वाबाते मि ङा ग्‍युरला ओङे छोमुसाक चुक खाला देता फाप्‍च्‍या ईन्‍दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्‍या थुङच्‍याताङ खोन्‍च्‍ये पीर माकेत। दोक खिन देत्‍सीन खरेउ तोर्बाकला थेप्‍लु खाला थे दिन लेपे छोमुकामा ख्‍योकोनगी छ्या स्‍येक्‍यो।

लूका 21:36

थोगी च्‍याङबो खाला देत। थेमे थोक थोक ज्‍यीबा लाङच्‍या दुक्‍पा ओङजीन ङाला विश्‍वास खिन थे दुक्‍पा खपे खिता थुप्‍स्‍यीत थेमे परमेश्‍वर ओत्‍सादुई वाबाते मि ङा ग्‍युरगीन वानामेई सजाय ङेत्‍कीता सिन छ्याःङ ज्‍यीबा मिक्‍किता खाला थे दोन्‍दु देता ङेत्‍स्‍यीत सिन प्रार्थना खिनराङ देत,” सिन सिदुक।

लूका 22:31

थेमे येशूकी शिमोन पत्रुसला “शिमोन, खो च्‍याङबो खाला देत। ङे छ्य्‌वापेई डेलाला शैतानगी ख्‍योकोन गाङेला ल्‍वा छोल्‍ग्‍यो। थेकी दोक खित्‍च्‍येतेनी टाप्‍ला ठाताङ फुङमा डेल्‍च्‍येते च्‍योक ईन। ख्‍योकोनगी ङाला खित्‍च्‍येते विश्‍वास खजो पक्‍का दुका सिन ताप्‍ला परमेश्‍वरगी शैतानला थोक खासीन ओङगो सिन सिदुक।

यूहन्‍ना 8:44

ख्‍योकोनचेन खेराङ आबा शैतानताङ डिक्‍कान्‍ते मि ईन। थेमे ख्‍योकोन खेराङ आबेकी खित्‍च्‍येते कामकामा खिता सेम खिदुक। थेकीनी च्‍याक दि जुग शुरू ओङजीनमेईराङ मि सेत्‍च्‍येतेकामा खिन ओत। ईन्‍दाते बातला थेकी बान्‍दा गा मिक्‍किओ। साँचोते बात सिरातेचेन थेकी नोमुङ मिक्‍किओ। ढाँर खित्‍च्‍येतेनी थेते बानीराङ ईन्‍देकी थेचेन ढाँर खित्‍कान्‍ते ईन। ढाँर खित्‍च्‍येते सिराते गाङे थे छ्य्‌वापेईराङ ओङच्‍येते ईन।

२ कोरिन्‍थी 2:11

शैतानगी ङुरूङ नाङ खिता चालाते काम छ्याःङ खिता मेङेत्‍स्‍यीत सिनराङ ङुरूङगी दोक खाला माफ तेरा फाप्‍क्‍यो। थेकी चुक च्‍याङबो खाला काम खिते सिन ङुरूङला छ्याराङ ओत।

एफिसी 4:27

थोक माक्‍यासीन शैतानगी ख्‍योकोनला ङ्ये ज्‍युत्‍च्‍येते मौका ङेत्‍क्‍यो। ख्‍योकोनगी थेला थोक खित्‍च्‍येते मौका मातेर।

एफिसी 6:11

थेमे शैतानताङ जीङाला परमेश्‍वरगी तेरच्‍येते हात हतियार जति गाङे खुरला खोन्‍ला देत। थोक खाईन देत्‍सीन खेराङला परमेश्‍वर छ्य्‌वापेई डेलाला शैतानगी जतिराङ च्‍याङबो खाईन काम खासीनोङ थेते छ्याःङ सीप लै मिक्‍किओ।

१ तिमोथी 2:15

फेम्‍मे मिकी थोक खाबा ईन्‍सीनोङ परमेश्‍वरगी थेबाला फिजे सुक देक्‍जीन ताला जोए खिओ। थोक ईन्‍सीनोङ थेबेकी छ्ये मिक्‍किता खाला येशू ख्रीष्‍टला विश्‍वास खिन देता फाप्‍क्‍यो, ज्‍येनला ङिङज्‍ये खिता तोङा मेङगो थेमे परमेश्‍वरला मन परे खित्‍च्‍येते कामताङ बात खिन देता फाप्‍क्‍यो।

१ तिमोथी 2:9

थोकराङ खाला फेम्‍मे मिओनगीङ सोबोउ ओताते मिकी च्‍योक खाला ठीक ठीक तरीकेकी खोलाक खोन्‍दा फाप्‍क्‍यो। फूर्ति पारे खिताला परी परी खाला ल्‍हामा ल्‍हाच्‍येते, आउदी काल्‍बा काल्‍बा हीरा मोतीताङ सेरगी गहना थेमे आउदी महँगो महँगोते खोलाक खोन्‍दा मेङगो।

१ तिमोथी 3:11

थोकराङ खाला थेबे फेम्‍मेतेबाङ लेमु बानी ओताते, मि मोत्‍कीन माख्‍याम्‍कान्‍ते, छ्याङ रक्‍सी काल्‍बा मुथुङकान्‍ते थेमे जस्‍तो कामोङ लेमु खित्‍कान्‍ते ओङा फाप्‍क्‍यो।

१ तिमोथी 3:2

थोक्‍ते मिचेन सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थेते फेम्‍मेज्‍यीककामा ओङा फाप्‍क्‍यो। थेचेन जहिलेङ च्‍याङबो खाला देत्‍कानज्‍यीक, दाक्‍पोन सेम काबूला ज्‍य्‌वाबा थुप्‍कानज्‍यीक ओङा फाप्‍क्‍यो। थे बानी लेमु ओताज्‍यीक, डोम्‍बोओनताङ फार छुर ख्‍याम्‍कान मिओनला लेमु खित्‍कानज्‍यीक थेमे मिओनला परमेश्‍वर बात लेमु खाला लोपा थुप्‍कानज्‍यीक ओङा फाप्‍क्‍यो।

२ तिमोथी 4:17

दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।

तीतस 1:8

बरू थोक्‍ते मिचेन डोम्‍बोताङ फार छुर ख्‍याम्‍कान मिओनला लेमु खित्‍कानज्‍यीक, लेमु कामकामा खिता सेम खित्‍कानज्‍यीक, दाक्‍पोन सेम काबूला ज्‍य्‌वाबा थुप्‍कानज्‍यीक, खिता मेङच्‍येते काम सिराते छ्याःङ मिक्‍किकानज्‍यीक, परमेश्‍वरला मन परे खित्‍च्‍येते कामकामा खित्‍कानज्‍यीक थेमे दाक्‍पोन सेमला लाबा लाबा मिक्‍किकानज्‍यीक ओङा फाप्‍क्‍यो।

तीतस 2:12

परमेश्‍वर दयेकी खित्‍सादु चुक चुक खिता फाप्‍कीते सिन ङुरूङ लोप्‍कीन ओत। थोगी ङुरूङगी परमेश्‍वरगी माकेत साबाते काम खित्‍च्‍येते थेमे पापताङ लोभ खित्‍च्‍येते ताङला दाक्‍पोन सेम काबूला ज्‍य्‌वाबा थुप्‍क्‍यो थेमे दि कलि जुगला थेकी खि साबा साबाच्‍योक खिन थेला झन लेमु खाला माने खिता थुप्‍क्‍यो।

तीतस 2:2

चुक सासीन गान्‍दातेबाला थेबा च्‍याङबो खाला देता फाप्‍क्‍यो सिन सि। थेबे बानी लेमु ओङा फाप्‍क्‍यो थेमे खोपरोङ सेम काबूला ज्‍य्‌वाबा फाप्‍क्‍यो सिन सि। दोस्‍यिककामा मेन, थेबेकी खोपरोङगी येशूला विश्‍वास खिन ङेन्‍दा ओताते बात मोतोङा खाला ङेन्‍गीन देता फाप्‍क्‍यो, ज्‍येनला ङिङज्‍ये खिन देता फाप्‍क्‍यो थेमे दुक्‍पा ओङसीनोङ खपे खिन देता फाप्‍क्‍यो सिन सि।

तीतस 2:4

खोपरोङगी थोक खासीन थेबेकी स्‍यार्मुतेबाला दाक्‍पोन ख्‍योबोला माया खिता फाप्‍क्‍यो थेमे फिजातेबालाङ ङिङज्‍ये खिता फाप्‍क्‍यो सिन लोपा थुप्‍क्‍यो।

तीतस 2:6

थोकराङ खाला स्‍यारातेबालाङ दाक्‍पोन सेम काबूला ज्‍य्‌वाबा फाप्‍क्‍यो सिन सि।

याकूब 4:7

थोक ईन्‍देकी था ख्‍योकोनगी परमेश्‍वर अधीनला देत्‍ला थेकी खि साबा च्‍योकराङ खि। शैतानगी जे सासीनोङ थे बात ङेनराङ माङेन। दोक खानामेई ख्‍योकोनला दुक्‍पा तेरा ताङला शैतान दाक छ्योङगो।

१ पत्रुस 1:13

परमेश्‍वरगी ख्‍योकोनला दोक लेमु खाबा ओतेकी था ख्‍योकोनगी थेकी खि साबाते काम खित्‍च्‍ये छ्य्‌वापाकामा स्‍येत खि। दाक्‍पोन सेम काबूला स्‍योक। थेमे येशू ख्रीष्‍ट ग्‍युरला ओङे छोमु परमेश्‍वरगी ख्‍योकोनला दया खाला पूरो खाला पापदुकी टाल्‍ला लेमु खिओ साबाते पक्‍काराङ खिओ सिन खेराङगी आश खाईन देता च्‍योकराङ ओङगो सिन टोक माज्‍येत।

१ पत्रुस 4:7

थेमे था दि जुग सिन्‍च्‍ये बेला लेपा खाबा ओत। दाक्‍पोन सेम काबूला ज्‍याक्‍ला ख्‍योकोन च्‍याङबो खाला देत। दोक खासीन ख्‍योकोन परमेश्‍वरताङ प्रार्थना खिन देता थुप्‍क्‍यो।

छ्या स्‍ये च्‍युताते बात 12:10

थेमे स्‍वर्गने कस्‍स्‍ये खाला दोक दोक सिन ओता ङे थोसुङ। च्‍यि सासीन “था ईन्‍सीन ङुरूङ परमेश्‍वरगी मिओनला पूरो खाला पापदुकी टाल्‍ला स्‍वर्गने देत ज्‍युत्‍च्‍येते काम खाईन सिन्‍दा खासुङ। थेकी थे खोरोङ छ्येज्‍यीक शक्तिकी गाङेपा गाङेला राज्‍य खिताला स्‍यूसुङ। थेकी छाने खाबाते ख्रीष्‍टकीते था गाङेपा गाङेला अधिकार लै खिओ। च्‍यिला सासीन ङीन नुप परमेश्‍वर खादु वाला ङुरूङ आज्‍यो न्‍वाला थेबानी दोक दोक गल्‍ती खित्‍कान्‍ते मिका ईन सिन सिरकान्‍ते शैतानला स्‍वर्गनेई युकीन क्‍युरा ओत।

छ्या स्‍ये च्‍युताते बात 12:12

थोगी था स्‍वर्गदु ओतातेबरी गाङेराङ आउदी खाला गा खि। तर सा लुङबाताङ समुन्‍द्रदु ओताते जति गाङेलाचेन ज्‍यीबा लाङच्‍ये बात ईन। च्‍यिला सासीन थे खोरोङगी जेसुकै खिता ङेत्‍च्‍येते समय था टिक्‍पीस्‍यिककामा ओत सिन छ्या स्‍येकीन शैतान आउदी खोक्‍पो खाईन स्‍येदाङ खाईन ख्‍योकोन ओत्‍सामा गाला ओत,” सिन ओतान।

छ्या स्‍ये च्‍युताते बात 12:9

दोक खाईन थे जोदाते डुकला स्‍वर्गनेकी पृथ्‍वीमा ङिल्‍गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्‍के खित्‍कान्‍ते थेराङ ईन। थेत्ताङ थे दूत गाङेला स्‍वर्गनेकी पृथ्‍वीमा युकीन क्‍युरसुङ।

छ्या स्‍ये च्‍युताते बात 20:10

थेमे ईन्‍सीन थोक खाला मिओनला छक्‍के खित्‍कान्‍ते शैतानला गन्‍धकताङ मे बाराते ज्‍यीबा लाङच्‍याज्‍यीक मे धुनीमा क्‍युरसुङ। थे जन्‍तु थेमे डुगी सिर च्‍युताते बात खित्‍कान्‍ते जन्‍तुलाङ गोमाका थेमाराङ क्‍युरा ओतान। था थेबा सुमबोकी ङीन नुप नोमुङ ङा स्‍वा मेङेता खाला खपेराङ खिता मुथुप्‍च्‍येते दुक्‍पा भोगे खिनराङ देता फाप्‍क्‍यो।

छ्या स्‍ये च्‍युताते बात 20:2

थेमे थेकी थे डुकला जुम्‍गीन च्‍याकीन लो हजारज्‍यीकसाक छ्याःङ खिता मुथुप्‍स्‍यीत सिन साङलोकी ठासुङ। थे डुकचेन गोमामेई मिओनला छक्‍के खित्‍कान्‍ते रूल ईन। थे शैतान दैंता ईन।