१ पत्रुस 5:5 - जिरेल

⁵ थेमे स्‍याराते मिओनलाङ ङा च्‍यि सिते सासीन ख्‍योकोनगी दाक्‍पोन भन्‍दा छ्येकी लाःपा कोताते ङेन। थेमे दि बातचेन ङा ख्‍योकोन गाङेला सिओ। च्‍यि सासीन ख्‍योकोन सुङगीङ ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि। परमेश्‍वर बातलाङ “ङा ङाराङ ईन सिराच्‍योक खित्‍कान्‍ते मिला परमेश्‍वरगी मनराङ परे मिक्‍किओ। छ्ये मिक्‍किकान्‍ते मिलाचेन थेकी दया खिओ,” सिन साबा ओत।

१ पत्रुस 5:5 Iomraidhean Croise

लूका 22:26

तर ख्‍योकोनगीचेन थे गेल्‍बोओनगी खिताच्‍योक माकेत। ख्‍योकोन नाङ छ्येतेकी ज्‍येनला दुक्‍पा मेतेरा खाला थे खोरोङराङ ज्‍येनगी कोताते ङेन्‍कान्‍ते मि च्‍योक ओङा फाप्‍क्‍यो। थेमे ख्‍योकोन नाङ ज्‍येनला कोत्‍कान्‍ते मिकीङ सुइँदे खाम्‍बादु काम खित्‍कान्‍ते मि च्‍योक ओङला काम खिता फाप्‍क्‍यो।

रोमी 12:10

खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खितरीङ खि, ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि।

रोमी 13:14

खेराङला जे जे खिता सेम लाङगीदुक थे थेराङ माकेत। दाक्‍पोन खुशीला ख्‍याम्‍बा लेमु मेन साला बरू ख्‍योकोनगी जे खासीनोङ प्रभु येशू ख्रीष्‍टकी खित ज्‍युता चाला च्‍योक्‍तेकामा खि।

एफिसी 5:21

प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिन ङा ङाराङ ईन सिराच्‍योक मिक्‍किता खाला ख्‍योकोन दोक्‍पोईकी ज्‍येनज्‍यीक बात ङेन्‍च्‍येते खि।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

कलस्‍सी 3:12

परमेश्‍वरगी ख्‍योकोनला थे खोरोङ सन्‍तान सिन छाने खाईन ख्‍योकोन सेम खुदुक जोबा ओत, थेकी ख्‍योकोनला आउदी खाला ङिङज्‍ये खिओ। ख्‍योकोन बात दोक ईन्‍देकी ख्‍योकोनगी चुक चुक खिता फाप्‍कीते सासीन पीर फापा ओतातेबाला पीर माकेत सिन सिरा फाप्‍क्‍यो, ज्‍येनगी दुक्‍पाला ता फाप्‍क्‍यो, ङा ङाराङ ईन सिराच्‍योक खिता मेङगो, गाङेताङ खा छ्येत लेमु खिता फाप्‍क्‍यो, होत्ताराङ स्‍येदाङ खिता मेङगो,

१ तिमोथी 5:1

थेमे था चुक सासीन गान्‍दाते मिओनगी खइँदा गल्‍ती खासीन थेबाला कस्‍स्‍ये खाला माङार। बरू खोरोङ आबाला च्‍योकराङ मान खाला थेबेकी थोक खाबाते लेमु मेन सिन खोले खोले खाला सम्‍झे खाला बिन। थेमे स्‍यारातेबाला लाःपा कोता फाप्‍सीन खोरोङ आज्‍यो न्‍वाला च्‍योकराङ खाला लाःप्‍ला कोत्‍ला बिन।

हिब्रू 13:17

थेमे ज्‍येन बात खेराङला ताकान्‍ते छ्ये छ्ये मिकी साबाते ङेन, थेबे अधीनला देत। खेराङला छ्याःङ मेलेबा मेङस्‍यीत सिन थेबेकी ख्‍योकोनला तेइनराङ देत्‍क्‍यो। थेबेकी चुक चुक खाबे, च्‍यि खाबे सिन ङीमाई परमेश्‍वर दोन्‍दु गाङे हर हिसाब तेरा फाप्‍क्‍यो। ख्‍योकोनगी थेबेकी लाःपा कोताते ङेन्‍सीन खोपरोङगी खित्‍च्‍येते काम थेबाला लेमु लाला गा खिन खिओ। ख्‍योकोनगी थोक माक्‍यासीन थेबाला थे काम खिता सेम मालाङो। थेमे ख्‍योकोनला च्‍यि फाइदा ओङगीते?

याकूब 4:6

परमेश्‍वरलाकामा माने खित्‍कान्‍ते मिओनला परमेश्‍वरगी झन झन दया खिओ। दोक खिओ सिन परमेश्‍वर बातला “ङा ङाराङ ईन सिराच्‍योक खित्‍कान्‍ते मिला परमेश्‍वरगी मनराङ परे मिक्‍किओ। छ्ये मिक्‍किकान्‍ते मिलाचेन थेकी दया खिओ,” सिन साबा ओत।

१ पत्रुस 3:8

था बात च्‍यि सासीन ख्‍योकोन गाङेराङ डिक्‍ला थुन्‍ला देत। पीर फापा ओतातेबाला पीर माकेत सिन सि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। दोक्‍पोईकी ज्‍येनज्‍यीक दुक्‍पाला तो। ङा ङाराङ ईन सिराच्‍योक मिक्‍किता खाला बरू ज्‍येनला मान खि।

१ पत्रुस 4:1

थेमे ख्रीष्‍टकी मि जुनी लाकीन थोई दुक्‍पा भोगे खाबा ओताने सिन टोक मेज्‍येता खाला ख्‍योकोनगीङ थेकी च्‍योकराङ खाला दुक्‍पा भोगे खिओ सिन आँटे खाला देत। च्‍यिला सासीन दुक्‍पा भोगे खित्‍कान्‍ते मिकी पाप खिन मेदेदो।

१ पत्रुस 4:5

स्‍याप्‍तेबा थेमे सोम्‍बोराङ ओताते मि गाङेला न्‍याय खिताला ठीक ओङगीन देताते परमेश्‍वर दोन्‍दु था ङीमा लेनज्‍यीक थेबेकी खोपरोङगी खाबाते होथोक्‍ते काम बात गाङेते हर हिसाब तेरा फाप्‍क्‍यो।