१ पत्रुस 5:3 - जिरेल

³ ख्‍योकोन खेराङचेन थेबे मालिक ईन सिराच्‍योक खाला छ्ये खिता माछोल। थेबेकीङ खेराङगी च्‍योकराङ खिता लोप्‍स्‍यीत सिन लेमुते लुई गोठालेकी लुक लेमु खाईन ताबाच्‍योक खाला थेबाला लेमु खि।

१ पत्रुस 5:3 Iomraidhean Croise

यूहन्‍ना 13:15

ख्‍योकोनगीङ ङे खाबाच्‍योक खित्‍स्‍यीत सिनराङ ङे थाल्‍ला दोक खाबाते ईन। ङे ख्‍योकोनला चुक खासुङा ख्‍योकोनगीङ खेराङ नाङ थोकराङ खि।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

१ कोरिन्‍थी 11:11

बात दोक ईन्‍सीनोङ प्रभु येशूताङ जीउज्‍यीकराङ ओङाते मिओन बातराङ खिइ सासीन फेम्‍मे मि मेताला ख्‍योओ मिङ मेङगो, ख्‍योओ मि मेताला फेम्‍मे मिङ मेङगो।

१ कोरिन्‍थी 3:5

अपोल्‍लोस सु ईन्‍देरो? थेमे पावलका च्‍यि ईन्‍दे? ङ्योकोन ङिबोनी खालि प्रभु परमेश्‍वर काम खित्‍कान्‍ते मिकामा ईन। थेकी ङेराङ दाक्‍पोन दाक्‍पोनला जिम्‍मा बिन्‍दा च्‍योकराङ खाईन ङ्योकोनगी लापाते बात ङेन्‍गीन ख्‍योकोनगी येशूला विश्‍वास खासुङ।

१ कोरिन्‍थी 3:9

ङ्योकोनचेन परमेश्‍वरताङ डिक्‍ला काम खित्‍कान्‍ते ईन। थेमे ख्‍योकोनचेन परमेश्‍वर स्‍यीङ च्‍योक्‍ते ईन। दोस्‍यिककामा मेन, ख्‍योकोननी परमेश्‍वरगी जोइन ओताते खाम्‍बाराङ ईन।

२ कोरिन्‍थी 1:24

ङा ख्‍योकोनला ङे साबा च्‍योकराङ खाला येशूला विश्‍वास खिता फाप्‍क्‍यो सिन कर लै मिक्‍किओ। ख्‍योकोनगी थेला खित्‍च्‍येते विश्‍वासका ठीकराङ दुक। ङानी खालि ख्‍योकोनला लेमु ओङला ख्‍योकोनगी गा खिन देता ङेत्‍स्‍यीत सिरच्‍येते कामताङ बातकामा खिओ।

२ कोरिन्‍थी 4:5

थेमे ङ्योकोन ज्‍येनगी ङेराङला आउदी लेमु मि दुका सिरस्‍यीत सिन दि बात लोप्‍च्‍येते मेन। येशू ख्रीष्‍टराङ छ्ये ईन, थेराङ गाङेते मालिक ईन सिन ङ्योकोन मिओनला लोप्‍क्‍यो। थोक ईन्‍देकी ङ्योकोनचेन थेला मान खिन ख्‍योकोन काम खित्‍कान्‍ते मि च्‍योकराङ ईन।

फिलिप्‍पी 3:17

आज्‍यो न्‍वावे, ङाला ताला ख्‍योकोनगीङ ङे च्‍योकराङ खि। ङालाकामा ता माफाबो, ङात्ताङ ङे र्‍वाओनगी च्‍योकराङ खित्‍कान्‍ते सु सु दुका ताला थेबेकी खिता च्‍योकराङ खि।

फिलिप्‍पी 4:9

गा लाङच्‍येते बात लोप्‍जीन ङे खेराङला लापाते खेराङगी थोबाते बात ङेन्‍गीन देत। ङे चुक चुक खाबा ओताने ख्‍योकोनगीङ ङे च्‍योकराङ खि। थेमे सेमला ढुक्‍क लोङकान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

१ थिस्‍सलोनिकी 1:7

ख्‍योकोनगी थोक खाबाते थोङगीन म्‍यासिडोनियाताङ अखैये लुङबादु ओताते येशूला विश्‍वास खित्‍कान्‍ते मिओनगीङ ख्‍योकोनगी च्‍योकराङ खिता फाप्‍च्‍याक्‍वा सिन लेमु खाईन छ्या स्‍येसुङ।

२ थिस्‍सलोनिकी 3:9

ङ्योकोनगी ख्‍योकोनगीराङ ङेल्‍ला साप थुङा तेरा फाप्‍क्‍यो सिरा थुप्‍च्‍या ओतान। ईन्‍सीनोङ ख्‍योकोनगी चुक खिता फाप्‍च्‍या ईन्‍दाका सिन लोप्‍स्‍यीत सिन ङ्योकोनगी थोक दुक्‍पा खाईन काम खाबा ओतान।

१ तिमोथी 4:12

खो थोरूमोङ स्‍याराराङ ओत्‍सीनोङ थोक खाला लोप्‍जीन कोत्‍जीन दि भर्खरगी फिजेकी साबाते बादोङ च्‍यि ङेन्‍च्‍ये, दिलाङ च्‍यि छ्या ओते सिन सिरच्‍येते लाम थेबा सुङलाङ मातेर। खो स्‍याराराङ दुक सिन हेपे मिक्‍किस्‍यीत सिन खोरोङगी खाबाते ताला येशू ख्रीष्‍टला विश्‍वास खित्‍कान्‍ते मिओनगी चुक चुक खिता फाप्‍च्‍या ईन्‍दाका सिन लोप्‍स्‍यीत सिन खुई दोक दोक खि। चुक सासीन खुई काम बात जे खासीनोङ लेमु खाला खि, ज्‍येनला ङिङज्‍ये खि, जे ओङसीनोङ येशू ख्रीष्‍टला विश्‍वास खिन देत, सेमला छ्याःङ पाप मोज्‍योबा खाला काम खि,

तीतस 2:7

खोल्‍ला ताला खोपरोङगी चुक चुक खिता फाप्‍च्‍या ईन्‍दाका सिन थेबेकी लोप्‍स्‍यीत सिन जे खित्‍जीनोङ खुई लेमु खाला खि। ज्‍येनतेबाला लोप्‍जीन खुई दाक्‍पोन फाइदा छ्याःङ माताबा खाला थेमे ङा परमेश्‍वर बात लोप्‍कीन ओत सिराच्‍योक खाला होस ज्‍याक्‍ला लोप।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।