१ पत्रुस 5:2 - जिरेल

² चुक सासीन लुई गोठालेकी लुक ताप च्‍योकराङ खाला लेमु खाला तो सिन परमेश्‍वरगी खेराङ जिम्‍माला बिन्‍दाते परमेश्‍वर मिओनला लेमु खाला तो। परमेश्‍वरगी ङाला दोक खि साबेकी ङे दोक खिता करराङ लै खासुङ सिराच्‍योक माकेत, बरू गा खिन दाक्‍पोन राजी खुशीकी दि काम खाबाते ईन सिराच्‍योक खाला थेबाला लेमु खाला तो। थेमे दि काम खित्‍जीन पैसा थोई ङेत्‍कीका सिन पैसे लोभ खाला मेन्‍देकी दि काम खिता आउदी सेम ओताच्‍योक खाला काम खि।

१ पत्रुस 5:2 Iomraidhean Croise

लूका 12:32

थेमे ख्‍योकोन टिक्‍पीईराङ ओत्‍सीनोङ ज्‍यीबा माकेत। च्‍यिला सासीन ख्‍योकोन आबा परमेश्‍वरगी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओत।

शक्ति काम 20:29

च्‍यिला सासीन था ङा दुरूकी गाल्‍नामेकी लुई बगाल नाङ फारा वाला लुक सेत्‍च्‍येते थेमे छरपुट्ट ज्‍वापच्‍योक खाला कोई कोई मि वाला ख्‍योकोन गाङेला आउदी खाला दुक्‍पा बिन्‍ला येशू छ्य्‌वापेई डेला छोल्‍ग्‍यो।

शक्ति काम 21:13

ङ्योकोनगी थोक खित्‍जीन थेकी “ख्‍योकोन च्‍यिला दोक खाला ङुइन ङाला पीर लोङगीते? प्रभु येशू लाईदु ङानी यरूशलेमपा सुइँदेकी ठाइता सिननी च्‍यि थे लाईदु स्‍या फाप्‍सीनोङ नाइँ मिसिरो,” सिन सिदुक।

रोमी 1:15

दोक ईन्‍देकीराङ थुप थुपला थेपा रोम सारदु ओताते ख्‍योकोन नाङदुङ दि बात लोप ओङाला ङाला आउदी सेम लाबाते ईन।

१ कोरिन्‍थी 9:7

च्‍यि ख्‍योकोनगी सुइँदा लडाइँला डोकान्‍ते मिल्‍टेरीकी थे खोरोङ खर्च सोकीन गालाते थोङा ओत? थेमे च्‍यि अंगूर खेती खित्‍कान्‍ते मिकी थे खोरोङ स्‍यीङगी अंगूर मास्‍साओ? थोकराङ खाला च्‍यि रा लुक सोला सुइँदेकी थेबे थारा ओमा मास्‍साओतरो?

१ तिमोथी 3:3

थे छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक, गाङेताङ खा छ्येत लेमु खित्‍कानज्‍यीक, थोम्‍मु जीङगा मिक्‍किकानज्‍यीक थेमे पैसे लोभ मिक्‍किकानज्‍यीक ओङा फाप्‍क्‍यो।

१ तिमोथी 3:8

थेमे येशू ख्रीष्‍ट मिओनला ताकान्‍ते छ्येते मिओन कामला मद्धत तेरकान्‍ते मिओनोङ लेमु बानी ओताते मि ओङा फाप्‍क्‍यो। थेबाचेन च्‍येला ङि खित्‍कान्‍ते थेमे छ्याङ रक्‍सीकी जिकान्‍ते मि ओङा मेङगो। थेबा सम्‍पत्ति ज्‍वाप सिन पैसे लोभला स्‍यूक्‍कान्‍तेन्‍दे ओङा मेङगो।

तीतस 1:11

होथोक्‍ते मिओनला दोक्‍ते बात मालोप साला थेबे खा टाले खिता फाप्‍क्‍यो। च्‍यिला सासीन थेबेकी मिओनला लोपा मेङच्‍येते बात लापेकी होथेबे बात ङेन्‍गीन येशू ख्रीष्‍ट मिओन नाङ खाम्‍बा थोई थोई मिकी ङेन्‍दा फाप्‍च्‍येते बात ङेन्‍दा ताङला दुक। थेबेकीचेन छ्याःङ ङोचा मिक्‍किता खाला खालि पैसा ज्‍वाप्‍की लाईदु होथोक्‍ते बात लोप्‍च्‍येते ईन।

तीतस 1:7

दोक खाला येशू ख्रीष्‍ट मिओनला ताकान्‍ते छ्येते मिकीचेन परमेश्‍वरगी खि साबाते काम खित्‍च्‍येते ईन्‍देकी सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थोक्‍ते मि दाक्‍पोन बातलाकामा जिद्धी मिक्‍किकानज्‍यीक, होत्ता स्‍येदाङ मिक्‍किकानज्‍यीक, छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक थेमे सम्‍पत्ति ज्‍वाप सिन पैसे लोभला मुस्‍यूक्‍कानज्‍यीक ओङा फाप्‍क्‍यो।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

तीतस 3:1

थेमे ज्‍येनोङ बात थेरू येशू ख्रीष्‍ट मिओनला च्‍यि सिन लोबे सासीन लुङबादु राज्‍य खित्‍कानताङ ज्‍येन छ्ये छ्ये मि अधीनला देत्‍ला नियम कानून ङेन्‍दा फाप्‍क्‍यो थेमे लेमु काम खित्‍च्‍ये छ्य्‌वापाकामा सेम खिता फाप्‍क्‍यो सिरच्‍येते बात टोक माज्‍येत सिन सि।

फिलेमोन 1:14

ईन्‍सीनोङ खोल्‍ला माठिबाला ङाला दिला दुरू ज्‍य्‌वाबा सेम मालासुङ। खुई ङाला खइँदा मद्धत बिन्‍सीन करला फाप्‍कीन खिता फापाच्‍योक मेन्‍देकी खोरोङ राजी खुशीकी थोक खासीन ङाला गा लाङगीदुक।

हिब्रू 12:15

खेराङ सुङ खेराङला दया खित्‍कान्‍ते परमेश्‍वरताङ ठाला माफाप्‍स्‍यीत सिन ख्‍योकोन च्‍याङबो खाला देत। दोक माक्‍यासीन मेलेबा मेलेबा काम खिता सेम लाला ख्‍योकोन परमेश्‍वर छ्य्‌वापेई ठाल्‍ला डुइओ। थोक्‍ते मिकीचेन परमेश्‍वरला विश्‍वास खित्‍कान काल्‍बेईला ङ्ये ज्‍युत्‍क्‍यो।

२ पत्रुस 2:3

पैसे लोभकी खित्‍सादु थेबेकी ख्‍योकोनला मेन्‍दा मेन्‍दे बात जोला लाप्‍ला ठगे खिओ। दोक खित्‍कान्‍तेबाला परमेश्‍वरगी सजाय बिन्‍ला नरककुण्‍डमा लुक्‍यो सिन गोमाका साबा ओत। थेकी दि बात टोक ज्‍येता मेत। था थेकी होत्ताराङ थेबाला सजाय तेरग्‍यो।