१ पत्रुस 5:13 - जिरेल

¹³ बेबिलोनदु ओताते येशू ख्रीष्‍ट मिओनते ख्‍योकोनला नमस्‍ते ओत्‍लो। परमेश्‍वरगी थेबालाङ ख्‍योकोनला च्‍योकराङ खाईन छाने खाबाते ईन। मर्कूसतेङ ख्‍योकोनला नमस्‍ते ओत्‍लो। दि ङेते ङाराङ फुज्‍युङ च्‍योकराङ ईन।

१ पत्रुस 5:13 Iomraidhean Croise

शक्ति काम 12:12

दि बात मिलाम खाबाते मेन्‍दाक्‍वा सिन छ्या स्‍येनामेई थे यूहन्‍नाबे आमा मरियम खाँपा गाल्‍सुङ। यूहन्‍नालाचेन मिओनगी मर्कूस सिनोङ सिरच्‍येते खिन ओतान। थे खाम्‍बादु मि काल्‍बेई रूला परमेश्‍वरला प्रार्थना खिन ओतान।

शक्ति काम 12:25

बारनाबासताङ शावलचेन खोपरोङगी यरूशलेमदु केल वाबाते पैसा बिन्‍गीन च्‍याकीन एन्‍टिओखियामा ग्‍युरगीन गाल्‍सुङ। थेबा ङिबोकी मर्कूस सिराते यूहन्‍नालाङ थेबाताङराङ टीकीन खेरसुङ।

शक्ति काम 15:37

बारनाबासकीङ थे बात ङेन्‍सुङ। थेमे मर्कूस सिराते यूहन्‍नालाङ खोपरोङताङ खेरच्‍ये बात खासुङ।

शक्ति काम 15:39

दि बातलाराङ थेबा ङिबोते आदोराङ ठाकठाक ठोकठोक स्‍योरसुङ। थेमे थेबा ङिबो ङ्योम्‍बु मोन्‍डोओ सिन ठाल्‍सुङ। बारनाबास मर्कूसला टीकीन पानीजहाजला जेकीन साइप्रसपा गाल्‍सुङ।

कलस्‍सी 4:10

दुरू ङात्ताङराङ जेलदु ओताते अरिस्‍तार्खसते ख्‍योकोनला नमस्‍ते ओत्‍लो। थेमे बारनाबास न्‍वा फाप्‍च्‍येते मर्कूसतेङ नमस्‍ते ओत्‍लो। मर्कूसला च्‍यि सिसे थेमे थेला चुक खिता फाप्‍कीते सिन ङे ख्‍योकोनला गोमाकाराङ साकीन सिन्‍दा ओत। था थे ख्‍योकोन ओत्‍सापा वासीन थेला लेमु खि।

फिलेमोन 1:24

थोकराङ खाला दुरू ङात्ताङ डिक्‍ला गा लाङच्‍येते बात लोप्‍कान्‍ते मर्कूस, अरिस्‍तार्खस, डेमास थेमे लूकेतेङ ख्‍योकोनला नमस्‍ते ओत्‍लो।

२ यूहन्‍ना 1:1

ङा येशू ख्रीष्‍ट मिओनला ताकान्‍ते छ्येते मिज्‍यीक ईन। दि चिट्ठी ङा परमेश्‍वरगी छाने खाबाते फेम्‍मे मि खोत्ताङ खुई फुज्‍युङ फुमुला टिगीन ओत। खेकीकामा मेन्‍देकी ङा ख्‍योकोनला पक्‍काराङ ङिङज्‍ये खिओ। ङेकामा मेन, सत्‍यते परमेश्‍वरला छ्या स्‍येकान गाङेकी ख्‍योकोनला ङिङज्‍ये खिओ।

२ यूहन्‍ना 1:13

परमेश्‍वरगी छाने खाबाते खुई नुमु फुज्‍युङ फुमुकी खोल्‍ला नमस्‍ते ओत्‍लो।

छ्या स्‍ये च्‍युताते बात 17:5

थे फेम्‍मे मि टाले लाक्‍तु सजिलो खाला खोबा मुथुप्‍च्‍याज्‍यीक अर्थ ओताते मिनज्‍यीक दोक सिन टिबा ओतान। च्‍यि सासीन “दि जोदाते सार बेबिलोन ईन। दि सा लुङबा खाङ रन्‍डीबाजीताङ होदि च्‍योक्‍ते खिता मेङच्‍येते काम खित्‍कान्‍ते थेमे आउदी मेलेबा मेलेबा काम खित्‍कान्‍तेबे आमा दिराङ ईन” सिन टिबा ओतान।

छ्या स्‍ये च्‍युताते बात 18:2

थेमे थेकी आउदी कस्‍स्‍ये खाला छेरा खिन “था खतम गाल्‍सुङ, थे जोदाते सार बेबिलोन खतम गाल्‍सुङ। था थेरू ओताते जति ल्‍हन्‍डीक स्‍यिन्‍डीप थेमे परमेश्‍वरला चले मिक्‍किच्‍येते छ्योज्‍युङमाओनकामा देत्‍क्‍यो।