१ पत्रुस 5:12 - जिरेल

¹² दि चिट्ठी ङे सिल्‍वानसला टिक च्‍युताते ईन। सिल्‍वानसचेन खिओ साबा च्‍योकराङ खित्‍कान्‍ते मि ईन। दि ङेते ङाराङ न्‍वा च्‍योकराङ ईन। जति दुक्‍पा ओङजीनोङ ख्‍योकोन सेम मेसेता खाला देत्‍स्‍यीत सिन आँट तेराला थेमे परमेश्‍वरगी पक्‍काराङ दया खिओ सिन ख्‍योकोनगी लेमु खाला छ्या स्‍येस्‍यीत सिन ङे थुम्‍मी खाईन दि चिट्ठी टिबाते ईन। परमेश्‍वरगी खेराङला दया खिनराङ देत्‍स्‍यीत सिन थेला माने खिन देता मातोङ।

१ पत्रुस 5:12 Iomraidhean Croise

यूहन्‍ना 21:21

पत्रुसकी थे तिङ ङ्याला ओङगीन ओता थोङगीन येशूला “प्रभु, उथेलाचेन तिरी चुक ओङोङा याङ?” सिन सिदुक।

शक्ति काम 11:23

थे एन्‍टिओखियादु लेप्‍ला ताजीन परमेश्‍वरगी थेरू मिओनलाङ दया खाईन थे खोरोङ छ्य्‌वापा लै खित्‍च्‍येते मौका बिन्‍दा थोङगीन थेला आउदी गा लासुङ। थेमे थेकी “जस्‍तोराङ ओङसीनोङ ख्‍योकोनगी प्रभु येशूला विश्‍वास खिता नोमुङ मातोङ,” सिन थेबाला आँट बिन्‍सुङ।

शक्ति काम 15:22

याकूबकी थोक सानामेकी थेरू येशू ख्रीष्‍टकी खटे खाबाते मिओन, येशू ख्रीष्‍ट मिओनला ताकान्‍तेबा थेमे येशू ख्रीष्‍ट मि गाङेकी थे बात ङेन्‍गीन “लो था ङुरूङगी ङुरूङ नाङदुई कोई कोईला छाने खाला च्‍याला पावल थेमे बारनाबासताङराङ एन्‍टिओखियापा तोङगी,” सिन सल्‍लाह खासुङ। थेमे खोपरोङ नाङदुई बारसाबास सिराते यहूदाताङ सिलासला छाने खासुङ। थेबा ङिबोचेन थेरू खोपरोङ नाङ छ्येते मि ओतान।

शक्ति काम 20:24

थोक दुक्‍पा ओङजीन स्‍याराङ फाप्‍सीनोङ ङाला छ्याःङ ज्‍यीबा मेत। ङाराङ सोन सोनसाक ङे खिता फाप्‍च्‍येते कामचेन परमेश्‍वरगी मिओनला दया खिओ सिरच्‍येते गा लाङच्‍येते बात गाङेला लोप्‍च्‍येते ईन। थोक खाला प्रभु येशूकी खि साबाते काम ङे पूरो खिताराङ फाप्‍क्‍यो।

रोमी 5:2

थेकी खित्‍सादुराङ परमेश्‍वरगी थे खोरोङला विश्‍वास खित्‍कान ङुरूङला दया खाईन थे खोरोङताङ डिक च्‍युताते ईन। था थेकी ङुरूङला दया खिता नोमुङ मोतोङो। दोक ईन्‍देकी थाचेन परमेश्‍वरगी ङुरूङला मान बिन्‍ला थे खोरोङगी ज्‍वा चाला च्‍योकराङ लेमु जोइओ साबाते बात ङुरूङगी आश खाईन गुकीन देता च्‍योकराङ खिओ सिन गा खिन देता थुप्‍क्‍यो।

१ कोरिन्‍थी 15:1

आज्‍यो न्‍वावे, ख्‍योकोनला ठेम्‍बा लोङाला ङा थरिङोङ ङे ख्‍योकोनला गोमाका लापाते गा लाङच्‍येते बातराङ सिन ओत। थेजीन ङे ख्‍योकोनला लापाते बात ख्‍योकोनगी ङेन्‍सुङ। थेमे थे सत्‍यते बात ईन सिन ख्‍योकोनगी थोरूमसाक ङेन्‍दा ताङा मिन्‍दुक।

२ कोरिन्‍थी 1:19

च्‍यिला सासीन सिल्‍वानस, तिमोथी थेमे ङे ख्‍योकोनला छ्या स्‍येबा खाईन बिन्‍दाते परमेश्‍वर फुज्‍युङ येशू ख्रीष्‍टचेन साँचोतेङ मेन्‍दातेङ परी ङि बात खित्‍कान्‍ते मेन। थे खालि साँचोते बातकामा खित्‍कान्‍ते ईन।

२ कोरिन्‍थी 1:24

ङा ख्‍योकोनला ङे साबा च्‍योकराङ खाला येशूला विश्‍वास खिता फाप्‍क्‍यो सिन कर लै मिक्‍किओ। ख्‍योकोनगी थेला खित्‍च्‍येते विश्‍वासका ठीकराङ दुक। ङानी खालि ख्‍योकोनला लेमु ओङला ख्‍योकोनगी गा खिन देता ङेत्‍स्‍यीत सिरच्‍येते कामताङ बातकामा खिओ।

एफिसी 3:3

च्‍यि सासीन गोमा सुङलाङ छ्या स्‍ये च्‍युता मेताते बात च्‍यि ईन्‍दे सिन परमेश्‍वर थे खोरोङगीराङ ङाला छ्या स्‍ये च्‍युत्‍कीन बिन्‍सुङ। थे बात च्‍यि ईन्‍दे सिन ङे थुम्‍मी खाईन दि चिट्ठीला आनाङ भर्खर टिकीन सिन्‍दा ओत।

एफिसी 6:21

ज्‍येन बात च्‍यि सासीन ङा चुक दुका, च्‍यि खिन दुका सिन था न्‍वा टाइकिकसकी ख्‍योकोनला गाङे लाःप्‍क्‍यो। दिला ङा ङिङज्‍ये खिओ। दिङ प्रभु ख्रीष्‍ट काम खित्‍कान्‍ते मिराङ ईन। दि थे काम आउदी लेमु खाला खित्‍कान्‍ते मि ईन।

कलस्‍सी 1:7

गा लाङच्‍येते बात ख्‍योकोनला इपाफ्रासकी लापाते ईन सिन ङ्योकोनगी सिरा माफाप्‍तासीन। इपाफ्रासला ङ्योकोन ङिङज्‍ये खिओ। दिङ ङ्योकोन च्‍योकराङ ख्रीष्‍टकी काम खित्‍कान्‍ते मि ईन। ङ्योकोन साटोला दिकी खिता फापा च्‍योकराङ खाला ख्‍योकोन नाङ ख्रीष्‍टकी काम खिन दुक।

कलस्‍सी 4:7

ज्‍येन बात च्‍यि सासीन ङिङज्‍येते न्‍वा टाइकिकसकी थेपा लेप्‍नामेई ख्‍योकोनला ङे बात गाङे लाःप्‍क्‍यो। दिकी खिता फापा च्‍योकराङ खाला प्रभु येशू काम खिन ओत। दिङ ङा च्‍योकराङ प्रभु येशू काम खित्‍कान्‍ते मि ईन।

कलस्‍सी 4:9

ङे दित्ताङराङ खेराङ युलगी मि ओनेसिमसलाङ ताङा ओत। दिङ दोक्‍पोई येशू ख्रीष्‍टला लेमु खाला विश्‍वास खित्‍कान्‍ते ङुरूङ ङिङज्‍येते न्‍वाराङ ईन। दुरू च्‍यि च्‍यि ओङसुङा, बात चुक दुका सिन दिबा ङिबोकी ख्‍योकोनला गाङे लेमु खाला लाःप्‍क्‍यो।

१ थिस्‍सलोनिकी 1:1

दि चिट्ठीचेन ङ्योकोन पावल, सिल्‍वानसताङ तिमोथी डिक्‍ला ख्‍योकोन थिस्‍सलोनिका सारदु जम्‍मा ओङकान्‍ते येशू ख्रीष्‍ट मिओनला टिगीन ओत। ख्‍योकोनचेन आबा परमेश्‍वर थेमे प्रभु येशू ख्रीष्‍टताङ जीउज्‍यीकराङ ओङाते मि ईन। आबा परमेश्‍वरताङ प्रभु येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत।

२ थिस्‍सलोनिकी 1:1

दि चिट्ठीचेन ङ्योकोन पावल, सिल्‍वानसताङ तिमोथी डिक्‍ला ख्‍योकोन थिस्‍सलोनिका सारदु जम्‍मा ओङकान्‍ते येशू ख्रीष्‍ट मिओनला टिगीन ओत। ख्‍योकोनचेन ङुरूङ आबा परमेश्‍वर थेमे प्रभु येशू ख्रीष्‍टताङ जीउज्‍यीकराङ ओङाते मि ईन।

हिब्रू 13:22

थेमे आज्‍यो न्‍वावे, दि चिट्ठीला ङे काल्‍बा बात टिबा मेत। ईन्‍सीनोङ खेराङगी चुक खिता फाप्‍कीते, च्‍यि खिता फाप्‍कीते सिन दुरू टिबाते बातबरी ख्‍योकोनगी स्‍येदाङ मिक्‍किता खाला लेमु खाला ङेन सिन ङा बिन्‍ती खिओ।

१ पत्रुस 1:13

परमेश्‍वरगी ख्‍योकोनला दोक लेमु खाबा ओतेकी था ख्‍योकोनगी थेकी खि साबाते काम खित्‍च्‍ये छ्य्‌वापाकामा स्‍येत खि। दाक्‍पोन सेम काबूला स्‍योक। थेमे येशू ख्रीष्‍ट ग्‍युरला ओङे छोमु परमेश्‍वरगी ख्‍योकोनला दया खाला पूरो खाला पापदुकी टाल्‍ला लेमु खिओ साबाते पक्‍काराङ खिओ सिन खेराङगी आश खाईन देता च्‍योकराङ ओङगो सिन टोक माज्‍येत।

१ पत्रुस 4:10

परमेश्‍वरगी ङुरूङ गाङेला खुदुक खुदुकते सीपताङ शक्ति बिन्‍दा ओत। थेकी दाक्‍पोनला जे खित्‍च्‍येते सीपताङ शक्ति बिन्‍ला दुक थे छ्य्‌वापेई ज्‍येनला लेमु ओङच्‍येते काम खि।

२ पत्रुस 1:12

ईन्‍दाका दि बातओन ख्‍योकोनला लेमुराङ खाला छ्या ओत। थेमे दि सत्‍यते बात ईन सिन ख्‍योकोनगी छ्याःङ शंका मिक्‍किता खाला ङेन्‍गीनोङ दुक। ईन्‍सीनोङ ङाला दि बातओन ख्‍योकोनला याङ याङ दोरे खाला सिरा सेम लाङगीदुक।

२ पत्रुस 2:15

थेबा लेमु काम खिता ताङगीन खोपरोङ लामला ख्‍याम्‍ला दुक। थेबाचेन थाङबो बओर फुज्‍युङ बालामगी खाबा च्‍योकराङ खिन दुक। पैसे लोभ खाईन बालामचेन मेलेबा काम खिताला अघि सरे खाबा ओतान।

३ यूहन्‍ना 1:12

डेमेत्रियसकीचेन लेमु कामकामा खिदुक सिन मि गाङेकी बात खिदुक। थेकी खाबाते काम ताला थे सत्‍यते बात ङेन्‍ला थेरू खि साबा च्‍योकराङ खित्‍कान्‍ते मि ईन सिन छ्या स्‍येकीदुक। ङ्योकोनोङ थे लेमु मि ईन सिन सिओ। ङ्योकोन मेन्‍दाते बात मिक्‍किओ सिन खोल्‍ला छ्याराङ ओत।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।